လံာ်စီၤပၤအခီၣ်ထံးတဘ့ၣ် 20:26 - Sgaw Karen Common Bible

²⁶ တုၤတၢ်မဲထီၣ်အကတီၢ်တုၤဝဲန့ၣ်, အဝဲကိးထီၣ်အပှၤတဖၣ်ဒီးလဲၤ တၢ်ဃုာ်ဒီးအဝဲသ့ၣ်ဆူဝ့ၢ်အဖ့းလၢတၢ်လဲၤထီၣ်ဒုးပှၤအံၣ်စရ့ လးဖိတဖၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 20:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:1

လၢခံတနံၣ်ဖဲတၢ်မဲထီၣ်သီအကတီၢ်, ဖဲတၢ်ဆၢကတီၢ်လၢ စီၤပၤညီနူၢ်လဲၤထီၣ်ဆူတၢ်ဒုးတၢ်ယၤအခါန့ၣ်, စီၤဒၤဝံးဆှၢလီၤစီၤယိၤအာ်ဃုာ်ဒီးအသုးခိၣ်သုးနၢ်တဖၣ် ဒီးကီၢ်အံၣ်စရ့လးအသုးမုၢ်လၢကလဲၤထီၣ်ဒုးတၢ်အဂီၢ်န့ၣ်လီၤ. အဝဲသ့ၣ်မၤနၢၤကွံာ်ပှၤဧၣ်မိၣ်ဖိတဖၣ်, ဒီးကဝီၤဃးဝ့ၢ်ရးဘၤ န့ၣ်လီၤ. ဘၣ်ဆၣ်ဒီးစီၤဒၤဝံးအကစၢ်ဒၣ်ဝဲအိၣ်တ့ၢ်ဒၣ်လၢဝ့ၢ်ယရူၤၡလ့ၣ် အပူၤလီၤ.

လံာ်စီၤပၤအခီၣ်ထံးတဘ့ၣ် 20:22

အန့ၣ်ဝံၤဒီး, ဝံန့ၣ်, လဲၤဆူစီၤပၤအၤဃာ်အအိၣ်ဒီးစံးဝဲ, “က့ၤကဒါက့ၤဒီးဒုးဆူၣ်ထီၣ်နသုးမုၢ်အဂံၢ်အဘါ, ဒီးမၤထီၣ်တၢ်ကူၣ်ကျဲၤအဂ့ၤတဖၣ်တက့ၢ်. အဂ့ၢ်ဒ်အံၤ, တၢ်မဲထီၣ်အကတီၢ်ခဲကိာ်တဘျီန့ၣ်, ကီၢ်စူၤရံအစီၤပၤကဟဲထီၣ်ဒုးကဒီးတၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:25

ဝံၤဒီး, ဃုထၢပာ်ဖှိၣ်သုးမုၢ်တဖုလၢအဒိၣ်ထဲသိးဒီးသုး မုၢ်တဖုလၢအဃ့ၢ်သဒၣ်ကွံာ်တ့ၢ်နၤ, အိၣ်ဒီးကသ့ၣ်တဖၣ်ဒီးလ့ၣ်ကဟၣ်တဖၣ်အနီၣ်ဂံၢ်တမံၤဃီဒ်လၢညါ အသိးတက့ၢ်. ပကဒုးပှၤအံၣ်စရ့လးဖိတဖၣ်လၢတၢ်ပၢၤခိၣ်တဖၣ်ဒီးတဘျီညါအံၤ ပကနၢၤကွံာ်အဝဲသ့ၣ်န့ၣ်လီၤ.” စီၤပၤဘ့ၣ်ဟဒးအၢၣ်လီၤအီၤဒီးမၤထွဲဝဲအဝဲသ့ၣ်အတၢ်ဟ့ၣ်ကူၣ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 20:30

