လံာ်စီၤပၤအခီၣ်ထံးတဘ့ၣ် 2:30 - Sgaw Karen Common Bible

³⁰ စီၤဘနါယၤလဲၤဃီၤဆူဒဲစီဆှံဒီးစံးဘၣ်စီၤယိၤအာ်, “စီၤပၤဟ့ၣ်လီၤအကလုၢ်လၢနကဟဲက့ၤထီၣ်လီၤ.” စီၤယိၤအာ်စံးဆၢဝဲ, “ယတဟဲက့ၤထီၣ်ဘၣ်. ယကသံဖဲအံၤလီၤ.” စီၤဘနါယၤက့ၤကဒါက့ၤဆူ စီၤပၤအအိၣ်, ဒီးတဲဘၣ်အီၤလၢတၢ်လၢစီၤယိၤအာ်စံးတ့ၢ်ဝဲ န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:30 Iomraidhean Croise

လံာ်စီၤပၤအခီၣ်ထံးတဘ့ၣ် 2:29

ဖဲတၢ်ကစီၣ်တုၤဃီၤဆူစီၤပၤၡလိၤမိၤအအိၣ်လၢစီၤယိၤအာ်ဃ့ၢ် ပူၤဖျဲးအသးဆူယွၤအဒဲစီဆှံအပူၤဒီးအိၣ်ဝဲလၢတၢ်လုၢ်လီၢ် အကပၤန့ၣ်, စီၤၡလိၤမိၤမၢလီၤပှၤစိာ်တၢ်ကစီၣ်တဂၤဆူ စီၤယိၤအာ်အအိၣ်ဒ်သိးကသံကွၢ်အီၤလၢဘၣ်မနုၤအဝဲဃ့ၢ်ပူၤ ဖျဲးကွံာ်အသးဆူတၢ်လုၢ်လီၢ်အပူၤလဲၣ်န့ၣ်လီၤ. စီၤယိၤအာ်စံးဆၢဝဲလၢအဝဲဃ့ၢ်ပူၤဖျဲးကွံာ်အသးဆူယွၤအ အိၣ်, မ့ၢ်လၢအဝဲပျံၤဘၣ်စီၤၡလိၤမိၤအဃိန့ၣ်လီၤ. အန့ၣ်ဒီးစီၤၡလိၤမိၤမၢစီၤဘနါယၤလၢကမၤသံကွံာ်အီၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 2:31

စီၤၡလိၤမိၤစံးဆၢအီၤ, “မၤတၢ်လၢစီၤယိၤအာ်စံးဝဲန့ၣ်တ က့ၢ်. မၤသံအီၤဒီးခူၣ်လီၤကွံာ်အီၤန့ၣ်တက့ၢ်. အန့ၣ်သတးဒီးယၤမ့ၢ်ဂ့ၤ, စီၤဒၤဝံးအစၢၤအသွဲၣ်အဂၤတဖၣ်မ့ၢ် ဂ့ၤ, တအိၣ်ဘၣ်လၢၤဒီးမူဒါနီတစုလၢတၢ်လၢစီၤယိၤအာ်မၤတ့ၢ်ဝဲ ဖဲအဝဲမၤသံတ့ၢ်ပှၤလၢအတၢ်ကမၣ်တဖၣ်အဂီၢ်လၢၤဘၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:22

ပှၤကၤဘစ့လးဖိစီၤယဟိၤယဒါအဖိခွါစီၤဘနါယၤန့ၣ်မ့ၢ်ပှၤ သုးဖိလၢအမံၤဟူသၣ်ဖျါတဂၤန့ၣ်လီၤ. အဝဲမၤတ့ၢ်တၢ်မၤအဒူအါမံၤ, လၢအအိၣ်ဃုာ်ဝဲဒီးတၢ်မၤသံပှၤမိၤအးသုးဖိဖးဒိၣ်ခံဂၤန့ၣ်လီၤ. တဘျီအဝဲလဲၤလီၤဆူတၢ်ပူၤတပူၤဖဲမူခိၣ်ဖီလီၤဝဲအနံၤတနံၤ ဒီးမၤသံကွံာ်ခ့ယုၢ်တဒုန့ၣ်လီၤ.