လံာ်စီၤပၤအခီၣ်ထံးတဘ့ၣ် 20:10 - Sgaw Karen Common Bible

¹⁰ လၢစီၤပၤဘ့ၣ်ဟဒးအအိၣ်စံးဝဲ, “ယကဟဲကိးပှၤလၢလၢလီၣ်လီၣ် လၢကမၤဟးဂီၤသုဝ့ၢ်အံၤတုၤအစိာ်ထီၣ်ကွံာ်ဒၣ်လဲာ်လၢၢ်အက့ အခီတဖၣ်လၢအစုပူၤန့ၣ်လီၤ. ယမ့ၢ်တမၤဒ်န့ၣ်ဘၣ်ဒီးမ်ကစၢ်တဖၣ်တီၢ်ယၤလၢတၢ်သံတက့ၢ်.”

လံာ်စီၤပၤအခီၣ်ထံးတဘ့ၣ် 20:10 Iomraidhean Croise

လံာ်စီၤပၤအခီၣ်ထံးတဘ့ၣ် 19:2

နီၢ်အံၤစ့ဘ့ၤလးဆှၢဃီၤတၢ်ကစီၣ်တမံၤဆူစီၤအ့ၤလံယၤအအိၣ် ဒီးစံးဝဲ, “ယမ့ၢ်တမၤဘၣ်တၢ်တမံၤဃီဆူနၤဒ်နမၤတ့ၢ်ဘဧၤလးအဝံတဖၣ်အသိး န့ၣ်ဘၣ်ဒီးခဲမုၢ်ဆ့ၣ်တုၤတၢ်ဆၢကတီၢ်ဒ်အံၤန့ၣ်မ်ကစၢ်တဖၣ်မၤ သံကွံာ်ယၤန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 2:23

အန့ၣ်ဒီး, စီၤၡလိၤမိၤမၤတၢ်အၢၣ်လီၤသမှံၤသပှၢ်တမံၤလၢယွၤ အမံၤအပူၤစံးဝဲ, “ယမ့ၢ်တမၢဘၣ်စီၤအဒိနံၤယၤလၢအက ဟ့ၣ်အသးသမူဒ်တၢ်အပှ့ၤလၢအဃ့ဝဲတမံၤအဃိဘၣ်ဒီး, မ်ကစၢ်ယွၤမၤသံယၤတက့ၢ်.

လံာ်စီၤပၤအခီၣ်ထံးတဘ့ၣ် 20:9

လၢတၢ်န့ၣ်အဃိစီၤအၤဃာ်စံးဆၢက့ၤစီၤပၤဘ့ၣ်ဟဒးအပှၤစိာ်တၢ် ကစီၣ်တဖၣ်စံးဝဲ, “တဲဘၣ်ယကစၢ်, စီၤပၤန့ၣ်လၢယဘၣ်သူၣ်ဘၣ်သးအဝဲအတၢ်ဃ့ဆူၣ်အခီၣ်ထံးတမံၤကစီ ဒီလီၤ. မ့မ့ၢ်အတၢ်ဃ့ဆူၣ်ခံမံၤတမံၤန့ၣ်ယအၢၣ်လီၤတသ့ဘၣ်.” ပှၤစိာ်တၢ်ကစီၣ်တဖၣ်ဟးထီၣ်ကွံာ်ဝံၤဟဲက့ၤကဒါက့ၤဒီးတၢ် ကစီၣ်အဂၤတမံၤ,

လံာ်စီၤပၤခံဘ့ၣ်တဘ့ၣ် 18:24

သုပြၢလိာ်သုသးဒီးပပှၤအၤၡူၢ်အသုးခိၣ်အဆံးကတၢၢ်တဂၤဒၣ် လဲာ်တသ့ဘၣ်. အန့ၣ်ဒၣ်လဲာ်သုမုၢ်လၢ်ပှၤအဲၤကူပတူးဖိတဖၣ်လၢကဆှၢန့ၢ်သု, လ့ၣ်ကဟၣ်တဖၣ်ဒီးပှၤဒိးကသ့ၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 6:31

အဝဲကိးထီၣ်ဝဲဒၣ်, “စီၤအလံၤၡါအခိၣ်, မ့ၢ်တဘၣ်တၢ်ဒီၣ်တဲာ် အီၤတချုးမုၢ်တနံၤအံၤလၢာ်ဘၣ်န့ၣ်, မ်ယွၤမၤသံယၤန့ၣ်တ က့ၢ်.”

