လံာ်စီၤပၤအခီၣ်ထံးတဘ့ၣ် 20:29 - Sgaw Karen Common Bible

²⁹ လၢနွံသီအတီၢ်ပူၤန့ၣ်, ပှၤစူၤရံဖိတဖၣ်ဒီးပှၤအံၣ်စရ့လး ဖိတဖၣ်အိၣ်ဒၣ်လၢအသူၣ်ဒဲအလီၢ်တဖၣ်, ကွၢ်ဆၢညါလိာ်အသးန့ၣ်လီၤ. လၢနွံနံၤတနံၤန့ၣ်အဝဲသ့ၣ်စးထီၣ်ဒုးလိာ်အသးဒီးပှၤအံၣ် စရ့လးဖိမၤသံကွံာ်ပှၤစူၤရံဖိအဂၤတကလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 20:29 Iomraidhean Croise

လံာ်တၢ်ကဲထီၣ်အခီၣ်ထံး 25:20

ဒီးဖဲစီၤအံၤစဲးန့ၢ်မါလၢနီၢ်ရံးဘကၤ, လၢအမ့ၢ်ပှၤစူၤရံဖိ စီၤဘသူၤအ့လးအိၣ်လၢပၤဒနါရၣ်အပျီပူၤ (ပှၤအမံနယၣ်ဖိလၢ ကီၢ်မ့းစပံတၤမ, အဖိမုၣ်), ပှၤစူၤရံဖိစီၤလၤဘၣ်အဒီပုၢ်ဝဲၢ်မုၣ်န့ၣ်, အသးအိၣ်လံဝဲအနံၣ်လွံၢ်ဆံန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:18

တၢ်ဒုးတၢ်ယၤစးထီၣ်ဝဲဒီးပှၤအံၣ်စရ့လးဖိတဖၣ်နီၣ်ကဒါက့ၤ ပှၤစူၤရံဖိအသုးမုၢ်ဆူအလီၢ်ခံန့ၣ်လီၤ. စီၤဒၤဝံးဒီးအပှၤတဖၣ်မၤသံကွံာ်ပှၤစူၤရံဖိအပှၤနီၣ်လ့ၣ်ကဟၣ်ဒုးသုးအဂၤနွံကယၤဒီး ကသ့ၣ်သုးဖိအဂၤလွံၢ်ကလး, ဒီးအဝဲသ့ၣ်မၤဘၣ်ဒိဘၣ်ထံးဒုၣ်ဒါအသုးခိၣ်ကျၢၢ်စီၤၡိဘး လၢအသံဝဲဖဲတၢ်ဒုးပျီအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:28

ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “အအံၤမ့ၢ်တၢ်လၢယွၤစံးဝဲန့ၣ်လီၤ. မ့ၢ်လၢပှၤစူၤရံဖိ သ့ၣ်တဖၣ်စံးဝဲလၢယမ့ၢ်ကစၢၢ်ကလိအကစၢ်တဂၤဒီးတမ့ၢ်ဘၣ်တၢ်ပၢၤ ခိၣ်အကစၢ်ဘၣ်အဃိယကဟ့ၣ်နၤတၢ်မၤနၢၤလၢအဝဲသ့ၣ်အသုးမုၢ်ဖး ဒိၣ်အဖီခိၣ်ဒီး, နၤဒီးနပှၤဂီၢ်မုၢ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:30

ပှၤအိၣ်မူလီၤတဲာ်ဒံးတဖၣ်ဃ့ၢ်ပူၤဖျဲးဝဲဆူဝ့ၢ်အဖ့းအပူၤ ဒီးဖဲန့ၣ်ဝ့ၢ်ခိၣ်ဒူတဖၣ်လီၤပှီၢ်ဝဲလၢပှၤခံကလးနွံကထိဂၤ အလိၤန့ၣ်လီၤ. စီၤဘ့ၣ်ဟဒးစ့ၢ်ကီးဃ့ၢ်ပူၤဖျဲးဝဲဆူဝ့ၢ်ပူၤဒီးလဲၤအိၣ် သဒၢအသးဖဲဟံၣ်တဟံၣ်အဒၢးလၢတၢ်သးကံၢ်ပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:17

