လံာ်စီၤပၤအခီၣ်ထံးတဘ့ၣ် 20:14 - Sgaw Karen Common Bible

¹⁴ စီၤအၤဃာ်သံကွၢ်အီၤ, “မတၤကကဲခိၣ်ကဲနၢ်လၢတၢ်လဲၤထီၣ်ဒုး တၢ်အဂီၢ်န့ၣ်လဲၣ်.” အဝဲစံးဆၢဝဲ, “ယွၤစံးဝဲဒၣ်, ပှၤသုးခိၣ်သးစၢ်တဖၣ်လၢ အအိၣ်လၢကီၢ်ဆၣ်အပဒိၣ်ဖးဒိၣ်တဖၣ်အတၢ်ပၢအဖီလာ်ကမၤတၢ်န့ၣ် လီၤ.” စီၤပၤသံကွၢ်ဝဲ, “မတၤကမၢသုးမုၢ်ဖးဒိၣ်စးထီၣ်ဒုးတၢ် န့ၣ်လဲၣ်.” ဝံစံးဆၢဝဲ, “မ့ၢ်နၤလီၤ.”

လံာ်စီၤပၤအခီၣ်ထံးတဘ့ၣ် 20:14 Iomraidhean Croise

လံာ်စီၤပၤအခီၣ်ထံးတဘ့ၣ် 18:44

နွံစုတစုန့ၣ်အဝဲဟဲက့ၤကဒါက့ၤဒီးစံးဝဲဒၣ်, “ယထံၣ်တၢ်အၢၣ်ဖိတလိၣ်တဒိၣ်ထဲသိးပှၤကညီတဂၤအစု ဟဲထီၣ်လၢပီၣ်လဲၣ်တခီန့ၣ်လီၤ.” စီၤအ့ၤလံယၤမၤလိာ်အခ့အပှၤ, “လဲၤဆူစီၤပၤအၤဃာ်အအိၣ် ဒီးတဲအီၤလၢကက့ၤထီၣ်ဆူအလ့ၣ်ကဟၣ်အပူၤဒီးက့ၤဆူအဟံၣ် တချုးတၢ်စူၤမၤတံာ်တာ်အီၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:13

အကတီၢ်ဖဲန့ၣ်ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “ယွၤစံးဝဲဒၣ်, ပျံၤသုးမုၢ်ဖးဒိၣ်န့ၣ်တဂ့ၤ. ယကဟ့ၣ်နၤတၢ်မၤနၢၤအီၤလၢမုၢ်မဆါတနံၤအံၤန့ၣ်လီၤ. ဒီးနကသ့ၣ်ညါလၢယမ့ၢ်ယွၤလီၤ.”

လံာ်စီၤပၤအခီၣ်ထံးတဘ့ၣ် 20:15

လၢတၢ်န့ၣ်အဃိ, စီၤပၤကိးထီၣ်ပှၤသုးခိၣ်သးစၢ်တဖၣ်လၢအအိၣ် လၢကီၢ်ဆၣ်အသုးခိၣ်ဖးဒိၣ်တဖၣ်အတၢ်ပၢအဖီလာ်ဒီးပှၤခဲလၢာ် အိၣ်ဝဲခံကယၤသၢဆံဂၤန့ၣ်လီၤ. အန့ၣ်ဝံၤအဝဲကိးထီၣ်ဝဲကီၢ်အံၣ်စရ့လးအသုးမုၢ်ဒီးပှၤခဲ လၢာ်အိၣ်ဝဲနွံကထိဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:17

ပှၤသုးဖိသးစၢ်တဖၣ်လဲၤထီၣ်ဆိဝဲန့ၣ်လီၤ. ပှၤကွၢ်ဟုၣ်ကွၢ်စူးတၢ်ဖိတဖၣ်လၢအဘၣ်တၢ်ဆှၢလီၤအီၤလၢစီၤ ဘ့ၣ်ဟဒးက့ၤစံးဘၣ်အီၤလၢပှၤသုးဖိတဖုဟဲထီၣ်ဝဲလၢကီၢ်ၡၤ မရံအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:50

မၤသးဒ်န့ၣ်ဒီး, စီၤဒၤဝံးမၤနၢၤဒီးမၤသံကွံာ်စီၤကၤလယး လၢနီၣ်ဘျုးတခါဒီးလၢၢ်တဖျၢၣ်, တအိၣ်ဒီးနးတဘ့ၣ်ဘၣ်န့ၣ်လီၤ.