လံာ်တၢ်ဟးထီၣ်ကွံာ် 11:8

စီၤမိၤၡ့မၤကတၢၢ်အတၢ်ကတိၤစံးဝဲဒၣ်, “နပဒိၣ်ပပှၢ်ခဲလၢာ် ကဟဲဆူယအိၣ်ဒီးတီၤလီၤလၢယမဲာ်ညါဒီးအဝဲသ့ၣ်ကဃ့ကညး ယၤဒ်သိးယကဟးထီၣ်ကွံာ်ဒီးယပှၤဂီၢ်မုၢ်ခဲလၢာ်န့ၣ်လီၤ. ဒီးတၢ်န့ၣ်အလီၢ်ခံယကဟးထီၣ်ကွံာ်န့ၣ်လီၤ.” အန့ၣ်ဝံၤဒီးစီၤမိၤၡ့ဟးထီၣ်လၢစီၤပၤအအိၣ်လၢတၢ်သးထီၣ် အပူၤန့ၣ်လီၤ.

လံာ်ယံးရမံယၤ 46:17

ဟ့ၣ်ကီၢ်အဲၤကူပတူးအစီၤပၤအမံၤ အသီတယုၢ်လၢ အဝဲမ့ၢ်ဝဲ, ပှၤသီၣ်သဲကတီၤဒိၣ်လီၤအကိာ်လၢ အခွဲးအယာ် လီၤမၢ်ကွံာ်’ န့ၣ်တက့ၢ်.

လံာ်ယံးရမံယၤ 9:23

ယွၤစံးဝဲဒၣ်, “ပှၤကူၣ်တၢ်သ့တဖၣ်တကြၢးပာ်ကဖၢလၢအသးလၢ အတၢ်ကူၣ်သ့ အဃိမ့ၢ်ဂ့ၤ, ပှၤဂံၢ်ဆူၣ်ဘါဆူၣ်တဖၣ်လၢအတၢ်ဂံၢ်တၢ်ဘါအဃိမ့ၢ်ဂ့ၤ, ဒီးပှၤထူးပှၤတီၤတဖၣ်လၢ အတၢ်ထူးတၢ်တီၤအဃိမ့ၢ်ဂ့ၤန့ၣ်ဘၣ်.

မၤတၢ် 23:12

မုၢ်ဆ့ၣ်ထီၣ်တနံၤန့ၣ်, ပှၤယူဒၤဖိတနီၤပာ်ဖှိၣ်ထီၣ်သကိးအသးဒီးကူၣ်ထီၣ်ဖးလီၤ တၢ်တမံၤလီၤ. အဝဲသ့ၣ်ဆိၣ်လီၤအသးလၢမ့ၢ်တမၤသံဘၣ်စီၤပီလူးဘၣ်ဒီး တအီၣ်တၢ်အီတၢ်နီတမံၤဘၣ်လီၤ.

လံာ်ပှၤစံၣ်ညီၣ်ကွီၢ် 4:10

လၢတၢ်န့ၣ်အဃိစီၤဘါရးကိးန့ၢ်ပှၤစဘူလိၣ်အဒူၣ်, ဒီးပှၤနးသၤလံအဒူၣ်တဖၣ်ဆူက့ဒ့ၣ် ဒီးပှၤပိာ်ခွါအဂၤတကလးပိာ်ထီၣ်အခံလီၤ. ဒီးနီၢ်ဒဘိရၤလဲၤဃုာ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:43

အဝဲစံးဘၣ်စီၤဒၤဝံး, “နီၣ်က့တဘိန့ၣ်မ့ၢ်လၢမနုၤအဂီၢ်လဲၣ်. နဆိကမိၣ်ယမ့ၢ်ထွံၣ်တဒုဧါ.” ဒီးအဝဲဆိၣ်အၢစီၤဒၤဝံးလၢအဝဲအကစၢ်တဖၣ်အမံၤလီၤ.