လံာ်စီၤပၤအခီၣ်ထံးတဘ့ၣ် 20:6 - Sgaw Karen Common Bible

⁶ ခဲကနံၣ်အံၤ, ဒ်လဲၣ်ဂ့ၤန့ၣ်, ယကဆှၢလီၤယပဒိၣ်တဖၣ်လၢကကွၢ်ဃု တၢ်လၢနနီဒီးနပဒိၣ်ပပှၢ်တဖၣ်အဟံၣ်ပူၤဒီးကဟံးန့ၢ်ကယဲၢ်တၢ်လၢ အဆိကမိၣ်ဝဲလၢအအိၣ်ဒီးအလုၢ်အပှ့ၤတဖၣ်န့ၣ်လီၤ. အဝဲသ့ၣ်ကလဲၤတုၤဖဲန့ၣ်ခဲမုၢ်ဂီၤလၢအကတီၢ်ဒ်သိးအံၤန့ၣ် လီၤ.”

လံာ်စီၤပၤအခီၣ်ထံးတဘ့ၣ် 20:6 Iomraidhean Croise

လံာ်တၢ်ကဲထီၣ်အခီၣ်ထံး 27:15

ဒီးနီၢ်ရံးဘကၤဟံးန့ၢ်စီၤဧ့ၡီၤအကူအသိးအဂ့ၤကတၢၢ်လၢအပာ် ဃာ်ဝဲလၢဟံၣ်ပူၤဒီးဒုးသိးထီၣ်စီၤယၤကိာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:14

စီၤဒၤဝံးစံးဆၢဝဲဒၣ်, “ယအိၣ်လၢတၢ်စုကတၢၢ်ခီၣ်ကတၢၢ်အပူၤလီၤ. ဘၣ်ဆၣ်ဒီးယတအဲၣ်ဒိးလၢပှၤကညီကစံၣ်ညီၣ်ယၤဘၣ်. မ်ယွၤအကစၢ်ဒၣ်ဝဲမ့ၢ်ပှၤတဂၤလၢအစံၣ်ညီၣ်ပှၤတက့ၢ်. အဂ့ၢ်ဒ်အံၤ, အဝဲပှဲၤဒီးတၢ်သူၣ်ကညီၤသးကညီၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:5

လၢခံန့ၣ်, ပှၤစိာ်တၢ်ကစီၣ်တဖၣ်ဟဲကဒါက့ၤဆူစီၤအၤဃာ်အအိၣ်, အိၣ်ဒီးစီၤပၤဘ့ၣ်ဟဒးအတၢ်ဃ့အဂၤတမံၤလၢအစံးဝဲ, “ယမၢလီၤတၢ်ဆူနအိၣ်ဒီးစံးလၢနကဘၣ်ဟ့ၣ်လီၤယၤနစ့, နထူ, နမါတဖၣ်ဒီးနဖိတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 20:7

စီၤပၤအၤဃာ်ကိးန့ၢ်ကယဲၢ်ထံကီၢ်အပှၤခိၣ်ပှၤနၢ်တဖၣ်ဒီးစံး ဝဲ, “သုထံၣ်လၢပှၤတဂၤအံၤအဲၣ်ဒိးမၤဟးဂီၤပှၤလီၤ. အဝဲဆှၢလီၤန့ၢ်ယၤတၢ်ကစီၣ်တမံၤ, ဃ့ဆူၣ်ယမါတဖၣ်ဒီးယဖိတ ဖၣ်, ယစ့ဒီးယထူ, ဒီးယဘၣ်သူၣ်ဘၣ်သးတ့ၢ်ယဲလီၤ.”

လံာ်စီၤဧ့စြၤ 8:27

သလၢထူအဖျၢၣ်ခံဆံလီၤတယၢၢ်ဒၤရံးတကထိ, သလၢတိၢ်ဘီအစီဂ့ၤ ခံဖျၢၣ်လၢအလုၢ်အပှ့ၤအိၣ်ဒ်သိးထူန့ၣ်လီၤ.

