လံာ်စီၤပၤအခီၣ်ထံးတဘ့ၣ် 19:4 - Sgaw Karen Common Bible

⁴ ဒီးစီၤအ့ၤလံယၤလဲၤတၢ်သ့တနံၤကျၢၤဆူပှၢ်လၢ်ကျါန့ၣ်လီၤ. အဝဲအိၣ်ကတီၢ်ဒီးဆ့ၣ်နီၤဝဲလၢသ့ၣ်တထံးအကဒုအဖီလာ်ဒီးဆၢ ဝဲလၢကသံန့ၣ်လီၤ. အဝဲဘါထုကဖၣ်စံးဝဲ, “ယွၤဧၢ, တၢ်အံၤနးဒိၣ်မးလီၤ. ဟံးထီၣ်ကွံာ်ယသးသမူတက့ၢ်. အဂ့ၢ်ဒ်အံၤ, ယတဂ့ၤအါန့ၢ်စ့ၢ်ကီးယမိၢ်ပၢ်ဖံဖုလၢပျၢၤတဖၣ်ဘၣ်.”

လံာ်စီၤပၤအခီၣ်ထံးတဘ့ၣ် 19:4 Iomraidhean Croise

လံာ်စီၤပၤအခီၣ်ထံးတဘ့ၣ် 13:14

ဒီးပိာ်ထွဲထီၣ်ကျဲလၢကီၢ်ယူဒၤအဝံတဂၤအလီၢ်ခံဒီးထံၣ်န့ၢ် အီၤလၢအဆ့ၣ်နီၤဖဲသ့ထိးဖၣ်တထံးအဖီလာ်န့ၣ်လီၤ. အဝဲသံကွၢ်ဝဲ, “နမ့ၢ်ဝံတဂၤလၢကီၢ်ယူဒၤန့ၣ်ဧါ.” ဒီးပှၤတဂၤန့ၣ်စံးဆၢအီၤ, “ယမ့ၢ်လီၤ.”

လံာ်စီၤပၤအခီၣ်ထံးတဘ့ၣ် 19:3

စီၤအ့ၤလံယၤပျံၤတၢ်ဒီးဃ့ၢ်ပူၤဖျဲးလၢအသးသမူအဂီၢ်လီၤ. အဝဲကိးထီၣ်အခ့အပှၤဒီးလဲၤဝဲဆူဝ့ၢ်ဘ့ၢ်ၡဘၤလၢကီၢ်ယူဒၤ အပူၤန့ၣ်လီၤ. အဝဲပာ်တီၢ်အခ့အပှၤဖဲန့ၣ်,

လံာ်စီၤပၤအခီၣ်ထံးတဘ့ၣ် 19:5

အဝဲမံလီၤလၢသ့ၣ်တထံးအဖီလာ်ဒီးမံဘၣ်အသးန့ၣ်လီၤ. သတူၢ်ကလာ်ကလူးတဂၤကိးထီၣ်အီၤဒီးစံးဝဲ, “မံပၢၢ်ထီၣ်ဒီးအီၣ်တၢ်တက့ၢ်.”

လံာ်စီၤပၤခံဘ့ၣ်တဘ့ၣ် 2:11

အဝဲသ့ၣ်လဲၤတၢ်တခီခီကတိၤသကိးတၢ်တခီခီန့ၣ်လီၤ. သတူၢ်ကလာ်, လ့ၣ်ကဟၣ်မ့ၣ်အူလၢအဘၣ်တၢ်ထုးအီၤလၢကသ့ၣ်မ့ၣ်အူ တဖၣ်ဟဲလီၤသတူၢ်ကလာ်လၢအဝဲသ့ၣ်အဘၢၣ်စၢၤ, ဒီးစီၤအ့ၤလံယၤဘၣ်တၢ်စိာ်ထီၣ်ကွံာ်အီၤဆူမူခိၣ်လၢကလံၤ သဝံးအပူၤန့ၣ်လီၤ.

လံာ်စီၤယိၤဘး 6:8

ဘၣ်မနုၤလၢကစၢ်ယွၤတဟ့ၣ်ယၤတၢ်လၢယဃ့န့ၣ်လဲၣ်. ဘၣ်မနုၤလၢအဝဲတစံးဆၢယတၢ်ထုကဖၣ်န့ၣ်လဲၣ်.

လံာ်စီၤယိၤဘး 6:9

မ့ၢ်အသးအိၣ်ဒၣ်ထဲလၢကမၤသံယၤန့ၣ်ဧါ. ကပျၢ်စုပျၢ်ခီၣ်ဒီး ဒီၣ်တဲာ်ကွံာ်ယၤန့ၣ်ဧါ.

လံာ်ယံးရမံယၤ 20:9

ဘၣ်ဆၣ်ဒီးဖဲယစံး, “ယကသးပ့ၤနီၣ်ကွံာ်ယွၤဒီးယတကတိၤလၢၤ တၢ်လၢအမံၤအပူၤလၢၤဘၣ်” န့ၣ်ဒီး, နတၢ်ကစီၣ်န့ၣ်လီၤဂာ်ဒ်မ့ၣ်အူ လၢအအီၣ်တၢ်လၢယသးကံၢ်ပူၤအသိးန့ၣ်လီၤ. ယကျဲးစၢးကီၤယသးအဂ့ၤကတၢၢ်လၢ ယသုတကတိၤဘၣ်အီၤ ဘၣ်ဆၣ်ယပၢၤတံၢ်ဃာ်အီၤတန့ၢ်လၢၤဘၣ်.

