လံာ်စီၤပၤအခီၣ်ထံးတဘ့ၣ် 20:28 - Sgaw Karen Common Bible

²⁸ ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “အအံၤမ့ၢ်တၢ်လၢယွၤစံးဝဲန့ၣ်လီၤ. မ့ၢ်လၢပှၤစူၤရံဖိ သ့ၣ်တဖၣ်စံးဝဲလၢယမ့ၢ်ကစၢၢ်ကလိအကစၢ်တဂၤဒီးတမ့ၢ်ဘၣ်တၢ်ပၢၤ ခိၣ်အကစၢ်ဘၣ်အဃိယကဟ့ၣ်နၤတၢ်မၤနၢၤလၢအဝဲသ့ၣ်အသုးမုၢ်ဖး ဒိၣ်အဖီခိၣ်ဒီး, နၤဒီးနပှၤဂီၢ်မုၢ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:28 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:13

စီၤယိၤအာ်ဒီးအပှၤတဖၣ်လဲၤထီၣ်ဆူညါလၢကဒုးတၢ်အဂီၢ်ဒီးပှၤ စူၤရံဖိတဖၣ်ထွးထီၣ်ဃ့ၢ်ကွံာ်ဝဲဒၣ်လီၤ.

လံာ်စီၤပၤအခီၣ်ထံးတဘ့ၣ် 13:1

ဖဲစီၤယၤရၤဘၣ်ဆၢထၢၣ်ဝဲဖဲတၢ်လုၢ်လီၢ်လၢကလုၢ်ထီၣ်ပာ်ထီၣ် တၢ်န့ၣ်ယွၤအဝံတဂၤလၢကီၢ်ယူဒၤလဲၤတုၤဝဲဆူဝ့ၢ်ဘ့ၤသ့လး ဒ်ယွၤမၤလိာ်အီၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

လံာ်စီၤပၤအခီၣ်ထံးတဘ့ၣ် 18:36

တုၤနၣ်ရံၣ်လၢမုၢ်ဃ့ၢ်လီၤတၢ်လုၢ်တၢ်ပာ်အကတီၢ်တုၤဝဲန့ၣ်, ဝံအ့ၤလံယၤသုးဘူးအသးဆူတၢ်လုၢ်လီၢ်ဒီးဘါထုကဖၣ်ဝဲ, “အိယွၤ, စီၤအၤဘြၤဟၣ်, စီၤအံၤစဲး, စီၤယၤကိာ်အကစၢ်ယွၤဧၢ, ဒုးနဲၣ်နသးခဲကနံၣ်အံၤလၢနမ့ၢ်ကီၢ်အံၣ်စရ့လးအကစၢ်ယွၤဒီး ယမ့ၢ်နခ့နပှၤဒီးယမၤတၢ်မၤခဲလၢာ်ဒ်နတၢ်မၤလိာ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:37

စံးဆၢယၤ, ယွၤဧၢ, စံးဆၢယၤ, ဒ်သိးပှၤဂီၢ်မုၢ်အံၤကသ့ၣ်ညါ ဝဲလၢနၤ, ယွၤန့ၣ်မ့ၢ်ကစၢ်ယွၤဒီးလၢနဘိးကဒါက့ၤအဝဲသ့ၣ်အသးတဖၣ်ဆူ နအိၣ်န့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 20:13

အကတီၢ်ဖဲန့ၣ်ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “ယွၤစံးဝဲဒၣ်, ပျံၤသုးမုၢ်ဖးဒိၣ်န့ၣ်တဂ့ၤ. ယကဟ့ၣ်နၤတၢ်မၤနၢၤအီၤလၢမုၢ်မဆါတနံၤအံၤန့ၣ်လီၤ. ဒီးနကသ့ၣ်ညါလၢယမ့ၢ်ယွၤလီၤ.”

လံာ်စီၤပၤအခီၣ်ထံးတဘ့ၣ် 20:29

လၢနွံသီအတီၢ်ပူၤန့ၣ်, ပှၤစူၤရံဖိတဖၣ်ဒီးပှၤအံၣ်စရ့လး ဖိတဖၣ်အိၣ်ဒၣ်လၢအသူၣ်ဒဲအလီၢ်တဖၣ်, ကွၢ်ဆၢညါလိာ်အသးန့ၣ်လီၤ. လၢနွံနံၤတနံၤန့ၣ်အဝဲသ့ၣ်စးထီၣ်ဒုးလိာ်အသးဒီးပှၤအံၣ် စရ့လးဖိမၤသံကွံာ်ပှၤစူၤရံဖိအဂၤတကလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:19

အဝဲသ့ၣ်ကတိၤတၢ်ဘၣ်ဃးဒီးဝ့ၢ်ယရူၤၡလ့ၣ်အကစၢ်ယွၤအဂ့ၢ်, တမံၤဃီဒ်အဝဲသ့ၣ်ကတိၤတၢ်ဘၣ်ဃးဒီးပှၤဂီၢ်မုၢ်အဂၤတဖၣ်အကစၢ် တဖၣ်လၢအမ့ၢ်တၢ်ဂီၤတၢ်ဖီၣ်တဖၣ်လၢအဘၣ်တၢ်မၤအီၤလၢပှၤ ကညီအစုတဖၣ်အသိးန့ၣ်လီၤ.

