လံာ်စီၤပၤအခီၣ်ထံးတဘ့ၣ် 20:20 - Sgaw Karen Common Bible

²⁰ ဒီးပှၤတဂၤဘၣ်တဂၤစုာ်စုာ်မၤသံကွံာ်ပှၤလၢအဒုးဝဲန့ၣ်လီၤ. ပှၤစူၤရံဖိတဖၣ်ဃ့ၢ်ပူၤဖျဲးကွံာ်အသးအိၣ်ဒီးပှၤအံၣ်စရ့လး ဖိအတၢ်လူၤထွဲအခံဆူၣ်ဆူၣ်န့ၣ်လီၤ. မ့မ့ၢ်စီၤဘ့ၣ်ဟဒးဃ့ၢ်ပူၤဖျဲးကွံာ်လၢကသ့ၣ်အလိၤဃုာ်ဒီးပှၤ ဒိးကသ့ၣ်သုးဖိတနီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:16

ပှၤတဂၤစုာ်စုာ်ဖီၣ်န့ၢ်အဒုၣ်အဒါလၢအခိၣ်ဒီးဆဲးနုာ်အနးဆူ အဒုၣ်အဒါအကပၤ, အဃိသတးဒီးပှၤခံဆံလွံၢ်ဂၤလိာ်လီၤဃံၤသံဝဲလီၤ. ဒီးလၢတၢ်န့ၣ်အဃိ, တၢ်လီၢ်အဝဲန့ၣ် လၢအအိၣ်လၢဝ့ၢ်ကံးဘိၣ်အပူၤန့ၣ်ဘၣ်တၢ်ကိးအီၤလၢ, “ဃ့လကးဟစူရံၣ်” လၢအခီပညီမ့ၢ်ဝဲနးတဖၣ်အပျီန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:18

လၢတၢ်န့ၣ်အဃိစီၤအၤစါဟံးထီၣ်ကယဲၢ်စ့ဒီးထူလၢအအိၣ်လီၤ တဲာ်လၢယွၤအတၢ်လုၢ်ဟံၣ်အပူၤဒီးနီအပူၤ, ဒီးဆှၢလီၤဝဲဆူဒၤမ့ၤစ့း, ဆူကီၢ်စူၤရံအစီၤပၤဘ့ၣ် ဟဒးအအိၣ်ခီဖျိပဒိၣ်ပပှၢ်တနီၤဃုာ်ဒီးတၢ်ကစီၣ်အံၤန့ၣ်လီၤ. စီၤပၤဘ့ၤဟဒးမ့ၢ်စီၤတၤဘြံမိၣ်အဖိခွါ, ဒီးစီၤဃ့စိၣ်အလံၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:19

ပှၤသုးဖိသးစၢ်သ့ၣ်တဖၣ်စးထီၣ်ဒုးတၢ်ဒီးအံၣ်စရ့လးအသုး မုၢ်အတၢ်ပိာ်ထွဲထီၣ်အခံ,

လံာ်စီၤပၤအခီၣ်ထံးတဘ့ၣ် 20:21

စီၤပၤအၤဃာ်လဲၤထီၣ်ဆူတၢ်ဒုးအပျီပူၤဒီးမၤန့ၢ်ကွံာ်ကသ့ၣ် တဖၣ်ဒီးလ့ၣ်ကဟၣ်တဖၣ်ဒီးဒုးတူၢ်ဘၣ်ပှၤစူၤရံဖိတဖၣ်လၢတၢ်ဃၣ် ကွံာ်လၢအနးဒိၣ်မးတမံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:36

အန့ၣ်တစုကီၢ်အၤၡူၢ်အစီၤပၤဖးဒိၣ်စီၤစၤနဃ့ရံာ်ဂုၤက့ၤဆူ အလီၢ်ခံဒီးက့ၤကဒါက့ၤဆူဝ့ၢ်နံၤနဝ့န့ၣ်လီၤ.

စံးထီၣ်ပတြၢၤ 33:16

စီၤပၤတဘၣ်တၢ်မၤပူၤဖျဲးအီၤလၢ အသုးမုၢ်ဂီၢ်မုၢ်ဖးဒိၣ်အဃိဘၣ်. ပှၤသုးဖိတဘၣ်တၢ်မၤပူၤဖျဲးအီၤလၢ အဂံၢ်ဆူၣ်ဘါဆူၣ်အဃိဘၣ်.

စံးထီၣ်ပတြၢၤ 46:6

ပှၤကလုာ်တဖၣ်သီၣ်ထီၣ်ရုၢ်ရုၢ်, ဒီးဘီမုၢ်တဖၣ်ဟူးဝးဝဲလီၤ. ကစၢ်ယွၤထုထီၣ်ကလုာ်, ဒီးဟီၣ်ခိၣ်ပှံၢ်ဝဲလီၤ.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ယံးရမံယၤ 41:15

ဘၣ်ဆၣ်, စီၤယံးၡမၤအ့လးဒီး အပှၤဃိးဂၤထူၣ်ဖျဲးကွံာ် လၢစီၤယိဃၤနၣ်အစုပူၤဒီး ဃ့ၢ်ပူၤဖျဲးဝဲဆူပှၤဧၣ်မိၣ်ဖိအ ကီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:8

ဒီးပှၤယဲၢ်ဂၤလၢသုကျါကမၤနၢၤပှၤတကယၤ, ဒီးပှၤတကယၤကမၤနၢၤပှၤတကလးန့ၣ်လီၤ.

လံာ်ပှၤစံၣ်ညီၣ်ကွီၢ် 7:23

တုၤနုၤတစု, ပှၤပိာ်ခွါတဖၣ်လၢနးသၤလံအဒူၣ်, အၤၡ့ၢ်အဒူၣ်ဒီးမနၤၡ့ၤအဒူၣ်န့ၣ်ဘၣ်တၢ်ကိးထီၣ်အီၤဒီးအဝဲ သ့ၣ်လူၤထွဲပှၤမံးဒယၣ်ဖိတဖၣ်အခံန့ၣ်လီၤ.