လံာ်စီၤပၤအခီၣ်ထံးတဘ့ၣ် 2:32 - Sgaw Karen Common Bible

³² ယွၤကစံၣ်ညီၣ်စီၤယိၤအာ်လၢတၢ်မၤသံတဖၣ်လၢအဝဲမၤတ့ၢ်ဝဲ, တအိၣ်ဘၣ်ဒီးယပၢ်စီၤဒၤဝံးအတၢ်သ့ၣ်ညါထွဲဘၣ်အဃိန့ၣ်လီၤ. စီၤယိၤအာ်မၤသံကွံာ်ပှၤခံဂၤလၢအတၢ်ကမၣ်တအိၣ်ဘၣ်ဒီးမ့ၢ် တ့ၢ်ပှၤလၢအဂ့ၤန့ၢ်အီၤ, အံၣ်စရ့းလးအသုးမုၢ်သုးခိၣ်ကျၢၢ်စီၤအဘံန့ၢ်ဒီးယူဒၤအသုး မုၢ်အသုးခိၣ်ကျၢၢ်စီၤဧမါစၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:32 Iomraidhean Croise

လံာ်တၢ်ကဲထီၣ်အခီၣ်ထံး 4:11

နဘၣ်တၢ်ပာ်နၤလၢတၢ်ဆိၣ်အၢအဖီလာ်ဒီးနသူၣ်နဖျးတၢ်လၢဟီၣ်ခိၣ် တသ့လၢၤဘၣ်န့ၣ်လီၤ. တၢ်လီၤဂာ်ဒ်ဟီၣ်ခိၣ်အိးထီၣ်အထးခိၣ်လၢကတူၢ်လိာ်ယူၢ်လီၤနပုၢ် အသွံၣ်ဖဲနမၤသံအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 42:22

စီၤရူၤဘ့ၣ်စံးဝဲ, “ယတဲဘၣ်တ့ၢ်သုလၢ, မၤဘၣ်ဒိဆါပိာ်ခွါ ဖိသၣ်န့ၣ်တဂ့ၤ. ဘၣ်ဆၣ်, သုတဒိကနၣ်ဘၣ်. ဒီးခဲကနံၣ်အံၤပဘၣ်တၢ်ဟ့ၣ်ကၣ်ဆၢက့ၤပှၤလၢအတၢ်သံ အဃိလီၤ.”

လံာ်တၢ်ကဲထီၣ်အခီၣ်ထံး 9:6

ပှၤကညီဘၣ်တၢ်တ့အီၤလီၤဂာ်ဒ်ကစၢ်ယွၤအသိးဒီးပှၤတဂၤဂၤလၢ အမၤသံပှၤကညီတဂၤန့ၣ်အနီၢ်ကစၢ်ဒၣ်ဝဲကဘၣ်တၢ်မၤသံအီၤလၢပှၤ ကညီသကိးသကိးဒီးအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:16

အဂ့ၢ်ဒ်အံၤ, စီၤဒၤဝံးစံးဘၣ်တ့ၢ်ပှၤဧမၤလ့းဖိလၢ, “နဒုးလီၤဘၣ်တၢ်အံၤလၢနလိၤဒၣ်နဲလီၤ. နစံၣ်ညီၣ်ဃၣ်လီၤနသးဖဲနအၢၣ်လီၤတ့ၢ်လၢနမၤသံကွံာ်ပှၤတဂၤလၢ ယွၤဃုထၢအီၤလၢအကကဲထီၣ်စီၤပၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 17:25

(စီၤအးဘၡါလိၣ်ပာ်ထီၣ်စီၤဧမါစၤ ဒ်သုးခိၣ်ကျၢၢ်လၢအသုးမုၢ်အဖီခိၣ်လၢစီၤယိၤအာ်အလီၢ်န့ၣ်လီၤ. စီၤဧမါစၤမ့ၢ်ပှၤယံးၡမၤအ့လးဖိစီၤယ့သ့ၢ်အဖိခွါလီၤ. အမိၢ်မ့ၢ်ဝဲနီၢ်အဘံၤကါယံးလး, စီၤနၤဃၣ်အဖိမုၣ်ဒီးစီၤယိၤအာ်အမိၢ် နီၢ်စရူၤယၤအဒီပုၢ်ဝဲၢ်မုၣ်န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 3:29