စံးထီၣ်ပတြၢၤ 46:11

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 79:10

ဘၣ်မနုၤလၢပှၤကလုာ်တဖၣ်ကစံးဝဲ, “အကစၢ်ယွၤအိၣ်ဖဲလဲၣ်” န့ၣ်လဲၣ်. တၢ်မၤကၣ်နခ့နပှၤအသွံၣ်လၢအလူလီၤအသးန့ၣ်, မ်အအိၣ်ဖျါလၢပှၤကလုာ်တဖၣ်အကျါလၢပမဲာ်ညါန့ၣ်တက့ၢ်.

လံာ်တၢ်ဟးထီၣ်ကွံာ် 6:7

ဒီးယကဒုးကဲထီၣ်သုလၢယပှၤဂီၢ်မုၢ်, ဒီးယကကဲထီၣ်သုကစၢ်ယွၤလီၤ. ဒီးသုကသ့ၣ်ညါလၢယမ့ၢ်ယွၤ, သုကစၢ်ယွၤဖဲယမၤထူၣ်ဖျဲးသုလၢကီၢ်အဲၤကူပတူး အတၢ်မၢကဲကုၢ်အပူၤန့ၣ်လီၤ.

လံာ်တၢ်ဟးထီၣ်ကွံာ် 7:5

ဒီးပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤ, ဖဲယယူာ်ထီၣ်ယစုထီဒါအဝဲသ့ၣ်ဒီးဒုးဟးထီၣ်ကွံာ်ပှၤအံၣ်စရ့လးဖိ တဖၣ်လၢကီၢ်အဲၤကူပတူးန့ၣ်လီၤ.”

လံာ်တၢ်ဟးထီၣ်ကွံာ် 8:22

ဘၣ်ဆၣ်ယကပျဲပူၤကီၢ်ကိၡ့ၣ်ဖဲယပှၤဂီၢ်မုၢ်တဖၣ်အိၣ်ဝဲဆိးဝဲဒ် သိးသၣ်ဘုလါသုတအိၣ်ဖဲန့ၣ်နီတဘ့ၣ်တဂ့ၤန့ၣ်လီၤ. ယကမၤတၢ်အံၤဒ်သိးနကသ့ၣ်ညါလၢ, ယၤ, ယွၤအံၤယမ့ၢ်ပှၤလၢအမၤတၢ်အံၤလၢကီၢ်အံၤအပူၤလီၤ.

လံာ်ယၡါယၤ 36:20

ထံကီၢ်ခဲလၢာ်အံၤအကစၢ်တဖၣ်အကျါတဂၤဂၤမ့ၢ်အမၤပူၤဖျဲးတ့ၢ် အထံအကီၢ်လၢပစီၤပၤဖးဒိၣ်အစုပူၤဖဲလဲၣ်ခါလဲၣ်. မ့မ့ၢ်ဒ်န့ၣ်ဒီး, မ့ၢ်တၢ်မနုၤဒုးဆိကမိၣ်သုလၢယွၤမၤပူၤဖျဲးဝ့ၢ်ယရူၤရှလ့ၣ်သ့န့ၣ်လဲၣ်.”

လံာ်ယံးရမံယၤ 14:7

ယပှၤဂီၢ်မုၢ်ကိးထီၣ်ယၤ, ယွၤဧၢ, ဒ်နအၢၣ်လီၤတ့ၢ်ပှၤအသိး, မၤစၢၤပှၤတက့ၢ်. ပဃၣ်ကွံာ်ပသးလၢနၤအါဘျီလံ. ပမၤတ့ၢ်တၢ်ဒဲးဘးထီဒါနၤလီၤ.

လံာ်ယဃ့းစက့လး 11:12

သုကသ့ၣ်ညါလၢယမ့ၢ်ယွၤ, ဒီးဖဲသုဟံးဃာ်ဒံးပှၤကလုာ်လၢသု ဃၢၤတဖၣ်အတၢ်သိၣ်တၢ်သီတဖၣ်အဖၢမုၢ်န့ၣ်, မ့ၢ်သုထီဒါယတၢ်သိၣ်တၢ်သီတဖၣ်လၢပှၤယူဒၤဖိအဂီၢ်ဒီးတစူၢ် ဘၣ်ယတၢ်မၤလိာ်တဖၣ်ဘၣ်န့ၣ်လီၤ.”

လံာ်ယဃ့းစက့လး 12:16

ယကပျဲအဝဲသ့ၣ်စှၤဂၤအိၣ်လီၤတဲာ်တ့ၢ်လၢတၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးလၢတၢ်ဆူးတၢ်ဆါတဖၣ်မၤအသးဝံၤအလီၢ်ခံ, ဖဲန့ၣ်လၢပှၤကလုာ်တဖၣ်အကျါ့ၣ်, အဝဲသ့ၣ်ကသ့ၣ်ညါနၢ်ပၢၢ်ဝဲလၢ အတၢ်မၤတဖၣ်လီၤသးဘၣ်အၢတ့ၢ်ဒ်လဲၣ်ဒီးကအၢၣ်လီၤအီၤလီၤဝဲလၢ ယမ့ၢ်ယွၤ, န့ၣ်လီၤ.”

