လံာ်စီၤပၤအခီၣ်ထံးတဘ့ၣ် 2:24 - Sgaw Karen Common Bible

²⁴ ယွၤပာ်လီၤယၤဂၢၢ်ဂၢၢ်ကျၢၤကျၢၤလၢယပၢ်စီၤဒၤဝံးအလီၢ်ပစိာ် အဖီခိၣ်န့ၣ်လီၤ. အဝဲဟံးဃာ်အတၢ်အၢၣ်လီၤ, ဒီးဟ့ၣ်လီၤယၤဒီးယစၢၤယသွဲၣ်တဖၣ်လၢ ဘီမုၢ်န့ၣ်လီၤ. ယဆိၣ်တၢ်လၢယွၤလၢအမူဝဲတဂၤအမံၤအပူၤလၢစီၤအဒိနံၤယၤကသံ ဝဲတနံၤအံၤဒၣ်လဲာ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:24 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:10

ခဲကနံၣ်အံၤ, လၢစိၤကိးစိၤဒဲးအပူၤ, နစၢၤနသွဲၣ်တနီၤကသံဝဲလၢတၢ်သံဆူၣ်သံစိးတမံၤ, မ့ၢ်လၢနတစူၢ်ယၤဘၣ်ဒီးနဟံးန့ၢ်စီၤအူၤရံယၤအမါ အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:27

သ့တၢ်လၢာ်ကစၢ်, အံၣ်စရ့လးအကစၢ်ယွၤဧၢ, ယအိၣ်ဒီးတၢ်သးဒူလၢယကဘါထုကဖၣ်တၢ်ထုကဖၣ်အဝဲအံၤဆူနအိၣ်လီၤ. အဂ့ၢ်ဒ်အံၤ, နလီၣ်ဖျါထီၣ်တ့ၢ်တၢ်ခဲလၢာ်အံၤဆူယၤ, နခ့နပှၤ, ဒီးနတဲဘၣ်တ့ၢ်ယၤလၢနကဒုးကဲထီၣ်ယစၢၤယသွဲၣ်တဖၣ် လၢစီၤပၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:29

အန့ၣ်ဝံၤဒီးအဝဲစံးဘၣ်အီၤ, “ယအၢၣ်လီၤနၤလၢယွၤလၢအမူဝဲ လၢအမၤပူၤဖျဲးတ့ၢ်ယၤလၢကယဲၢ်ယတၢ်ကိၢ်တၢ်ဂီၤခဲလၢာ်တဂၤ အမံၤအပူၤ,

လံာ်စီၤပၤအခီၣ်ထံးတဘ့ၣ် 1:46

ခဲကနံၣ်အံၤစီၤၡလိၤမိၤကဲထီၣ်စီၤပၤလံန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:52

စီၤၡလိၤမိၤစံးဆၢဝဲ, “အဝဲအသးမ့ၢ်တီန့ၣ်, အခိၣ်သူတဘိလၢအခိၣ်လိၤဒၣ်လဲာ်န့ၣ်တဘၣ်တၢ်ထိးအီၤဘၣ်. ဘၣ်ဆၣ်အသးမ့ၢ်တတီဘၣ်န့ၣ်ဒီးအဝဲကဘၣ်သံဝဲဒၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 10:9

စံးထီၣ်ပတြၢၤယွၤ, နကစၢ်ယွၤတက့ၢ်. အဝဲဒုးနဲၣ်တ့ၢ်လၢအဘၣ်သူၣ်ဘၣ်သးနၤထဲလဲၣ်ခီဖျိဒုးကဲနၤ လၢကီၢ်အံၣ်စရ့လးအစီၤပၤန့ၣ်လီၤ. မ့ၢ်လၢအဝဲအတၢ်အဲၣ်ကီၢ်အံၣ်စရ့လးမ့ၢ်တၢ်အထူအယိာ်အဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိးနပၢၤဃာ်တၢ်သိၣ်တၢ် သီဒီးတၢ်စံၣ်ညီၣ်တီကသ့ဝဲအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:10

ဒ်ယဆီၣ်လီၤကွံာ်တ့ၢ်အဒုၣ်အဒါတဖၣ်ခဲလၢာ်, လၢစံၣ်ညီၣ်ကွီၢ်တဖၣ်လၢယဃုထၢအီၤလၢအဝဲသ့ၣ်အဖီခိၣ်အစိၤ အသိးန့ၣ်, ယအၢၣ်လီၤလၢယကမၤနၢၤကွံာ်အဝဲသ့ၣ်အဒုၣ်အဒါ ခဲလၢာ်ဒီးဟ့ၣ်ထံကီၢ်န့ၣ်ဆူအစၢၤအသွဲၣ်တဖၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:17

