လံာ်စီၤပၤအခီၣ်ထံးတဘ့ၣ် 20:2 - Sgaw Karen Common Bible

² အဝဲဆှၢလီၤပှၤစိာ်တၢ်ကစီၣ်တဖၣ်ဆူဝ့ၢ်ပူၤ, ဆူကီၢ်အံၣ်စရ့လးအစီၤပၤအၤဃာ်အအိၣ်လၢကစံးဘၣ်အီၤ, “စီၤပၤဘ့ၣ်ဟဒးဟ့ၣ်လီၤအကလုၢ်လၢ,

လံာ်စီၤပၤအခီၣ်ထံးတဘ့ၣ် 20:2 Iomraidhean Croise

လံာ်စီၤပၤအခီၣ်ထံးတဘ့ၣ် 15:18

လၢတၢ်န့ၣ်အဃိစီၤအၤစါဟံးထီၣ်ကယဲၢ်စ့ဒီးထူလၢအအိၣ်လီၤ တဲာ်လၢယွၤအတၢ်လုၢ်ဟံၣ်အပူၤဒီးနီအပူၤ, ဒီးဆှၢလီၤဝဲဆူဒၤမ့ၤစ့း, ဆူကီၢ်စူၤရံအစီၤပၤဘ့ၣ် ဟဒးအအိၣ်ခီဖျိပဒိၣ်ပပှၢ်တနီၤဃုာ်ဒီးတၢ်ကစီၣ်အံၤန့ၣ်လီၤ. စီၤပၤဘ့ၤဟဒးမ့ၢ်စီၤတၤဘြံမိၣ်အဖိခွါ, ဒီးစီၤဃ့စိၣ်အလံၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:1

ကီၢ်စူၤရံအစီၤပၤဘ့ၤဟဒးပာ်ဖှိၣ်ထီၣ်ကယဲၢ်အပှၤသုးဖိခဲ လၢာ်, ဒီးဘၣ်တၢ်မၤစၢၤအီၤလၢပှၤပၢတၢ်အဂၤသၢဆံဂၤဃုာ်ဒီးအဝဲ သ့ၣ်အကသ့ၣ်တဖၣ်ဒီးအလ့ၣ်ကဟၣ်တဖၣ်, န့ၣ်လီၤ. အဝဲလဲၤထီၣ်ကဝီၤဃးဝ့ၢ်ၡၤမရံဒီးဒုးထီဒါအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:3

နကဟ့ၣ်လီၤအးလီၤနစ့ဒီးထူ, နမါလၢအဃံလၤကတၢၢ်တဖၣ်ဒီးနဖိ တဖၣ်အကျါပှၤလၢအဂံၢ်ဆူၣ်ဘါဆူၣ်ကတၢၢ်တဖၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 19:9

တၢ်ကစီၣ်ဟဲတုၤဝဲဆူပှၤအၤၡူၢ်ဖိတဖၣ်အအိၣ်လၢပှၤအဲၤကူပတူး ဖိအသုးမုၢ်လၢအဘၣ်တၢ်ပၢဆှၢအီၤလၢကီၢ်ကူၤၡးအစီၤပၤတံ ရဟၤကၤ, ဟဲထီၣ်လၢကဒုးအဝဲသ့ၣ်န့ၣ်လီၤ. ဖဲစီၤပၤဖးဒိၣ်နၢ်ဟူတၢ်အံၤန့ၣ်, အဝဲဆှၢလီၤလံာ်ပရၢတဘ့ၣ် ဆူကီၢ်ယူဒၤအစီၤပၤဃံးစကံယၤအအိၣ်,