ပှၤအိၣ်မူလီၤတဲာ်ဒံးတဖၣ်ဃ့ၢ်ပူၤဖျဲးဝဲဆူဝ့ၢ်အဖ့းအပူၤ ဒီးဖဲန့ၣ်ဝ့ၢ်ခိၣ်ဒူတဖၣ်လီၤပှီၢ်ဝဲလၢပှၤခံကလးနွံကထိဂၤ အလိၤန့ၣ်လီၤ. စီၤဘ့ၣ်ဟဒးစ့ၢ်ကီးဃ့ၢ်ပူၤဖျဲးဝဲဆူဝ့ၢ်ပူၤဒီးလဲၤအိၣ် သဒၢအသးဖဲဟံၣ်တဟံၣ်အဒၢးလၢတၢ်သးကံၢ်ပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:17

ဝံၤဒီးဒ်ဝံသိၣ်လိနဲၣ်ယုၤအီၤအသိးန့ၣ်, စီၤပၤအိးထီၣ်ပဲတြီ လၢအကွၢ်ဆၢညါတၢ်ဆူကီၢ်စူၤရံန့ၣ်လီၤ. စီၤအလံၤၡါဟ့ၣ်လီၤအကလုၢ်, “ခးပျၢ်န့ၣ်တက့ၢ်.” ဖဲစီၤပၤခးပျၢ်တဘျီဃီန့ၣ်, ဝံစံးဝဲဒၣ်, “နမ့ၢ်ယွၤအပျၢ်လၢအဝဲကမၤနၢၤကွံာ်ကီၢ်စူၤရံခီဖျိနၤန့ၣ်လီၤ. နကဒုးတၢ်ဒီးပှၤစူၤရံဖိတဖၣ်ဖဲဝ့ၢ်အဖ့း, တုၤနမၤနၢၤကွံာ်အဝဲသ့ၣ်န့ၣ်လီၤ.”

လံာ်စီၤယိၤၡူ 13:4

အိၣ်ဒံးဝဲပှၤကနၤဧၣ်ဖိအကီၢ်ဒီဘ့ၣ်ဒီးဝ့ၢ်မၤရါ (လၢအဘၣ်ဃးဒီးပှၤစံဒိၣ်ဖိတဖၣ်) ဒီးတုၤလၢဝ့ၢ်အဖ့းလၢ ပှၤအမိၢ်ဖိအကီၢ်ဆၢ,

လံာ်စီၤယိၤၡူ 19:30

ဧူးမၤ, အဖ့း, ရဃိာ်, ဝ့ၢ်ခဲလၢာ်မ့ၢ်ဝဲခံဆံခံဖျၢၣ်ဃုာ် ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:31

ဒီးအၤၡ့ၢ်အဒူၣ်တနီၣ်ထီၣ်ကွံာ်ပှၤအိၣ်လၢဝ့ၢ်ဧးကိၤ, ဝ့ၢ်စံဒိၣ်, ဝ့ၢ်အၤဃလာ်, ဝ့ၢ်အၤကစံာ်, ဝ့ၢ်ဃ့လဘၤ, ဝ့ၢ်အဖံး, ဒီးဝ့ၢ်ရဃိာ်အပူၤန့ၣ်ဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:1

ပှၤဖလ့ၡသးဖိတဖၣ်ဟဲပာ်ဖှိၣ်ထီၣ်အသုးမုၢ်သံၣ်ဘိခဲလၢာ်ဖဲ ဝ့ၢ်အဖ့းဖဲပှၤအံၣ်စရ့လးဖိတဖၣ်သူၣ်အဒဲဖဲတၢ်တြီၤယံးစရ့ လးအထံထီၣ်ပၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:1

အကတီၢ်ဝဲန့ၣ်ပှၤဖလ့ၡသးဖိတဖၣ်ပာ်ဖှိၣ်ထီၣ်အသးလၢကဒုးတၢ် ထီဒါကီၢ်အံၣ်စရ့လးန့ၣ်လီၤ. မၤသးဒ်န့ၣ်ဒီး, ပှၤအံၣ်စရ့လးဖိတဖၣ်ကျဲၤအသးလၢကဒုးအဝဲသ့ၣ်န့ၣ်လီၤ. ပှၤအံၣ်စရ့လးဖိတဖၣ်သူၣ်ထီၣ်အဒဲဖဲဝ့ၢ်အ့ဘ့ၣ်န့စၢ်ဒီးပှၤ ဖလ့ၡသးဖိတဖၣ်သူၣ်ထီၣ်အဒဲဖဲဝ့ၢ်အဖ့းအပူၤလီၤ.