လံာ်စီၤပၤအခီၣ်ထံးတဘ့ၣ် 20:34 - Sgaw Karen Common Bible

³⁴ စီၤဘ့ၣ်ဟဒးစံးဘၣ်အီၤ, “ယကဟ့ၣ်ကဒါက့ၤနၤဝ့ၢ်တဖၣ်လၢယပၢ်မၤန့ၢ်ကွံာ်လၢနပၢ်အအိၣ်, ဒီးနကပာ်လီၤတၢ်ကူၣ်တၢ်ကၤအလီၢ်ခၢၣ်သးတတီၤလၢနဂီၢ်ဒၣ်နဲလၢ ဝ့ၢ်ဒၤမ့းစ့းအပူၤ, ဒ်ယပၢ်မၤတ့ၢ်ဝဲလၢဝ့ၢ်ၡၤမရံအပူၤအသိးန့ၣ်လီၤ.” စီၤအၤဃာ်စံးဆၢဝဲ, “လၢတၢ်အၢၣ်လီၤလိာ်သကိးသးတဖၣ်အံၤ အဃိယကပျၢ်ပူၤဖျဲးနၤလီၤ.” အဝဲမၤတၢ်အၢၣ်လီၤလိာ်သးဒီးအီၤဒီးပျၢ်ကွံာ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:34 Iomraidhean Croise

လံာ်စီၤပၤအခီၣ်ထံးတဘ့ၣ် 15:20

စီၤပၤဘ့ၤဟဒးအၢၣ်လီၤထွဲစီၤအၤစါအတၢ်ဟ့ၣ်ကူၣ်ဒီးဆှၢလီၤ အသုးခိၣ်သုးနၢ်တဖၣ်ဒီးအသုးမုၢ်တဖၣ်လၢကလဲၤထီၣ်ဒုးကီၢ်အံၣ် စရ့လးအဝ့ၢ်တဖၣ်န့ၣ်အဂီၢ်လီၤ. အဝဲသ့ၣ်မၤန့ၢ်ဝဲဝ့ၢ်တဖၣ်လၢအမ့ၢ်ဧံၤယိၣ်, ဒၣ်, အၤဘ့ၤလးဘ့ၤသမၤကၤ, ဒီးလီၢ်ကဝီၤလၢအအိၣ်ဘူးဒီးပီၣ် လဲၣ်ကၤလံၤလါဒီးကီၢ်နးသၤလံဒီဘ့ၣ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:33

စီၤဘ့ၣ်ဟဒးအပဒိၣ်ပပှၢ်တဖၣ်ခိးကွၢ်တၢ်ပနီၣ်အဂ့ၤတမံၤ, ဒီးဖဲစီၤအၤဃာ်စံးဝဲ, “ဒီပုၢ်ဝဲၢ်ခွါ” န့ၣ်, အဝဲသ့ၣ်ဟံးန့ၢ်တၢ်ခွဲးတၢ်ယာ်တဘျီဃီဒီးစံးဝဲ, “ဒ်နစံးအသိး, စီၤဘ့ၣ်ဟဒးမ့ၢ်နဒီပုၢ်ဝဲၢ်ခွါလီၤ.” စီၤအၤဃာ်မၤလိာ်ဝဲ, “ဟဲကိးအီၤဆူယအိၣ်တက့ၢ်.” တုၤစီၤဘ့ၣ်ဟဒးဟဲတုၤဝဲန့ၣ်စီၤအၤဃာ်ကွဲဃီၤအီၤလၢကဒိး ထီၣ်လ့ၣ်ကဟၣ်ဃုာ်ဒီးအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:42

အန့ၣ်ဒီး, ဝံန့ၣ်စံးဘၣ်စီၤပၤ, “အအံၤမ့ၢ်ယွၤအတၢ်ကတိၤန့ၣ် လီၤ. မ့ၢ်လၢနပျဲပူၤဖျဲးကွံာ်ပှၤတဂၤလၢယမၤလိာ်လၢကဘၣ်တၢ်မၤသံ ကွံာ်အီၤအသးသမူအဃိန့ၣ်, နကဘၣ်ဟ့ၣ်က့ၤတၢ်အံၤအပှ့ၤလၢနသးသမူဒၣ်နဲ, ဒီးနသုးမုၢ်ကဘၣ်တၢ်မၤဟးဂီၤကွံာ်အီၤလၢနပျဲအဝဲအသုးမုၢ် ပူၤဖျဲးကွံာ်အဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:31

ကီၢ်စူၤရံအစီၤပၤဟ့ၣ်လီၤအကလုၢ်ဆူပှၤအခိၣ်သၢဆံခံဂၤလၢ လ့ၣ်ကဟၣ်ဒုးသုးအဂီၢ်လၢ, မ့တမ့ၢ်ဘၣ်လၢကီၢ်အံၣ်စရ့လးအစီၤပၤဘၣ်န့ၣ်, အဝဲသ့ၣ်သုတဒုးပှၤအဂၤနီတဂၤတဂ့ၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:4

