လံာ်စီၤပၤအခီၣ်ထံးတဘ့ၣ် 19:21 - Sgaw Karen Common Bible

²¹ အန့ၣ်ဝံၤဒီး, စီၤအလံၤၡါလဲၤဆူအဂီၤဖံးဖါတဖုအအိၣ်, မၤသံကွံာ်ဝဲဒီးဖီထီၣ်တၢ်ညၣ်, သူနီၣ်ယိးဘိဒ်သ့ၣ်မုၣ်အသိး လၢမ့ၣ်အူအဂီၢ်န့ၣ်လီၤ. အဝဲဒုးအီၣ်ပှၤဂီၢ်မုၢ်လၢတၢ်ညၣ်ဒီးအဝဲသ့ၣ်အီၣ်ဝဲလီၤ. ဝံၤဒီးအဝဲလဲၤဒီးပိာ်ထီၣ်စီၤအ့ၤလံယၤအခံဒ်အဝဲအပှၤမၤ စၢၤအီၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:22

စီၤအၤရနၤစံးဝဲဒၣ်, “ဟံးန့ၢ်အီၤတက့ၢ်, တၢ်ဒိၣ်ကစၢ်စီၤပၤဧၢ. ဒီးဒ်နအဲၣ်ဒိးအသိးန့ၣ်, လုၢ်ထီၣ်တၢ်ဆူယွၤအအိၣ်တက့ၢ်. အအံၤဂီၤဖံးဖါတဖၣ်အိၣ်ဝဲလၢတၢ်ကဆူးကဲၤထီၣ်အီၤ ဒ်တၢ်လုၢ်တမံၤအသိးလၢတၢ်လုၢ်လီၢ်ဖီခိၣ်န့ၣ်လီၤ. အအံၤမ့ၢ်အနီၣ်ယိးဘိတဖၣ်ဒီးအနီၣ်တီၢ်ဘုတဖၣ် လၢတၢ်ကသူအီၤဒ်သ့ၣ်မုၢ်အသိးအဂီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 18:43

အဝဲစံးဘၣ်အခ့အပှၤ, “လဲၤဒီးကွၢ်တၢ်ဆူပီၣ်လဲၣ်န့ၣ်တ က့ၢ်.” အခ့အပှၤလဲၤဒီးဟဲက့ၤဒီးစံးဝဲ, “ယတထံၣ်တၢ်နီတမံၤဘၣ်.” စီၤအ့ၤလံယၤတဲဘၣ်အီၤလၢအကလဲၤဒီးကွၢ်တၢ်တုၤအပှဲၤထီၣ်ခဲ လၢာ်နွံစုလီၤ.

လံာ်စီၤပၤခံဘ့ၣ်တဘ့ၣ် 2:3

ဝံလၢအအိၣ်ဆိးဖဲန့ၣ်တဖုလဲၤဆူစီၤအလံၤၡါအအိၣ်ဒီးသံကွၢ် အီၤ, “တနံၤညါအံၤယွၤကဟံးထီၣ်ကွံာ်နကစၢ်လၢနအိၣ်န့ၣ်, မ့ၢ်နသ့ၣ်ညါကစီဒီဧါ.” စီၤအလံၤၡါစံးဆၢဝဲ, “မ့ၢ်, ယသ့ၣ်ညါယဲလီၤ. ဘၣ်ဆၣ်မ်ပသုတကတိၤတၢ်ဂ့ၢ်န့ၣ်တဂ့ၤ.”

လံာ်စီၤပၤခံဘ့ၣ်တဘ့ၣ် 3:11

စီၤပၤယဟိၡၤဖးသံကွၢ်ဝဲဒၣ်, “ဖဲအံၤ, မ့ၢ်ဝံအိၣ်ဝဲတဂၤဂၤလၢပကသံကွၢ်တၢ်ဆူယွၤခီဖျိအီၤန့ၣ် ဧါ.” စီၤပၤယဟိရၣ်အသုးမုၢ်အသုးခိၣ်တဂၤစံးဆၢဝဲဒၣ်, “စီၤၡၤဖးအဖိခွါစီၤအလံၤၡါအိၣ်ဖဲအံၤလီၤ. အဝဲမ့ၢ်စီၤအ့ၤလံယၤအပှၤမၤစၢၤတၢ်န့ၣ်လီၤ.”

လံာ်တၢ်ဟးထီၣ်ကွံာ် 24:13

စီၤမိၤၡ့ဒီးအပှၤမၤစၢၤအီၤစီၤယိၤၡူကတဲာ်ကတီၤအသးဒီး စီၤမိၤၡ့စးထီၣ်လဲၤထီၣ်ဆူကစၢၢ်စီဆှံအလိၤန့ၣ်လီၤ.

မၤတၢ် 13:5

ဖဲအဝဲသ့ၣ်လဲၤတုၤဖဲဝ့ၢ်စလၤမံန့ၣ်, စံၣ်တဲၤတဲလီၤယွၤအကလုၢ်ကထါလၢပှၤယူဒၤဖိအဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤလီၤ. ဒီးအဝဲသ့ၣ်အိၣ်ဒီးစီၤယိၤဟၣ် မၢ်ကူးလၢအကမၤစၢၤအီၤလၢအတၢ်ဖံးတၢ်မၤအပူၤန့ၣ်လီၤ.

၂ တံၤမသ့း 4:11

ပှၤအိၣ်ဒီးယၤထဲစီၤလူၤကၣ်တဂၤဧိၤန့ၣ်လီၤ. ကိးန့ၢ်စီၤမၢ်ကူးဒီးမၢအဟဲဒီးနၤတက့ၢ်. အဂ့ၢ်ဒ်အံၤ, အဝဲမၤစၢၤယၤလၢတၢ်မၤအပူၤသ့ဒီးကဲဘျုးလၢယဂီၢ်ဒိၣ်မး န့ၣ်လီၤ.

ဖံၤလ့မိၣ် 1:13

ယသးအိၣ်ကိးဃာ်အီၤလၢယသကိးဖဲယလီၤဘၣ်ဃိာ်လၢတၢ်သးခု ကစီၣ်အဃိ, ဒ်သိးဒီးအကမၤစၢၤယၤလၢနလီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:14

လ့ၣ်ကဟၣ်န့ၣ်ဟဲတုၤဆူပျီတပျီလၢအဘၣ်ဃးဒီးပှၤတဂၤလၢအမံၤ မ့ၢ်စီၤယိၤၡူလၢအအိၣ်လၢဝ့ၢ်ဘ့ၤသၡ့မ့ၣ်န့ၣ်, ဒီးလ့ၣ်န့ၣ်အိၣ်ကတီၢ်ဝဲဖဲလ့ဖးဒိၣ်တဖျၢၣ်အဃၢၤန့ၣ်လီၤ. ပှၤဂီၢ်မုၢ်ကျီလီၤကလဲကွံာ်လ့ၣ်လၢတၢ်ဘှီအီၤဒီးသ့ၣ်ဒီးမၤသံ ဂီၤဖံးမိၢ်တဖၣ်ဒီးဆူးကဲၤထီၣ်အီၤဒ်တၢ်လုၢ်မ့ၣ်အူတမံၤ ဆူယွၤအအိၣ်န့ၣ်လီၤ.