လံာ်စီၤပၤအခီၣ်ထံးတဘ့ၣ် 21:24 - Sgaw Karen Common Bible

²⁴ ကယဲၢ်နဘူးနတံၢ်တဂၤလၢ်လၢ်လၢအသံလၢဝ့ၢ်ပူၤန့ၣ်ထွံၣ်တဖၣ်ကအီၣ် ကွံာ်အီၤဒီးပှၤတဂၤလၢ်လၢ်လၢအသံလၢတၢ်ပျီပူၤန့ၣ်လီတးတဖၣ် ကအီၣ်ကွံာ်အီၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:24 Iomraidhean Croise

လံာ်စီၤပၤအခီၣ်ထံးတဘ့ၣ် 14:11

နပှၤဟံၣ်ဖိဃီဖိတဂၤလၢ်လၢ်လၢအသံလၢဝ့ၢ်ပူၤန့ၣ်ကဘၣ်တၢ်အီၣ် ကွံာ်အီၤလၢထွံၣ်တဖၣ်, ဒီးပှၤလၢအသံလၢတၢ်ပျီပူၤတဂၤဂၤန့ၣ်ကဘၣ်တၢ်အီၣ်ကွံာ်အီၤ လၢလီတးတဖၣ်န့ၣ်လီၤ. ယၤ, ယွၤအံၤကတိၤလံတၢ်လံ.”

လံာ်စီၤပၤအခီၣ်ထံးတဘ့ၣ် 16:4

နပှၤဟံၣ်ဖိဃီဖိတဖၣ်အကျါတဂၤလၢ်လၢ်လၢအသံလၢဝ့ၢ်ပူၤန့ၣ် ကဘၣ်တၢ်အီၣ်ကွံာ်အီၤလၢထွံၣ်တဖၣ်, ဒီးပှၤတဂၤလၢ်လၢ်လၢအသံလၢဝ့ၢ်အချၢတၢ်ပျီပူၤန့ၣ်ကဘၣ်တၢ် အီၣ်ကွံာ်အီၤလၢလီတးတဖၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:25

ဒီးစီၤယ့ၤဟူစံးဘၣ်အပှၤကွၢ်ထွဲမၤစၢၤအီၤစီၤဘံးဒကၢ်, “ဟံးထီၣ်အစိၣ်န့ၣ်ဒီးတ့ၢ်လီၤကွံာ်အီၤလၢစီၤနၤဘိးအပျီ ပူၤတက့ၢ်. သ့ၣ်နီၣ်ထီၣ်က့ၤလၢဖဲနၤဒီးယၤပဒိးကသ့ၣ်လၢ စီၤပၤယဟိရၣ်အပၢ်စီၤအၤဃာ်အလီၢ်ခံအခါန့ၣ်, ယွၤကတိၤတၢ်ကတိၤတဖၣ်အံၤထီဒါစီၤအၤဃာ်န့ၣ်တက့ၢ်.

လံာ်ယၡါယၤ 14:19

မ့မ့ၢ်နဲ, နတၢ်သွၣ်ခိၣ်ပူၤတအိၣ်ဘၣ်. ဒီးနစိၣ်ဘၣ်တၢ်ကွံာ်လီၤ အီၤဆူတၢ်အုၣ်တၢ်ကျၣ်အပူၤလီၤ. ဘၣ်တၢ်ကးဘၢအီၤလၢ သုးဖိတဖၣ်အနီၢ်ခိလၢအသံလၢတၢ်ဒုးတၢ်ယၤအပူၤဒီးဘၣ်တၢ် စူးကွံာ်ဃုာ်အီၤဒီးအဝဲသ့ၣ်ဆူလၢၢ်လ့အပူၤတပူၤဒီးဘၣ်တၢ်ယီၢ်တံၢ် အီၤန့ၣ်လီၤ.

လံာ်ယံးရမံယၤ 15:3

ယၤယွၤအံၤ, စံၣ်ညီၣ်တဲာ်တ့ၢ်လံလၢတၢ်လီၤပျံၤလီၤဖုးလွံၢ်မံၤ ကမၤသးဒီးအဝဲသ့ၣ်န့ၣ်လီၤ. အဝဲသ့ၣ်ကဘၣ်တၢ်မၤသံအီၤလၢ တၢ်ဒုးတၢ်ယၤအပူၤ, အဝဲသ့ၣ်အစိၣ်တဖၣ်ကဘၣ်တၢ်တွံၢ်ကွံာ်အီၤ လၢထွံၣ်တဖၣ်, ထိၣ်တဖၣ်ကအီၣ်ကွံာ်အဝဲသ့ၣ်, ဒီးဆၣ်ဖိကီၢ်ဖိ အမံၤတဖၣ်ကအီၣ်ကွံာ်တၢ်လၢအအိၣ်လီၤတဲာ်န့ၣ်လီၤ.

လံာ်ယံးရမံယၤ 22:19

အဝဲကအိၣ်ဒီးတၢ်ခူၣ်လီၤအီၤအလၤကပီၤထဲသိးဒၣ်ကသ့ၣ်ယီၤ တဒုန့ၣ်လီၤ. အဝဲကဘၣ်တၢ်တွံၢ်ထုးထီၣ်အီၤ ဒီးကွံာ်ကွံာ်အီၤလၢဝ့ၢ်ယရူၤၡလ့ၣ်အတြဲၤတဖၣ်အချၢန့ၣ်လီၤ.”

လံာ်လီၣ်ဖျါ 19:18

ဟဲဒီးအီၣ်စီၤပၤတဖၣ်, သုးခိၣ်ဖးဒိၣ်တဖၣ်, ဒီးသုးဖိတဖၣ် အဖံးအညၣ်, ကသ့ၣ်တဖၣ်ဒီးပှၤလၢအဒိးအီၤတဖၣ်အဖံး အညၣ်, ပှၤခဲလၢာ်, ကုၢ်မ့ၢ်ဂ့ၤပှၤသဘျ့မ့ၢ်ဂ့ၤ, အဒိၣ်မ့ၢ်ဂ့ၤအဆံးမ့ၢ်ဂ့ၤအဖံးအညၣ်န့ၣ်တက့ၢ်.”