လံာ်စီၤပၤအခီၣ်ထံးတဘ့ၣ် 2:15 - Sgaw Karen Common Bible

¹⁵ အဝဲစံးဆၢဝဲ, “နသ့ၣ်ညါလၢယကဘၣ်ကဲထီၣ်စီၤပၤဒီးပှၤကိး ဂၤဒဲးလၢကီၢ်အံၣ်စရ့လးအပူၤမုၢ်လၢ်တၢ်အံၤန့ၣ်လီၤ. ဘၣ်ဆၣ်, တၢ်တမံၤဒၣ်မၤအသး, တၢ်မၤအသးလီၤဆီကွံာ်ဒီးယဒီပုၢ် ဝဲၢ်ခွါကဲထီၣ်စီၤပၤ, မ့ၢ်လၢတၢ်န့ၣ်မ့ၢ်ယွၤအတၢ်ဘၣ်အသးအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:24

အန့ၣ်ဝံၤဒီး, စီၤဒၤဝံးမၤမုာ်ထီၣ်က့ၤအမါနီၢ်ဘၤသၡ့ဘၤ န့ၣ်လီၤ. အဝဲမံဃုာ်ဂဲၤဃုာ်ဒီးအီၤဒီးအဝဲဆံးစၢ်ထီၣ်န့ၢ်အီၤလၢဖိခွါတဂၤ ဒီးစီၤဒၤဝံးယုၢ်အမံၤလၢစီၤၡလိၤမိၤန့ၣ်လီၤ. ယွၤအဲၣ်ဖိသၣ်ပိာ်ခွါန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 15:13

ပှၤစိာ်တၢ်ကစီၣ်တဂၤတဲဘၣ်စီၤဒၤဝံးဒ်အံၤ, “ပှၤအံၣ်စရ့လးဖိတဖၣ်မၤလံတၢ်သူၣ်တီသးရၤအတၢ်အၢၣ်လီၤအီလီၤဒီး စီၤအးဘၡါလိၣ်လံ.”

လံာ်စီၤၡမူၤအ့လးခံဘ့ၣ်တဘ့ၣ် 15:6

စီၤအးဘၡါလိၣ်မၤတ့ၢ်တၢ်အံၤဆူကယဲၢ်ပှၤအံၣ်စရ့လးဖိကိးဂၤ ဒဲးလၢအဟဲဆူစီၤပၤအအိၣ်လၢတၢ်စံၣ်ညီၣ်အဂီၢ်အဃိဒီး, အဝဲမၤန့ၢ်အဝဲသ့ၣ်အတၢ်သူၣ်တီသးရၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:18

စီၤဃူၤၡဲစံးဆၢဝဲဒၣ်, “ယမၤကသ့ဒ်လဲၣ်. ယဘၣ်ဃးဒၣ်ဒီးပှၤတဂၤလၢယွၤဃုထၢအီၤ, ပှၤဂီၢ်မုၢ်အံၤဃုထၢအီၤဒီး ကယဲၢ်ပှၤအံၣ်စရ့လးဖိခဲလၢာ်ဃုထၢအီၤန့ၣ်လီၤ. ယကအိၣ်ဒၣ်ဒီးနၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:3

စီၤကံးလအၢ်လၢအမ့ၢ်ပှၤကၤမ့လးဖိစီၤနၤဘလးအမါမုၣ်ကမဲ နီၢ်အဘံၤကါယံးလးအဖိခွါ,

လံာ်စီၤၡမူၤအ့လးခံဘ့ၣ်တဘ့ၣ် 3:4

စီၤအးဘၡါလိၣ်လၢအမ့ၢ်ဝ့ၢ်ကရူၢ်အစီၤပၤစီၤတးလမဲအဖိမုၣ် နီၢ်မၤက့ၤအဖိခွါ,

လံာ်စီၤၡမူၤအ့လးခံဘ့ၣ်တဘ့ၣ် 7:12

ဖဲနသံဒီးဘၣ်တၢ်ခူၣ်လီၤကွံာ်နၤဃုာ်ဒီးနမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်နဖိခွါတဖၣ်အကျါတဂၤ လၢစီၤပၤဒီးဒုးဆူၣ်ထီၣ်အဘီအမုၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:25

အအံၤတနံၤအံၤဒၣ်လဲာ်န့ၣ်အဝဲလဲၤတ့ၢ်ဝဲဒီးလုၢ်ထီၣ်တ့ၢ်တၢ် လုၢ်တၢ်ပာ်လၢအမ့ၢ်ဂီၤဖံးဖါအါအါကလဲာ်, သိဒီးဂီၤဖံးအဘီၣ်တဖၣ်အါအါကလဲာ်န့ၣ်လီၤ. အဝဲကွဲမုာ်နဖိခွါခဲလၢာ်, နပှၤသုးမုၢ်အခိၣ်စီၤယိၤအာ်, ဒီးပှၤလုၢ်တၢ်အခိၣ်စီၤအ့ဘယၤသၢ်, ဒီးခဲကနံၣ်အံၤအဝဲသ့ၣ်အီၣ်တၢ်အီတၢ်ဒီးအီၤဒီးကိးပသူထီၣ်ဝဲ, မ်စီၤပၤအဒိနံၤယၤအိၣ်မူဝဲအါနံၣ်အါလါတက့ၢ်, န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:38

