လံာ်စီၤပၤအခီၣ်ထံးတဘ့ၣ် 20:27 - Sgaw Karen Common Bible

²⁷ ပှၤအံၣ်စရ့လးဖိတဖၣ်ဘၣ်တၢ်ကိးထီၣ်အီၤဒီးဒုးသိးထီၣ်အီၤ တၢ်စုကဝဲၤန့ၣ်လီၤ. အဝဲသ့ၣ်လဲၤထီၣ်ဝဲဒီးသူၣ်အဒဲ ခံဖုအိၣ်ကွၢ်ဆၢညါပှၤစူၤရံဖိတဖၣ်န့ၣ်လီၤ. ပှၤအံၣ်စရ့လးဖိတဖၣ်လီၤဂာ်ဒီးမဲာ်တဲးလဲးအဖုအဆံးဖိခံ ဖု, ဖဲတၢ်ထိၣ်သတြီၤအီၤဒီးပှၤစူၤရံဖိတဖၣ်လၢအရၤလီၤအသးပှဲၤ ဒၣ်တၢ်ပျီပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:27 Iomraidhean Croise

လံာ်စီၤပၤခံဘ့ၣ်တဘ့ၣ် 3:6

တစုဃီဖဲန့ၣ်, စီၤပၤယဟိရၣ်ဟးထီၣ်လၢဝ့ၢ်ၡၤမရံဒီးပာ် ဖှိၣ်ထီၣ်ကယဲၢ်အသုးဖိသံၣ်ဖိခဲလၢာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်စီၤယိၤၡူ 1:11

လၢအကလဲၤဆူပှၤသူၣ်ဒဲအလီၢ်ခဲလၢာ်ဒီးစံးဘၣ်ပှၤဂီၢ်မုၢ်, “ကတဲာ်ကတီၤတၢ်အီၣ်တၢ်အီတက့ၢ်. အဂ့ၢ်ဒ်အံၤ, လၢသၢသီအတီၢ်ပူၤသုကခီဂာ်ထံကျိယၢ်ဒ့ၣ်ဒ်သိးသု ကလဲၤနုာ်လီၤဒီးန့ၢ်သါကီၢ်လၢယွၤသု ကစၢ်ဟ့ၣ်လီၤသုန့ၣ်လီၤ.”

လံာ်ပှၤစံၣ်ညီၣ်ကွီၢ် 6:3

တဘျီလၢ်လၢ်ဖဲပှၤအံၣ်စရ့လးဖိတဖၣ်သူၣ်လီၤဖျးလီၤတၢ်ချံတမံၤမံၤန့ၣ်, ပှၤမံးဒယၣ်ဖိတဖၣ်ဟဲဃုာ်ဒီးပှၤဧမၤလ့းဖိဒီးပှၤအဒူၣ်တဖၣ် လၢအအိၣ်လၢမဲးမုၢ်ခိၣ်, ဒီးဒုးအဝဲသ့ၣ်လီၤ.

လံာ်ပှၤစံၣ်ညီၣ်ကွီၢ် 6:5

အဝဲသ့ၣ်ဟဲဝဲဃုာ်ဒီးအဆၣ်ဖိကီၢ်ဖိတဖၣ်ဒီးဒဲတဖၣ်အါဝဲဂီၢ်ဝဲဒ်သိးဒွဲၣ်ဧိၤတြၤဧိၤန့ၣ်လီၤ. အဝဲသ့ၣ်ဒီးအကီၤလၤအူးတဖၣ်အါဝဲတုၤဒၣ်လဲာ်တၢ်ဂံၢ်အီၤတသ့ဘၣ်လီၤ. အဝဲသ့ၣ်ဟဲဒီးမၤဟးဂူာ်ဟးဂီၤကီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 7:12

ဒီးပှၤမံးဒယၣ်ဖိ, ပှၤဧမၤလ့းဖိဒီးပှၤမဲးမုၢ်ခိၣ်အဒူၣ်တဖၣ် ရၤလီၤအသးလၢတၢ်ပျီပူၤဒ်ဒွဲၣ်ဧိၤတြၤဧိၤအဖုအဂီၢ်အသိး န့ၣ်လီၤ. အဝဲသ့ၣ်အိၣ်ဒီးကီၤလၤအူးအါမးဒ်မဲးဧိၤဟီၣ်ဧိၤလၢပီၣ် လဲၣ်ကၢၢ်နံၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 7:8

မၤသးဒ်န့ၣ်ဒီးစီၤကံးဒဧိၣ်ဆှၢက့ၤပှၤအံၣ်စရ့လးဖိအဂၤတဖၣ် ဆူဟံၣ်န့ၣ်လီၤ. ပာ်တ့ၢ်ဝဲထဲပှၤသၢကယၤဂၤဧိၤလၢအဟံးဃာ်ကယဲၢ်တၢ်အီၣ်တၢ်အီဒီးကွဲၤတဖၣ် လၢအစုပူၤန့ၣ်လီၤ. ပှၤမံးဒယၣ်ဖိအဒဲတဖၣ်အိၣ်လၢအဝဲသ့ၣ်အဖီလာ်လၢတၢ်ပျီပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:2

လၢအသူၣ်အဒဲလၢသ့ၣ်သလဲသၣ်တထံးအဖီလာ်အိၣ်လၢဝ့ၢ်မံးကြိၣ် တဘူးတယံၤဒီးဝ့ၢ်ကံးဘဧၤန့ၣ်ဘၣ်. အဝဲအိၣ်ဒီးပှၤသုးဖိအဂၤဃုကယၤလၢအသိးလီၤ.