လံာ်စီၤပၤအခီၣ်ထံးတဘ့ၣ် 21:27 - Sgaw Karen Common Bible

²⁷ တုၤစီၤအ့ၤလံယၤကတိၤတၢ်ဝံၤန့ၣ်, စီၤအၤဃာ်ဖှီယာ်ကွံာ်အကူ အသိးတဖၣ်, ဘ့ၣ်လီၤကွံာ်အီၤဒီးကူထီၣ်ကၤထီၣ်ဆ့ကၤထၢၣ်တၢ်ကံးယာ်န့ၣ် လီၤ. အဝဲဂ့ၢ်လိာ်လၢကအီၣ်တၢ်, မံလီၤလၢထၢၣ်တၢ်ကံးယာ်အပူၤဒီးအိၣ် ဝဲဒၣ်လၢတၢ်သူၣ်အုးသးအုးဒီးတၢ်သူၣ်လီၤဘှံးသးလီၤတီၤ အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:27 Iomraidhean Croise

လံာ်တၢ်ကဲထီၣ်အခီၣ်ထံး 37:34

စီၤယၤကိာ်ဖှီကွံာ်အဆ့တဖၣ်လၢတၢ်သူၣ်အုးသးအုးအပူၤဒီးကၤ ထီၣ်ဝဲထၢၣ်တၢ်ကံးယာ်လီၤ. အဝဲသူၣ်အုးသးအုးလၢအဖိခွါအဃိအါနံၤအါသီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:31

အန့ၣ်ဝံၤဒီးစီၤဒၤဝံးဟ့ၣ်လီၤအကလုၢ်လၢစီၤယိၤအာ်ဒီးအပှၤ တဖၣ်ကဖှီယာ်အကူအသိးတဖၣ်ဒီးကၤထီၣ်ထၢၣ်ကံးယာ်ဒီးဟီၣ်တၢ် ယၢၤတၢ်လၢစီၤအဘံန့ၢ်အဂီၢ်န့ၣ်လီၤ. ဒီးလၢတၢ်လဲၤခူၣ်လီၤအကတီၢ်န့ၣ်, စီၤပၤစီၤဒၤဝံးအနီၢ်ကစၢ်ဒၣ်ဝဲဟးလၢကျုာ်အလီၢ်ခံန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:28

ယွၤစံးဘၣ်ဝံအ့ၤလံယၤ,

လံာ်စီၤပၤခံဘ့ၣ်တဘ့ၣ် 18:37

ဝံၤဒီးစီၤအ့ၤလယါကံၣ်, စီၤၡ့ၤဘနၤဒီးစီၤယိၤအၤတဖၣ်ဖှီ ယာ်အဆ့ကူအသိးတဖၣ်လၢတၢ်သူၣ်အုးသးအုးအပူၤဒီးလဲၤဒီးတဲ ဘၣ်စီၤပၤတၢ်လၢကီၢ်အၤၡူၢ်အသုးခိၣ်စံးတ့ၢ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:1

တုၤစီၤဃံးစကံယၤနၢ်ဟူအဝဲသ့ၣ်အတၢ်ပာ်ဖျါထီၣ်တဘျီဃီန့ၣ်, အဝဲဖှီယာ်အဆ့တဖၣ်လၢတၢ်သူၣ်အုးသးအုးအပူၤ, ကၤထီၣ်ဆ့ကၤထၢၣ်တၢ်ကံးညာ်, ဒီးလဲၤဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 6:30

တုၤစီၤပၤနၢ်ဟူဘၣ်တၢ်အံၤန့ၣ်, အဝဲဖှီအကူအသိးတဖၣ်လၢတၢ် ကမၢကမၣ်အပူၤ, ဒီးပှၤဂီၢ်မုၢ်လၢအအိၣ်ဘူးဒီးဝ့ၢ်ခိၣ်ဒူန့ၣ်ထံၣ်ဘၣ်ဝဲသ့ လၢအဝဲကူကၤထၢၣ်တၢ်ကံးယၣ်လၢအဆ့ကၤလၢအဖီလာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:16

စီၤဒၤဝံးထံၣ်တ့ၢ်ကလူးန့ၣ်ဂဲၤဆၢထၢၣ်လၢမူခိၣ်ဒီးဟီၣ်ခိၣ် အဘၢၣ်စၢၤ, စိာ်ဒီးနးလၢအစုပူၤ, အိၣ်ကတဲာ်ကတီၤအသးလၢကမၤဟးဂီၤဝ့ၢ်ယရူၤၡလ့ၣ်န့ၣ်လီၤ. တုၤနုၤတစုစီၤဒၤဝံးဒီးပှၤဂီၢ်မုၢ်အခိၣ်အနၢ်တဖၣ်, အဝဲသ့ၣ်ကိးဂၤဒဲးကူသိးဝဲထၢၣ်တၢ်ကံးယာ်ဒီး, သကုးလီၤအသးအိၣ်ဒီးအမဲာ်သၣ်တဖၣ်လၢအကျးလီၤအသးလၢဟီၣ်ခိၣ် လိၤန့ၣ်လီၤ.