ဝံၤဒီးဒ်ဝံသိၣ်လိနဲၣ်ယုၤအီၤအသိးန့ၣ်, စီၤပၤအိးထီၣ်ပဲတြီ လၢအကွၢ်ဆၢညါတၢ်ဆူကီၢ်စူၤရံန့ၣ်လီၤ. စီၤအလံၤၡါဟ့ၣ်လီၤအကလုၢ်, “ခးပျၢ်န့ၣ်တက့ၢ်.” ဖဲစီၤပၤခးပျၢ်တဘျီဃီန့ၣ်, ဝံစံးဝဲဒၣ်, “နမ့ၢ်ယွၤအပျၢ်လၢအဝဲကမၤနၢၤကွံာ်ကီၢ်စူၤရံခီဖျိနၤန့ၣ်လီၤ. နကဒုးတၢ်ဒီးပှၤစူၤရံဖိတဖၣ်ဖဲဝ့ၢ်အဖ့း, တုၤနမၤနၢၤကွံာ်အဝဲသ့ၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 13:25

အန့ၣ်ဝံၤဒီးကီၢ်အံၣ်စရ့လးအစီၤပၤယိၤအၣ်မၤနၢၤကွံာ်စီၤ ဘ့ၣ်ဟဒးသၢဘျီ, ဒီးမၤန့ၢ်က့ၤဝ့ၢ်တဖၣ်လၢစီၤဘ့ၣ်ဟဒးဟံးန့ၢ်ကွံာ်ဝဲ, ဖဲစီၤယဟိအါဃးလၢအမ့ၢ်စီၤယိၤအၣ်အပၢ်ပၢတၢ်အခါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:17

စီၤအဘံယၤဒီးအသုးမုၢ်ဒုးနၢၤဒီးမၤဃၣ်ကွံာ်ပှၤအံၣ်စရ့လး ဖိတဖၣ်ဒိၣ်ဒိၣ်မုၢ်မုၢ်, တုၤအံၣ်စရ့လးအပှၤသုးဖိအဂ့ၤကတၢၢ် ယဲၢ်ကလီၢ်ဂၤဘၣ်တၢ်မၤသံကွံာ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:6

ယွၤပျဲစ့ၢ်ကီးကီၢ်အံၣ်စရ့လးအစီၤပၤပ့ကးလၢအမ့ၢ်စီၤရမါ လယၤအဖိခွါမၤနၢၤကွံာ်စီၤအၤဃး, ဒီးမၤသံကွံာ်ပှၤယူဒၤဖိလၢအအိၣ်ဒီးတၢ်သူၣ်ဒူသးဒူကတၢၢ် အဂၤတကလီၢ်ခံကလး, လၢတနံၤဃီအတီၢ်ပူၤန့ၣ်လီၤ. ယွၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤ, ပျဲတၢ်အံၤကမၤအသး, မ့ၢ်လၢကီၢ်ယူဒၤအပှၤဂီၢ်မုၢ်လဲၤသဒၣ်ကွံာ်အီၤအဃိန့ၣ်လီၤ.

စံးထီၣ်ပတြၢၤ 10:16

ယွၤမ့ၢ်စီၤပၤအစိၤစိၤအဃၣ်ဃၣ်လီၤ. ပှၤလၢအဘူၣ်ထီၣ်ဘါထီၣ် ကစၢ်အဂၤတဖၣ်န့ၣ် ကလီၤမၢ်ကွံာ်လၢအကီၢ်ပူၤလီၤ.

လံာ်ယၡါယၤ 37:36

ယွၤအကလူးတဂၤလဲၤဆူပှၤအၤၡူၢ်ဖိတဖၣ်သူၣ်ဒဲအလီၢ်ဒီးမၤသံ သုးဖိတကလီၢ်ဃိးကလးယဲၢ်ကထိဂၤန့ၣ်လီၤ. လၢခံတနံၤဂီၤဂီၤန့ၣ်, အဝဲသ့ၣ်အိၣ်စူၣ်လီၤအသးဖဲန့ၣ်ဒီးသံဝဲခဲလၢာ်န့ၣ်လီၤ.

လံာ်စီၤယိၤၡူ 6:15

နွံသီတသီန့ၣ်အဝဲသ့ၣ်ဂဲၤဆၢထၢၣ် ဂီၤဂီၤဒီးလဲၤတရံးဝ့ၢ်နွံဝီန့ၣ်လီၤ. ထဲဒၣ်လၢနွံသီတသီအံၤန့ၣ်, အဝဲသ့ၣ်လဲၤတရံးဝ့ၢ်နွံဝီ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:16

စီၤကၤလယးတၤပှၤအံၣ်စရ့လးဖိတဖၣ်ကိးမုၢ်ဂီၤဒဲးကိးမုၢ် ဟါဒဲးလၢအသီလွံၢ်ဆံအတီၢ်ပူၤန့ၣ်လီၤ.