လံာ်စီၤပၤအခီၣ်ထံးတဘ့ၣ် 20:1 - Sgaw Karen Common Bible

¹ ကီၢ်စူၤရံအစီၤပၤဘ့ၤဟဒးပာ်ဖှိၣ်ထီၣ်ကယဲၢ်အပှၤသုးဖိခဲ လၢာ်, ဒီးဘၣ်တၢ်မၤစၢၤအီၤလၢပှၤပၢတၢ်အဂၤသၢဆံဂၤဃုာ်ဒီးအဝဲ သ့ၣ်အကသ့ၣ်တဖၣ်ဒီးအလ့ၣ်ကဟၣ်တဖၣ်, န့ၣ်လီၤ. အဝဲလဲၤထီၣ်ကဝီၤဃးဝ့ၢ်ၡၤမရံဒီးဒုးထီဒါအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:1 Iomraidhean Croise

လံာ်စီၤပၤအခီၣ်ထံးတဘ့ၣ် 15:18

လၢတၢ်န့ၣ်အဃိစီၤအၤစါဟံးထီၣ်ကယဲၢ်စ့ဒီးထူလၢအအိၣ်လီၤ တဲာ်လၢယွၤအတၢ်လုၢ်ဟံၣ်အပူၤဒီးနီအပူၤ, ဒီးဆှၢလီၤဝဲဆူဒၤမ့ၤစ့း, ဆူကီၢ်စူၤရံအစီၤပၤဘ့ၣ် ဟဒးအအိၣ်ခီဖျိပဒိၣ်ပပှၢ်တနီၤဃုာ်ဒီးတၢ်ကစီၣ်အံၤန့ၣ်လီၤ. စီၤပၤဘ့ၤဟဒးမ့ၢ်စီၤတၤဘြံမိၣ်အဖိခွါ, ဒီးစီၤဃ့စိၣ်အလံၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:20

စီၤပၤဘ့ၤဟဒးအၢၣ်လီၤထွဲစီၤအၤစါအတၢ်ဟ့ၣ်ကူၣ်ဒီးဆှၢလီၤ အသုးခိၣ်သုးနၢ်တဖၣ်ဒီးအသုးမုၢ်တဖၣ်လၢကလဲၤထီၣ်ဒုးကီၢ်အံၣ် စရ့လးအဝ့ၢ်တဖၣ်န့ၣ်အဂီၢ်လီၤ. အဝဲသ့ၣ်မၤန့ၢ်ဝဲဝ့ၢ်တဖၣ်လၢအမ့ၢ်ဧံၤယိၣ်, ဒၣ်, အၤဘ့ၤလးဘ့ၤသမၤကၤ, ဒီးလီၢ်ကဝီၤလၢအအိၣ်ဘူးဒီးပီၣ် လဲၣ်ကၤလံၤလါဒီးကီၢ်နးသၤလံဒီဘ့ၣ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:24

ဝံၤဒီးအဝဲပှ့ၤန့ၢ်ကီၢ်ၡၤမရံအကစၢၢ်လၢစ့အဘ့ၣ်ဃုကထိ လၢပှၤတဂၤလၢအမံၤမ့ၢ်ဝဲစီၤၡ့မ့ၢ်အအိၣ်န့ၣ်လီၤ. စီၤဧိၣ်ရံၤမၤဂၢၢ်ထီၣ်ကျၢၤထီၣ်ကစၢၢ်န့ၣ်, သူၣ်ထီၣ်ဝ့ၢ်တဖျၢၣ်ဖဲန့ၣ်ဒီးယုၢ်ဝဲအမံၤလၢၡၤမရံပိာ်ထွဲထီၣ်စီၤၡ့မ့ၢ်, ကစၢၢ်အကစၢ်လၢညါအမံၤအခံန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:16

တၢ်ဒုးစးထီၣ်မၤအသးဖဲမုၢ်ထူၣ်အကတီၢ်ဖဲစီၤဘ့ၣ်ဟဒးဒီး အသိၣ်အမှံၤသၢဆံဂၤအီမူၤအသးလၢဒဲတဖၣ်အပူၤအခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:2

