လံာ်စီၤပၤအခီၣ်ထံးတဘ့ၣ် 2:12 - Sgaw Karen Common Bible

¹² စီၤၡလိၤမိၤကဲထီၣ်စီၤပၤလၢအပၢ်စီၤဒၤဝံးအလီၢ်, ဒီးအဝဲအတၢ်စိတၢ်ကမီၤဒ်စီၤပၤအသိး, သူၣ်လီၤအသးဂၢၢ်ဂၢၢ်ကျၢၤကျၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:29

ယဃ့နၤလၢနကဆိၣ်ဂ့ၤယစၢၤယသွဲၣ်တဖၣ်, ဒ်သိးအဝဲသ့ၣ်ကသးခုဘၣ်ဒံးလၢ နတၢ်ကွၢ်မဲာ်အပူၤန့ၣ်လီၤ. နဲဒၣ်, ယွၤပၢဘၣ်တၢ်ခဲလၢာ်ကစၢ်ဧၢ, နအၢၣ်လီၤအီလီၤတ့ၢ်တၢ်အံၤဒီးနတၢ်ဆိၣ်ဂ့ၤကအိၣ်ကဆိးလၢယစၢၤ ယသွဲၣ်တဖၣ်အဖီခိၣ်လီၤထူလီၤယိာ်လီၤ.”

လံာ်စီၤပၤအခီၣ်ထံးတဘ့ၣ် 1:13

“လဲၤတဘျီဃီဆူစီၤပၤဒၤဝံးအအိၣ်ဒီးသံကွၢ်အီၤ, တၢ်ဒိၣ်ကစၢ်စီၤပၤဧၢ, မ့ၢ်နတအၢၣ်လီၤတ့ၢ်နဲယၤသမှံၤသပှၢ်လၢ ယဖိခွါစီၤၡလိၤမိၤကကဲထီၣ်စီၤပၤလၢနလီၢ်န့ၣ်ဘၣ်ဧါ. ခဲကနံၣ်အံၤ, စီၤအဒိနံၤယၤကဲထီၣ်စီၤပၤန့ၣ်, မ့ၢ်တၢ်လဲၤအသးဒ်လဲၣ်.”

လံာ်စီၤပၤအခီၣ်ထံးတဘ့ၣ် 1:30

လၢတနံၤအံၤ, ယကဟံးဃာ်တၢ်အၢၣ်လီၤလၢယမၤတ့ၢ်ဒီးနၤလၢယွၤ, အံၣ်စရ့လးအကစၢ်ယွၤအမံၤအပူၤ, လၢနဖိခွါစီၤၡလိၤမိၤကကဲထီၣ်စီၤပၤလၢယလီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:35

ဟဲက့ၤပိာ်ကဒါက့ၤအခံဆူအံၤ, ဖဲအဝဲဟဲက့ၤဒ်သိးကဆ့ၣ်နီၤ လၢယလီၢ်ပစိာ်အဖီခိၣ်အဂီၢ်န့ၣ်တက့ၢ်. အဝဲကကဲထီၣ်စီၤပၤလၢယလီၢ်မ့ၢ်လၢအဝဲမ့ၢ်ပှၤတဂၤလၢယဃုထၢ တ့ၢ်လၢကကဲထီၣ်ပှၤပၢတၢ်လၢကီၢ်အံၣ်စရ့လးဒီးကီၢ်ယူဒၤအဖီ ခိၣ်အဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:46

ခဲကနံၣ်အံၤစီၤၡလိၤမိၤကဲထီၣ်စီၤပၤလံန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:46

အန့ၣ်ဝံၤဒီး, စီၤပၤဟ့ၣ်လီၤအကလုၢ်ဆူစီၤဘနါယၤ, ဒီးအဝဲဟးထီၣ်လဲၤမၤသံကွံာ်စီၤၡံမံၤန့ၣ်လီၤ. ဒီးဘီမုၢ်အိၣ်ဂၢၢ်ဆိးကျၢၤဝဲခဲကနံၣ်အံၤ, လၢစီၤၡလိၤမိၤအစုပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:1

ဖဲစီၤဒၤဝံးအသးပှၢ်ထီၣ်နးမးန့ၣ်အဝဲဒုးကဲထီၣ်အဖိခွါ စီၤၡလိၤမိၤလၢအံၣ်စရ့လးအစီၤပၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:1

စီၤပၤဒၤဝံးအဖိခွါစီၤၡလိၤမိၤဟံးဃာ်ဂၢၢ်ကျၢၤဒီးပၢၤ အံၣ်စရ့လးအဘီအမုၢ်, ဒီးယွၤ, အကစၢ်ယွၤဆိၣ်ဂ့ၤတ့ၢ်အီၤဒီးဒုးကဲထီၣ်အီၤလၢပှၤ လၢအစိဒိၣ်ကမီၤထီဒိၣ်မးန့ၣ်လီၤ.

စံးထီၣ်ပတြၢၤ 132:12

နဖိခွါတဖၣ်မ့ၢ်တီဒီးယတၢ်အၢၣ်လီၤအီၤလီၤ, ဒီးတၢ်မၤလိာ်တဖၣ်လၢ ယဟ့ၣ်လီၤအဝဲသ့ၣ်ဒီး, အဖိခွါတဖၣ်စ့ၢ်ကီး ကကဲထီၣ်စီၤပၤလၢ နလီၢ်တစိၤဘၣ်တစိၤန့ၣ်လီၤ.