လံာ်စီၤပၤအခီၣ်ထံးတဘ့ၣ် 21:2 - Sgaw Karen Common Bible

² ဘၣ်မုၢ်တနံၤစီၤအၤဃာ်စံးဘၣ်စီၤနၤဘိး, “ပျဲယဟံးန့ၢ် နစပံးလီၢ်န့ၣ်တက့ၢ်. အဂ့ၢ်ဒ်အံၤ, အိၣ်ဘူးဒီးယနီ, ဒီးယအဲၣ်ဒိးသူတၢ်လီၢ်န့ၣ်လၢတၢ်ဒိးတၢ်လၣ်အကရၢၢ်တခါန့ၣ် လီၤ. လၢတၢ်န့ၣ်အဂီၢ်, ယကဟ့ၣ်နၤစပံးလီၢ်အဂ့ၤဒိၣ်တက့ၢ်မ့တမ့ၢ်, နမ့ၢ်ဘၣ်နသးဒီးယကဟ့ၣ်နၤတၢ်အပှ့ၤတမံၤလၢအကြၢးဝဲ ဘၣ်ဝဲန့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:2 Iomraidhean Croise

လံာ်တၢ်ကဲထီၣ်အခီၣ်ထံး 16:6

ဒီးစီၤအၤဘြၣ်စံးဆၢဝဲဒၣ်, “ဂ့ၤလံ, အဝဲဒၣ်န့ၣ်မ့ၢ်နကုၢ် ဒီးအိၣ်လၢနတၢ်ပၢအဖီလာ်လီၤ. မၤအီၤဒ်တၢ်လၢနအဲၣ်ဒိးမၤအီၤန့ၣ်တက့ၢ်.” တုၤနုၤတစုနီၢ်စၤရဲမၤနီၢ်ဟၤကၢ်အၢအၢသီသီတုၤဒၣ်လဲာ် နီၢ်ဟၤကၢ်ဘၣ်ထွးထီၣ်ဃ့ၢ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 3:6

ဒီးပိာ်မုၣ်န့ၣ်ထံၣ်ဝဲလၢသ့ၣ်တထံးန့ၣ်ဃံလၤဝဲဒီးအသၣ်န့ၣ် တၢ်မ့ၢ်အီၣ်ဘၣ်ဒီးကဝံၣ်ဝဲဆံးဒိၣ်လဲၣ်ဒီးပိာ်မုၣ်န့ၣ်ဆိ ကမိၣ်ကွၢ်ဝဲလၢအဝဲမ့ၢ်ကူၣ်သ့ကူၣ်ဘၣ်ထီၣ်ဒီးကမုာ်သူၣ်မုာ်သး ဆံးဒိၣ်လဲၣ်န့ၣ်လီၤ. လၢတၢ်န့ၣ်အဃိအဝဲဟံးန့ၢ်သ့ၣ်သၣ်တနီၤဒီးအီၣ်ဝဲ ဒၣ်လီၤ. ဒီးဟ့ၣ်လီၤအဝၤတနီၤဒီးအဝဲဒၣ်စ့ၢ်ကီးအီၣ်ဝဲလီၤ.

လံာ်စီၤပၤအခီၣ်ထံးတဘ့ၣ် 21:3

စီၤနၤဘိးစံးဆၢဝဲ, “ယန့ၢ်သါဘၣ်စပံးလီၢ်အံၤလၢယမိၢ်ပၢ် ဖံဖုလၢပျၢၤတဖၣ်အအိၣ်န့ၣ်လီၤ. မ်ယွၤတြီယၤလၢယကပျဲနမၤန့ၢ်အီၤန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 21:6