အန့ၣ်ဒၣ်လဲာ်, ခဲအံၤနမၤတၢ်အါန့ၢ်အန့ၣ်, နမၤတၢ်အၢၣ်လီၤအီလီၤတဖၣ်ဘၣ်ထွဲဒီးယစၢၤယသွဲၣ်တဖၣ်လၢနံၣ် လၢအကဟဲတဖၣ်အပူၤ, ဒီးနၤ, ယွၤ, ကစၢ်ယွၤဧၢ, နမၤဘၣ်တ့ၢ်ယၤဒ်ပှၤဖးဒိၣ်တဂၤအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:23

ဒီးခဲအံၤ, ယွၤ, ကစၢ်ယွၤဧၢ, မၤလၢပှဲၤနတၢ်အၢၣ်လီၤကိးဆၢ ကတီၢ်ဒဲးလၢနမၤတ့ၢ်လၢယၤဒီးယစၢၤယသွဲၣ်တဖၣ်အဂီၢ်, ဒီးမၤတၢ်လၢနစံးလၢနကမၤန့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 22:10

အဝဲကသူၣ်ထီၣ်တၢ်လုၢ်ဟံၣ်တဖျၢၣ်လၢသါဂီၢ်န့ၣ်လီၤ. အဝဲကမ့ၢ်သါဖိခွါဒီးသါကမ့ၢ်အပၢ်န့ၣ်လီၤ. အဝဲအစၢၤအသွဲၣ်ကပၢအံၣ်စရ့လးအဘီအမုၢ်လီၤစိၤလီၤထီ န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 29:23

လၢတၢ်န့ၣ်အဃိ, စီၤၡလိၤမိၤကဲထီၣ်ဘၣ်စီၤပၤလၢအပၢ်စီၤဒၤ ဝံးအလီၢ်လၢလီၢ်ပစိာ်လၢယွၤပာ်လီၤတ့ၢ်ဝဲအဖီခိၣ်န့ၣ်လီၤ. အဝဲမ့ၢ်စီၤပၤတဂၤလၢအတၢ်မၤကဲထီၣ်လိၣ်ထီၣ်ဒီးအံၣ်စရ့လး အပှၤကလုာ်ခဲလၢာ်စူၢ်အီၤန့ၣ်လီၤ.

စံးထီၣ်ပတြၢၤ 127:1

ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

လံာ်တၢ်ဟးထီၣ်ကွံာ် 1:21

ဒီးမ့ၢ်လၢပှၤကွၢ်ပဟုးတဖၣ်ပျံၤကစၢ်ယွၤအဃိ, ကစၢ်ယွၤဟ့ၣ်အီၤလၢအဟံၣ်ဖိဃီဖိဒၣ်ဝဲစုာ်စုာ်လီၤ.

တၢ်ကတိၤဒိ. 20:2

ပျံၤစီၤပၤတဂၤလၢအသူၣ်ဒိၣ်သးဖျိးဒ်နပျံၤခ့ယုၢ်တဒုလၢ အကညီၤရူၢ်ရူၢ်အသိးန့ၣ်တက့ၢ်. နမ့ၢ်ထိၣ်ဂဲၤအတၢ်သးထီၣ်ဒီး, မ့ၢ်ဒၣ်နမၤသံလီၤနသးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:28

တၢ်ဒိၣ်ဧၢ, ဝံသးစူၤပျၢ်ကယဲၢ်တၢ်လၢယမၤကမၣ်ဘၣ်တ့ၢ်အီၤတမံၤလၢ်လၢ်န့ၣ်တက့ၢ်. ယွၤကဒုးကဲထီၣ်နၤဒီးနစၢၤနသွဲၣ်တဖၣ်စ့ၢ်ကီးလၢစီၤပၤလီၤ. အဂ့ၢ်ဒ်အံၤ, နဒုးအတၢ်ဒုးတဖၣ်ဒီးလၢနအိၣ်မူဒံးအမုၢ်နံၤတဖၣ် န့ၣ်နတဘၣ်မၤတၢ်အၢတၢ်သီနီတမံၤဘၣ်လီၤ.