အဝဲဆှၢလီၤပှၤစိာ်တၢ်ကစီၣ်တဖၣ်ဆူဝ့ၢ်ပူၤ, ဆူကီၢ်အံၣ်စရ့လးအစီၤပၤအၤဃာ်အအိၣ်လၢကစံးဘၣ်အီၤ, “စီၤပၤဘ့ၣ်ဟဒးဟ့ၣ်လီၤအကလုၢ်လၢ,

လံာ်စီၤပၤအခီၣ်ထံးတဘ့ၣ် 20:24

ခဲအံၤသုးကွံာ်ပှၤပၢတၢ်သၢဆံခံဂၤလၢအတၢ်ကဲခိၣ်ကဲနၢ် အလီၢ်တဖၣ်ဒီးပာ်က့ၤသုးခိၣ်ဖးဒိၣ်တဖၣ်လၢအဝဲသ့ၣ်အလီၢ်န့ၣ်တ က့ၢ်.

လံာ်စီၤပၤအခီၣ်ထံးတဘ့ၣ် 22:31

ကီၢ်စူၤရံအစီၤပၤဟ့ၣ်လီၤအကလုၢ်ဆူပှၤအခိၣ်သၢဆံခံဂၤလၢ လ့ၣ်ကဟၣ်ဒုးသုးအဂီၢ်လၢ, မ့တမ့ၢ်ဘၣ်လၢကီၢ်အံၣ်စရ့လးအစီၤပၤဘၣ်န့ၣ်, အဝဲသ့ၣ်သုတဒုးပှၤအဂၤနီတဂၤတဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:8

ကီၢ်စူၤရံအစီၤပၤဒုးတၢ်ဒီးကီၢ်အံၣ်စရ့လးန့ၣ်လီၤ. အဝဲကူၣ်လိာ်သကိးတၢ်ဒီးအသုးခိၣ်သုးနၢ်တဖၣ်ဒီးဃုထၢဝဲ တၢ်လီၢ်တတီၤလၢကသူၣ်ထီၣ်အဒဲအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:5

ဖဲစီၤက့ၤဃစံတဲဘၣ်စီၤပၤလၢစီၤအလံၤၡါဒုးမူထီၣ်က့ၤပှၤ သံတဂၤဒ်လဲၣ်အဂ့ၢ်အခါန့ၣ်, ပိာ်မုၣ်န့ၣ်, သံကွၢ်ကညးထီၣ်အတၢ်ဂ့ၢ်ဆူစီၤပၤအအိၣ်န့ၣ်လီၤ. ဒီးစီၤက့ၤဃစံစံးဘၣ်စီၤပၤ, “တၢ်ဒိၣ်ကစၢ်စီၤပၤဧၢ, ကွၢ်ကွၢ်အအံၤမ့ၢ်ပိာ်မုၣ်ဒီးအအံၤမ့ၢ်အဝဲအဖိခွါလၢစီၤ အလံၤၡါမၤမူထီၣ်က့ၤအီၤန့ၣ်လီၤ.”

လံာ်စီၤဧ့စြၤ 7:12

“လၢစီၤပၤဖးဒိၣ်အၢ်တၤၡါၡတၤဆူပှၤလုၢ်တၢ်အခိၣ်စီၤဧ့ စြၤ, ပှၤကူၣ်သ့ကူၣ်ဘၣ်လၢယူဒၤအတၢ်သိၣ်တၢ်သီလၢမူခိၣ်အကစၢ်ယွၤ ဟ့ၣ်လီၤဝဲအပူၤ.

လံာ်တၢ်ဟးထီၣ်ကွံာ် 14:7

အဝဲဟးထီၣ်ဒီးအလ့ၣ်ကဟၣ်သုးခဲလၢာ်ဃုာ်ဒီးအလ့ၣ်ကဟၣ်သုးအဂ့ၤ ကတၢၢ်အဆိဃုကယၤလၢအဘၣ်တၢ်ပၢဆှၢအီၤလၢပှၤအခိၣ်တဖၣ်န့ၣ်လီၤ.

လံာ်ယၡါယၤ 10:8

အဝဲကတိၤဒိၣ်ကတိၤသွါတၢ်ဒီးစံးဝဲ, “ယသုးခိၣ်ကိးဂၤဒဲး စုာ်စုာ်န့ၣ်, မ့ၢ်စီၤပၤတဂၤလီၤ.

