လံာ်စီၤပၤအခီၣ်ထံးတဘ့ၣ် 21:15 - Sgaw Karen Common Bible

¹⁵ တစုဃီဖဲနီၢ်အံၤစ့ဘ့ၤလးဒိးန့ၢ်ဘၣ်တၢ်ကစီၣ်န့ၣ်, အဝဲစံးဘၣ်စီၤအၤဃာ်, “စီၤနၤဘိးသံလံ. ခဲကနံၣ်အံၤ, လဲၤဒီးဟံးန့ၢ်စပံးလီၢ်လၢအဝဲဂ့ၢ်လိာ်ဝဲလၢကဆါန့ၢ်နၤန့ၣ် တက့ၢ်.”

လံာ်စီၤပၤအခီၣ်ထံးတဘ့ၣ် 21:15 Iomraidhean Croise

လံာ်စီၤပၤအခီၣ်ထံးတဘ့ၣ် 21:1

လၢစီၤပၤအၤဃာ်အနီလၢဝ့ၢ်ယံးစရ့လးအကပၤန့ၣ်စီၤနၤဘိး အစပံးလီၢ်အိၣ်ဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:14

တၢ်ကစီၣ်ဘၣ်တၢ်ဆှၢအီၤဆူနီၢ်အံၤစ့ဘ့ၤလးအအိၣ်စံးဝဲ, “စီၤနၤဘိးဘၣ်တၢ်မၤသံကွံာ်အီၤလံ,” န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:16

တဘျီဃီစီၤအၤဃာ်လဲၤဝဲဆူစပံးအလီၢ်, လၢကဟံးန့ၢ်ကွံာ်အီၤ အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:7

နီၢ်အံၤစ့ဘ့ၤလးစံးဆၢဝဲ, “နမ့ၢ်စီၤပၤဧါမ့တမ့ၢ်နတမ့ၢ် စီၤပၤဘၣ်န့ၣ်ဧါ. ဂဲၤဆၢထၢၣ်လၢနလီၢ်မံခိၣ်, အိၣ်ဒီးတၢ်သးဖှံဒီးအီၣ်တၢ်တက့ၢ်. ယကမၤန့ၢ်နၤလၢစီၤနၤဘိးအစပံးလီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:21

စီၤပၤယဟိရၣ်ဟ့ၣ်လီၤအကလုၢ်စံးဝဲ, “ကတဲာ်ကတီၤထီၣ်ယလ့ၣ် ကဟၣ်တက့ၢ်.” အတၢ်ဟ့ၣ်လီၤအကလုၢ်ဘၣ်တၢ်မၤထွဲအီၤ, ဒီးအဝဲဒီးစီၤပၤအဃၤစယၤဟးထီၣ်ဒိးထီၣ်အလ့ၣ်ကဟၣ်ဒၣ်ဝဲ စုာ်စုာ်လၢကလဲၤသဂၢၢ်စီၤယ့ၤဟူအဂီၢ်န့ၣ်လီၤ. အဝဲသ့ၣ်ထံၣ်လိာ်အသးဒီးစီၤယ့ၤဟူဖဲပှၤယံးစရ့လးဖိစီၤ နၤဘိးအပျီန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:7

နကဘၣ်မၤသံကွံာ်နကစၢ်စီၤပၤ, စီၤအၤဃာ်အဖိခွါတဂၤန့ၣ်ဒ်သိး ယကစံၣ်ညီၣ်နီၢ်အံၤစ့ဘ့ၤလးအဂီၢ်, မ့ၢ်လၢအဝဲမၤသံယဝံတဖၣ်, ဒီးယခ့ယပှၤအဂၤတဖၣ်အဃိန့ၣ်လီၤ.

တၢ်ကတိၤဒိ. 4:17

အဂ့ၢ်ဒ်အံၤ, တၢ်တတီတလိၤဒီးတၢ်မၤဆူၣ်မၤစိးတဖၣ်လီၤဂာ်ဒီး တၢ်အီၣ်တၢ်အီလၢအဝဲသ့ၣ်အဂီၢ်န့ၣ်လီၤ.