လံာ်စီၤပၤအခီၣ်ထံးတဘ့ၣ် 2:35 - Sgaw Karen Common Bible

³⁵ စီၤပၤဒုးကဲထီၣ်စီၤဘနါယၤလၢပှၤသုးမုၢ်အသုးခိၣ်ကျၢၢ်လၢ စီၤယိၤအာ်အလီၢ်, ဒီးပာ်စီၤစၤဒိးလၢပှၤလုၢ်တၢ်အခိၣ်, လၢစီၤအ့ဘယၤသၢ်အလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:35 Iomraidhean Croise

လံာ်စီၤပၤအခီၣ်ထံးတဘ့ၣ် 1:26

ဘၣ်ဆၣ်တၢ်ဒိၣ်ဧၢ, အဝဲတကွဲဝဲယၤမ့ၢ်ဂ့ၤ, ပှၤလုၢ်တၢ်အခိၣ်စီၤ စၤဒိးမ့ၢ်ဂ့ၤ, စီၤဘနါယၤမ့ၢ်ဂ့ၤ, စီၤၡလိၤမိၤမ့ၢ်ဂ့ၤန့ၣ် ဘၣ်.

လံာ်စီၤပၤအခီၣ်ထံးတဘ့ၣ် 1:33

အဝဲစံးဘၣ်အဝဲသ့ၣ်, “ကိးဃုာ်ယကွီၢ်အပဒိၣ်ပပှၢ်တဖၣ်ဒီးသု, ဒုးဒိးထီၣ်ယဖိခွါစီၤၡလိၤမိၤလၢယကသ့ၣ်လၤဒၣ်ယဲဒီးလဲၤ ယုၤဒီးကဟုကယာ်အီၤတုၤလီၤဆူထံကီၢ်အထံမူထီၣ်ပၢၢ်,

လံာ်စီၤပၤအခီၣ်ထံးတဘ့ၣ် 1:38

လၢတၢ်န့ၣ်အဃိစီၤစၤဒိး, စီၤနၤသၣ်, စီၤဘနါယၤဒီးစီၤပၤ အခ့အပှၤတဖၣ်ဒုးဒိးထီၣ်စီၤၡလိၤမိၤလၢစီၤပၤဒၤဝံးအကသ့ၣ် လၤဒီးလဲၤယုၤဒီးကဟုကယာ်အီၤတုၤလီၤဆူကံဃိၣ်အထံမူ ထီၣ်ပၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:27

အန့ၣ်ဒီးစီၤၡလိၤမိၤဒုးဟးထီၣ်ကွံာ်စီၤအ့ဘယၤသၢ်လၢတၢ်မၤ တၢ်ဒ်ယွၤအပှၤလုၢ်တၢ်အခိၣ်တဂၤအသိး, သတးဒီးအဝဲ မၤလၢထီၣ်ပှဲၤထီၣ်တၢ်လၢယွၤစံးတ့ၢ်ဝဲဖဲဝ့ၢ်ၡံလိၤဘၣ်ထွဲ ဒီးပှၤလုၢ်တၢ်အခိၣ်စီၤဧ့လံၤဒီးအစၢၤအသွဲၣ်တဖၣ်အဂ့ၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:4

ပှၤသုးမုၢ်အသုးခိၣ်ကျၢၢ်မ့ၢ်ဝဲစီၤယဟိၤယဒါအဖိခွါစီၤဘနါ ယၤ, ပှၤလုၢ်တၢ်အခိၣ်တဖၣ်န့ၣ်မ့ၢ်ဝဲစီၤစၤဒိးဒီးစီၤအ့ဘယၤသၢ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:11

စီၤဒၤဝံးကိးန့ၢ်ပှၤလုၢ်တၢ်အခိၣ်တဖၣ်လၢအမ့ၢ်ဝဲစီၤစၤဒိး ဒီးစီၤအ့ဘယၤသၣ်, ဒီးပှၤလ့ၤဝံဖိဃုဂၤလၢအမ့ၢ်ဝဲ, စီၤအူရံၤအ့လး, စီၤဧစံယၤ, စီၤယိၤအ့လး, စီၤၡမါယၤ, စီၤအလံၤအ့လးဒီးစီၤဧးမံၤနဒးသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:3

စီၤဒၤဝံးကရၢကရိထီၣ်စီၤအၤဟရိၣ်အစၢၤအသွဲၣ်တဖၣ်ဆူ ကရူၢ်တဖၣ်, ဒ်အမူအဒါတဖၣ်အိၣ်ဝဲအသိးန့ၣ်လီၤ. အဝဲဘၣ်တၢ်မၤစၢၤအီၤလၢတၢ်မၤအံၤအဂီၢ်လၢစီၤစၤဒိး, စီၤအလၤဧစၢ်အစၢၤအသွဲၣ်တဂၤ, စီၤအဃံၤမ့လ့း, စီၤအံသမၢ်အစၢၤအသွဲၣ်တဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:5

သၢလါတလါပှၤလုၢ်တၢ်အခိၣ်စီၤယဟိယဒါအဖိခွါစီၤဘနါယၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:22

သတးဒီးလၢမုၢ်တနံၤအဝဲန့ၣ်, အဝဲသ့ၣ်သူၣ်ဖှံသးညီတ့ၢ်ဒိၣ် မးဖဲအအီၣ်တၢ်ဒီးအီတၢ်လၢယွၤအမဲာ်ညါန့ၣ်လီၤ. အဝဲသ့ၣ်ကိးသတြီထီၣ်ဝဲလၢစီၤၡလိၤမိၤမ့ၢ်စီၤပၤခံဘျီ တဘျီန့ၣ်လီၤ. လၢယွၤအမံၤအပူၤန့ၣ်အဝဲသ့ၣ်ဖှူအီၤဒ်ပှၤလၢကပၢဘၣ်အဝဲသ့ၣ် အသိးဒီးစီၤစၤဒိးဒ်ပှၤလုၢ်တၢ်အခိၣ်အသိးန့ၣ်လီၤ.

