လံာ်စီၤပၤအခီၣ်ထံးတဘ့ၣ် 20:16 - Sgaw Karen Common Bible

¹⁶ တၢ်ဒုးစးထီၣ်မၤအသးဖဲမုၢ်ထူၣ်အကတီၢ်ဖဲစီၤဘ့ၣ်ဟဒးဒီး အသိၣ်အမှံၤသၢဆံဂၤအီမူၤအသးလၢဒဲတဖၣ်အပူၤအခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:16 Iomraidhean Croise

လံာ်စီၤပၤအခီၣ်ထံးတဘ့ၣ် 16:7

ယွၤအတၢ်ကစီၣ်လၢအကတိၤထီဒါစီၤဘါၡၤဒီးအပှၤဟံၣ်ဖိ ဃီဖိန့ၣ်ဘၣ်တၢ်ဟ့ၣ်လီၤအီၤလၢဝံယ့ၤဟူ, မ့ၢ်လၢစီၤဘါၡၤမၤတ့ၢ်တၢ်ဒဲးဘးထီဒါယွၤအဃိန့ၣ်လီၤ. အဝဲထိၣ်ဂဲၤထီၣ်ယွၤအတၢ်သးဒိၣ်တမ့ၢ်ထဲလၢတၢ်အၢတၢ်သီလၢအမၤ တ့ၢ်ဝဲဒ်စီၤပၤယၤရၤဘၣ်လၢအဝဲအမဲာ်ညါမၤတ့ၢ်ဝဲအသိးအဃိန့ၣ် ဘၣ်. မ့မ့ၢ်, မ့ၢ်စ့ၢ်ကီးလၢအဝဲမၤသံကွံာ်ကယဲၢ်စီၤယၤရၤဘၣ်အပှၤ ဟံၣ်ဖိဃီဖိခဲလၢာ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:9

စီၤစံၣ်ရံၤ, ပှၤကွၢ်ထွဲစီၤပၤအလ့ၣ်ကဟၣ်တဖၣ်ခံပူတပူ, လၢအမ့ၢ်စီၤပၤအသုးခိၣ်တဖၣ်အကျါတဂၤကူၣ်တၢ်အၢထီဒါစီၤပၤ န့ၣ်လီၤ. ဘၣ်မုၢ်တနံၤလၢဝ့ၢ်တံးရစၢ်အပူၤန့ၣ်, စီၤအ့လၤအီမူၤသံးဖဲစီၤအၢ်စၤလၢအမ့ၢ်ပှၤကွၢ်ထွဲနီတဂၤ အဟံၣ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:15

လၢတၢ်န့ၣ်အဃိ, စီၤပၤကိးထီၣ်ပှၤသုးခိၣ်သးစၢ်တဖၣ်လၢအအိၣ် လၢကီၢ်ဆၣ်အသုးခိၣ်ဖးဒိၣ်တဖၣ်အတၢ်ပၢအဖီလာ်ဒီးပှၤခဲလၢာ် အိၣ်ဝဲခံကယၤသၢဆံဂၤန့ၣ်လီၤ. အန့ၣ်ဝံၤအဝဲကိးထီၣ်ဝဲကီၢ်အံၣ်စရ့လးအသုးမုၢ်ဒီးပှၤခဲ လၢာ်အိၣ်ဝဲနွံကထိဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:17

ပှၤသုးဖိသးစၢ်တဖၣ်လဲၤထီၣ်ဆိဝဲန့ၣ်လီၤ. ပှၤကွၢ်ဟုၣ်ကွၢ်စူးတၢ်ဖိတဖၣ်လၢအဘၣ်တၢ်ဆှၢလီၤအီၤလၢစီၤ ဘ့ၣ်ဟဒးက့ၤစံးဘၣ်အီၤလၢပှၤသုးဖိတဖုဟဲထီၣ်ဝဲလၢကီၢ်ၡၤ မရံအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:31

ကီၢ်စူၤရံအစီၤပၤဟ့ၣ်လီၤအကလုၢ်ဆူပှၤအခိၣ်သၢဆံခံဂၤလၢ လ့ၣ်ကဟၣ်ဒုးသုးအဂီၢ်လၢ, မ့တမ့ၢ်ဘၣ်လၢကီၢ်အံၣ်စရ့လးအစီၤပၤဘၣ်န့ၣ်, အဝဲသ့ၣ်သုတဒုးပှၤအဂၤနီတဂၤတဂ့ၤန့ၣ်လီၤ.

တၢ်ကတိၤဒိ. 20:1

တၢ်အီမူၤသံးဒုးကဲထီၣ်နၤလၢပှၤတၢထီၣ်တၢလီၤဒီးပှၤ ဟးဂီၤဖိလီၤ. တၢ်အီၤမူၤအီဘှီးန့ၣ်မ့ၢ်တၢ်မၢးလီၤ.

လံာ်ယၡါယၤ 5:22

သုဘၣ်တၢ်စံၣ်ညီၣ်ဃါမနၤလီၤ. စပံးထံပလီအပှၤဒူပှၤဃိၤသ့ၣ် ဧၢ, ဖဲသုကျဲၣ်ကျီသံးဧိၤဂာ်ဧိၤန့ၣ်, သုဒူ သုဃိၤဒီးတၢ်ပျံၤတၢ်ဖုးတအိၣ်ဒီးသုဘၣ်.

လံာ်ယၡါယၤ 54:15

ပှၤမ့ၢ်ဟဲဒုးနၤတဂၤဂၤဒီး, မ့ၢ်အမၤဝဲလၢတၢ်တဘၣ်ယသးအပူၤန့ၣ်လီၤ. ပှၤလၢအဒုးတၢ်ထီဒါနၤတဂၤဂၤန့ၣ်, ကဃၣ်ကွံာ်ဝဲန့ၣ်လီၤ.

လံာ်ဟိၤၡ့ 4:11

ယွၤစံးဝဲဒၣ်, စပံးထံအလီၢ်လံၤဒီးအသီခံမံၤလိာ်ဂုာ်ကွံာ်လံ ယပှၤဂီၢ်မုၢ်အစ့ၣ်တဖၣ်လံ.

လံာ်ဧၤမိၣ် 6:7

မၤသးဒ်န့ၣ်ဒီးသုကမ့ၢ်ပှၤအဆိကတၢၢ်တဖုလၢအကဘၣ်တၢ်စိာ်မၢကဲ ကုၢ်အီၤန့ၣ်လီၤ. သုတၢ်သူၣ်ခုသးခုအမူးတဖၣ်ဒီးတၢ်အီၣ်တၢ်အီအမူးဖးဒိၣ်တဖၣ် ကကတၢၢ်ဝဲဒၣ်န့ၣ်လီၤ.