လံာ်စီၤပၤအခီၣ်ထံးတဘ့ၣ် 19:2 - Sgaw Karen Common Bible

² နီၢ်အံၤစ့ဘ့ၤလးဆှၢဃီၤတၢ်ကစီၣ်တမံၤဆူစီၤအ့ၤလံယၤအအိၣ် ဒီးစံးဝဲ, “ယမ့ၢ်တမၤဘၣ်တၢ်တမံၤဃီဆူနၤဒ်နမၤတ့ၢ်ဘဧၤလးအဝံတဖၣ်အသိး န့ၣ်ဘၣ်ဒီးခဲမုၢ်ဆ့ၣ်တုၤတၢ်ဆၢကတီၢ်ဒ်အံၤန့ၣ်မ်ကစၢ်တဖၣ်မၤ သံကွံာ်ယၤန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 19:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:13

စီၤဒၤဝံးတဲဘၣ်စ့ၢ်ကီးအဝဲသ့ၣ်လၢကစံးဘၣ်စီၤဧမါစၤဒ် အံၤ, “နမ့ၢ်ယဘူးယတံၢ်လီၤ. စးထီၣ်ခဲအံၤဒီးဆူညါန့ၣ်ယပာ်ထီၣ် နၤဒ်သုးခိၣ်ကျၢၢ်လၢသုးမုၢ်အဖီခိၣ်လၢစီၤယိၤအာ်အလီၢ်လီၤ. ယမ့ၢ်တမၤဒ်န့ၣ်ဘၣ်ဒီး, မ်ကစၢ်ယွၤမၤသံတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 3:9

ယွၤအၢၣ်လီၤတ့ၢ်စီၤဒၤဝံးလၢအဝဲကဟံးထီၣ်ကွံာ်ဘီမုၢ်လၢ စီၤစီလူးဒီးအစၢၤအသွဲၣ်တဖၣ်အစုပူၤဒီးကဒုးကဲထီၣ်စီၤဒၤ ဝံးလၢစီၤပၤလၢကီၢ်အံၣ်စရ့လးဒီးကီၢ်ယူဒၤခံဘ့ၣ်လိာ်အဖီ ခိၣ်စးထီၣ်လၢကီၢ်ဆၢအကတၢၢ်တခီတုၤဆူကီၢ်ဆၢအဂၤတခီ အကတၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:23

အန့ၣ်ဒီး, စီၤၡလိၤမိၤမၤတၢ်အၢၣ်လီၤသမှံၤသပှၢ်တမံၤလၢယွၤ အမံၤအပူၤစံးဝဲ, “ယမ့ၢ်တမၢဘၣ်စီၤအဒိနံၤယၤလၢအက ဟ့ၣ်အသးသမူဒ်တၢ်အပှ့ၤလၢအဃ့ဝဲတမံၤအဃိဘၣ်ဒီး, မ်ကစၢ်ယွၤမၤသံယၤတက့ၢ်.

လံာ်စီၤပၤအခီၣ်ထံးတဘ့ၣ် 2:28

စီၤယိၤအာ်နၢ်ဟူဘၣ်တၢ်လၢမၤတ့ၢ်အသးန့ၣ်လီၤ. (အဝဲဆီၣ်ထွဲမၤစၢၤတ့ၢ်စီၤအဒိနံၤယၤ, ဘၣ်ဆၣ်, တဆီၣ်ထွဲမၤစၢၤတ့ၢ်စီၤအးဘၡါလိၣ်ဘၣ်) လၢတၢ်န့ၣ်အဃိအဝဲဃ့ၢ်ပူၤဖျဲးအသးဆူယွၤအိၣ်ဝဲဆိးဝဲ အဒဲစီၤဆှံအပူၤဒီးဟံးဃာ်ကျၢၤတၢ်လုၢ်လီၢ်အသနၢၣ်တဖၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 20:10

လၢစီၤပၤဘ့ၣ်ဟဒးအအိၣ်စံးဝဲ, “ယကဟဲကိးပှၤလၢလၢလီၣ်လီၣ် လၢကမၤဟးဂီၤသုဝ့ၢ်အံၤတုၤအစိာ်ထီၣ်ကွံာ်ဒၣ်လဲာ်လၢၢ်အက့ အခီတဖၣ်လၢအစုပူၤန့ၣ်လီၤ. ယမ့ၢ်တမၤဒ်န့ၣ်ဘၣ်ဒီးမ်ကစၢ်တဖၣ်တီၢ်ယၤလၢတၢ်သံတက့ၢ်.”

လံာ်စီၤပၤခံဘ့ၣ်တဘ့ၣ် 19:22

နဆိကမိၣ်လၢနဒုၣ်ဒွဲၣ်စံးဆၢဒီးနံၤဘၣ်ဖၣ်လဲမတၤန့ၣ်လဲၣ်. နတပာ်ကဲဘၣ်ယၤ, ကီၢ်အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်စီၤပၤခံဘ့ၣ်တဘ့ၣ် 6:31

အဝဲကိးထီၣ်ဝဲဒၣ်, “စီၤအလံၤၡါအခိၣ်, မ့ၢ်တဘၣ်တၢ်ဒီၣ်တဲာ် အီၤတချုးမုၢ်တနံၤအံၤလၢာ်ဘၣ်န့ၣ်, မ်ယွၤမၤသံယၤန့ၣ်တ က့ၢ်.”

လံာ်တၢ်ဟးထီၣ်ကွံာ် 10:28

ဒီးစီၤပၤစံးဘၣ်စီၤမိၤၡ့, “ဟးထီၣ်ကွံာ်လၢယမဲာ်ညါတက့ၢ်. မ်ယသုတထံၣ်ကဒီးလၢၤနၤတဂ့ၤ. မုၢ်တနံၤလၢယထံၣ်နၤန့ၣ်, နကသံလီၤ.”

လံာ်တၢ်ဟးထီၣ်ကွံာ် 15:9

ဒုၣ်ဒါန့ၣ်စံးဝဲဒၣ်, ယကလူၤထွဲဒီးဖီၣ်န့ၢ်အဝဲသ့ၣ်, ယကနီၤဖးအတၢ်စုလီၢ်ခီၣ်ခိၣ်ဒီးဟံးန့ၢ်ကယဲၢ်တၢ်လၢယသးလီခဲလၢာ်, ယကထုးထီၣ်ယနးဒီးဟံးန့ၢ်တၢ်အိၣ်ဒီးအဝဲသ့ၣ်ခဲလၢာ်န့ၣ်လီၤ.

တၢ်ကတိၤဒိ. 27:1

ပာ်ကဖိနသးလၢခဲဂီၤကိာ်အဂ့ၢ်နီတစုတဂ့ၤ. အဂ့ၢ်ဒ်အံၤ, တၢ်ကမၤအသးလၢခဲအံၤဒီးဆူညါအဘၢၣ်စၢၤန့ၣ်, နတသ့ၣ်ညါဘၣ်.

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ယံးရမံယၤ 26:21

ဖဲစီၤပၤယဟိၤယါ ကံၣ်ဒီးအသုးဖိတဖၣ်ဒီးအပဒိၣ်ပပှၢ်တဖၣ် နၢ်ဟူ တၢ်လၢစီၤအူၤရံယၤကတိၤတ့ၢ်ဝဲန့ၣ်, စီၤပၤကျဲးစၢးတ့ၢ် လၢကမၤသံအီၤန့ၣ်လီၤ. ဘၣ်ဆၣ် စီၤအူၤရံယၤနၢ်ဟူတ့ၢ်တၢ်အံၤ, သတးဒီး အဝဲထွးထီၣ်ဃ့ၢ်ပူၤဖျဲးကွံာ်ဝဲလၢ တၢ်ပျံၤတၢ်ဖုးအ ပူၤ ဆူကီၢ်အဲၤကူပတူးန့ၣ်လီၤ.

လံာ်ဒၤနံးယ့လး 3:15

ခဲကနံၣ်အံၤ, တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးတၢ်ဒ့တၢ်အူအဂၤခဲလၢာ်သီၣ်ထီၣ်န့ၣ်သုကဘၣ်ချံး ခီၣ်တီၤလီၤဒီးဘူၣ်ထီၣ်ဘါထီၣ်တၢ်ဂီၤန့ၣ်လီၤ. ဘၣ်ဆၣ်ဒီးသုမ့ၢ်တဘူၣ်ထီၣ်ဘါထီၣ်န့ၣ်သုကဘၣ်တၢ်တ့ၢ်လီၤ ကွံာ်သုတဘျီဃီဆူမ့ၣ်အူကဲၤကဖးအဖၣ်ကပူၤအပူၤန့ၣ်လီၤ. ကစၢ်လၢအမၤပူၤဖျဲးသုလၢယစုပူၤကန့ၢ်အိၣ်ဝဲတဂၤဂၤဧါ.”

လံာ်နီၢ်ရူၤသး 1:17

ဖဲနသံတပူၤလၢ်လၢ်ယကသံယဲ, ဒီးယကဘၣ်တၢ်ခူၣ်လီၤကွံာ်ယၤဖဲ န့ၣ်လီၤ. ယမ့ၢ်လဲၤသဒၣ်နၤ, မ့တမ့ၢ်ဘၣ်လၢတၢ်သံမၤလီၤဖးယၤဒီးနၤန့ၣ် မ်ယွၤအတၢ်စံၣ်ညီၣ်လီၤဘၣ်ယၤ, ဒီးအါန့ၢ်အန့ၣ်တက့ၢ်.”