လံာ်စီၤပၤအခီၣ်ထံးတဘ့ၣ် 21:21 - Sgaw Karen Common Bible

²¹ လၢတၢ်န့ၣ်အဃိယွၤစံးဘၣ်နၤ, ယကဟဲစိာ်တၢ်တတၢးတနါလၢနဖီခိၣ်န့ၣ်လီၤ. ယကတၢၤကွံာ်နၤဒီးမၤလၢာ်ကွံာ်ကယဲၢ်နပှၤဟံၣ်ဖိဃီဖိပိာ်ခွါ လၢနဟံၣ်ဒူၣ်ဃီထၢအပူၤ, သးစၢ်မ့ၢ်ဂ့ၤ, သးပှၢ်မ့ၢ်ဂ့ၤဒ်သိးသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:21 Iomraidhean Croise

လံာ်စီၤပၤအခီၣ်ထံးတဘ့ၣ် 14:10

လၢတၢ်အံၤအဃိယဟဲစိာ်တၢ်တတၢးတနါလၢနစီၤပၤအစၢၤအသွဲၣ်တဖၣ် အလိၤ, ဒီးမၤသံကွံာ်ကယဲၢ်နစၢၤနသွဲၣ်ပိာ်ခွါခဲလၢာ်, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤန့ၣ်လီၤ. ယကဒီၣ်တဲာ်ကွံာ်နပှၤဟံၣ်ဖိဃီဖိတဖၣ်ဒီးအဝဲသ့ၣ်ကဘၣ်တၢ်မၤ ပျီကွံာ်အီၤဒ်တၢ်အ့ၣ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:30

တၢ်အံၤမၤအသးမ့ၢ်လၢစီၤယၤရၤဘၣ်ထိၣ်ဂဲၤယွၤ, ကီၢ်အံၣ်စရ့လးအကစၢ်ယွၤအတၢ်သးထီၣ်, ခီဖျိတၢ်ဒဲးဘးတဖၣ်လၢအမၤတ့ၢ်ဝဲ, ဒီးဒုးမၤပှၤအံၣ်စရ့လးဖိတဖၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:3

ဒီးလၢတၢ်န့ၣ်အဃိ, ဒ်ယမၤတ့ၢ်စီၤယၤရၤဘၣ်အသိးယက တၢၤကွံာ်နၤဒီးနပှၤဟံၣ်ဖိဃီဖိန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:17

တုၤအဝဲသ့ၣ်လဲၤတုၤဖဲန့ၣ်ဒီးစီၤယ့ၤဟူမၤသံကွံာ်ကယဲၢ် စီၤအၤဃာ်အဘူးအတံၢ်ခဲလၢာ်, တပာ်တီၢ်ဝဲနီတဂၤဒၣ်လဲာ်ဘၣ်. တၢ်အံၤမ့ၢ်တၢ်လၢယွၤတဲဘၣ်တ့ၢ်စီၤအ့ၤလံယၤလၢကမၤအသးန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:30

ယွၤစံးဘၣ်စီၤယ့ၤဟူ, “နမၤတ့ၢ်လံတၢ်ခဲလၢာ်လၢယမၢနမၤဘၣ် စီၤအၤဃာ်အစၢၤအသွဲၣ်တဖၣ်န့ၣ်လံ, လၢတၢ်န့ၣ်အဃိ, ယအၢၣ်လီၤနၤလၢနစၢၤနသွဲၣ်တဖၣ်, ကမ့ၢ်ကီၢ်အံၣ်စရ့လးအစီၤပၤ, တုၤလၢပှၤလွံၢ်စိၤတစိၤဒၣ်လဲာ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 14:26

ယွၤထံၣ်ဘၣ်တၢ်နးတၢ်ဖှီၣ်လီၤပျံၤလီၤဖုးလၢပှၤအံၣ်စရ့လး ဖိတူၢ်ဘၣ်ဝဲန့ၣ်လီၤ. ပှၤလၢကမၤစၢၤအဝဲသ့ၣ်တအိၣ်နီတဂၤဘၣ်.

လံာ်စီၤပၤခံဘ့ၣ်တဘ့ၣ် 21:13

ယကစံၣ်ညီၣ်ဝ့ၢ်ယရူၤၡလ့ၣ်ဒ်ယမၤဘၣ်ဝ့ၢ်ၡၤမရံအသိး, ဒ်ယမၤဘၣ်ကီၢ်အံၣ်စရ့လးအစီၤပၤအၤဃာ်ဒီးအဝဲအစၢၤအသွဲၣ်တဖၣ် အသိးန့ၣ်လီၤ. ယကတြူာ်ကွံာ်ဝ့ၢ်ယရူၤၡလ့ၣ်အပှၤဂီၢ်မုၢ်စီဖ့ကလ့ၤဒ်လီခီ တဘ့ၣ်လၢအဘၣ်တၢ်ထွါပျီအီၤဒီးပာ်ကျၢၢ်အီထီလာ်အီၤအသိးန့ၣ် လီၤ.

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:22

တချုးမုၢ်ဆ့ၣ်ထီၣ်အံၤန့ၣ်ယမ့ၢ်တမၤသံဘၣ်ပှၤပိာ်ခွါတဖၣ်အံၤ တုၤလၢအလီၢ်ခံကတၢၢ်တဂၤဘၣ်ဒီး မ်ကစၢ်ယွၤတီၢ်ယၤတုၤယသံတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 25:34

ယွၤတြီဃာ်ယၤလၢတၢ်မၤဆါဘၣ်သုလီၤ. ဘၣ်ဆၣ်ဒီးယဆိၣ်တၢ်လၢ ကီၢ်အံၣ်စရ့လးအကစၢ်ယွၤလၢအမူဝဲတဂၤအမံၤလၢနမ့ၢ်တမၤတ့ၢ် နဲချ့ချ့လၢနကထံၣ်လိာ်ယၤဘၣ်ဒီးကယဲၢ်စီၤနၤဘလးအပှၤပိာ် ခွါတဖၣ်န့ၣ်တုၤမုၢ်ဆ့ၣ်ထီၣ်ဒီးကသံဝဲကိးဂၤဒဲးလီၤ.”