လံာ်စီၤပၤအခီၣ်ထံးတဘ့ၣ် 20:21 - Sgaw Karen Common Bible

²¹ စီၤပၤအၤဃာ်လဲၤထီၣ်ဆူတၢ်ဒုးအပျီပူၤဒီးမၤန့ၢ်ကွံာ်ကသ့ၣ် တဖၣ်ဒီးလ့ၣ်ကဟၣ်တဖၣ်ဒီးဒုးတူၢ်ဘၣ်ပှၤစူၤရံဖိတဖၣ်လၢတၢ်ဃၣ် ကွံာ်လၢအနးဒိၣ်မးတမံၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:21 Iomraidhean Croise

လံာ်စီၤပၤအခီၣ်ထံးတဘ့ၣ် 20:20

ဒီးပှၤတဂၤဘၣ်တဂၤစုာ်စုာ်မၤသံကွံာ်ပှၤလၢအဒုးဝဲန့ၣ်လီၤ. ပှၤစူၤရံဖိတဖၣ်ဃ့ၢ်ပူၤဖျဲးကွံာ်အသးအိၣ်ဒီးပှၤအံၣ်စရ့လး ဖိအတၢ်လူၤထွဲအခံဆူၣ်ဆူၣ်န့ၣ်လီၤ. မ့မ့ၢ်စီၤဘ့ၣ်ဟဒးဃ့ၢ်ပူၤဖျဲးကွံာ်လၢကသ့ၣ်အလိၤဃုာ်ဒီးပှၤ ဒိးကသ့ၣ်သုးဖိတနီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:22

အန့ၣ်ဝံၤဒီး, ဝံန့ၣ်, လဲၤဆူစီၤပၤအၤဃာ်အအိၣ်ဒီးစံးဝဲ, “က့ၤကဒါက့ၤဒီးဒုးဆူၣ်ထီၣ်နသုးမုၢ်အဂံၢ်အဘါ, ဒီးမၤထီၣ်တၢ်ကူၣ်ကျဲၤအဂ့ၤတဖၣ်တက့ၢ်. အဂ့ၢ်ဒ်အံၤ, တၢ်မဲထီၣ်အကတီၢ်ခဲကိာ်တဘျီန့ၣ်, ကီၢ်စူၤရံအစီၤပၤကဟဲထီၣ်ဒုးကဒီးတၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 3:18

ဒီးစီၤအလံၤၡါစံးအါထီၣ်ဝဲ, “ဘၣ်ဆၣ်တၢ်အံၤမ့ၢ်တၢ်အညီ ကဒၣ်တမံၤလၢယွၤအဂီၢ်လၢကမၤဝဲန့ၣ်လီၤ. အဝဲကဟ့ၣ်လီၤစ့ၢ်ကီးသုတၢ်မၤနၢၤလၢပှၤမိၤအးဖိအဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 3:24

ဘၣ်ဆၣ်ဖဲအဝဲသ့ၣ်လဲၤတုၤဝဲဆူသူၣ်ဒဲအလီၢ်န့ၣ်, ပှၤအံၣ်စရ့လးဖိတဖၣ်ဒုးအဝဲသ့ၣ်ဒီးနီၣ်ကဒါက့ၤအဝဲသ့ၣ်န့ၣ် လီၤ. ပှၤအံၣ်စရ့လးတဖၣ်လူၤထွဲအဝဲသ့ၣ်အခံ, မၤသံပှၤမိၤအးဖိ တဖၣ်,

လံာ်စီၤယိၤၡူ 10:20

စီၤယိၤၡူဒီးပှၤအံၣ်စရ့လးဖိတဖၣ်မၤသံကွံာ်အဝဲသ့ၣ်ဘူးကလၢာ်, ဘၣ်ဆၣ်အဝဲသ့ၣ်အကျါတနီၤထံၣ်တၢ်ပူၤဖျဲးအလီၢ်ဖဲအက့ၤတုၤလၢ အဝ့ၢ်ခိၣ်ဒူတဖၣ်အပူၤန့ၣ်ဒီးတဘၣ်တၢ်မၤသံအီၤဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:33

အဝဲဒၣ်မၤဒၢၣ်ကွံာ်ပှၤဧၣ်မိၣ်ဖိတဖၣ်စးထီၣ်လၢဝ့ၢ်ဧရိၤဧ့ၢ် ပၢၢ်တုၤလၢဝ့ၢ်မံးနံးအခိၣ်အဃၢၤဝးတရံး, ဝ့ၢ်ခဲလၢာ်ခဲဆ့အဖျၢၣ်ခံဆံဒီးတုၤဒၣ်လဲာ်လၢ ဟ့းဘ့းလးကရၤမံ န့ၣ်လီၤ. တၢ်မၤသံမၤဝီဖးဒိၣ်အိၣ်ဖဲန့ၣ်ဒီးပှၤဧၣ်မိၣ်ဖိတဖၣ် ဘၣ်တၢ်မၤနၢၤကွံာ်အီၤလၢပှၤအံၣ်စရ့လးဖိတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:28

အဝဲစံးဝဲ, “ပိာ်ယခံတက့ၢ်. ယွၤဟ့ၣ်လီၤသုတၢ်မၤနၢၤလၢ သုဒုၣ်သုဒါပှၤမိၤအးဖိတဖၣ်အဖီခိၣ်လံ.” မၤသးဒ်န့ၣ်ဒီးအဝဲသ့ၣ်ပိာ်ထီၣ်စီၤအ့ဟူာ်အခံ ဒီးမၤန့ၢ်တၢ်လီၢ်တတီၤဖဲပှၤမိၤအးဖိတဖၣ်ကခီထံကျိယၢ်ဒ့ၣ်န့ၣ်လီၤ. အဝဲသ့ၣ်တပျဲဘၣ်ပှၤကခီဂာ်တၢ်နီတဂၤဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:52

ကီၢ်အံၣ်စရ့လးဒီးကီၢ်ယူဒၤအပှၤတဖၣ်ကိးပသူထီၣ်ဒီးလူၤထွဲ အဝဲသ့ၣ်အခံ, ဖီၣ်အီၤမၤဒၢၣ်အီၤလၢကျဲဒီဘိညါဆူဝ့ၢ်ကၤသးဒီး ဆူဝ့ၢ်ဧ့ကြိၣ်အကျဲစၢၤတဖၣ်န့ၣ်လီၤ. ပှၤဖလ့ၡသးဖိတဖၣ်ဘၣ်ဒိဘၣ်ထံးလီၤဃံၤလၢကျဲလဲၤဆူဝ့ၢ်ၡၤရဲၣ်ဒီဘိညါ ဒီးတုၤဒၣ်လဲာ်ဆူဝ့ၢ်ဧ့ကြိၣ်ဒီး ဝ့ၢ်ကၤသးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:8

တၢ်ဒုးတၢ်ယၤဒီးပှၤဖလ့ၡသးဖိတဖၣ်ကဲထီၣ်ကဒီးလီၤ. စီၤဒၤဝံးဒုးအဝဲသ့ၣ်ဒီးမၤနၢၤကွံာ်အဝဲသ့ၣ်လၢာ်လၢာ်ဆ့ဆ့ ဒီးအဝဲသ့ၣ်ထွးထီၣ်ဃ့ၢ်ကွံာ်ဝဲဒၣ်လီၤ.