လံာ်စီၤဧ့စြၤ 7:2

စီၤၡၤလူၣ်အဖိခွါ, စီၤစၤဒိးအဖိခွါ, စီၤအဃံးတူာ်အဖိခွါ,

လံာ်စီၤယိၤဘး 34:24

လၢကသုးကွံာ်ပှၤခိၣ်ပှၤနၢ်တဖၣ်ဒီး ပာ်လီၤပှၤအဂၤတဖၣ် လၢအဝဲသ့ၣ်အလီၢ်အဂီၢ်န့ၣ်, အလီၢ်တအိၣ်လၢ ကစၢ်ယွၤကသမံသမိးတၢ်ဘၣ်.

စံးထီၣ်ပတြၢၤ 109:8

တယံာ်လၢၤဘၣ်ဒီး မ်အတၢ်အိၣ်မူကတၢၢ်ကွံာ်တက့ၢ်. မ်ပှၤအဂၤတဂၤဟံးန့ၢ်ကွံာ်အတၢ်မၤတက့ၢ်.

လံာ်ယဃ့းစက့လး 40:46

ဒီးဒၢးတဖျၢၣ်လၢအကွၢ်ဃီၤတၢ်ဆူကလံၤစိးန့ၣ်မ့ၢ်လၢပှၤလုၢ်တၢ်အ ခိၣ်တဖၣ်လၢအမၤတၢ်လၢတၢ်လုၢ်လီၢ်အဂီၢ်လီၤ. ပှၤလုၢ်တၢ်အခိၣ်ခဲ လၢာ်လီၤစၢၤလီၤသွဲၣ်လၢစီၤစၤဒိးန့ၣ်လီၤ. မ့ၢ်ပှၤလ့ၤဝံအဒူၣ်, အဟံၣ်ဖိဃီဖိလၢတၢ်ဟ့ၣ်အီၤအခွဲးလၢကလဲၤနုာ်ဆူ ယွၤအိၣ်ဝဲဆိးဝဲအလီၢ်အပူၤဒီးကမၤအတၢ်အဂီၢ်န့ၣ်လီၤ.

လံာ်ယဃ့းစက့လး 43:19

ပှၤလုၢ်တၢ်အခိၣ်တဖၣ်လၢအဘၣ်ဃးဒီးလ့ၤဝံအဒူၣ်လၢအမ့ၢ်ဒၣ်ထဲ စီၤစၤဒိးအစၢၤအသွဲၣ်တဖၣ်ဧိၤန့ၣ်ကဟဲနုာ်ဘၣ်ဆူအမဲာ်ညါလၢ ကမၤယတၢ်အဂီၢ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ် ဟ့ၣ်လီၤတၢ်ကလုၢ်အံၤန့ၣ်လီၤ. နကဘၣ်ဟ့ၣ်လီၤအဝဲသ့ၣ်လၢ ဂီၤဖံးဖါဖိတဒုလၢကလုၢ်ထီၣ်ဝဲဒ်တၢ်လုၢ်တၢ်ပာ်တမံၤအသိး လၢတၢ်လုၢ်တၢ်ဒဲးဘးအဂီၢ်န့ၣ်လီၤ.

မၤတၢ် 1:20

“အဂ့ၢ်ဒ်အံၤ တၢ်အိၣ်ကွဲးအသးလၢလံာ်စံးထီၣ်ပတြၢၤအပူၤစံးဝဲ, ‘မ်အဟံၣ်အဃီအိၣ်ကလီ, ဒီးပှၤသုတအိၣ် လၢအပူၤနီတဂၤတဂ့ၤ’ (စံး ၆၉:၂၅). တၢ်ကွဲးစ့ၢ်ကီးအသး, ‘အတၢ်မၤန့ၣ်မ်ပှၤအဂၤတဂၤ ကနုာ်လီၤမၤအီၤန့ၣ်တက့ၢ်’ (စံး ၁၀၉:၈).

လံာ်စီၤၡမူၤအ့လးအခီၣ်ထံးတဘ့ၣ် 2:35

ယကဃုထၢထီၣ်ပှၤလုၢ်တၢ်အခိၣ်တဂၤလၢအသူၣ်ကတီသးကလိၤဒီးယၤ ဒီးမၤကယဲၢ်တၢ်ကိးမံၤလၢယအဲၣ်ဒိးအကမၤဝဲဒၣ်န့ၣ်လီၤ. ယကဟ့ၣ်အီၤလၢအစၢၤအသွဲၣ်တဖၣ်လၢအကမၤတၢ်လၢ စီၤပၤလၢယဃုထၢထီၣ်အီၤအမဲာ်ညါန့ၣ်လီၤ.