လံာ်စီၤပၤအခီၣ်ထံးတဘ့ၣ် 19:5 - Sgaw Karen Common Bible

⁵ အဝဲမံလီၤလၢသ့ၣ်တထံးအဖီလာ်ဒီးမံဘၣ်အသးန့ၣ်လီၤ. သတူၢ်ကလာ်ကလူးတဂၤကိးထီၣ်အီၤဒီးစံးဝဲ, “မံပၢၢ်ထီၣ်ဒီးအီၣ်တၢ်တက့ၢ်.”

လံာ်စီၤပၤအခီၣ်ထံးတဘ့ၣ် 19:5 Iomraidhean Croise

လံာ်စီၤပၤအခီၣ်ထံးတဘ့ၣ် 19:4

ဒီးစီၤအ့ၤလံယၤလဲၤတၢ်သ့တနံၤကျၢၤဆူပှၢ်လၢ်ကျါန့ၣ်လီၤ. အဝဲအိၣ်ကတီၢ်ဒီးဆ့ၣ်နီၤဝဲလၢသ့ၣ်တထံးအကဒုအဖီလာ်ဒီးဆၢ ဝဲလၢကသံန့ၣ်လီၤ. အဝဲဘါထုကဖၣ်စံးဝဲ, “ယွၤဧၢ, တၢ်အံၤနးဒိၣ်မးလီၤ. ဟံးထီၣ်ကွံာ်ယသးသမူတက့ၢ်. အဂ့ၢ်ဒ်အံၤ, ယတဂ့ၤအါန့ၢ်စ့ၢ်ကီးယမိၢ်ပၢ်ဖံဖုလၢပျၢၤတဖၣ်ဘၣ်.”

လံာ်စီၤပၤအခီၣ်ထံးတဘ့ၣ် 19:6

အဝဲကွၢ်ဝးတရံးတၢ်ဒီးထံၣ်ဘၣ်ကိၣ်တလိၣ်ဒီးထံတကိအိၣ်ဘူး ဒီးအခိၣ်န့ၣ်လီၤ. အဝဲအီၣ်တၢ်ဒီးအီထံဒီးမံလီၤကဒီးဝဲန့ၣ်လီၤ.

စံးထီၣ်ပတြၢၤ 34:10

ခ့ယုၢ်ဖိတဖၣ်တၢ်သၣ်ဝံၤအသးလၢ တၢ်အီၣ်တအိၣ်ဘၣ်အဃိလီၤ. မ့မ့ၢ်ပှၤလၢအဃုယွၤတဖၣ်န့ၣ်, တၢ်အဂ့ၤလၢအတဒိးန့ၢ်ဘၣ်ဝဲ တအိၣ်နီတမံၤဘၣ်.

စံးထီၣ်ပတြၢၤ 34:7

ယွၤအကလူးသူၣ်ဒဲဝးတရံးပှၤလၢအပျံၤအီၤ ဒီးမၤပူၤဖျဲးအဝဲသ့ၣ်လီၤ.

လံာ်ဒၤနံးယ့လး 8:19

ဒီးစံးဝဲဒၣ်, “ယကဒုးနဲၣ်နၤတၢ်လၢကစၢ်ယွၤ အတၢ်သးဒိၣ်အကတၢၢ်ကမ့ၢ်တၢ်ဒ်လဲၣ်န့ၣ်လီၤ. တၢ်ထံၣ်လၢညါခီပာ်ဖျါတၢ်အကတၢၢ်အဆၢကတီၢ်န့ၣ်လီၤ.

လံာ်ဒၤနံးယ့လး 9:21

ဖဲယဘါထုကဖၣ်ဒံးတၢ်အဖၢမုၢ်ဒီး, ကလူးကၤဘြံၤအ့လးလၢယထံၣ်ဘၣ် တ့ၢ်လၢတၢ်ထံၣ်လၢညါခီအခီၣ်ထံးတဘျီအပူၤ န့ၣ်ဟဲယူၤလီၤဆူယအိၣ်တၢ်အလီၢ်န့ၣ်လီၤ. အကတီၢ်န့ၣ်မ့ၢ်ဝဲတၢ်လုၢ်မၤဘူၣ်လၢဟါ ကဘၣ်တၢ်လုၢ်ထီၣ်အီၤအကတီၢ်န့ၣ်လီၤ.

လံာ်စကၤရယၤ 4:1

ဒီးကလူးလၢအကတိၤတ့ၢ်တၢ်ဒီးယၤန့ၣ်ဟဲကဒီး, ဒီးထိၣ်ဂဲၤထီၣ်ယၤဒ်ပှၤလၢအမံဘၣ်အသးအသိးန့ၣ်လီၤ.

မၤတၢ် 12:7

သတူၢ်ကလာ်, ကစၢ်အကလူးတဂၤအိၣ်ဆၢထၢၣ်ဖဲန့ၣ်, ဒီးတၢ်ကပီၤထီၣ်ဝဲလၢဃိာ်အဒၢးပူၤန့ၣ်လီၤ. ကလူးတရုၤ စီၤပ့းတရူးအဖံဘၣ်ခိၣ်, ထိၣ်ဂဲၤထၢၣ်အီၤဒီးစံးဝဲ, “မၤချ့ချ့, ဂဲၤဆၢထၢၣ်တက့ၢ်.” တဘျီဃီဖဲန့ၣ်ပျံၤထးတဖၣ်လီၤတဲာ်ကွံာ်လၢစီၤပ့းတရူးအစု ခံခီအလိၤန့ၣ်လီၤ.

ဧ့ၤဘြံၤ 1:14

မ့မ့ၢ်ဒ်န့ၣ်ဒီးကလူးတဖၣ်မ့ၢ်တၢ်မနုၤလဲၣ်. အဝဲသ့ၣ်မ့ၢ်ဒၣ်သးတဖၣ်လၢအမၤကစၢ်ယွၤအတၢ် လၢယွၤဆှၢလီၤဒ်သိးအကမၤစၢၤပှၤဟီၣ်ခိၣ်ဖိတဖၣ်လၢ အကဒိးန့ၢ်ဘၣ်တၢ်အုၣ်က့ၤခီၣ်က့ၤအဂီၢ်န့ၣ်လီၤ.

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”