လံာ်စီၤပၤအခီၣ်ထံးတဘ့ၣ် 20:32 - Sgaw Karen Common Bible

³² လၢတၢ်န့ၣ်အဃိအဝဲသ့ၣ်စၢထီၣ်ထၢၣ်တၢ်ကံးယာ်လၢအယီၢ်ဒ့တဖၣ် အလိၤဒီးပျံၤလၢအကိာ်တဖၣ်အလိၤ, လဲၤဝဲဆူစီၤပၤအၤဃာ်အအိၣ်ဒီးစံးဝဲ, “နခ့နပှၤစီၤဘ့ၣ်ဟဒးဃ့ကညးနၤလၢအသးသမူအဂီၢ်န့ၣ်လီၤ.” စီၤအၤဃာ်စံးဆၢဝဲ, “မ့ၢ်အဝဲအိၣ်မူဒံးဧါ. ဂ့ၤလီၤ. အဝဲလီၤဂာ်ဒ်သိးဒီပုၢ်ဝဲၢ်ခွါတဂၤလၢယဂီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:32 Iomraidhean Croise

လံာ်စီၤပၤအခီၣ်ထံးတဘ့ၣ် 20:31

အဝဲအပဒိၣ်ပပှၢ်တဖၣ်လဲၤဆူအအိၣ်ဒီးစံးဘၣ်အီၤ, “ပနၢ်ဟူတ့ၢ်လၢကီၢ်အံၣ်စရ့လးအစီၤပၤတဖၣ်သးကညီၤတၢ်သ့ လီၤ. ဟ့ၣ်ပှၤတၢ်ပျဲလၢပကလဲၤဆူကီၢ်အံၣ်စရ့လးအစီၤပၤအအိၣ်, အိၣ်ဒီးဆ့ကၤထၢၣ်တၢ်ကံးယာ်လၢပယီၢ်ဒ့တဖၣ်အလိၤဒီးပျံၤတဖၣ် လၢပကိာ်တဖၣ်အလိၤဒီးဘၣ်သ့ၣ်သ့ၣ်အဝဲကပျဲပူၤဖျဲးနသးသမူ န့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:33

စီၤဘ့ၣ်ဟဒးအပဒိၣ်ပပှၢ်တဖၣ်ခိးကွၢ်တၢ်ပနီၣ်အဂ့ၤတမံၤ, ဒီးဖဲစီၤအၤဃာ်စံးဝဲ, “ဒီပုၢ်ဝဲၢ်ခွါ” န့ၣ်, အဝဲသ့ၣ်ဟံးန့ၢ်တၢ်ခွဲးတၢ်ယာ်တဘျီဃီဒီးစံးဝဲ, “ဒ်နစံးအသိး, စီၤဘ့ၣ်ဟဒးမ့ၢ်နဒီပုၢ်ဝဲၢ်ခွါလီၤ.” စီၤအၤဃာ်မၤလိာ်ဝဲ, “ဟဲကိးအီၤဆူယအိၣ်တက့ၢ်.” တုၤစီၤဘ့ၣ်ဟဒးဟဲတုၤဝဲန့ၣ်စီၤအၤဃာ်ကွဲဃီၤအီၤလၢကဒိး ထီၣ်လ့ၣ်ကဟၣ်ဃုာ်ဒီးအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:42

အန့ၣ်ဒီး, ဝံန့ၣ်စံးဘၣ်စီၤပၤ, “အအံၤမ့ၢ်ယွၤအတၢ်ကတိၤန့ၣ် လီၤ. မ့ၢ်လၢနပျဲပူၤဖျဲးကွံာ်ပှၤတဂၤလၢယမၤလိာ်လၢကဘၣ်တၢ်မၤသံ ကွံာ်အီၤအသးသမူအဃိန့ၣ်, နကဘၣ်ဟ့ၣ်က့ၤတၢ်အံၤအပှ့ၤလၢနသးသမူဒၣ်နဲ, ဒီးနသုးမုၢ်ကဘၣ်တၢ်မၤဟးဂီၤကွံာ်အီၤလၢနပျဲအဝဲအသုးမုၢ် ပူၤဖျဲးကွံာ်အဃိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 10:5

လၢတၢ်န့ၣ်အဃိပဒိၣ်လၢအအိၣ်မူအိၣ်ဒါလၢနူၢ်ပူၤစီၤပူၤဒီး ပဒိၣ်လၢအအိၣ်ဒီးမူဒါလၢဝ့ၢ်အဖီခိၣ်ဃုာ်ဒီးခူဖိဝ့ၢ်ဖိ အတူၢ်ဒိၣ်ကီၤဒိၣ်တဖၣ်, ဒီးပှၤကွၢ်ထွဲတၢ်တဖၣ်, ဆှၢလီၤတၢ်ကစီၣ်အံၤဆူစီၤယ့ၤဟူအအိၣ်စံးဝဲ, “ပမ့ၢ်နခ့နပှၤတဖၣ်ဒီးပအိၣ်ကတဲာ်ကတီၤပသးလၢ ပကမၤကယဲၢ်တၢ်လၢနစံးဘၣ်ပှၤတမံၤလၢ်လၢ်န့ၣ်လီၤ. ဘၣ်ဆၣ်ပတပာ်ထီၣ်ပှၤနီတဂၤလၢစီၤပၤန့ၣ်ဘၣ်. မၤတၢ်တမံၤလၢ်လၢ်လၢနဆိကမိၣ်လၢအမ့ၢ်တၢ်အဂ့ၤကတၢၢ်န့ၣ် တက့ၢ်.”

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”