လံာ်ယၡါယၤ 37:24

နမၢလီၤနခ့နပှၤတဖၣ်လၢက, ကတိၤဒိၣ်အကိာ်လၢယမဲာ်ညါဒီးစံးဝဲ လၢနမၤန့ၢ်မၤနၢၤကစၢၢ်အထီကတၢၢ်တဖၣ်လၢကီၢ်လဘၤနိၣ်အပူၤန့ၣ် လၢနလ့ၣ်ကဟၣ်ခဲလၢာ်န့ၣ်လီၤ. နကတိၤဒိၣ်လီၤနသးလၢ, ဖဲန့ၣ်, နကူာ်လီၤကွံာ်သ့ၣ်ဆှိအ့ရ့းအထီကတၢၢ်တဖၣ်ဒီးသ့ၣ်ဆှိအဂ့ၤ ကတၢၢ်တဖၣ်, ဒီးနလဲၤတုၤတ့ၢ်လံလၢသ့ၣ်ဒိၣ်ပှၢ်တီၢ်အယိာ် ကတၢၢ်တတီၤလံန့ၣ်လီၤ.

လံာ်ယံးရမံယၤ 49:27

ယကဒွဲၣ်အူကွံာ်ဝ့ၢ်ဒၤမ့ၤစ့းအဝ့ၢ်ခိၣ်ဒူတဖၣ်လၢ မ့ၣ်အူ, ဒီးဒွဲၣ်ကွံာ်စီၤပၤဘ့ၣ်ဟဒးအနူၢ်တဖၣ်လီၤ. ယၤ, ယွၤ, ယွၤသ့တၢ်လၢာ်, ကတိၤလံတၢ်လံ.”

လံာ်ယဃ့းစက့လး 26:7

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကမၢလီၤစီၤပၤ အဒိၣ်ကတၢၢ်လၢစီၤပၤခဲလၢာ်အကျါ, လၢအမ့ၢ်ကီၢ်ဘၤဘူၤလိၣ် အစီၤပၤနဘူၤကးန့စၢ်လၢအကဟဲဒုးဝ့ၢ်ထါယၢၣ်အဂီၢ်န့ၣ်လီၤ. အဝဲကဟဲဝဲလၢကလံၤစိးတခီ, အိၣ်ဒီးအသုးမုၢ်ဖးဒိၣ်တဖု, အိၣ်ဒီးကသ့ၣ်တဖၣ်, လ့ၣ်ကဟၣ်တဖၣ်ဒီးပှၤဒိးကသ့ၣ်သုးဖိ တဖၣ်န့ၣ်လီၤ.

လံာ်ဒၤနံးယ့လး 2:37

နဲဒၣ်, စီၤပၤဧၢ, နမ့ၢ်စီၤပၤအဒိၣ်ကတၢၢ်လၢကယဲၢ်စီၤပၤတဖၣ်အကျါလီၤ. ကစၢ်ယွၤလၢမူခိၣ်ဒုးပၢနၤလၢဘီမုၢ်အါဘ့ၣ်ဒီးဟ့ၣ်လီၤတ့ၢ်နၤလၢ, တၢ်စိတၢ်ကမီၤ, တၢ်ဂံၢ်ဆူၣ်ဘါဆူၣ်ဒီးတၢ်လၤကပီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.

လံာ်ဧၤမိၣ် 1:4

မၤသးဒ်န့ၣ်ဒီးယဆှၢလီၤမ့ၣ်အူဆူနီလၢအဘၣ်တၢ်ဘှီအီၤလၢ စီၤပၤဃစ့လးအဖီခိၣ်ဒီးယကဒွဲၣ်အူကွံာ်စီၤပၤဘ့ၣ်ဟဒး အတိာ်ဧိၤတာ်ဧိၤတဖၣ်န့ၣ်လီၤ.