လံာ်ဧၤမိၣ် 6:2

လဲၤဆူဝ့ၢ်ကၤလန့ၤ, ဒီးကွၢ်တက့ၢ်. ဒီးလဲၤဖဲန့ၣ်ဆူဝ့ၢ်ဖးဒိၣ်ဃမါသး, ဒီးလဲၤလီၤဆူပှၤဖလ့ၡသးဖိအဝ့ၢ်ကၤသးတက့ၢ်. မ့ၢ်အဂ့ၤန့ၢ်ကီၢ်ယူဒၤဒီးကီၢ်အံၣ်စရ့လးအဘီအမုၢ်တခါခါဧါ. မ့ၢ်အကီၢ်ဃၢၤတဖၣ်လဲၢ်န့ၢ်သုကီၢ်တက့ၢ်ဧါ.

လံာ်ယိၤနါ 4:3

ဒီးခဲကနံၣ်အံၤ, ယွၤဧၢ, ဟံးန့ၢ်ကွံာ်ယသးသမူလၢယၤန့ၣ်တက့ၢ်. ယဃ့ကညးနၤလီၤ. အဂ့ၢ်ဒ်အံၤ, ယသံဂ့ၤန့ၢ်ယမူတက့ၢ်လီၤ.”

လံာ်ယိၤနါ 4:8

တုၤမုၢ်ဟဲထီၣ်န့ၣ်ကစၢ်ယွၤဆှၢလီၤကလံၤကိၢ်လၢမုၢ်ထီၣ်, ဒီးမုၢ်ဆဲးဘၣ်စီၤယိၤနါအခိၣ်ဒီးလီၤဘှါဝဲလီၤ. မၤသးဒ်န့ၣ်ဒီး, ဆၢဝဲလၢအကသံလီၤ. ဒီးစံးဝဲဒၣ်, “အဂ့ၢ်ဒ်အံၤ, ယသံန့ၣ်ဂ့ၤန့ၢ်ယမူတက့ၢ်လီၤ.”

လံာ်နၤဃူၣ် 3:8

ဝ့ၢ်နံၤနဝ့ဧၢ, မ့ၢ်နဂ့ၤန့ၢ်ပှၤအဲၤကူပတဲးဖိအဝ့ၢ်ခိၣ်ဝ့ၢ်သံဘံးတက့ၢ်ဧါ. အဝဲစ့ၢ်ကီးအိၣ်ဒီးထံကျိတဘိလၢကဒီဒၣ်အီၤဒ်ဝ့ၢ်ခိၣ်ဒူတခါအသိး, ထံကျိနံၤလါမ့ၢ်အတိာ်အတာ်န့ၣ်လီၤ.

လံာ်တၢ်ဂံၢ် 11:15

နမ့ၢ်အဲၣ်ဒိးမၤယၤဒ်အံၤန့ၣ်ဒီးသးကညီၤယၤဒီးမၤသံကွံာ် ယၤဒ်သိးယသုတတူၢ်ဘၣ်နတၢ်မၤဆါလၢတအိၣ်ဒီးတၢ်သးကညီၤအံၤ လၢၤတဂ့ၤန့ၣ်တက့ၢ်.”

လံာ်မးသဲ 6:26

ကွၢ်ထိၣ်ဖိလံာ်ဖိလၢတၢ်ဖးဖီတဖၣ်တက့ၢ်. အဝဲသ့ၣ်တဖှံတၢ်ချံဘၣ်. တကူးတၢ်ဘၣ်ဒီးတဂၢ်ဖှိၣ်တၢ်လၢသိၣ်ပူၤဖီပူၤဘၣ်. ဘၣ်ဆၣ်ဒီးသုပၢ်အိၣ်လၢမူခိၣ်အံးထွဲကွၢ်ထွဲလုၢ်အီၣ်လုၢ်အီအဝဲသ့ၣ်လီၤ. သုဝဲဒၣ်အံၤသုလုၢ်ဒိၣ်ပှ့ၤဒိၣ်အါန့ၢ်အဝဲသ့ၣ်တမ့ၢ်ဘၣ်ဧါ.

လံာ်ယိၤဟၣ် 4:6

စီၤယၤကိာ်အထံပူၤအိၣ်ဝဲဖဲန့ၣ်ဒီးမ့ၢ်လၢယ့ၣ်ၡူးလဲၤ တၢ်ဒီးလီၤဘှံးလီၤတီၤအဃိဆ့ၣ်နီၤဝဲဖဲထံပူၤအဃၢၤ လီၤ. ဒီးအဆၢကတီၢ်ကဘၣ်ဖဲမုၢ်ထူၣ်ဃၣ်ဃၣ်လီၤ.

ရိမ့ၤ 3:9

မ့မ့ၢ်ဒ်န့ၣ်ဒီး, ပဝဲပှၤယူဒၤဖိတဖၣ်မ့ၢ်ပဂ့ၤန့ၢ်ဒံးပှၤ ကလုာ်ဂၤတဖၣ်န့ၣ်ဧါ. တမ့ၢ်ဒ်န့ၣ်ဘၣ်. ယပာ်ဖျါတ့ၢ်လၢပှၤယူဒၤဖိဒီးပှၤကလုာ်ဂၤခဲလၢာ်အိၣ် ဒၣ်လၢတၢ်ဒဲးဘးအစိကမီၤအဖီလာ်ဒ်သိးသိးန့ၣ်လီၤ.