လံာ်စီၤပၤအခီၣ်ထံးတဘ့ၣ် 20:33 - Sgaw Karen Common Bible

³³ စီၤဘ့ၣ်ဟဒးအပဒိၣ်ပပှၢ်တဖၣ်ခိးကွၢ်တၢ်ပနီၣ်အဂ့ၤတမံၤ, ဒီးဖဲစီၤအၤဃာ်စံးဝဲ, “ဒီပုၢ်ဝဲၢ်ခွါ” န့ၣ်, အဝဲသ့ၣ်ဟံးန့ၢ်တၢ်ခွဲးတၢ်ယာ်တဘျီဃီဒီးစံးဝဲ, “ဒ်နစံးအသိး, စီၤဘ့ၣ်ဟဒးမ့ၢ်နဒီပုၢ်ဝဲၢ်ခွါလီၤ.” စီၤအၤဃာ်မၤလိာ်ဝဲ, “ဟဲကိးအီၤဆူယအိၣ်တက့ၢ်.” တုၤစီၤဘ့ၣ်ဟဒးဟဲတုၤဝဲန့ၣ်စီၤအၤဃာ်ကွဲဃီၤအီၤလၢကဒိး ထီၣ်လ့ၣ်ကဟၣ်ဃုာ်ဒီးအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:33 Iomraidhean Croise

လံာ်စီၤပၤအခီၣ်ထံးတဘ့ၣ် 15:18

လၢတၢ်န့ၣ်အဃိစီၤအၤစါဟံးထီၣ်ကယဲၢ်စ့ဒီးထူလၢအအိၣ်လီၤ တဲာ်လၢယွၤအတၢ်လုၢ်ဟံၣ်အပူၤဒီးနီအပူၤ, ဒီးဆှၢလီၤဝဲဆူဒၤမ့ၤစ့း, ဆူကီၢ်စူၤရံအစီၤပၤဘ့ၣ် ဟဒးအအိၣ်ခီဖျိပဒိၣ်ပပှၢ်တနီၤဃုာ်ဒီးတၢ်ကစီၣ်အံၤန့ၣ်လီၤ. စီၤပၤဘ့ၤဟဒးမ့ၢ်စီၤတၤဘြံမိၣ်အဖိခွါ, ဒီးစီၤဃ့စိၣ်အလံၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:32

လၢတၢ်န့ၣ်အဃိအဝဲသ့ၣ်စၢထီၣ်ထၢၣ်တၢ်ကံးယာ်လၢအယီၢ်ဒ့တဖၣ် အလိၤဒီးပျံၤလၢအကိာ်တဖၣ်အလိၤ, လဲၤဝဲဆူစီၤပၤအၤဃာ်အအိၣ်ဒီးစံးဝဲ, “နခ့နပှၤစီၤဘ့ၣ်ဟဒးဃ့ကညးနၤလၢအသးသမူအဂီၢ်န့ၣ်လီၤ.” စီၤအၤဃာ်စံးဆၢဝဲ, “မ့ၢ်အဝဲအိၣ်မူဒံးဧါ. ဂ့ၤလီၤ. အဝဲလီၤဂာ်ဒ်သိးဒီပုၢ်ဝဲၢ်ခွါတဂၤလၢယဂီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:34

စီၤဘ့ၣ်ဟဒးစံးဘၣ်အီၤ, “ယကဟ့ၣ်ကဒါက့ၤနၤဝ့ၢ်တဖၣ်လၢယပၢ်မၤန့ၢ်ကွံာ်လၢနပၢ်အအိၣ်, ဒီးနကပာ်လီၤတၢ်ကူၣ်တၢ်ကၤအလီၢ်ခၢၣ်သးတတီၤလၢနဂီၢ်ဒၣ်နဲလၢ ဝ့ၢ်ဒၤမ့းစ့းအပူၤ, ဒ်ယပၢ်မၤတ့ၢ်ဝဲလၢဝ့ၢ်ၡၤမရံအပူၤအသိးန့ၣ်လီၤ.” စီၤအၤဃာ်စံးဆၢဝဲ, “လၢတၢ်အၢၣ်လီၤလိာ်သကိးသးတဖၣ်အံၤ အဃိယကပျၢ်ပူၤဖျဲးနၤလီၤ.” အဝဲမၤတၢ်အၢၣ်လီၤလိာ်သးဒီးအီၤဒီးပျၢ်ကွံာ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:15

