လံာ်စီၤပၤအခီၣ်ထံးတဘ့ၣ် 21:14 - Sgaw Karen Common Bible

¹⁴ တၢ်ကစီၣ်ဘၣ်တၢ်ဆှၢအီၤဆူနီၢ်အံၤစ့ဘ့ၤလးအအိၣ်စံးဝဲ, “စီၤနၤဘိးဘၣ်တၢ်မၤသံကွံာ်အီၤလံ,” န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:14 Iomraidhean Croise

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:15

တစုဃီဖဲနီၢ်အံၤစ့ဘ့ၤလးဒိးန့ၢ်ဘၣ်တၢ်ကစီၣ်န့ၣ်, အဝဲစံးဘၣ်စီၤအၤဃာ်, “စီၤနၤဘိးသံလံ. ခဲကနံၣ်အံၤ, လဲၤဒီးဟံးန့ၢ်စပံးလီၢ်လၢအဝဲဂ့ၢ်လိာ်ဝဲလၢကဆါန့ၢ်နၤန့ၣ် တက့ၢ်.”

လံာ်စီၤပၤခံဘ့ၣ်တဘ့ၣ် 10:8

ဖဲစီၤယ့ၤဟူဘၣ်တၢ်တဲဘၣ်အီၤလၢစီၤအၤဃာ်အစၢၤအသွဲၣ်တဖၣ် အခိၣ်တဖၣ်ဘၣ်တၢ်ဟဲစိာ်အီၤလံန့ၣ်, အဝဲဟ့ၣ်လီၤအကလုၢ်လၢပှၤကပူၣ်ထီၣ်အီၤခံပူၣ်ဖဲဝ့ၢ်အတြဲၤ, ဒီးပှၤကပာ်တီၢ်အီၤဖဲန့ၣ်တုၤမုၢ်ဆ့ၣ်ထီၣ်တနံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:8

ဖဲလၢနထံၣ်ဘၣ်ထံကီၢ်ပဒိၣ်ပပှၢ်မၤနးမၤဖှီၣ်ပှၤဖှီၣ်ဖိယာ်ဖိဒီးတပျဲ ဘၣ်အဝဲသ့ၣ်ဒိးန့ၢ်တၢ်စံၣ်ညီၣ်တီဒီးအခွဲးအယာ်တဖၣ်ဘၣ်န့ၣ်, ကမၢကမၣ်တဂ့ၤ. ပဒိၣ်ပပှၢ်ကိးဂၤဒဲးန့ၣ်ဘၣ်တၢ်ဒီဒၣ်အိၣ်ပှိၤ အီၤလၢပှၤလၢအဖီခိၣ်တဂၤ, ဒီးအဝဲသ့ၣ်ခံဂၤလိာ်န့ၣ်ဘၣ်တၢ်ဒီဒၣ်အိၣ်ပှိၤဒံးအီၤလၢ ပဒိၣ်ပပှၢ်တဖၣ်လၢအဒိၣ်န့ၢ်ထီန့ၢ်အဝဲသ့ၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:14

ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. ကွၢ်တၢ်မၤအသးလၢဟီၣ်ခိၣ်အံၤတက့ၢ်. တဘျီဘျီပှၤတီပှၤလိၤတဖၣ်တူၢ်ဘၣ်တၢ်စံၣ်ညီၣ်လၢပှၤတတီ တလိၤတဖၣ်အလီၢ်, ဒီးပှၤတတီတလိၤတဖၣ်ဒိးန့ၢ်ဘၣ်ခိၣ်ဖးလၢပှၤ တီပှၤလိၤတဖၣ်အလီၢ်န့ၣ်လီၤ. ယစံး, တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ.