လံာ်စီၤပၤအခီၣ်ထံးတဘ့ၣ် 19:19 - Sgaw Karen Common Bible

¹⁹ စီၤအ့ၤလံယၤဟးထီၣ်ဝဲဒီးထံၣ်ဘၣ်စီၤအလံၤၡါထဲၣ်တၢ်ဒီး ဂီၤဖံးဖါတဖုလီၤ. လၢအဝဲအမဲာ်ညါန့ၣ်ဂီၤဖံးဖါအိၣ်ဝဲတဆံတဆိ ဒီးအဝဲနီၣ်ဂီၤဖံးဖါလၢခံကတၢၢ်တဆိန့ၣ်လီၤ. စီၤအ့ၤလံယၤဘ့ၣ်လီၤကွံာ်အဆ့ကၤဖးထီဒီးပာ်ထီၣ်ဝဲလၢစီၤ အလံၤၡါအလိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:19 Iomraidhean Croise

လံာ်စီၤပၤအခီၣ်ထံးတဘ့ၣ် 19:13

တုၤစီၤအ့ၤလံယၤနၢ်ဟူဃီၤတၢ်န့ၣ်ဒီး, အဝဲမၤဘၢအမဲာ်လၢ အဆ့ကၤဖးဒိၣ်ဒီးဟးထီၣ်ဝဲဒီးဆၢထၢၣ်ဖဲလ့ကအိအကျဲစၢၤ န့ၣ်လီၤ. တၢ်ကလုၢ်တထံၣ်စံးဘၣ်အီၤ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 19:16

ဖှူစီၤနံၣ်ၡံၤအဖိခွါစီၤယ့ၤဟူဒ်ကီၢ်အံၣ်စရ့လးအစီၤပၤ ဒီးစီၤၡၤဖးလၢဝ့ၢ်အၤဘ့လးမဃိလံၤအဖိခွါစီၤအလံၤၡါဒ် သိးကကဲထီၣ်ဝံတဂၤလၢနလီၢ်တက့ၢ်.

လံာ်စီၤပၤခံဘ့ၣ်တဘ့ၣ် 2:8

အန့ၣ်ဒီး, စီၤအ့ၤလံယၤဘ့ၣ်လီၤအဆ့ကၤဖးဒိၣ်ဒီးထူထီၣ်ဝဲ ဒီးတီၢ်ထံလၢဆ့ကၤန့ၣ်, ဒီးထံသ့ၣ်ဖးကွံာ်ဝဲနီၤဖးကွံာ်အသးခံခီဒီးအဝဲဒီးစီၤ အလံၤၡါခီဂာ်ဝဲဆူထံကျိအဝၢ်ဘးခီလၢခိန့ၣ်လီၤ.

လံာ်တၢ်ဟးထီၣ်ကွံာ် 3:1

ဒီးမုၢ်တနံၤဖဲစီၤမိၤၡ့ကွၢ်အမံၤပှၢ်ပှၤမံးဒယၣ်ဖိအပှၤလုၢ် တၢ်အခိၣ်စီၤယံးသရိၤအသိဒီးမဲာ်တဲးလဲးတဖၣ်အခါန့ၣ်, အဝဲလဲၤခီဖျိဝဲပှၢ်မုၢ်ကနၢဒီးလဲၤဝဲဆူကစၢၢ်ဃိၤရ့းလၢ အမ့ၢ်ယွၤအကစၢၢ်န့ၣ်လီၤ.

လံာ်ဧၤမိၣ် 7:14

ဒီးဝံဧၤမိၣ်စံးဆၢစီၤအမၤစယါ, ယတမ့ၢ်တ့ၢ်ဝံဘၣ်ဒီးယတ ဟဲလီၤစၢၤတ့ၢ်လၢဝံအဒူၣ်အထၢဘၣ်. ယမ့ၢ်တ့ၢ်ပှၤကွၢ်ဆၣ်ဖိကီၢ် ဖိ, ဒီးပှၤသူၣ်အီၣ်ဖျးအီၣ်သ့ၣ်သိးဝံာ်ဒၢတဖၣ်လီၤ.