လၢတၢ်န့ၣ်အဃိစီၤစၤဒိး, စီၤနၤသၣ်, စီၤဘနါယၤဒီးစီၤပၤ အခ့အပှၤတဖၣ်ဒုးဒိးထီၣ်စီၤၡလိၤမိၤလၢစီၤပၤဒၤဝံးအကသ့ၣ် လၤဒီးလဲၤယုၤဒီးကဟုကယာ်အီၤတုၤလီၤဆူကံဃိၣ်အထံမူ ထီၣ်ပၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:39

စီၤစၤဒိးဟံးန့ၢ်သ့ၣ်စၤယံးအသိဒၢလၢအဟဲစိာ်ဝဲလၢယွၤ အိၣ်ဝဲဆိးဝဲအဒဲစီဆှံအပူၤဒီးဖှူဝဲစီၤၡလိၤမိၤန့ၣ်လီၤ. အဝဲသ့ၣ်အူထီၣ်ကွဲၤဒီးပှၤဂီၢ်မုၢ်ခဲလၢာ်ကိးပသူထီၣ်ဝဲ, “မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 1:5

ဒီးခဲအံၤမ့ၢ်လၢစီၤအးဘၡါလိၣ်သံလံအဃိ, စီးဒၤဝံးဒီးနီၢ်ဃးကံၤအဖိခွါစီၤအဒိနံၤယၤမ့ၢ်ဖိခွါ အဒိၣ်ကတၢၢ်လၢဖိလၢအအိၣ်မူတ့ၢ်တဖၣ်အကျါန့ၣ်လီၤ. အဝဲသူၣ်ဆူၣ်သးဂဲၤလၢကကဲထီၣ်ဘၣ်စီၤပၤဒိၣ်မးလီၤ. လၢအကစၢ်ဒၣ်ဝဲအဂီၢ်, အဝဲကတဲာ်ကတီၤလ့ၣ်ကဟၣ်တဖၣ်, ကသ့ၣ်တဖၣ်ဒီးပှၤလၢအကလဲၤယုၤဒီးကဟုကယာ်အီၤယဲၢ်ဆံဂၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 2:14

အန့ၣ်ဒီး, စီၤအဒိနံၤယၤစံးအါထီၣ်ဝဲ, “ယအဲၣ်ဒိးကတိၤတၢ်ဒီးနၤတမံၤလီၤ.” နီၢ်ဘၤသၡ့ဘၤသံကွၢ်အီၤ, “မ့ၢ်တၢ်မနုၤန့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 2:16

ဒီးခဲကနံၣ်အံၤယအဲၣ်ဒိးဃ့သကွံာ်ကညးတၢ်တမံၤန့ၣ်လီၤ. ဝံသးစူၤဂ့ၢ်လိာ်ယၤတဂ့ၤ.” ဒီးနီၢ်ဘၤသၡ့ဘၤသံကွၢ်ဝဲ, “မ့ၢ်တၢ်မနုၤန့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 2:22

စီၤပၤစံးဘၣ်အီၤ, “ဘၣ်မနုၤနဃ့ယၤလၢယကဟ့ၣ်နီၢ်အဘံၡးဆူ အီၤန့ၣ်လဲၣ်. နဂ့ၤဃ့ဃုာ်စ့ၢ်ကီးလၢယကဟ့ၣ်အီၤစီၤပၤအလီၢ်ပစိာ်န့ၣ်လီၤ. အဂ့ၢ်ဒ်အံၤအဝဲမ့ၢ်ယဝဲၢ်, ဒီးပှၤလုၢ်တၢ်အခိၣ်စီၤအ့ဘယၤသၢ် ဒီးစီၤယိၤအာ်အိၣ်လၢအအိၣ်တကပၤန့ၣ်လီၤ.”

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ဒၤနံးယ့လး 2:22

အဝဲမၤဖျါထီၣ်တၢ်အယိာ်ဒီးတၢ်ခူသူၣ်အဒိၣ်အယိာ်တဖၣ်လီၤ. သ့ၣ်ညါဝဲတၢ်မနုၤအိၣ်လၢတၢ်ခံးတၢ်နၤအပူၤ, ဒီးအဝဲအနီၢ်ကစၢ်ဒၣ်ဝဲန့ၣ်ဘၣ်တၢ်ကဝီၤဃာ်အီၤလၢတၢ်ကပီၤလီၤ.