လံာ်စီၤပၤအခီၣ်ထံးတဘ့ၣ် 2:6 - Sgaw Karen Common Bible

⁶ နသ့ၣ်ညါတၢ်လၢနကဘၣ်မၤန့ၣ်လီၤ. တကြၢးနပျဲအဝဲသံဒ်န့ဆၢၣ် အလုၢ်အလၢ်တမံၤအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 2:6 Iomraidhean Croise

လံာ်တၢ်ကဲထီၣ်အခီၣ်ထံး 42:38

ဘၣ်ဆၣ်စီၤယၤကိာ်စံးဝဲ, “ယဖိခွါလဲၤဃုာ်တၢ်ဒီးသုတသ့ ဘၣ်. အဒီပုၢ်ဝဲၢ်ခွါသံလံ. ဒီးအဝဲမ့ၢ်ပှၤထဲတဂၤဧိၤလၢအအိၣ် တီၢ်န့ၣ်လီၤ. လၢကျဲန့ၣ်, တၢ်တမံၤမံၤကမၤဘၣ်ဖုးအသးဒီးအီၤလီၤ. ယမ့ၢ်ပှၤသးပှၢ်တဂၤ, ဒီးတၢ်သူၣ်အုးသးအုးလၢသု ကဒုးအိၣ်ထီၣ်လၢယဂီၢ်န့ၣ်ကမၤသံယၤလီၤ.”

လံာ်တၢ်ကဲထီၣ်အခီၣ်ထံး 9:5

ဒီးကယဲၢ်ပှၤတဂၤလၢ်လၢ်လၢအဟံးန့ၢ်ပှၤအသးသမူန့ၣ်ကဘၣ်တၢ်စံၣ် ညီၣ်အီၤလီၤ. ကယဲၢ်ဆၣ်ဖိကီၢ်ဖိတဒုဒုလၢအဟံးန့ၢ်ပှၤကညီအသးသမူန့ၣ် ယကစံၣ်ညီၣ်အီၤလၢတၢ်သံန့ၣ်လီၤ.

လံာ်တၢ်ကဲထီၣ်အခီၣ်ထံး 9:6

ပှၤကညီဘၣ်တၢ်တ့အီၤလီၤဂာ်ဒ်ကစၢ်ယွၤအသိးဒီးပှၤတဂၤဂၤလၢ အမၤသံပှၤကညီတဂၤန့ၣ်အနီၢ်ကစၢ်ဒၣ်ဝဲကဘၣ်တၢ်မၤသံအီၤလၢပှၤ ကညီသကိးသကိးဒီးအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:39

ယမ့ၢ်စီၤပၤတဂၤလၢကစၢ်ယွၤဃုထၢတ့ၢ်ဒၣ်လဲာ်န့ၣ်တနံၤအံၤ ယဂံၢ်ယဘါစၢ်လီၤ. နီၢ်စရူယၤအဖိခွါတဖၣ်အံၤဆူၣ်စိးအၢသီကဲၣ်ဆိးလၢယဂီၢ်လီၤ. မ်ယွၤစံၣ်ညီၣ်ပှၤအအၢအသီတဖၣ်အံၤဒ်အဝဲသ့ၣ်ကြၢးဒိးဘၣ်ဝဲ အသိးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 2:7

ဘၣ်ဆၣ်ဒီးဒုးနဲၣ်တၢ်သူၣ်ကညီၤသးကညီၤဆူစီၤဘၢ်စံးလဲ အဖိခွါတဖၣ်လၢအအိၣ်လၢဝ့ၢ်ကံးလဧးဒီးအံးထွဲကွၢ်ထွဲအဝဲ သ့ၣ်, မ့ၢ်လၢအဝဲသ့ၣ်မ့ၢ်ပှၤသူၣ်ကညီၤသးကညီၤယၤဖဲယဘၣ်ဃ့ၢ်ပူၤ ဖျဲးကွံာ်ယသးလၢနဒီပုၢ်ဝဲၢ်ခွါစီၤအးဘၡါလိၣ်အအိၣ်အကတီၢ် အဃိန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 2:9

ဘၣ်ဆၣ်ပျဲပူၤကွံာ်အီၤလၢတၢ်စံၣ်ညီၣ်တဂ့ၤ. နသ့ၣ်ညါတၢ်လၢနကဘၣ်မၤအီၤလီၤ. ဒီးနကဘၣ်ကူၣ်ကျဲၤဒ်သိးအဝဲကဘၣ်တၢ်မၤသံအီၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:12

ယကမၤတၢ်လၢနဃ့တ့ၢ်အီၤန့ၣ်လီၤ. ယကဟ့ၣ်အါထီၣ်နၤတၢ်ကူၣ်သ့ဒီးတၢ်သ့ၣ်ညါနၢ်ပၢၢ်အါန့ၢ်ဒံးပှၤ တဂၤလၢ်လၢ်မၤန့ၢ်တ့ၢ်ဝဲလၢညါမ့ၢ်ဂ့ၤ, ကမၤန့ၢ်ကဒီးဝဲ ဆူညါမ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 22:20

ဒီးတၢ်စံၣ်ညီၣ်လၢယကဒုးလီၤဘၣ်အီၤလၢဝ့ၢ်ယရူၤၡလ့ၣ်အ လိၤန့ၣ်, တချုးလၢနသံဝံၤဒံးဘၣ်န့ၣ်, တလီၤဘၣ်ဝဲဘၣ်. ယကပျဲနသံနဲမုာ်မုာ်န့ၣ်လီၤ.” ပှၤတဖၣ်န့ၣ်က့ၤကဒါက့ၤဆူစီၤပၤယိၤၡံယၤအအိၣ်, အိၣ်ဃုာ်ဒီးတၢ်ကစီၣ်အံၤန့ၣ်လီၤ.