မ်တၢ်စံၣ်ညီၣ်လၢတၢ်ဂ့ၢ်န့ၣ်ကလီၤဘၣ်ဝဲလၢစီၤယိၤအာ်ဒီး အဒူၣ်ဖိထၢဖိခဲလၢာ်အလိၤတက့ၢ်. လၢအစိၤကိးစိၤဒဲးန့ၣ်မ်ပှၤပိာ်ခွါတနီၤလၢအဒူၣ်ဖိထၢဖိ အကျါကအိၣ်ဒီးဃဲအတၢ်ဆါမ့ၢ်ဂ့ၤ, ပှၤဘၣ်တၢ်ဆါအၢမ့ၢ်ဂ့ၤ, ပှၤလၢကြၢးဒၣ်လၢအမၤပှၤပိာ်မုၣ်အတၢ်မၤမ့ၢ်ဂ့ၤ, ဘၣ်သံလၢတၢ်ဒုးတၢ်ယၤအပူၤမ့ၢ်ဂ့ၤ, ပှၤလၢအီၣ်တလၢအီတလၢမ့ၢ် ဂ့ၤန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 3:37

စီၤဒၤဝံးအပှၤဂီၢ်မုၢ်ခဲလၢာ်ဒီးကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် နၢ်ပၢၢ်ဝဲဒၣ်လၢတၢ်မၤသံစီၤအဘံန့ၢ်တဘၣ်ဃး ဒီးစီၤပၤနီတမံၤဘၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:39

ယမ့ၢ်စီၤပၤတဂၤလၢကစၢ်ယွၤဃုထၢတ့ၢ်ဒၣ်လဲာ်န့ၣ်တနံၤအံၤ ယဂံၢ်ယဘါစၢ်လီၤ. နီၢ်စရူယၤအဖိခွါတဖၣ်အံၤဆူၣ်စိးအၢသီကဲၣ်ဆိးလၢယဂီၢ်လီၤ. မ်ယွၤစံၣ်ညီၣ်ပှၤအအၢအသီတဖၣ်အံၤဒ်အဝဲသ့ၣ်ကြၢးဒိးဘၣ်ဝဲ အသိးန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 4:11

ပှၤအၢဖိတဖၣ်လၢအမၤသံကွံာ် ပှၤတဂၤလၢအတၢ်ကမၣ်တအိၣ်ဘၣ်ဒီးမံဘၣ်အသးလၢအဟံၣ်ဒၣ်ဝဲအပူၤန့ၣ်, တၢ်ကဘၣ်အီၤနးန့ၢ်အန့ၣ်တက့ၢ်ဆံးဒိၣ်လဲၣ်. ခဲအံၤယကဟ့ၣ်ကၣ်သုလၢသုတၢ်မၤသံအီၤအဃိဒီး တြူာ်ကွံာ်သုလၢဟီၣ်ခိၣ်အမဲာ်ဖံးခိၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:44

ကယဲၢ်တၢ်လၢနမၤကမၣ်ဘၣ်တ့ၢ်ယပၢ်စီၤဒၤဝံးန့ၣ်နသ့ၣ်ညါဂ့ၤဂ့ၤ လီၤ. ယွၤကစံၣ်ညီၣ်နၤလၢတၢ်န့ၣ်အဂီၢ်လီၤ.

