လံာ်စီၤပၤအခီၣ်ထံးတဘ့ၣ် 21:26 - Sgaw Karen Common Bible

²⁶ အဝဲမၤတ့ၢ်တၢ်ဒဲးဘးတဖၣ်လၢအလီၤမဲာ်ဆှးအဒိၣ်ကတၢၢ်ခီဖျိတၢ် ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်ဒ်ပှၤအမိၢ်ဖိတဖၣ်လၢယွၤ ဟီထီၣ်ကွံာ်တ့ၢ်အီၤလၢကီၢ်ပူၤဖဲကီၢ်အံၣ်စရ့လးအပှၤဂီၢ်မုၢ်တဖၣ် ဟဲထီၣ်ဒုးတၢ်အခါမၤတ့ၢ်ဝဲအသိးန့ၣ်လီၤ.)

လံာ်စီၤပၤအခီၣ်ထံးတဘ့ၣ် 21:26 Iomraidhean Croise

လံာ်တၢ်ကဲထီၣ်အခီၣ်ထံး 15:16

တချုးလၢနစၢၤနသွဲၣ်တဖၣ်ဟဲက့ၤဆူအံၤန့ၣ်ကအိၣ်ဝဲလွံၢ်စိၤ လီၤ. အဂ့ၢ်ဒ်အံၤ, ယတနီၣ်ထီၣ်ဟီထီၣ်ကွံာ်ပှၤအမိၢ်ဖိတဖၣ်တချုးဒံး ဘၣ်လၢအဝဲသ့ၣ်အၢထီၣ်သီထီၣ်ဒိၣ်ဒိၣ်ကလဲာ်တုၤအကဘၣ်တၢ်စံၣ်ညီၣ် အီၤန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 15:12

လၢထံကီၢ်အပူၤန့ၣ်အဝဲဟီထီၣ်ကွံာ်ကယဲၢ်ပှၤဃဲသဲမုၣ်ပိာ်ခွါ ဒီးပိာ်မုၣ်တဖၣ်လၢအမၤတၢ်ဖဲပှၤတစူၢ်တနာ်ယွၤအတၢ်ဘါလီၢ်တဖၣ် ဒီးအဝဲသုးကွံာ်ကယဲၢ်တၢ်ဂီၤတၢ်ဖီၣ်တဖၣ်လၢပှၤလၢအဝဲအမဲာ်ညါ တဖၣ်မၤထီၣ်တ့ၢ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:18

စီၤအ့ၤလံယၤစံးဆၢအီၤ, “ယတမ့ၢ်ဘၣ်ပှၤမၤကိၢ်မၤဂီၤတၢ် ဘၣ်. မ့ၢ်သုဝဲ, နၤဒီးနပၢ်တခီန့ၣ်လီၤ. သုတစူၢ်ဘၣ်ယွၤအတၢ်မၤ လိာ်တဖၣ်ဘၣ်ဒီးသုဘူၣ်ထီၣ်ဘါထီၣ်ဘဧၤလးအတၢ်ဂီၤတၢ်ဖီၣ်တဖၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:3

ဒီးပိာ်ထွဲကီၢ်အံၣ်စရ့လးအစီၤပၤတဖၣ်အဒိအတဲာ်အခံန့ၣ်လီၤ. အဝဲလုၢ်ထီၣ်ဒၣ်လဲာ်အဖိခွါဒၣ်ဝဲဒ်တၢ်လုၢ်မ့ၣ်အူတမံၤဆူ တၢ်ဂီၤတၢ်ဖီၣ်တဖၣ်, မၤဒိးလုၢ်လၢ်လီၤသးဘၣ်အၢလၢပှၤဂီၢ်မုၢ် မၤတ့ၢ်ဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢထံဧိၤကီၢ်ဧိၤအပူၤ ဖဲပှၤအံၣ်စရ့လးဖိတဖၣ်ဟဲထီၣ်ဒုးတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:12

ဒီးတစူၢ်ဘၣ်ယွၤအတၢ်မၤလိာ်လၢအမ့ၢ်, တၢ်တဘၣ်ဘူၣ်ထီၣ်ဘါထီၣ် တၢ်ဂီၤတၢ်ဖီၣ်ဘၣ်, န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:11

“စီၤပၤမနၤၡ့ၤမၤတ့ၢ်တၢ်လီၤသးဘၣ်အၢတဖၣ်အံၤ, တၢ်တဖၣ်လၢအအၢဒိၣ်န့ၢ်ဒံးတၢ်လၢပှၤကနၤဧၣ်ဖိတဖၣ်မၤတ့ၢ်အီၤ န့ၣ်လီၤ. ခီဖျိအတၢ်ဂီၤတၢ်ဖီၣ်တဖၣ်အံၤန့ၣ်အဝဲဆှၢဃီၤကီၢ်ယူဒၤအပှၤ ဂီၢ်မုၢ်ဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:2

