လံာ်စီၤပၤအခီၣ်ထံးတဘ့ၣ် 2:31 - Sgaw Karen Common Bible

³¹ စီၤၡလိၤမိၤစံးဆၢအီၤ, “မၤတၢ်လၢစီၤယိၤအာ်စံးဝဲန့ၣ်တ က့ၢ်. မၤသံအီၤဒီးခူၣ်လီၤကွံာ်အီၤန့ၣ်တက့ၢ်. အန့ၣ်သတးဒီးယၤမ့ၢ်ဂ့ၤ, စီၤဒၤဝံးအစၢၤအသွဲၣ်အဂၤတဖၣ်မ့ၢ် ဂ့ၤ, တအိၣ်ဘၣ်လၢၤဒီးမူဒါနီတစုလၢတၢ်လၢစီၤယိၤအာ်မၤတ့ၢ်ဝဲ ဖဲအဝဲမၤသံတ့ၢ်ပှၤလၢအတၢ်ကမၣ်တဖၣ်အဂီၢ်လၢၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:31 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:28

ဖဲစီၤဒၤဝံးနၢ်ဟူတၢ်ကစီၣ်န့ၣ်အဝဲစံးဝဲဒၣ်, “ယွၤသ့ၣ်ညါလၢယထံဖိကီၢ်ဖိဒီးယၤန့ၣ်အတၢ်ကမၣ်တအိၣ်လ့ၤတက့ၤဘၣ်လၢ တၢ်မၤသံစီၤအဘံန့ၢ်အဂ့ၢ်န့ၣ်ဘၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:29

မ်တၢ်စံၣ်ညီၣ်လၢတၢ်ဂ့ၢ်န့ၣ်ကလီၤဘၣ်ဝဲလၢစီၤယိၤအာ်ဒီး အဒူၣ်ဖိထၢဖိခဲလၢာ်အလိၤတက့ၢ်. လၢအစိၤကိးစိၤဒဲးန့ၣ်မ်ပှၤပိာ်ခွါတနီၤလၢအဒူၣ်ဖိထၢဖိ အကျါကအိၣ်ဒီးဃဲအတၢ်ဆါမ့ၢ်ဂ့ၤ, ပှၤဘၣ်တၢ်ဆါအၢမ့ၢ်ဂ့ၤ, ပှၤလၢကြၢးဒၣ်လၢအမၤပှၤပိာ်မုၣ်အတၢ်မၤမ့ၢ်ဂ့ၤ, ဘၣ်သံလၢတၢ်ဒုးတၢ်ယၤအပူၤမ့ၢ်ဂ့ၤ, ပှၤလၢအီၣ်တလၢအီတလၢမ့ၢ် ဂ့ၤန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 2:30

စီၤဘနါယၤလဲၤဃီၤဆူဒဲစီဆှံဒီးစံးဘၣ်စီၤယိၤအာ်, “စီၤပၤဟ့ၣ်လီၤအကလုၢ်လၢနကဟဲက့ၤထီၣ်လီၤ.” စီၤယိၤအာ်စံးဆၢဝဲ, “ယတဟဲက့ၤထီၣ်ဘၣ်. ယကသံဖဲအံၤလီၤ.” စီၤဘနါယၤက့ၤကဒါက့ၤဆူ စီၤပၤအအိၣ်, ဒီးတဲဘၣ်အီၤလၢတၢ်လၢစီၤယိၤအာ်စံးတ့ၢ်ဝဲ န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:26

“ယထံၣ်တ့ၢ်တၢ်မၤသံစီၤနၤဘိးဒီးအဖိခွါတဖၣ်မဟါတနံၤန့ၣ် လီၤ. ဒီးယအၢၣ်လီၤယသးလၢယကစံၣ်ညီၣ်နၤဖဲအံၤ, လၢပျီတဘ့ၣ်ဃီအံၤအပူၤန့ၣ်လီၤ.” စီၤယ့ၤဟူမၤလိာ်အပှၤကွၢ်ထွဲမၤစၢၤအီၤ, “လၢတၢ်န့ၣ်အဃိ, ဟံးထီၣ်စီၤယဟိရၣ်အစိၣ်ဒီးတ့ၢ်လီၤကွံာ်အီၤဆူစီၤနၤဘိး အပျီပူၤလၢတၢ်မၤလၢထီၣ်ပှဲၤထီၣ်ယွၤအတၢ်အၢၣ်လီၤအဂီၢ်န့ၣ် တက့ၢ်.

လံာ်တၢ်ဟးထီၣ်ကွံာ် 21:14

ဘၣ်ဆၣ်, ဖဲပှၤတဂၤအသးဒိၣ်ထီၣ်ဒီးမၤသံပှၤအဂၤတဂၤလၢတၢ်ကူၣ် ထီၣ်ဖးလီၤဆိပာ်ဝဲအပူၤန့ၣ်, အဝဲမ့ၢ်ဃ့ၢ်ဆူယတၢ်လုၢ်လီၢ်လၢတၢ်ပူၤဖျဲးအဂီၢ်ဒၣ်လဲာ်ကဘၣ်တၢ် မၤသံကွံာ်အီၤန့ၣ်လီၤ.

တၢ်ကတိၤဒိ. 28:17

ပှၤတဂၤလၢအမၤသံတၢ်န့ၣ်ခူၣ်အတၢ်သံအပူၤဒၣ်ဝဲအချ့ကတၢၢ်လီၤ. ကျဲးစၢးတြီအီၤတဂ့ၤ.

လံာ်တၢ်ဂံၢ် 35:33

သုမ့ၢ်ပျဲတၢ်အံၤဒီး, သုကမၤဘၣ်အၢကီၢ်လၢသုအိၣ်ဝဲန့ၣ် လီၤ. တၢ်မၤသံတၢ်န့ၣ်မၤဘၣ်အၢကီၢ်ဒီးမ့တမ့ၢ်ဘၣ်လၢပှၤမၤသံတၢ်, သံဝဲဘၣ်ဒီးကျဲတအိၣ်နီတဘိလၢကီၢ်တဘ့ၣ်န့ၣ်အဂီၢ်, ဖဲပှၤတဂၤဘၣ်တၢ်မၤသံအီၤလၢတၢ်ကမၤကဆှီထီၣ်က့ၤအီၤဒ်တၢ် ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်ဘၣ်.

မၤတၢ် 28:4

ပှၤကီးဖိဖဲန့ၣ်တဖၣ်ထံၣ်ဂုၢ်သ့ၣ်အိၣ်ဘျးလီၤအသးလၢ စီၤပီလူးအစုလိၤဒီးစံးလိာ်အသးတဂၤဒီးတဂၤ, “ပှၤတဂၤအံၤကမ့ၢ်ပှၤမၤသံပှၤကညီလီၤ. အဝဲပူၤဖျဲးကွံာ်လၢပီၣ်လဲၣ်အပူၤသနာ်က့, ဘူၣ်တီၢ် ကစၢ်တပျဲမူအီၤလၢၤဘၣ်.”