လံာ်ယဃ့းစက့လး 20:14

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤ, တၢ်န့ၣ်ကဟဲစိာ်ဃီၤတၢ်မၤဘၣ်ဒိယမံၤအလၤကပီၤလၢပှၤကလုာ် တဖၣ်အကျါ, ပှၤတဖၣ်လၢအထံၣ်ဘၣ်တ့ၢ်ယဒုးဟးထီၣ်ကွံာ် အံၣ်စရ့လးန့ၣ်လီၤ.

လံာ်ယဃ့းစက့လး 20:9

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိယမံၤအလၤကပီၤ, မ့ၢ်လၢ, လၢပှၤဂီၢ်မုၢ်လၢအဝဲသ့ၣ်အိၣ်ဝဲဆိးဝဲအကျါ, အမဲာ်ညါန့ၣ်ယဘိးဘၣ်သ့ၣ်ညါတ့ၢ်အံၣ်စရ့လးလၢ, ယကဒုးဟးထီၣ်အဝဲသ့ၣ်လၢကီၢ်အဲၤကူပတူးအပူၤအဃိန့ၣ်လီၤ.

လံာ်ယဃ့းစက့လး 36:32

ကီၢ်အံၣ်စရ့လးဧၢ, ယအဲၣ်ဒိးလၢနကသ့ၣ်ညါလၢ, တမ့ၢ် ယမၤတၢ်သ့ၣ်တဖၣ်ခဲလၢာ်အံၤလၢနဃိဘၣ်. ယအဲၣ်ဒိးလၢ နကကလၢၢ်ဘၣ်တၢ်မဲာ်ဆှးဒီးတၢ်လီၤမဲာ်ဆှးလၢနမၤအီၤတဖၣ် န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ယဃ့းစက့လး 39:7

ယကမၤလီၤတံၢ်ဒ်သိးပှၤဂီၢ်မုၢ်အံၣ်စရ့လးကသ့ၣ်ညါယမံၤ စီဆှံဒီးယတပျဲယမံၤဘၣ်တၢ်မၤမဲာ်ဆှးအီၤနီတ ဘျီလၢၤဘၣ်. အန့ၣ်တစုပှၤကလုာ်တဖၣ်ကသ့ၣ်ညါဝဲလၢယၤ, ယွၤအံၤမ့ၢ်အံၣ်စရ့လးအတၢ်စီဆှံကစၢ်ယွၤန့ၣ်လီၤ.”

လံာ်ယဃ့းစက့လး 6:14

မ့ၢ်လီၤ. ယကယူာ်ထီၣ်ယစုဒီးမၤဟးဂီၤအဝဲသ့ၣ်အထံအကီၢ်န့ၣ်လီၤ. ယကဒုးကဲထီၣ်အီၤလၢတၢ်လီၢ်လီၤဟိတပူၤစးထီၣ်လၢကလံၤထံး မဲးမုၢ်ခိၣ်တုၤလီၤလၢဝ့ၢ်ဒံးဘလးလၢကလံၤစိးတခီ, ဒီးယတပျဲပူၤတၢ်လီၢ်နီတတီၤဖဲပှၤအံၣ်စရ့လးဖိတဖၣ်အိၣ်ဆိး ဝဲန့ၣ်ဘၣ်လီၤ. အန့ၣ်ဒီး, ပှၤခဲလၢာ်ကသ့ၣ်ညါလၢယမ့ၢ်ယွၤန့ၣ်လီၤ.

လံာ်သိၣ်လီၤသီလီၤတၢ် 29:6

ကိၣ်လၢသုကအီၣ်မ့ၢ်ဂ့ၤ, စပံးထံမ့တမ့ၢ်သံးလၢသုကအီမ့ၢ် ဂ့ၤတအိၣ်ဒီးသုဘၣ်. ဘၣ်ဆၣ်ယွၤမၤပှဲၤထီၣ်သုတၢ်လိၣ်တဖၣ်ဒ်သိးကသိၣ်လိသုလၢအဝဲ မ့ၢ်သုကစၢ်ယွၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:27

ဘၣ်ဆၣ်ယတပျဲဘၣ်အဝဲသ့ၣ်အဒုၣ်အဒါတဖၣ်ကကတိၤဒိၣ်ကတိၤသွါလီၤ အသးလၢအဝဲသ့ၣ်မၤနၢၤကွံာ်ယပှၤဂီၢ်မုၢ်အဃိ, ဖဲတၢ်န့ၣ်မ့ၢ်ဒၣ်ယကစၢ်ဒၣ်ယဲလၢအမၤလီၤကလဲကွံာ်အဝဲသ့ၣ်တခီလီၤ, အဃိန့ၣ်ဘၣ်.