လံာ်ယၡါယၤ 44:9

ပှၤလၢအတ့တၢ်ဂီၤတၢ်ဖီၣ်တဖၣ်န့ၣ်တဂိာ်တသီၣ်ဘၣ်တၢ်ဘၣ်. ဒီးကစၢ်လၢအဝဲသ့ၣ်ပာ်အပှ့ၤကလံၤဒိၣ်ဒိၣ်ကလဲာ်တဖၣ်အဘျုး တအိၣ်ဘၣ်. ပှၤလၢအဘူၣ်ထီၣ်ဘါထီၣ်ကစၢ်တဖၣ်အံၤအမဲာ်ဘျီၣ် ဒီးအတၢ်သ့ၣ်ညါတအိၣ်ဘၣ်, ဒီးအဝဲသ့ၣ်ကဘၣ်တၢ်မၤမဲာ်ဆှးအီၤလီၤ.

လံာ်ယံးရမံယၤ 25:34

သုဝဲပှၤခိၣ်ပှၤနၢ်သ့ၣ်ဧၢ, ဟီၣ်ပသူထီၣ်တက့ၢ်. သုဝဲယပှၤဂီၢ်မုၢ် အပှၤ ကွၢ်သိသ့ၣ်ဧၢ, ကိးပသူထီၣ်ဖးဒိၣ်တက့ၢ်. ဟီၣ်တၢ်ယၢၤတၢ်ဒီး က လိာ်ကနွၢ်သုသးလၢ ဖၣ်ဆါကျါတက့ၢ်. တၢ်ဆၢကတီၢ်တုၤလံဝဲလၢ တၢ်ကမၤသံသုအဂီၢ်ဒီး သုကဘၣ်တၢ်ကျီသု တကူာ်တကူာ်ဒ် တၢ်ကျီသိဖါတဖၣ်အသိးဒီး သ့ၣ်ဖးကွံာ်ဒ်သပၢၤ ဟီၣ်ခိၣ်လၢ အဂ့ၤအသိးန့ၣ်လီၤ.

လံာ်သးသယုၢ်တၢ် 1:10

အဒုၣ်အဒါတဖၣ်ဂုာ်န့ၢ်အတၢ်လုၢ်ဒိၣ်ပှ့ၤဒိၣ်လၢအအိၣ်ဒီးအီၤ တဖၣ်ခဲလၢာ်လီၤ. ထံၣ်ဘၣ်တ့ၢ်ဝဲအဒုၣ်အဒါတဖၣ်နုာ်လီၤဆူ တၢ်လုၢ်ဟံၣ်အပူၤ, တၢ်လီၢ်ဖဲယွၤတြီပှၤကလုာ်ဂၤတဖၣ်လၢ အသုတလဲၤနုာ်တဂ့ၤန့ၣ်လီၤ.

လံာ်သးသယုၢ်တၢ် 1:7

ဝ့ၢ်ယရူၤၡလ့ၣ်လၢအလီၤပှီၢ်အိၣ်သယုၢ်အံၤခဲအံၤသ့ၣ်နီၣ်ထီၣ် က့ၤအတၢ်ကဟုကညီၢ်လၢပျၢၤန့ၣ်လီၤ. ဖဲအလီၤတ့ၢ်ဆူဒုၣ်ဒါတဖၣ်အစုပူၤန့ၣ်, ပှၤတအိၣ်နီတဂၤလၢ အကမၤစၢၤအီၤဘၣ်. ပှၤလၢအမၤနၢၤအီၤတဖၣ်နံၤဘၣ်ဖၣ်လဲတ့ၢ် အတၢ်လီၤပှီၢ်န့ၣ်လီၤ.

လံာ်ဟိၤၡ့ 13:15

ကီၢ်အံၣ်စရ့လးမ့ၢ်ဂုၤထီၣ်ပသီထီၣ်ဒ်နီၣ်တဖၣ်အသိးဘၣ်ဆၣ်, ယကဆှၢလီၤမုၢ်ထီၣ်အကလံၤကိၢ်တခါလၢမဲးမုၢ်ခိၣ်ဒီး ယဒုးဃ့ထီကွံာ်အဝဲသ့ၣ်အထံမူထီၣ်ပၢၢ်တဖၣ်ဒီးအထံပူၤ တဖၣ်လီၤ. ကဟံးထီၣ်ကွံာ်တၢ်ကိးမံၤဒဲးလၢအအိၣ်ဒီးအလုၢ်အပှ့ၤလီၤ.

လံာ်ယိၤအ့လး 3:5

သုစိာ်ကွံာ်ယစ့ညၣ်, ယထူဒီးယတၢ်ထူးတၢ်တီၤဆူသုတၢ်လုၢ်ဟံၣ် တဖၣ်အပူၤလီၤ.