အဝဲစံးဆၢဝဲ, “မ့ၢ်လၢတၢ်လၢစီၤနၤဘိးစံးဘၣ်တ့ၢ်ယၤအဃိန့ၣ်လီၤ. ယပာ်ဖျါထီၣ်ယတၢ်သးအိၣ်လၢယကပှ့ၤအစပံးအလီၢ်မ့တမ့ၢ်အဝဲမ့ၢ် ဘၣ်အသးဒီးယကဟ့ၣ်အီၤလၢစပံးလီၢ်အဂၤတတီၤလၢအလီၢ်န့ၣ်လီၤ. ဘၣ်ဆၣ်အဝဲတဲဘၣ်ယၤလၢယမၤန့ၢ်အီၤတသ့ဘၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:27

စီၤပၤအဃၤစယၤထံၣ်ဘၣ်တၢ်မၤအသး, အဃိဒီး, အဝဲဃ့ၢ်ပူၤဖျဲးကွံာ်အသးလၢအလ့ၣ်ကဟၣ်ဒၣ်ဝဲအပူၤဆူ တၤသၣ်လီၢ်အဟံၣ်အကျဲ, ဒီးစီၤယ့ၤဟူလူၤထွဲအီၤန့ၣ်လီၤ. စီၤယ့ၤဟူမၤလိာ်အခ့အပှၤတဖၣ်, “မၤသံကွံာ်အီၤစ့ၢ်ကီးတ က့ၢ်.” ဒီးအဝဲသ့ၣ်မၤဘၣ်ဒိဘၣ်ထံးအီၤဖဲအဝဲနီၣ်အလ့ၣ်ကဟၣ်ဆူ ကျဲလဲၤထီၣ်ဆူကူၢ်ဖဲဝ့ၢ်ယံးဘျၣ်အကပၤန့ၣ်လီၤ. ဘၣ်ဆၣ်အဝဲဃ့ၢ်ဝဲဆူညါကဲဒံးတုၤအလဲၤတုၤဆူဝ့ၢ်မကံးဒိၤ ဒီးသံဝဲဖဲန့ၣ်လီၤ.

လံာ်တၢ်ဟးထီၣ်ကွံာ် 20:17

သးကွံပှၤဂၤတဂၤအဟံၣ်တဂ့ၤ. သးကွံအမါ, အကုၢ်တဖၣ်, အဂီၤဘုၣ်ဂီၤဖံး, အကသ့ၣ်ယီၤတဖၣ်, ဒီးတၢ်တမံၤလၢ်လၢ်လၢအဘၣ် ဃးဒီးအီၤန့ၣ်တဂ့ၤ.”

လံာ်ပှၤစံၣ်တဲၤတဲလီၤတၢ် 2:5

ယသူၣ်လီၤဖျးလီၤဖီကရၢၢ်တဖၣ်ဒီးတၤသၣ်အလီၢ်တဖၣ်ဃုာ်ဒီးတၤ သၣ်အထူၣ်အကလုာ်ကလုာ်လၢအပူၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:15

ထံမူထီၣ်ပၢၢ်တဖၣ်မၤဘၣ်စီၣ်တၤသၣ်လီၢ်, ထံကျိဖိတဖၣ်ယွၤလီၤဝဲ, ထံထီၣ်ပၢၢ်အပူၤတဖၣ်ပုာ်ထီၣ်ယွၤလီၤဟဲဝဲလၢလဘၤနိၣ်အကစၢၢ် ကလိတဖၣ်န့ၣ်လီၤ.

လံာ်ယံးရမံယၤ 22:17

မ့မ့ၢ်နဲနထံၣ်သ့ဒၣ်ထဲနတၢ်သး စဲတဖၣ်လၢနတၢ်အဲၣ်လီၤနသးအပူၤန့ၣ်လီၤ. နမၤသံပှၤလၢအတၢ်ကမၣ်တအိၣ်တဖၣ် ဒီးမၤနးမၤဖှီၣ်ဆူၣ်နပှၤဂီၢ်မုၢ်န့ၣ်လီၤ. ယွၤကတိၤလံတၢ်လံ.”

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

လံာ်သိၣ်လီၤသီလီၤတၢ် 11:10

ကီၢ်လၢသုကလဲၤမၤန့ၢ်အီၤန့ၣ်, တဒ်သိးဘၣ်ကီၢ်အဲၤကူပတူးဖဲ သုအိၣ်ဆိးတ့ၢ်လၢညါန့ၣ်ဘၣ်. လၢကီၢ်အဲၤကူပတူးန့ၣ်, တုၤသုဖှံလီၤတၢ်ချံဒီးသုကဘၣ်မၤ တၢ်ဆူၣ်ဆူၣ်လၢသုကမၤဘၣ်စီၣ်စံာ်ပျီတဖၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 5:21

သးကွံပှၤအဂၤတဂၤအမါတဂ့ၤ. သးကွံအဟံၣ်, အဝဲအဟီၣ်ခိၣ်, အဝဲအကုၢ်တဖၣ်, အဝဲအဂီၤဘုၣ်ဂီၤဖံး, အဝဲအကသ့ၣ်ယီၤတဖၣ်မ့ၢ်ဂ့ၤ, တၢ်အဂၤတမံၤဂ့ၤတမံၤဂ့ၤလၢအမ့ၢ် အဝဲအတၢ်န့ၣ်တဂ့ၤ.”

၁ တံၤမသ့း 6:9

ဘၣ်ဆၣ်ဒီး, ပှၤလၢအသးအိၣ်ထူးထီၣ်တီၤထီၣ်တဖၣ်န့ၣ်, လီၤတဲာ်နုာ်လံဆူတၢ်လ့ပစီအပူၤဒီးဘၣ်တၢ်ဖီၣ်ဃာ်အီၤလၢ ပျံၤသကွီၤလၢအမ့ၢ်တၢ်သူၣ်လီသးကွံလၢအတဂိာ်တသီၣ် ဒီးမၤဘၣ်ဒိဘၣ်ထံးတၢ်တဖၣ်, လၢအထုးလီၤကွံာ်အဝဲသ့ၣ်ဆူတၢ်ဟးဂူာ်ဟးဂီၤဒီးတၢ်လီၤပှီၢ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:6

စီၤအၤကံၣ်ကိးစီၤဒၤဝံးဒီးစံးဘၣ်အီၤ, “ယဆိၣ်တၢ်ခီဖျိကီၢ်အံၣ်စရ့လးအကစၢ်ယွၤလၢအမူဝဲတဂၤအမံၤ လၢနသူၣ်တီသးလိၤတ့ၢ်ဒီးယၤ ဒီးယဘၣ်သူၣ်ဘၣ်သးလၢနကလဲၤဃုာ်ဒီးယၤဒီးဒုးတၢ်လၢတၢ်ဒုးအံၤအပူၤန့ၣ်လီၤ. စးထီၣ်မုၢ်တနံၤလၢနဟဲဆူယအိၣ်န့ၣ်ယတထံၣ်န့ၣ်တ့ၢ်တၢ်ကမၣ်လၢ နပူၤနီတမံၤဘၣ်. ဘၣ်ဆၣ်ဒီးစီၤပၤအဂၤတဖၣ်န့ၣ်တဘၣ်သူၣ်ဘၣ်သးလၢနၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 8:14

အဝဲကဟံးန့ၢ်ကွံာ်သုစံာ်ဧိၤပှဲၤဧိၤ, စပံးလီၢ်လၢအဂ့ၤကတၢၢ်, သ့ၣ်စၤယံးအထံးတဖၣ်ဒီးဟ့ၣ်အီၤဆူ အပှၤခိၣ်ပှၤနၢ်တဖၣ်အအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:6

စီၤၡမူၤအ့လးတဘၣ်သူၣ်ဘၣ်သးလၢအဝဲသ့ၣ်အတၢ်ဃ့န့ၢ်စီၤပၤ တဂၤအဂီၢ်န့ၣ်ဘၣ်. အဃိဒီး, အဝဲဘါထုကဖၣ်တၢ်ဆူ ယွၤအအိၣ်လီၤ.