လံာ်စီၤပၤအခီၣ်ထံးတဘ့ၣ် 2:29 - Sgaw Karen Common Bible

²⁹ ဖဲတၢ်ကစီၣ်တုၤဃီၤဆူစီၤပၤၡလိၤမိၤအအိၣ်လၢစီၤယိၤအာ်ဃ့ၢ် ပူၤဖျဲးအသးဆူယွၤအဒဲစီဆှံအပူၤဒီးအိၣ်ဝဲလၢတၢ်လုၢ်လီၢ် အကပၤန့ၣ်, စီၤၡလိၤမိၤမၢလီၤပှၤစိာ်တၢ်ကစီၣ်တဂၤဆူ စီၤယိၤအာ်အအိၣ်ဒ်သိးကသံကွၢ်အီၤလၢဘၣ်မနုၤအဝဲဃ့ၢ်ပူၤ ဖျဲးကွံာ်အသးဆူတၢ်လုၢ်လီၢ်အပူၤလဲၣ်န့ၣ်လီၤ. စီၤယိၤအာ်စံးဆၢဝဲလၢအဝဲဃ့ၢ်ပူၤဖျဲးကွံာ်အသးဆူယွၤအ အိၣ်, မ့ၢ်လၢအဝဲပျံၤဘၣ်စီၤၡလိၤမိၤအဃိန့ၣ်လီၤ. အန့ၣ်ဒီးစီၤၡလိၤမိၤမၢစီၤဘနါယၤလၢကမၤသံကွံာ်အီၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 2:29 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:18

စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်လၢပှၤပၢၤစီၤဒၤ ဝံးအသးသမူတဖၣ်အဂီၢ်န့ၣ်လီၤ. စီၤဒၤဝံးအဖိခွါတဖၣ်မၤန့ၢ်လီၢ်ဒိၣ်လၤထီလၢပဒိၣ်ပပှၢ်တဖၣ် အကျါန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:25

လၢတၢ်န့ၣ်အဃိစီၤပၤၡလိၤမိၤဟ့ၣ်လီၤအကလုၢ်လၢစီၤဘနါယၤ ကလဲၤမၤသံကွံာ်စီၤအဒိနံၤယၤဒီးစီၤအဒိနံၤယၤသံကွံာ်ဝဲ ဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:30

စီၤဘနါယၤလဲၤဃီၤဆူဒဲစီဆှံဒီးစံးဘၣ်စီၤယိၤအာ်, “စီၤပၤဟ့ၣ်လီၤအကလုၢ်လၢနကဟဲက့ၤထီၣ်လီၤ.” စီၤယိၤအာ်စံးဆၢဝဲ, “ယတဟဲက့ၤထီၣ်ဘၣ်. ယကသံဖဲအံၤလီၤ.” စီၤဘနါယၤက့ၤကဒါက့ၤဆူ စီၤပၤအအိၣ်, ဒီးတဲဘၣ်အီၤလၢတၢ်လၢစီၤယိၤအာ်စံးတ့ၢ်ဝဲ န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:31

စီၤၡလိၤမိၤစံးဆၢအီၤ, “မၤတၢ်လၢစီၤယိၤအာ်စံးဝဲန့ၣ်တ က့ၢ်. မၤသံအီၤဒီးခူၣ်လီၤကွံာ်အီၤန့ၣ်တက့ၢ်. အန့ၣ်သတးဒီးယၤမ့ၢ်ဂ့ၤ, စီၤဒၤဝံးအစၢၤအသွဲၣ်အဂၤတဖၣ်မ့ၢ် ဂ့ၤ, တအိၣ်ဘၣ်လၢၤဒီးမူဒါနီတစုလၢတၢ်လၢစီၤယိၤအာ်မၤတ့ၢ်ဝဲ ဖဲအဝဲမၤသံတ့ၢ်ပှၤလၢအတၢ်ကမၣ်တဖၣ်အဂီၢ်လၢၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:46

အန့ၣ်ဝံၤဒီး, စီၤပၤဟ့ၣ်လီၤအကလုၢ်ဆူစီၤဘနါယၤ, ဒီးအဝဲဟးထီၣ်လဲၤမၤသံကွံာ်စီၤၡံမံၤန့ၣ်လီၤ. ဒီးဘီမုၢ်အိၣ်ဂၢၢ်ဆိးကျၢၤဝဲခဲကနံၣ်အံၤ, လၢစီၤၡလိၤမိၤအစုပူၤန့ၣ်လီၤ.

လံာ်တၢ်ဟးထီၣ်ကွံာ် 21:14

ဘၣ်ဆၣ်, ဖဲပှၤတဂၤအသးဒိၣ်ထီၣ်ဒီးမၤသံပှၤအဂၤတဂၤလၢတၢ်ကူၣ် ထီၣ်ဖးလီၤဆိပာ်ဝဲအပူၤန့ၣ်, အဝဲမ့ၢ်ဃ့ၢ်ဆူယတၢ်လုၢ်လီၢ်လၢတၢ်ပူၤဖျဲးအဂီၢ်ဒၣ်လဲာ်ကဘၣ်တၢ် မၤသံကွံာ်အီၤန့ၣ်လီၤ.

တၢ်ကတိၤဒိ. 28:17

ပှၤတဂၤလၢအမၤသံတၢ်န့ၣ်ခူၣ်အတၢ်သံအပူၤဒၣ်ဝဲအချ့ကတၢၢ်လီၤ. ကျဲးစၢးတြီအီၤတဂ့ၤ.

လံာ်ယဃ့းစက့လး 9:6

မၤသံပှၤပိာ်ခွါသးပှၢ်တဖၣ်, ပိာ်ခွါသးစၢ်တဖၣ်, ပိာ်မုၣ်သးစၢ်တဖၣ်, ပိာ်မုၣ်သးပှၢ်တဖၣ်ဒီးဖိသၣ်တဖၣ်တက့ၢ်. ဘၣ်ဆၣ်ဒီး, ထိးဘူးပှၤလၢအအိၣ်ဒီးတၢ်ပနီၣ်လၢအခိၣ်တိသၣ်အလိၤနီတဂၤတ ဂ့ၤ. စးထီၣ်မၤအီၤဖဲယတၢ်လုၢ်ဟံၣ်အံၤတက့ၢ်.” လၢတၢ်န့ၣ်အဃိဒီး, အဝဲသ့ၣ်စးထီၣ်မၤသံပှၤခိၣ်ပှၤနၢ်တဖၣ်လၢအဆၢထၢၣ် ဖဲယွၤအတၢ်လုၢ်ဟံၣ်န့ၣ်လီၤ.

၁ ပ့းတရူး 4:17

တၢ်ဆၢကတီၢ်ဟဲတုၤဝဲလၢတၢ်စံၣ်ညီၣ်အဂီၢ်လံ, ဒီးကစၢ်ယွၤအပှၤဂီၢ်မုၢ်ဒၣ်ဝဲတဖၣ်ကဘၣ်တၢ်စံၣ်ညီၣ်အီၤ အဆိကတၢၢ်န့ၣ်လီၤ. တၢ်မ့ၢ်ဘၣ်ဆိပဝဲဒီး, ပှၤလၢအတစူၢ်တနာ်ကစၢ်ယွၤအတၢ်သးခုကစီၣ်တဖၣ်န့ၣ် အကတၢၢ်ကမၤအသးဒ်လဲၣ်.