စီၤယ့ၤဟူစးထီၣ်လဲၤကဒီးတၢ်, ဒီးလၢကျဲန့ၣ်အဝဲဘၣ်တၢ်ဟဲ သဂၢၢ်အီၤလၢစီၤရ့ကာ်အဖိခွါစီၤယိၤနဒာ်န့ၣ်လီၤ. စီၤယ့ၤဟူဆၢဂ့ၤဆၢဝါအီၤဒီးစံးဘၣ်ဝဲ, “နၤဒီးယၤပဆိကမိၣ်တၢ်ဒ်သိးသိးလီၤ. မ့ၢ်နကဆီၣ်ထွဲ မၤစၢၤယၤဧါ.” စီၤယိၤနဒာ်စံးဆၢအီၤ, “မ့ၢ်, ယကမၤလီၤ.” စီၤယ့ၤဟူစံးဆၢဝဲ, “မ့မ့ၢ်ဒ်န့ၣ်ဒီး, ဟ့ၣ်ယၤနစုတက့ၢ်. အဝဲသ့ၣ်စှီၤတံၢ်လိာ်အစု, ဒီးစီၤယ့ၤဟူမၤစၢၤအီၤလၢကထီၣ်ဆူလ့ၣ်ကဟၣ်အပူၤ,

တၢ်ကတိၤဒိ. 25:13

ပှၤစိာ်တၢ်ကစီၣ်လၢတၢ်နာ်န့ၢ်အီၤသ့တဂၤန့ၣ်မၤမူမၤဂဲၤက့ၤ ပှၤလၢအမၢလီၤအီၤတဂၤအသး, လီၤဂာ်ဒ်ထံခုၣ်လၢတၢ်ကိၢ်ခါကူးဘုအကတီၢ်အသိးန့ၣ်လီၤ.

လံာ်လူၤကၣ် 16:8

ပှၤပၢၤတၢ်စုလီၢ်ခီၣ်ခိၣ်တဂၤအံၤအကစၢ်စံးထီၣ်ပတြၢၤအီၤလၢ အမၤတၢ်လၢအလၢပှဲၤဒီးတၢ်ကူၣ်ဘၣ်ဖးသ့ဒ်အံၤအသိးအဃိန့ၣ်လီၤ. အဂ့ၢ်ဒ်အံၤ, ဖဲလၢအဘၣ်ဃးဒီးတၢ်ကွၢ်ထွဲသုးကျဲၤတၢ်လၢ အတၢ်ဂ့ၢ်တၢ်ကျိၤတဖၣ်အဂ့ၢ်န့ၣ်ပှၤလၢဟီၣ်ခိၣ်တစိၤအံၤတဖၣ် ကူၣ်ဘၣ်ဖးသ့ဒိၣ်န့ၢ်ပှၤဘၣ်ဃးဒီးတၢ်ကပီၤတဖၣ်, တက့ၢ်လီၤ.”

မၤတၢ် 8:31

ပဒိၣ်န့ၣ်စံးဆၢက့ၤအီၤ, “ပှၤမ့ၢ်တအိၣ်လၢအကတဲနၢ်ပၢၢ်ယၤ တဂၤဘၣ်ဒီး, ယနၢ်ပၢၢ်ယဲကသ့ဒ်လဲၣ်.” သတးဒီးအဝဲဒၣ်ကွဲမုာ်အီၤဒီးစံး, “ဟဲထီၣ်ဒိးသကိးလ့ၣ်ကဟၣ်ဒီးယၤတက့ၢ်.”