လံာ်စီၤပၤအခီၣ်ထံးတဘ့ၣ် 2:10 - Sgaw Karen Common Bible

¹⁰ စီၤဒၤဝံးသံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံး အဝ့ၢ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:7

(ဘၣ်ဆၣ်ဒီးစီၤဒၤဝံးမၤန့ၢ်ကွံာ်အဝဲသ့ၣ်အဝ့ၢ်စံယိၣ်အတိာ် ဒီးတၢ်န့ၣ်ဘၣ်တၢ်သ့ၣ်ညါအီၤဒ်စီၤဒၤဝံးအဝ့ၢ်န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 5:9

ဖဲအမၤန့ၢ်တိာ်န့ၣ်ဝံၤဒီး, စီၤဒၤဝံးအိၣ်ဆိးဝဲလၢအပူၤ ဒီးယုၢ်န့ၢ်အမံၤလၢ, “စီၤဒၤဝံးအဝ့ၢ်” န့ၣ်လီၤ. အဝဲသူၣ်ထီၣ်ဝ့ၢ်ဝးတရံးတၢ်လီၢ်န့ၣ်, စးထီၣ်လၢတၢ်လီၢ်လၢဟီၣ်ခိၣ်ဘၣ်တၢ်မၤပှဲၤအီၤ, လၢအအိၣ်ဝဲဖဲတၢ်လူၢ်အမုၢ်ထီၣ်တခီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:12

ဖဲနသံဒီးဘၣ်တၢ်ခူၣ်လီၤကွံာ်နၤဃုာ်ဒီးနမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်နဖိခွါတဖၣ်အကျါတဂၤ လၢစီၤပၤဒီးဒုးဆူၣ်ထီၣ်အဘီအမုၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:21

နမ့ၢ်တမၤဒ်န့ၣ်ဘၣ်ဒီး, တုၤမ့ၢ်နသံတဘျီဃီယဖိခွါစီၤၡလိၤ မိၤဒီးယၤန့ၣ်, ပကဘၣ်တၢ်ပာ်ပှၤဒ်ပှၤလၢအသးတတီဘၣ်ဒီးအထံအကီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 11:21

ဖဲစီၤဟၤဒးအိၣ်လၢကီၢ်အဲၤကူပတူးအပူၤဒီးနၢ်ဟူဘၣ်တၢ် ကစီၣ်လၢစီၤဒၤဝံးသံလံဒီးအသုးမုၢ်အသုးခိၣ်ကျၢၢ်စီၤယိၤ အာ်သံလံန့ၣ်, စီၤဟၤဒးစံးဘၣ်စီၤပၤ, “ပျဲယက့ၤကဒါက့ၤဆူ ယထံယကီၢ်ဒၣ်ယဲန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 11:43

အဝဲသံဝဲဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤ ဒီးအဖိခွါစီၤရဃၤဘၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:31

စီၤရဃၤဘၣ်သံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်လၢစီၤဒၤဝံးအဝ့ၢ်အပူၤန့ၣ်လီၤ. ဒီးအဖိခွါစီၤအဘံယၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:24

စီၤအၤစါသံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်လၢစီၤဒၤဝံးအဝ့ၢ်ပူၤ, ဒီးအဖိခွါစီၤယဟိၡၤဖးကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:8

စီၤအဘံယၣ်သံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံး အဝ့ၢ်ပူၤဒီးအဖိခွါစီၤအၤစါကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:51

လၢကီၢ်ယူဒၤအစီၤပၤစီၤယဟိၡၤဖးပၢတၢ်တဆံနွံနံၣ်တနံၣ် အပူၤန့ၣ်စီၤအၤဃာ်အဖိခွါစီၤအဃၤစယၤကဲထီၣ်ကီၢ်အံၣ်စရ့လး အစီၤပၤ, ဒီးအဝဲပၢတၢ်လၢဝ့ၢ်ၡၤမရံခံနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:1

စီၤၡလိၤမိၤမၤတၢ်ဒီသိၣ်ဒီမှံၤဒီးကီၢ်အဲၤကူပတူးအစီၤ ပၤခီဖျိအဝဲအတၢ်ဒိးတ့ဒိးဖျီအသးဒီးကီၢ်အဲၤကူပတူးအစီၤပၤအဖိ မုၣ်န့ၣ်လီၤ. အဝဲဟဲက့ၤကိးအီၤလၢကအိၣ်ဝဲဆိးဝဲလၢစီၤဒၤဝံးအဝ့ၢ်ပူၤ တုၤလီၤလၢအဝဲသူၣ်ထီၣ်အနီ, ယွၤအတၢ်လုၢ်ဟံၣ်ဒီးဝ့ၢ်ခိၣ်ဒူဝးတရံးဝ့ၢ်ယရူၤၡလ့ၣ်ဝံၤဝဲ တစုန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:1