စီၤမနၤၡ့ၤမၤတၢ်ဒဲးဘးထီဒါယွၤ, ခီဖျိတၢ်ပိာ်ထွဲပှၤ ကလုာ်တဖၣ်အတၢ်မၤလၢအလီၤသးဘၣ်အၢတဖၣ်အခံ, ပှၤတဖၣ်လၢယွၤဟီထီၣ်ကွံာ်တ့ၢ်အီၤလၢကီၢ်ဖဲအဝဲအပှၤဂီၢ်မုၢ် ဟဲထီၣ်ဒုးတၢ်အခါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:8

တုၤစီၤပၤအၤစါနၢ်ဟူဝံအတၢ်စံးပာ်လၢစီၤဧိၤဒ့းအဖိခွါ စီၤဧစၤရယၤစံးဝဲန့ၣ်, အဝဲအဂံၢ်အဘါဘၣ်တၢ်ဒုးဆူၣ်ထီၣ်အီၤန့ၣ်လီၤ. အဝဲသုးကွံာ်ကယဲၢ်တၢ်ဂီၤတၢ်ဖီၣ်တဖၣ်လၢယူဒၤဒီးဘံၣ်ယၤမံၣ် အကီၢ်ပူၤ, ဒီးကယဲၢ်တၢ်ဂီၤတၢ်ဖီၣ်ခဲလၢာ်လၢဝ့ၢ်တဖၣ်လၢအဝဲမၤန့ၢ်တ့ၢ် ဝဲ, လၢအ့ဖရဲၣ်အကစၢၢ်ကလိတဖၣ်အလိၤန့ၣ်လီၤ. အဝဲဘှီဂ့ၤထီၣ်က့ၤစ့ၢ်ကီးယွၤအတၢ်လုၢ် လီၢ်လၢအအိၣ်ဆၢထၢၣ်ဖဲယွၤအတၢ်လုၢ်ဟံၣ်အဂၢၤပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:2

စီၤမနၤၡ့ၤမၤတ့ၢ်တၢ်လီၤသးဘၣ်အၢအတၢ်မၤတဖၣ်ဒီးမၤတၢ်ဒဲး ဘးထီဒါယွၤ, ဒ်ပှၤကလုာ်တဖၣ်လၢယွၤဟီထီၣ်ကွံာ်တ့ၢ်အီၤလၢကီၢ်ပူၤဖဲ အပှၤဂီၢ်မုၢ်ဟဲနုာ်ဝဲ, မၤတ့ၢ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:9

စီၤမနၤၡ့ၤဆှၢဃီၤကီၢ်ယူဒၤအပှၤဂီၢ်မုၢ်, ဒ်သိးကမၤတၢ်ဒဲးဘးဒိၣ်န့ၢ်အါန့ၢ်ဒံးဒၣ်လဲာ်ပှၤကလုာ်တဖၣ်လၢ ယွၤမၤဟးဂီၤအီၤလၢကီၢ်ပူၤဖဲအဝဲအပှၤဂီၢ်မုၢ်ဟဲနုာ်, မၤတ့ၢ်လံဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:14

အါန့ၢ်အန့ၣ်ကီၢ်ယူဒၤအခိၣ်အနၢ်တဖၣ်, ပှၤလုၢ်တၢ်အခိၣ်တဖၣ်ဒီး ပှၤဂီၢ်မုၢ်, ပိာ်ထွဲပှၤကလုာ်လၢအအိၣ်ဝးတရံးအဝဲသ့ၣ်အတၢ်မၤဒဲးဘးအဒိ အတဲာ်တဖၣ်အခံ, ခီဖျိတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ဒီးလၢတၢ်န့ၣ်အဃိအဝဲသ့ၣ်မၤဘၣ်အၢယွၤအတၢ်လုၢ်ဟံၣ်လၢယွၤ အနီၢ်ကစၢ်ဒၣ်ဝဲပာ်ကဆှီတ့ၢ်ဝဲန့ၣ်လီၤ.

လံာ်ယၡါယၤ 65:4

လၢမုၢ်နၤခီအဆၢကတီၢ်န့ၣ်အဝဲသ့ၣ်လဲၤဆူလၢၢ်ကအိပူၤတဖၣ် ဒီးတၢ်သွၣ်ခိၣ်ပူၤတဖၣ်ဒ်သိးကဃ့တၢ်ဟ့ၣ်ကူၣ်လၢပှၤသံအကလၤ တဖၣ်အအိၣ်န့ၣ်လီၤ. အဝဲသ့ၣ်အီၣ်ထိးညၣ်, ဒီးအီကသူထံလၢအဘၣ်တၢ်ဖီအီၤလၢ တၢ်ညၣ်လၢအဘၣ်တၢ်လုၢ်ထီၣ်တ့ၢ်အီၤလၢပှၤတစူၢ်တနာ်ယွၤ အတၢ်လုၢ်တၢ်ပာ်တဖၣ်အပူၤန့ၣ်လီၤ.

