လံာ်စီၤပၤအခီၣ်ထံးတဘ့ၣ် 20:40 - Sgaw Karen Common Bible

⁴⁰ ဘၣ်ဆၣ်လၢယတၢ်မၤအါတ့ၢ်လၢတၢ်အဂၤတဖၣ်အဃိဒီးပှၤတဂၤ န့ၣ်ထူၣ်ဖျဲးကွံာ်ဝဲန့ၣ်လီၤ.” စီၤပၤစံးဆၢအီၤ, “နစံၣ်ညီၣ်လီၤနသးဒၣ်နဲ, ဒီးနကဘၣ်ဟ့ၣ်နတၢ်ကမၣ်အပှ့ၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:40 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:1

ယွၤဆှၢလီၤဝံစီၤနၤသၣ်ဆူစီၤဒၤဝံးအအိၣ်လီၤ. စီၤနၤသၣ်လဲၤဆူအအိၣ်ဒီးစံးဘၣ်အီၤ, “ပှၤအိၣ်ဝဲခံဂၤလၢအအိၣ်ဆိးလၢဝ့ၢ်တဝ့ၢ်ဃီအပူၤလီၤ. တဂၤန့ၣ်ထူးတီၤဒီးတဂၤန့ၣ်ဖှီၣ်ဝဲယာ်ဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:13

ပိာ်မုၣ်န့ၣ်စံးဘၣ်အီၤ, “ဘၣ်မနုၤအဃိနကူၣ်ထီၣ်တၢ်ကမၣ်ဒ်န့ၣ်တမံၤ ထီဒါကစၢ်ယွၤအပှၤဂီၢ်မုၢ်န့ၣ်လဲၣ်. နတပျဲဘၣ်နဖိခွါဒၣ်နဲလၢကဟဲက့ၤကဒါက့ၤလၢတၢ်ဃ့ၢ်ပူၤဖျဲးအသးအလီၢ်ဘၣ်. လၢတၢ်န့ၣ်အဃိ, နမ့ၢ်ပှၤစံၣ်ညီၣ်လီၤနသးခီဖျိတၢ်လၢနစံးတ့ၢ်အီၤခဲအံၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:39

ဖဲစီၤပၤလဲၤခီဂာ်တၢ်န့ၣ်, ဝံန့ၣ်ကိးဃီၤအီၤဒီးစံးဝဲ, “တၢ်ဒိၣ်ကစၢ်စီၤပၤဧၢ, ယဒုးတၢ်လၢတၢ်ဒုးအပူၤ, ဖဲပှၤသုးဖိတဂၤဟဲစိာ်ဒုၣ်ဒါလၢအဖီၣ်န့ၢ်ဝဲတဂၤဆူယအိၣ် ဒီးစံးဝဲ, ကွၢ်ဟုၣ်ပှၤတဂၤအံၤတက့ၢ်. အဝဲမ့ၢ်ထူၣ်ဖျဲးကွံာ်န့ၣ်, နကဘၣ်ဟ့ၣ်တၢ်အပှ့ၤလၢနသးသမူဒၣ်နဲမ့တမ့ၢ်, နကဘၣ်ဟ့ၣ်စ့အဘ့ၣ်သၢကထိဒ်တၢ်အပှ့ၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:41

ဝံန့ၣ်ဖှီကွံာ်တၢ်ကံးယာ်လၢအမဲာ်သၣ်လိၤဒီးတဘျီဃီစီၤပၤ သ့ၣ်ညါနီၣ်အီၤဒ်ဝံတဖၣ်အကျါ, ဝံတဂၤအသိးန့ၣ်လီၤ.

လံာ်စီၤယိၤဘး 15:6

အလီၢ်တအိၣ်ဘၣ်လၢယကစံၣ်ညီၣ်နၤဘၣ်. နဘၣ်တၢ်စံၣ်ညီၣ် တ့ၢ်နၤခီဖျိတၢ်ကတိၤလၢနစံးဒၣ်နဲန့ၣ်လီၤ.

လံာ်ယံးရမံယၤ 48:10

(ပှၤတဂၤလၢအတမၤယွၤအတၢ်မၤ လၢအသးဒီ ဖျၢၣ်ညါန့ၣ်, မ်အဘၣ်တၢ်ဆိၣ်အၢတက့ၢ်. ပှၤတဂၤလၢ အတကျီဒီး မၤသံတၢ်ဘၣ်န့ၣ်, မ်အဘၣ်တၢ်ဆိၣ်အၢတက့ၢ်.)

လံာ်လူၤကၣ် 19:22

အဝဲဒၣ်စံးဘၣ်အီၤ, ‘ကုၢ်လၢအအၢတဂၤဧၢ, ယကသူက့ၤနတၢ်ကတိၤဒၣ်နဲလၢယကစံၣ်ညီၣ်နၤအဂီၢ်လီၤ. နသ့ၣ်ညါနဲလၢယမ့ၢ်ပှၤအကီတဂၤ, ယဟံးန့ၢ်တၢ်လၢအတမ့ၢ်ယတၢ်, ဒီးယကူးတၢ်လၢယတဖှံယဲန့ၣ်ဘၣ်လီၤ.