လံာ်စီၤပၤအခီၣ်ထံးတဘ့ၣ် 2:28 - Sgaw Karen Common Bible

²⁸ စီၤယိၤအာ်နၢ်ဟူဘၣ်တၢ်လၢမၤတ့ၢ်အသးန့ၣ်လီၤ. (အဝဲဆီၣ်ထွဲမၤစၢၤတ့ၢ်စီၤအဒိနံၤယၤ, ဘၣ်ဆၣ်, တဆီၣ်ထွဲမၤစၢၤတ့ၢ်စီၤအးဘၡါလိၣ်ဘၣ်) လၢတၢ်န့ၣ်အဃိအဝဲဃ့ၢ်ပူၤဖျဲးအသးဆူယွၤအိၣ်ဝဲဆိးဝဲ အဒဲစီၤဆှံအပူၤဒီးဟံးဃာ်ကျၢၤတၢ်လုၢ်လီၢ်အသနၢၣ်တဖၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 2:28 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:25

(စီၤအးဘၡါလိၣ်ပာ်ထီၣ်စီၤဧမါစၤ ဒ်သုးခိၣ်ကျၢၢ်လၢအသုးမုၢ်အဖီခိၣ်လၢစီၤယိၤအာ်အလီၢ်န့ၣ်လီၤ. စီၤဧမါစၤမ့ၢ်ပှၤယံးၡမၤအ့လးဖိစီၤယ့သ့ၢ်အဖိခွါလီၤ. အမိၢ်မ့ၢ်ဝဲနီၢ်အဘံၤကါယံးလး, စီၤနၤဃၣ်အဖိမုၣ်ဒီးစီၤယိၤအာ်အမိၢ် နီၢ်စရူၤယၤအဒီပုၢ်ဝဲၢ်မုၣ်န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 18:2

အန့ၣ်ဝံၤဒီး, အဝဲဆှၢလီၤအဝဲသ့ၣ်သၢကရူၢ်အိၣ်ဒီးစီၤယိၤအာ်, စီၤယိၤအာ်အဒီပုၢ်ဝဲၢ်စီၤအဘံၡဲၤဒီးပှၤကၤသးဖိစီၤအံတဲၤ, တဂၤစုာ်စုာ်ဒ်သုးခိၣ်ဖးဒိၣ်တဖၣ်လၢကရူၢ်တဖုဘၣ်တဖုအဖီခိၣ် လီၤ. ဒီးစီၤပၤစံးဘၣ်အပှၤတဖၣ်, “ယကလဲၤဃုာ်ဒီးသုလၢယနီၢ်ကစၢ်ဒၣ်ယဲလီၤ.”

လံာ်စီၤပၤအခီၣ်ထံးတဘ့ၣ် 1:50

လၢတၢ်ပျံၤဘၣ်စီၤၡလိၤမိၤဖးဒိၣ်အပူၤန့ၣ်, စီၤအဒိၤနံၤယၤလဲၤဝဲဆူယွၤအဒဲစီဆှံလၢယွၤအိၣ်ဝဲဒီး ဟံးဃာ်ကျၢၤယွၤအတၢ်လုၢ်လီၢ်အနၢၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:7

အဝဲကတိၤတၢ်ဒီးစီၤယိၤအာ်လၢအမ့ၢ်နီၢ်စရူၤယၤအဖိခွါ, ဒီးပှၤလုၢ်တၢ်အခိၣ်စီၤအ့ဘယၤသၢ်ဘၣ်ထွဲဒီးတၢ်ဂ့ၢ်န့ၣ်, ဒီးအဝဲသ့ၣ်ဘၣ်သူၣ်ဘၣ်သးလၢကမၤစၢၤအီၤန့ၣ်လီၤ.

လံာ်တၢ်ဟးထီၣ်ကွံာ် 21:14

ဘၣ်ဆၣ်, ဖဲပှၤတဂၤအသးဒိၣ်ထီၣ်ဒီးမၤသံပှၤအဂၤတဂၤလၢတၢ်ကူၣ် ထီၣ်ဖးလီၤဆိပာ်ဝဲအပူၤန့ၣ်, အဝဲမ့ၢ်ဃ့ၢ်ဆူယတၢ်လုၢ်လီၢ်လၢတၢ်ပူၤဖျဲးအဂီၢ်ဒၣ်လဲာ်ကဘၣ်တၢ် မၤသံကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 27:2

မၤထီၣ်တၢ်အနၢၤတဖၣ်လၢအသနၢၣ်လွံၢ်နၢၣ်အဖီခိၣ်တက့ၢ်. ဒီးကဘၣ်မ့ၢ်သ့ၣ်တကျီၣ်ဃီဒီးတၢ်လုၢ်လီၢ်, ဒီးတၢ်လုၢ်လီၢ်ဒီခါညါန့ၣ်ကဘၣ်တၢ်ကးဘၢအီၤလၢတိၢ်ဘီန့ၣ်လီၤ.

လံာ်သိၣ်လီၤသီလီၤတၢ် 32:35

ယွၤကဟ့ၣ်ကၣ်တၢ်ဒီးစံၣ်ညီၣ်အဝဲသ့ၣ်, တၢ်ဆၢကတီၢ်ကတုၤဝဲဖဲအဝဲသ့ၣ်ကဟးဂီၤကွံာ်, အဝဲသ့ၣ်အတၢ်ဘၣ်စံၣ်ညီၣ်ဃါမနၤအမုၢ်နံၤန့ၣ် ဘူးထီၣ်ဝဲလံ.