စီၤဘ့ၣ်ဟဒးဘၣ်သူၣ်ဘၣ်သးတ့ၢ်လၢစီၤအၤစါအတၢ်ဃ့, ဒီးအဝဲဆှၢလီၤအပှၤသုးမုၢ်အခိၣ်တဖၣ်ဃုာ်ဒီးအဝဲသ့ၣ်အသုး မုၢ်တဖၣ်ဒ်သိးအကလဲၤဒုးကီၢ်အံၣ်စရ့လးအဝ့ၢ်တဖၣ်န့ၣ်လီၤ. အဝဲသ့ၣ်မၤန့ၢ်ကွံာ်ဝ့ၢ်ဧံၤယိၣ်, ဝ့ၢ်ဒၣ်, ဝ့ၢ်အၤဘ့ၤလးဘ့ၤ သမၤကၤဒီးကယဲၢ်ဝ့ၢ်ခဲလၢာ်လၢနးသၤလံအကီၢ်ပူၤဖဲတၢ်လၢတၢ် လိၣ်ဘၣ်တဖၣ်ဘၣ်တၢ်ပိာ်ဖှိၣ်အီၤအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:30

ကီၢ်စူၤရံအစီၤပၤဟ့ၣ်လီၤတ့ၢ်အကလုၢ်ဆူအလ့ၣ်ကဟၣ်သုးအခိၣ် တဖၣ်လၢအသုတလဲၤထီၣ်ဒုးပှၤအဂၤတဂ့ၤ. မ့မ့ၢ်ကဒုးဒၣ်ထဲကီၢ်အံၣ်စရ့လးအစီၤပၤဧိၤန့ၣ်လီၤ.

လံာ်ယၡါယၤ 26:10

နသးကညီၤဘၣ်ပှၤအအၢအသီတဖၣ်ဒၣ်လဲာ်, အဝဲသ့ၣ်တမၤလိန့ၢ်တၢ်အဘၣ်နီတစုဘၣ်. လၢပှၤဂီၢ်မုၢ်အတီအလိၤအကီၢ် တဘ့ၣ်အံၤအပူၤဒၣ်လဲာ်, အဝဲသ့ၣ်မၤဒံးတၢ်ကမၣ်လီၤ. အဝဲသ့ၣ်ဂ့ၢ်လိာ်လၢကသ့ၣ်ညါ ပာ်ကဲနတၢ်ဒိၣ်တၢ်မုၢ်လီၤ.

လံာ်ယၡါယၤ 8:12

“မၤဃုာ်မၤသကိးတၢ်ဒီးပှၤဂီၢ်မုၢ်အတၢ်ကူၣ်တဖၣ်န့ၣ်တဂ့ၤ, ဒီးပျံၤတၢ်တဖၣ်လၢအဝဲသ့ၣ်ပျံၤဝဲန့ၣ်တဂ့ၤ.

လံာ်သိၣ်လီၤသီလီၤတၢ် 7:2

ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 11:1

လၢခံပူၤကွံာ်တလါဃၣ်ဃၣ်န့ၣ်, ကီၢ်ဧၣ်မိၣ်အစီၤပၤစီၤနၤဃၣ် ဆှၢထီၣ်အသုးမုၢ်ထီဒါဝ့ၢ်ယၤဘ့ၣ်အိၣ်လၢကီၢ်ကံးလဧးအလီၢ် ကဝီၤအပူၤန့ၣ်ဒီးကဝီၤဃးအီၤန့ၣ်လီၤ. ပှၤပိာ်ခွါတဖၣ်လၢအအိၣ်လၢဝ့ၢ်ယၤဘ့ၣ်အပူၤစံးဘၣ်စီၤနၤဃၣ်, “မၤတၢ်အၢၣ်လီၤအီလီၤတမံၤဒီးပှၤတက့ၢ်. ဒီးပကတူၢ်လိာ်နၤဒ်ပှၤတဂၤလၢအပၢဘၣ်ပှၤအသိးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:8

အဝဲဖီၣ်န့ၢ်မူဒံးပှၤဧမၤလ့းဖိအစီၤပၤစီၤအၤကးဒီးမၤသံ ကွံာ်ကယဲၢ်ပှၤဂီၢ်မုၢ်ခဲလၢာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:9

ဘၣ်ဆၣ်ဒီးစီၤစီလူးဒီးအပှၤတဖၣ်ပျဲပူၤစီၤအၤကးအသးသမူ ဒီးတမၤသံဘၣ်, သိ, ဂီၤဘုၣ်ဂီၤဖံး, ကျီၢ်သးစၢ်ဒီးသိဖိ သးစၢ်အဂ့ၤကတၢၢ်တဖၣ်မ့ၢ်ဂ့ၤ, တၢ်တမံၤလၢ်လၢ်လၢအဂ့ၤတဖၣ်မ့ၢ်ဂ့ၤန့ၣ်ဘၣ်. အဝဲသ့ၣ်မၤဟးဂီၤကွံာ်ဒၣ်ထဲတၢ်လၢတဂိာ်တသီၣ်ဘၣ်ဒီးအလုၢ် အပှ့ၤတအိၣ်ဘၣ်တဖၣ်န့ၣ်လီၤ.