လံာ်ဧၤမိၣ် 7:15

ဘၣ်ဆၣ်ဒီးယွၤဟံးထီၣ်တ့ၢ်ယၤဖဲယမၤပှၤကွၢ်သိအတၢ်မၤ, ဒီးမၤလိာ်တ့ၢ်ယၤလၢယကဟဲဒီးကတိၤတၢ်လၢဝံကျိာ်ဆူ အပှၤဂီၢ်မုၢ်လၢကီၢ်အံၣ်စရ့လးန့ၣ်လီၤ.

လံာ်စကၤရယၤ 13:5

အခိၣ်တလိာ်, အဝဲကစံးဝဲလၢယတမ့ၢ်ဝံတဂၤဘၣ်. ယမ့ၢ်ဒၣ်ပှၤထူစံာ်ဖိတဂၤလီၤ. ယထူတ့ၢ်စံာ်ဧိၤပှဲၤဧိၤလၢယသးသမူဒီတစိၤညါလီၤ.

ဧ့ၤဘြံၤ 11:37

အဝဲသ့ၣ်ဘၣ်တၢ်ကွံာ်အီၤလၢလၢၢ်, ဘၣ်တၢ်ဘူးတဲာ်အီၤခံကူာ်ဒီးဘၣ်တၢ်မၤသံအီၤလၢနးလီၤ. အဝဲသ့ၣ်ဟးဝ့ၤဝီၤကူသိးဝဲလၢသိဒီးမဲာ်တဲးလဲးအဖံး, ဘၣ်ဖှီၣ်ဘၣ်ယာ်, ဘၣ်တၢ်မၤနးမၤဖှီၣ်အီၤဒီးဘၣ်တၢ်မၤ အၢမၤနးအီၤလီၤ.

လံာ်ပှၤစံၣ်ညီၣ်ကွီၢ် 6:11

အန့ၣ်ဝံၤဒီး, ယွၤအကလူးန့ၣ်ဟဲဆူသဝီဧိးဖြၤဒီးဆ့ၣ်နီၤလၢ သ့ၣ်သ့ထိးဖၣ်တထံးအဖီလာ်လၢအဘၣ်ဃးဒီးစီၤယိၤအၣ်လၢအမ့ၢ် ပှၤအဘံၤဧ့စ့ၢ်ဖိန့ၣ်လီၤ. အဝဲအဖိခွါစီၤကံးဒဧိၣ်န့ၣ်တီၢ်ခူသူၣ်ဘုကၠူၣ်တနီၤလၢနီၣ် စံၢ်စပံးသၣ်အလီၢ်ဒ်သိးပှၤမံးဒယၣ်ဖိတဖၣ်အသုတထံၣ်အီၤတဂ့ၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:5

ဖဲအကတီၢ်အဝဲန့ၣ်စီၤစီလူးဟဲက့ၤလၢစံာ်ပျီဃုာ်ဒီးအဂီၤ ဖံးဖါတဖၣ်ဒီးအဝဲသံကွၢ်ဝဲ, “တၢ်လဲၤကမၣ်အသးဒ်လဲၣ်. ဘၣ်မနုၤလၢပှၤကိးဂၤဒဲးဟီၣ်ဝဲယၢၤဝဲန့ၣ်လဲၣ်.” အဝဲသ့ၣ်တဲဘၣ်အီၤတၢ်လၢပှၤစိာ်တၢ်ကစီၣ်တဖၣ်လၢဝ့ၢ်ယၤဘ့ၣ်ပာ် ဖျါတ့ၢ်ဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:14

စီၤစီလူးသံကွၢ်ဝဲ “တၢ်န့ၣ်လီၤဂာ်ဒီးမနုၤလဲၣ်.” ဒီးပိာ်မုၣ်န့ၣ်စံးဆၢဝဲ, “တၢ်န့ၣ်မ့ၢ်ပှၤပိာ်ခွါသးပှၢ် တဂၤဟဲထီၣ်ဝဲလီၤ. အဝဲသိးဃာ်ဆ့ကၤဖးထီတဘ့ၣ်လီၤ.” တုၤနုၤတစု, စီၤစီလူးသ့ၣ်ညါဝဲလၢအမ့ၢ်စီၤၡမူၤအ့လး ဒီးတီၤလီၤဝဲဒၣ်ဆူဟီၣ်ခိၣ်လိၤလၢတၢ်ယူးယီၣ်ပာ်ကဲအပူၤလီၤ.