ဒီးစီၤပၤၡလိၤမိၤဒုးအိၣ်ဖှိၣ်ရိဖှိၣ်ကယဲၢ်ပှၤအံၣ်စရ့လး ဖိအဒူၣ်တဖၣ်ဒီးအဒူၣ်ထၢတဖၣ်, အခိၣ်အနၢ်တဖၣ်ဒ်သိးကဟဲဆူအဝဲအအိၣ်လၢဝ့ၢ်ယရူၤၡလ့ၣ်အပူၤ, လၢကဟဲစိာ်ယွၤအတၢ်အၢၣ်လီၤအီလီၤအတလါလၢဝ့ၢ်စံယိၣ်, စီၤဒၤဝံးအဝ့ၢ်ဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 14:20

အဝဲအစိၣ်ဘၣ်တၢ်ဟဲက့ၤစိာ်ကဒါက့ၤအီၤဆူဝ့ၢ်ယရူၤၡလ့ၣ်လၢ ကသ့ၣ်တဒုအလိၤဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ်သွၣ် ခိၣ်လၢစီၤဒၤဝံးအဝ့ၢ်ပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:38

စီၤယိၤသၣ်သံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်လၢစီၤဒၤဝံးအဝ့ၢ်ပူၤ, ဒီးအဝဲအဖိခွါစီၤအၤဃးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:20

စီၤအၤဃးသံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ်သွၣ် ခိၣ်လၢစီၤဒၤဝံးအဝ့ၢ်ပူၤဒီးအဝဲအဖိခွါစီၤဃံးစကံယၤကဲ ထီၣ်စီၤပၤလၢအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:24

စီၤယဟိရၣ်သံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်တဖၣ်လၢအအိၣ်လၢစီၤဒၤဝံးအဝ့ၢ်ပူၤဒီးအဖိခွါစီၤအဃၤစယၤ ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:28

အဝဲအသုးခိၣ်သုးနၢ်တဖၣ်ဟဲက့ၤစိၣ်က့ၤအစိာ်ဆူဝ့ၢ်ယရူၤၡလ့ၣ် လၢလ့ၣ်ကဟၣ်တဆိအပူၤဒီးခူၣ်လီၤအီၤလၢစီၤပၤအတၢ်သွၣ်ခိၣ် အလီၢ်တဖၣ်လၢစီၤဒၤဝံးအဝ့ၢ်ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:7

မ့ၢ်လၢစီၤဒၤဝံးလဲၤအိၣ်ဝဲဆိးဝဲဖဲတိာ်န့ၣ်အပူၤအဃိဘၣ် တၢ်ကိးလၢ “စီၤဒၤဝံးအဝ့ၢ်” န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:28

အဝဲသံဖဲအမှံၤတုာ်ပှၢ်တီၤ, အိၣ်ပှဲၤဒီးနံၣ်အါလါအါ, တၢ်ထူးဒိၣ်တၢ်တီၤအါ, ဒီးတၢ်လီၤယူးယီၣ်ပာ်ကဲ, ဒီးအဝဲအဖိခွါစီၤၡလိၤမိၤကဲထီၣ်ဘၣ်စီၤပၤလၢအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:16

အဝဲသ့ၣ်ခူၣ်လီၤကွံာ်အီၤလၢစီၤပၤအတၢ်သွၣ်ခိၣ်တဖၣ်အပူၤလၢ အအိၣ်လၢစီၤဒၤဝံးအဝ့ၢ်ပူၤ, လၢတၢ်သ့ၣ်ညါနီၣ်တၢ်မၤလၢအဝဲမၤဝဲတ့ၢ်လၢကီၢ်အံၣ်စရ့လး အပှၤဂီၢ်မုၢ်တဖၣ်အဂီၢ်, လၢကစၢ်ယွၤအဂီၢ်ဒီးလၢယွၤအတၢ်လုၢ်ဟံၣ်အဂီၢ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:31

အဝဲသံဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤ, ဒီးအဖိခွါစီၤရဃၤဘၣ်ကဲထီၣ်စီၤပၤလၢအလီၢ်န့ၣ်လီၤ.

မၤတၢ် 13:36

အဂ့ၢ်ဒ်အံၤ, စီၤဒၤဝံးမၤတၢ်လၢကစၢ်ယွၤတိာ်ပာ်တ့ၢ်လၢအဂီၢ်လၢ အစိၤအဆၢကတီၢ်ဒၣ်ဝဲဝံၤအလီၢ်ခံသံဝဲ, ဘၣ်တၢ်ခူၣ်လီၤအီၤလၢအပၢ်လၢပျၢၤတဖၣ်အသိးအကျါဒီး အုၣ်ကွံာ်ကျၣ်ကွံာ်ဝဲဒၣ်လီၤ.

မၤတၢ် 2:29

“ယဒီပုၢ်ဝဲၢ်သ့ၣ်ဧၢ, ယဘၣ်စံးဘၣ်သုလိၤလိၤဘၣ်ဃးပပၢ်ဖးဒိၣ်မံၤဟူသၣ်ဖျါစီၤပၤ ဒၤဝံးအဂ့ၢ်လီၤ. အဝဲဒၣ်သံဝဲဒီးဘၣ်တၢ်ခူၣ်လီၤကွံာ်အီၤ, ဒီးအသွၣ်ခိၣ်န့ၣ်အိၣ်ဒံးဒၣ်ဖဲအံၤတုၤမုၢ်မဆါတနံၤအံၤန့ၣ်လီၤ.