လံာ်ယံးရမံယၤ 16:18

ယကမၢအဝဲသ့ၣ်ဟ့ၣ်က့ၤတၢ်အပှ့ၤခံစး လၢအဝဲသ့ၣ်အတၢ်ဒဲးဘး ဒီးအတၢ်တတီတလိၤအဂီၢ်, မ့ၢ်လၢအဝဲသ့ၣ်မၤဘၣ်အၢဘၣ်သီ တ့ၢ်ယကီၢ်လၢတၢ်ဂီၤတၢ်ဖီၣ်တဖၣ်လၢအတၢ်မူတအိၣ်ဘၣ်ဒ်ပှၤ အစိၣ်တဖၣ်အသိး, ဒီးမၤပှဲၤအီၤဒီးအဝဲသ့ၣ်အကစၢ် ကဘျံးကဘျၣ်တဖၣ်အဃိန့ၣ်လီၤ.”

လံာ်ယံးရမံယၤ 44:4

ယဆှၢန့ၢ် သုယခ့ယပှၤဝံတဖၣ် တပယူာ်ဃီ, လၢအစံးဘၣ်တဲဘၣ်တ့ၢ်သုလၢ, သုတဘၣ်မၤတၢ်လီၤပျံၤလီၤဖုးတမံၤအံၤလၢယသးဟ့အီၤ, တဂ့ၤန့ၣ်လီၤ.

လံာ်ယဃ့းစက့လး 16:47

မ့ၢ်နသးမံတ့ၢ်လၢနကပိာ်အဝဲသ့ၣ်အခီၣ်လီၢ်တဖၣ်ဒီးမၤဒီး အဝဲသ့ၣ်အတၢ်မၤတဖၣ်လၢအလီၤသးဘၣ်အၢန့ၣ်ဧါ. တမ့ၢ်ဘၣ်လၢတစိၢ်ဖိအတီၢ်ပူၤဒၣ်လဲာ်န့ၣ်, နအိၣ်မူအၢန့ၢ်ဒံးအဝဲသ့ၣ်လၢတၢ်ခဲလၢာ်လၢနမၤတ့ၢ်အီၤ အပူၤန့ၣ်လီၤ.

လံာ်ယဃ့းစက့လး 18:12

အဝဲလီန့ၢ်ပှၤဖှီၣ်ဖိယာ်ဖိတဖၣ်, အဝဲဂုာ်ဆူၣ်တၢ်, အဝဲဟံးန့ၢ်ကွံာ်တၢ်လၢပှၤလၢအဃ့လိၢ်တၢ်တဂၤဟ့ၣ်အီၤဒ်တၢ်ဟ့ၣ် ကီၤအသိးန့ၣ်လီၤ. အဝဲလဲၤဆူပှၤတစူၢ်တနာ်ယွၤအတၢ်ဘါလီၢ်တဖၣ်, ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ.

လံာ်သိၣ်လီၤသီလီၤတၢ် 12:31

ဘူၣ်ထီၣ်ဘါထီၣ်ယွၤသုကစၢ်ယွၤလၢကျဲတဘိဃီဒ်အဝဲသ့ၣ်ဘါထီၣ် အကစၢ်တဖၣ်အသိးန့ၣ်တဂ့ၤ. အဂ့ၢ်ဒ်အံၤ, လၢအဝဲသ့ၣ်အတၢ်ဘါထီၣ်အကစၢ်တဖၣ်အပူၤန့ၣ်, အဝဲသ့ၣ်မၤတၢ်သးဘၣ်အၢတဖၣ်လၢယွၤသးဟ့ဝဲန့ၣ်လီၤ. အဝဲသ့ၣ်လုၢ်ထီၣ်ဒၣ်လဲာ်အဖိတဖၣ်လၢမ့ၣ်အူအပူၤလၢတၢ်လုၢ်လီၢ် တဖၣ်အဖီခိၣ်န့ၣ်လီၤ.

လံာ်စီၤယိၤၡူ 23:9

ယွၤနီၣ်ထီၣ်ဟီထီၣ်ကွံာ်ပှၤကလုာ်ဖး ဒိၣ်ဒီးပှၤကလုာ်လၢအဂံၢ်ဆူၣ်တဖၣ်လၢသုမဲာ်ညါဒီးမ့မ့ၢ် လၢသုဝဲသ့ၣ်အဂီၢ်န့ၣ်, ပှၤဆၢထၢၣ်ပၢၢ်ဆၢသုသ့တုၤမုၢ်မဆါတနံၤအံၤတအိၣ်နီတဂၤဘၣ်န့ၣ်လီၤ.

၁ ပ့းတရူး 4:3

သုမၤလၢာ်တ့ၢ်တၢ်ဆၢကတီၢ်လၢအပူၤကွံာ်ခီဖျိသုမၤ တၢ်လၢပှၤတသ့ၣ်ညါယွၤတဖၣ်သးအိၣ်မၤဝဲန့ၣ်လီၤ. သုတၢ်အိၣ်မူဘၣ်တၢ်မၤလၢာ်အီၤလၢတၢ်တဆဲးတလၤ, တၢ်သးကတၢ, တၢ်အီမူၤအီဘှီးသး, တၢ်အီသံးဂဲၤ ကလံာ်တဖၣ်, တၢ်အီသံးအမူးတဖၣ်, ဒီးတၢ်လီၤသးဘၣ်အၢလၢတၢ်ဘါထီၣ်တၢ်ဂီၤတၢ်ဖီၣ် တဖၣ်န့ၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”