စံးထီၣ်ပတြၢၤ 37:37

ကွၢ်, ပှၤလၢအတၢ်ကမၣ်တအိၣ်, ဒီးကွၢ်ပှၤလၢအသူၣ်တီသးလိၤန့ၣ်တက့ၢ်. အဂ့ၢ်ဒ်အံၤ, ပှၤလၢအမၤဃူမၤဖိးတၢ်န့ၣ်, အိၣ်ဒီးအတၢ်လီၤစၢၤလီၤသွဲၣ်န့ၣ်လီၤ.

တၢ်ကတိၤဒိ. 20:26

စီၤပၤလၢအကူၣ်သ့တဂၤန့ၣ်ကဃုထံၣ်န့ၢ်မ့ၢ်မတၤတဂၤမၤကမၣ်တၢ် လဲၣ်ဒီးကစံၣ်ညီၣ်အီၤလၢတၢ်သးကညီၤတအိၣ်ဘၣ်အပူၤန့ၣ်လီၤ.

တၢ်ကတိၤဒိ. 28:17

ပှၤတဂၤလၢအမၤသံတၢ်န့ၣ်ခူၣ်အတၢ်သံအပူၤဒၣ်ဝဲအချ့ကတၢၢ်လီၤ. ကျဲးစၢးတြီအီၤတဂ့ၤ.

လံာ်ပှၤစံၣ်တဲၤတဲလီၤတၢ် 8:11

ဘၣ်မနုၤအဃိပှၤမၤတၢ်ထီဒါတၢ်သိၣ်တၢ်သီတဖၣ်ညီကဒၣ်န့ၣ်လဲၣ်. မ့ၢ်လၢတၢ်လုၢ်သ့ၣ်ခါပတာ်တၢ်သိၣ်တၢ်သီအံၤတဘၣ်တၢ်စံၣ်ညီၣ် အီၤချ့ချ့ဘၣ်အဃိလီၤ.

လံာ်ယၡါယၤ 48:22

“လၢပှၤတတီတလိၤတဖၣ်အဂီၢ်န့ၣ်တၢ်ဃူတၢ်ဖိးတအိၣ်ဘၣ်.” ယွၤစံးဝဲဒၣ်လီၤ.

လံာ်ယၡါယၤ 57:2

ပှၤလၢအအိၣ်မူတၢ်အိၣ်မူအဂ့ၤအဝါတဖၣ်ထံၣ်န့ၢ်တၢ်ဃူ တၢ်ဖိးဒီးတၢ်အိၣ်ဘှံးအလီၢ်လၢတၢ်သံအပူၤန့ၣ်လီၤ.

လံာ်ယၡါယၤ 57:21

ပှၤတၢ်ဒဲးဘးဖိတဖၣ်အဂီၢ်န့ၣ်, တၢ်ပူၤဖျဲးတအိၣ်ဘၣ်.” ယွၤစံးဝဲဒၣ်.

လံာ်ယၡါယၤ 65:20

ဖိသၣ်ဆံးဖိတဖၣ်တသံလၢၤဖဲအနီၢ်ဆံးဒံးအခါဘၣ်, ဒီးပှၤဂီၢ်မုၢ်ခဲလၢာ်ကအိၣ်မူတုၤလၢအဝဲသ့ၣ်အတၢ်အိၣ်မူ မုၢ်နံၤအနီၣ်ထိၣ်လီၤ. ပှၤတဖၣ်လၢအအိၣ်မူတုၤအနံၣ်တကယၤ န့ၣ်ကဘၣ်တၢ်ပာ်ကဲအီၤဒ်ပှၤသးစၢ်အသိးလီၤ. တၢ်သံဆိန့ၢ်တၢ်န့ၣ်, ကမ့ၢ်တၢ်ပနီၣ်တမံၤလၢယစံၣ်ညီၣ်တ့ၢ်အဝဲသ့ၣ်န့ၣ်လီၤ.

လံာ်တၢ်ဂံၢ် 35:33

သုမ့ၢ်ပျဲတၢ်အံၤဒီး, သုကမၤဘၣ်အၢကီၢ်လၢသုအိၣ်ဝဲန့ၣ် လီၤ. တၢ်မၤသံတၢ်န့ၣ်မၤဘၣ်အၢကီၢ်ဒီးမ့တမ့ၢ်ဘၣ်လၢပှၤမၤသံတၢ်, သံဝဲဘၣ်ဒီးကျဲတအိၣ်နီတဘိလၢကီၢ်တဘ့ၣ်န့ၣ်အဂီၢ်, ဖဲပှၤတဂၤဘၣ်တၢ်မၤသံအီၤလၢတၢ်ကမၤကဆှီထီၣ်က့ၤအီၤဒ်တၢ် ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်ဘၣ်.