လံာ်စီၤယိၤဘး 16:15

ယဟီၣ်လၢတၢ်သးအုးအဃိဒီးကူထီၣ်သိးထီၣ်ထၢၣ်တၢ်ကံး ညာ်အဆ့ကၤဒီးဆ့ၣ်နီၤဖဲအံၤလၢဖၣ်ဆါအကျါလၢတၢ်ဃၣ် ကွံာ်အပူၤန့ၣ်လီၤ.

လံာ်တၢ်ဟးထီၣ်ကွံာ် 33:4

ဖဲပှၤဂီၢ်မုၢ်နၢ်ဟူတၢ်အံၤဒီးအဝဲသ့ၣ်စးထီၣ်သူၣ်အုးသးအုး ဒီးတကယၢကယဲလၢၤအသးဒီးတၢ်မျၢ်လုၢ်ဒိၣ်ပှ့ၤဒိၣ်လၢၤဘၣ်န့ၣ်လီၤ.

လံာ်ယၡါယၤ 22:12

ယွၤစိဒိၣ်ကမီၤထီ, သ့တၢ်လၢာ်ကစၢ်ကိးထီၣ်တ့ၢ်လံသုလၢ သုကဟီၣ်တၢ်ယၢၤတၢ်ဒီးသူၣ်အုးသးအုး, လၢသုကလူၤသု ခိၣ်တဖၣ်ဒီးကူထီၣ်ကၤထီၣ်ထၢၣ်တၢ်ကံးယာ်လီၤ.

လံာ်ယၡါယၤ 38:15

ယစံးမနုၤကသ့လဲၣ်. ယွၤမၤတ့ၢ်တၢ်အံၤလီၤ. ယသးခၣ်ဝဲဒီးယမံတန့ၢ်ဘၣ်.

လံာ်ယံးရမံယၤ 36:24

ဘၣ်ဆၣ်ဒီး, စီၤပၤမ့ၢ်ဂ့ၤ, အပဒိၣ်ပပှၢ်ခဲလၢာ်မ့ၢ်ဂ့ၤလၢ အနၢ်ဟူ တ့ၢ်တၢ်အံၤန့ၣ်, တပျံၤတၢ်မ့ၢ်ဂ့ၤ, တဒုးနဲၣ်ဘၣ်တၢ်သူၣ်အုး သးအုးအပနီၣ်မ့ၢ်ဂ့ၤနီတဂၤဘၣ်.

လံာ်ယိၤအ့လး 1:13

ပှၤလုၢ်တၢ်အခိၣ်လၢအမၤတၢ်လၢတၢ်လုၢ်လီၢ်သ့ၣ်ဧၢ, ကူထီၣ်သိးထီၣ်တၢ်သူၣ်အုးသးအုးအဆ့ကၤဒီးဟီၣ်တက့ၢ်. လဲၤနုာ်ဆူယွၤအတၢ်လုၢ်ဟံၣ်ပူၤဒီးသူၣ်အုးသးအုးသီတနၤ ကျၢၤတက့ၢ်. ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤ ဆူသုကစၢ်ယွၤအအိၣ်န့ၣ်ဘၣ်.

လံာ်ယိၤနါ 3:10

ကစၢ်ယွၤထံၣ်တၢ်လၢအဝဲသ့ၣ်မၤဝဲ, ထံၣ်ဝဲလၢအဝဲသ့ၣ်ညိကွံာ်အသးလၢအကျဲအအၢအသီန့ၣ်လီၤ. အန့ၣ်ဒီးအဝဲလဲလိာ်ကွံာ်အတၢ်ပာ်လီၤ အသးဒီးတစံၣ်ညီၣ်ဘၣ်အဝဲသ့ၣ်ဒ်အစံးတ့ၢ်လၢကမၤဝဲအသိးန့ၣ် ဘၣ်.

လံာ်ယိၤနါ 3:6

တုၤဝ့ၢ်နံၤနဝ့အစီၤပၤနၢ်ဟူတၢ်ကစီၣ်န့ၣ်, အဝဲဒၣ်ဂဲၤဆၢထၢၣ်လၢအလီၢ်ပစိာ်, ဘ့ၣ်လီၤကွံာ်စီၤပၤအကူအ သိး, ဒီးသိးထီၣ်ဝဲဆ့ကၤထၢၣ်သွ့, ဒီးဆ့ၣ်နီၤဝဲလၢဖၣ်ဆါအကျါန့ၣ်လီၤ.

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”