လံာ်သိၣ်လီၤသီလီၤတၢ် 20:1

တုၤသုဟးထီၣ်ဒ်သိးသုကဒုးတၢ်ထီဒါသုဒုၣ်သုဒါတဖၣ်ဒီးသု မ့ၢ်ထံၣ်လ့ၣ်ကဟၣ်တဖၣ်ဒီးကသ့ၣ်တဖၣ်ဒီးသုးမုၢ်တဖုလၢအပှၤအနီၣ် ဂံၢ်အါန့ၢ်ဒံးသုပှၤန့ၣ်, ပျံၤအဝဲသ့ၣ်တဂ့ၤ. ယွၤသုကစၢ်ယွၤလၢအမၤပူၤဖျဲးတ့ၢ်သုလၢကီၢ်အဲၤကူပတူးန့ၣ် ကအိၣ်ဒီးသုလီၤ.

လံာ်သိၣ်လီၤသီလီၤတၢ် 28:52

အဝဲသ့ၣ်ကဟဲထီၣ်ဒုးဝ့ၢ်ကိးဖျၢၣ်ဒဲးလၢထံကီၢ်လၢယွၤ, သုကစၢ်ယွၤဟ့ၣ်လီၤသုအပူၤ, ဒီးတၢ်ဒူၣ်တဖၣ်လၢအထီ ဒီးအိၣ်ခၢၣ်သနၢၣ်လၢသုနာ်န့ၢ်အီၤန့ၣ်ကလီၤပှီၢ်ကွံာ်ဝဲလီၤ.

လံာ်ပှၤစံၣ်ညီၣ်ကွီၢ် 1:7

ဒီးစီၤပၤအဒိနံၤဘ့စ့းစံးဝဲ, “စီၤပၤအဂၤနွံဆံလၢ အစုမုၢ်ကျၢၢ်ခီၣ်မုၢ်ကျၢၢ်တဖၣ်ဘၣ်တၢ်ကျီတဲာ်ကွံာ်အီၤန့ၣ် ထၢအီၣ်တၢ်လီၤဆှုလီၤပလ့ၤလၢယစီၤနီၤခိၣ်အဖီလာ်လီၤ. ခဲအံၤကစၢ်ယွၤမၤယၤဒ်ယမၤတ့ၢ်အဝဲသ့ၣ်တဖၣ်အသိးန့ၣ်လီၤ.” ဒီးအဝဲဘၣ်တၢ်စိာ်ကွံာ်အီၤဆူဝ့ၢ်ယရူၤၡလ့ၣ်ဒီးသံဝဲဖဲန့ၣ်လီၤ.

လံာ်ပှၤစံၣ်ညီၣ်ကွီၢ် 4:3

စီၤပၤယၤဘံၣ်အိၣ်ဒီးလ့ၣ်ကဟၣ်ဒုးသုးထးအဆိခွံကယၤ, ဒီးအဝဲပၢအံၣ်စရ့လးအပှၤဂီၢ်မုၢ်လၢတၢ်အၢတၢ်သီဒီး တၢ်မၤအၢမၤနးဖးဒိၣ်အပူၤအနံၣ်ခံဆံန့ၣ်လီၤ. တုၤနုၤတစုအံၣ်စရ့လးအပှၤဂီၢ်မုၢ်ကိးပသူထီၣ်ဆူယွၤအအိၣ် လၢတၢ်မၤစၢၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:5

ပှၤဖလ့ၡသးဖိတဖၣ်အိၣ်ဖှိၣ်ရိဖှိၣ်ဒ်သိးကဒုးပှၤအံၣ်စရ့လး ဖိတဖၣ်လီၤ. အဝဲသ့ၣ်အိၣ်ဒီးလ့ၣ်ကဟၣ်ဒုးသုးသၢကလး, ပှၤဒိးကသ့ၣ်သုးမုၢ်အဂၤဃုကထိ ဒီးပှၤသုးဖိအါထဲသိးမဲးဧိၤဟီၣ်ဧိၤလၢပီၣ်လဲၣ်အနံၤလီၤ. အဝဲသ့ၣ်လဲၤဆူဝ့ၢ်မံးကမၣ်အိၣ်လၢ ဝ့ၢ်ဘ့ၤသအၤဝ့ၣ်အမုၢ်ထီၣ်န့ၣ်ဒီးသူၣ်ထီၣ်အဒဲဖဲန့ၣ်လီၤ.