လံာ်စီၤပၤအခီၣ်ထံးတဘ့ၣ် 2:5

တၢ်အိၣ်ဒံးအဂၤတမံၤန့ၣ်လီၤ. နသ့ၣ်နီၣ်ထီၣ်တၢ်လၢစီၤယိၤအာ် မၤဘၣ်တ့ၢ်ယၤခီဖျိမၤသံသုးခိၣ်ဖးဒိၣ်ခံဂၤလၢအံၣ်စရ့လး အသုးမုၢ်အပူၤလၢအမ့ၢ်ဝဲ, စီၤန့ၢ်အဖိခွါစီၤအဘံန့ၢ်, ဒီးစီၤယ့သ့ၢ်အဖိခွါစီၤဧမါစၤလီၤ. နသ့ၣ်နီၣ်ထီၣ်လၢအဝဲမၤသံတ့ၢ်အဝဲသ့ၣ်လၢတၢ်မုာ်တၢ်ခုၣ်အကတီၢ် ဒ်လဲၣ်, ဒ်တၢ်ဟ့ၣ်ကၣ်အသိးလၢတၢ်သံတဖၣ်လၢအဝဲသ့ၣ်မၤဘၣ်တ့ၢ်ဝဲဖဲတၢ် ဒုးတၢ်ယၤအကတီၢ်အဃိန့ၣ်လီၤ. အဝဲမၤသံကွံာ်ပှၤလၢအတၢ်ကမၣ်တအိၣ်တဖၣ်, ဒီးယဟံးန့ၢ်မူဒါလၢတၢ်လၢအဝဲအမၤတ့ၢ်ဝဲအဂီၢ်အဃိ, ခဲကနံၣ်အံၤယတူၢ်ဘၣ်က့ၤယဲတၢ်မၤအသးတဖၣ်လၢအပိာ်ထွဲထီၣ်အခံ န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:32

အိယွၤဧၢ, ဒိကနၣ်လၢ်လၢမူခိၣ်ဒီးစံၣ်ညီၣ်နခ့နပှၤတဖၣ်န့ၣ်တ က့ၢ်. စံၣ်ညီၣ်ဃၣ်ပှၤလၢအတၢ်ကမၣ်အိၣ်တဂၤဒ်အကြၢးဒိးဘၣ်ဝဲအသိးဒီး ပျၢ်ဖျဲးကွံာ်ပှၤတဂၤလၢအတၢ်ကမၣ်တအိၣ်ဘၣ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 21:13

အခိၣ်တလိာ်, နပိာ်ထွဲတ့ၢ်ကီၢ်အံၣ်စရ့လးအစီၤပၤတဖၣ်အဒိအတဲာ် ဒီးဆှၢဃီၤကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်တဖၣ်လၢ အသးအသုတတီဒီးကစၢ်ယွၤတဂ့ၤ, ဒ်သိးဒၣ်စီၤပၤအၤဃာ်ဒီးပှၤထီၣ်က့ၤအဝဲအလီၢ်တဖၣ်ဆှၢဃီၤ ကီၢ်အံၣ်စရ့လးဆူတၢ်သူၣ်တတီသးတရၤအပူၤန့ၣ်လီၤ. နမၤသံကွံာ်ဒၣ်လဲာ်နဒီပုၢ်ဝဲၢ်ခွါတဖၣ်, လၢအမ့ၢ်ပှၤအဂ့ၤဒိၣ် န့ၢ်ဒံးနၤတက့ၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:14

လၢတၢ်တဖၣ်န့ၣ်အဃိ, ယွၤကစံၣ်ညီၣ်နပှၤဂီၢ်မုၢ်, နဖိတဖၣ်, ဒီးနမါတဖၣ်ဆါဆါကလဲာ်, ဒီးကမၤဟးဂီၤနတၢ်စုလီၢ် ခီၣ်ခိၣ်တဖၣ်န့ၣ်လီၤ.

လံာ်နီၢ်အ့ၤစတၢ် 1:19

မ့ၢ်ဘၣ်, စီၤပၤအသးဒီး, မ်တၢ်ရၤလီၤစီၤပၤအတၢ်မၤလိာ်လၢနီၢ်ပၤမုၣ် ဝးၡတံၤအသုတပာ်ဖျါထီၣ်လၢၤအသးနီတစုလၢစီၤပၤအမဲာ်ညါ ဘၣ်တဂ့ၤန့ၣ်တက့ၢ်. တၢ်မၤလိာ်အံၤကဘၣ်တၢ်ကွဲးနီၣ်အီၤလၢကီၢ်ပၤရၣ်ဒီးကီၢ်မၤဒဲ အတၢ်သိၣ်တၢ်သီတဖၣ်အပူၤဒ်သိးတၢ်လဲ လိာ်ကွံာ်အီၤသုတသ့နီတဘျီတဂ့ၤလီၤ. အန့ၣ်ဒီးဟ့ၣ်လီၤကွံာ်အနီၢ် ပၤမုၣ်အလီၢ်အံၤဆူပိာ်မုၣ်လၢအဂ့ၤဒိၣ်န့ၢ်အီၤတဂၤအအိၣ်န့ၣ်တက့ၢ်.

စံးထီၣ်ပတြၢၤ 7:16

အတၢ်မၤကီမၤခဲတၢ်ကဘၣ်က့ၤဒၣ်အီၤ ဒီးအတၢ်စုဆူၣ်ခီၣ်တကး ကမၤဘၣ်ဒိက့ၤဒၣ်အီၤန့ၣ်လီၤ.

စံးထီၣ်ပတြၢၤ 7:17

ယကစံးထီၣ်ပတြၢၤယွၤဒ်အတၢ်တီတၢ်လိၤအသိး ဒီးယကသးဝံၣ်စံးထီၣ်ပတြၢၤ တၢ်ထီကတၢၢ်ယွၤအမံၤန့ၣ်လီၤ.

လံာ်ယဃ့းစက့လး 17:19

ယွၤပၢဘၣ်တၢ်ခဲလၢာ်ကစၢ်စံးဝဲ, “ဒ်ယမ့ၢ်ကစၢ်ယွၤလၢအမူဝဲ နီၢ်နီၢ်တဂၤအသိး, ယစံးယဲလၢယကစံၣ်ညီၣ်အီၤ, မ့ၢ်လၢအမၤဟးဂီၤလံာ်ဃံၤဃာ်အတၢ်ဆိၣ်လၢအဝဲဆိၣ်လီၤအသးလၢ ယမံၤအပူၤလၢကဟံးဃာ်ဝဲအဃိန့ၣ်လီၤ.

လံာ်တၢ်ဂံၢ် 32:23

ဘၣ်ဆၣ်ဒီးသုမ့ၢ်တတိၢ်န့ၢ်ဖံးဃာ်သုတၢ်အၢၣ်လီၤအီလီၤန့ၣ်, ယဟ့ၣ်ပလီၢ်သုသးလၢသုကမၤဘၣ်တၢ်ဒဲးဘးထီဒါကစၢ်ယွၤန့ၣ် လီၤ. ဘၣ်ဃးဒီးတၢ်အံၤန့ၣ်မၤကမၣ်တၢ်နီတမံၤတဂ့ၤ. သုကဘၣ်တၢ်စံၣ်ညီၣ်လၢသုတၢ်ဒဲးဘးအဃိလီၤ.

လံာ်ပှၤစံၣ်ညီၣ်ကွီၢ် 9:24

တၢ်အံၤမၤအသးဒ်သိးစီၤအဘံၤမ့လ့းဒီးပှၤၡက့ၣ်ဖိလၢအဟ့ၣ်ဂံၢ်ဟ့ၣ်ဘါအီၤဒ်သိးအကမၤသံကွံာ် စီၤကံးဒဧိၣ်အဖိခွါအဂၤနွံဆံန့ၣ်, ကဒိးဘၣ်တၢ်ဒ်အတၢ်ကမၣ်အသိးအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:57

ကစၢ်ယွၤဒုးတူၢ်ဘၣ်စ့ၢ်ကီးပှၤဝ့ၢ်ၡက့ၣ်ဖိအတၢ်လၢအတၢ်အၢတၢ်သီအဃိ, ဒ်စီၤကံးဒဧိၣ်အဖိခွါစီၤယိၤသၣ်ဆိၣ်အၢအဝဲသ့ၣ်အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:28

စီၤၡမူၤအ့လးစံးဘၣ်အီၤ, “ယွၤဖှီယာ်ကွံာ်ကီၢ်အံၣ်စရ့လး အဘီအမုၢ်ယံၤဒီးနၤလၢတနံၤအံၤဒီးဟ့ၣ်လီၤအီၤဆူပှၤအဂ့ၤ ဒိၣ်န့ၢ်အါန့ၢ်နၤတဂၤအအိၣ်လီၤ.