လံာ်စီၤပၤအခီၣ်ထံးတဘ့ၣ် 19:17 - Sgaw Karen Common Bible

¹⁷ ပှၤတဂၤလၢ်လၢ်လၢအပူၤဖျဲးဒီးစီၤဃစ့လးအတၢ်မၤသံန့ၣ်စီၤ ယ့ၤဟူကမၤသံအီၤ, ဒီးပှၤတဂၤလၢ်လၢ်လၢအပူၤဖျဲးဒီးစီၤယ့ၤဟူအတၢ်မၤသံန့ၣ်, စီၤအလံၤၡါကမၤသံအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:17 Iomraidhean Croise

လံာ်စီၤပၤခံဘ့ၣ်တဘ့ၣ် 10:32

ဖဲအဆၢကတီၢ်အဝဲန့ၣ်, ယွၤစးထီၣ်မၤအံၣ်လီၤကီၢ်အံၣ်စရ့လး အလီၢ်ကဝီၤန့ၣ်လီၤ. ကီၢ်စူၤရံအစီၤပၤစီၤဃစ့လးမၤနၢၤကွံာ်ကီၢ်အံၣ်စရ့လး အလီၢ်ကဝီၤခဲလၢာ်,

လံာ်စီၤပၤခံဘ့ၣ်တဘ့ၣ် 12:17

ဖဲအဆၢကတီၢ်န့ၣ်ကီၢ်စူၤရံအစီၤပၤဃစ့လးလဲၤထီၣ်ဒုးဝ့ၢ်ကၤ သးဒီးမၤန့ၢ်အီၤန့ၣ်လီၤ. အန့ၣ်ဝံၤဒီးအဝဲပာ်လီၤအသးလၢကလဲၤထီၣ်ဒုးဝ့ၢ်ယရူၤၡလ့ၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 13:22

ကီၢ်စူၤရံအစီၤပၤဃစ့လးမၤနၢၤမၤဃၣ်ပှၤအံၣ်စရ့လးဖိတဖၣ် ဖဲစီၤယဟိအါဃးပၢတၢ်ဒီကတီၢ်,

လံာ်စီၤပၤခံဘ့ၣ်တဘ့ၣ် 13:3

လၢတၢ်န့ၣ်အဃိ, ယွၤသးထီၣ်ဘၣ်ကီၢ်အံၣ်စရ့လး, ဒီးအဝဲပျဲကီၢ်စူၤရံအစီၤပၤဃစ့လးဒီးအဖိခွါစီၤဘ့ၣ် ဟဒးလၢကမၤနၢၤကီၢ်အံၣ်စရ့လးတဘျီဘၣ်တဘျီန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:12

စီၤဃစ့လးသံကွၢ်အီၤ, “တၢ်ဒိၣ်ဧၢ, ဘၣ်မနုၤအဃိလၢနမဲာ်ထံလီၤန့ၣ်လဲၣ်.” စီၤအလံၤၡါစံးဆၢဝဲ, “မ့ၢ်လၢယသ့ၣ်ညါတၢ်လီၤပျံၤလီၤဖုးတဖၣ်လၢနကမၤအီၤထီဒါ ကီၢ်အံၣ်စရ့လးအပှၤဂီၢ်မုၢ်အဃိန့ၣ်လီၤ. နကဒွဲၣ်ကွံာ်အဝဲသ့ၣ်အတိာ်ဧိၤတာ်ဧိၤတဖၣ်လၢမ့ၣ်အူ, မၤသံကွံာ်အပှၤသးစၢ်တဖၣ်, ကီၢ်အဖိတဖၣ်ဒီးဖှဲးသ့ၣ်ဖးကွံာ် ပိာ်မုၣ်လၢအဒၢတဖၣ်အဟၢဖၢန့ၣ်လီၤ.”

လံာ်စီၤပၤခံဘ့ၣ်တဘ့ၣ် 8:8

စီၤပၤစံးဘၣ်စီၤဃစ့လးလၢအမ့ၢ်အဝဲအပဒိၣ်အကျါတဂၤဒ်အံၤ, “လဲၤစိာ်တၢ်ဟ့ၣ်တမံၤဆူဝံအအိၣ်, ဒီးမၢအသံကွၢ်ယွၤလၢတၢ် ကသ့ၣ်ညါဘၣ်လၢယကဘျါက့ၤဧါမ့တမ့ၢ်တဘျါက့ၤဘၣ်လဲၣ်အဂ့ၢ်န့ၣ် တက့ၢ်.”

လံာ်စီၤပၤခံဘ့ၣ်တဘ့ၣ် 9:14

အန့ၣ်ဝံၤဒီး, စီၤယ့ၤဟူကူၣ်တၢ်အၢထီဒါစီၤပၤယဟိရၣ်, လၢအအိၣ်ဝဲလၢဝ့ၢ်ယံးစရ့လးအပူၤ, တၢ်လီၢ်ဖဲအဝဲလဲၤတ့ၢ်ဒ်သိးကမၤဘျါက့ၤအတၢ်ပူၤလီၢ်ပူၤကျဲ လၢမၤန့ၢ်တ့ၢ်ဝဲလၢတၢ်ဒုးအပူၤဖဲဝ့ၢ်ရၤမိးဖဲတၢ်ဒုးထီ ဒါကီၢ်စူၤရံအစီၤပၤဃစ့လးအခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:2

ဒီးဖဲနလဲၤတုၤဖဲန့ၣ်န့ၣ်, ဃုထံၣ်စီၤနံၣ်ၡံအလံၤခွါ, စီၤယဟိၡၤဖးအဖိခွါစီၤယ့ၤဟူတက့ၢ်. လဲၤကိးအီၤဆူဒၢးတဖျၢၣ်လၢတၢ်ခူသူၣ်အပူၤ, ယံၤဒီးအသကိးတဖၣ်,

လံာ်စီၤပၤခံဘ့ၣ်တဘ့ၣ် 9:20

မၤကဒီးတဘျီပှၤခိးကွၢ်တၢ်တဂၤန့ၣ်တဲဖျါထီၣ်ကဒီးဝဲလၢပှၤ စိာ်တၢ်ကစီၣ်န့ၣ်လဲၤတုၤဆူပှၤတဖုန့ၣ်အအိၣ်ဘၣ်ဆၣ်တဟဲက့ၤကဒါ က့ၤဘၣ်. ဒီးစံးအါထီၣ်ဝဲ, “ပှၤတဖုန့ၣ်အခိၣ်တဂၤနီၣ်အလ့ၣ်ကဟၣ်လီၤဂာ်ဒ်ပှၤအပျုၢ်တဂၤ အသိး, ဒ်သိးဒၣ်စီၤယ့ၤဟူန့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:24

စီၤယ့ၤဟူထုးထီၣ်အချံၣ်ဒီးလၢအဂံၢ်အဘါခဲလၢာ်အပူၤန့ၣ်အဝဲ ခးပျၢ်တဘ့ၣ်လၢအဆဲးဖျိဘၣ်စီၤယဟိရၣ်အချၢဃံဒီးဆဲးဖျိဆူ အသးန့ၣ်လီၤ. စီၤယဟိရၣ်လီၤဃံၤသံဝဲလၢအလ့ၣ်ကဟၣ်ပူၤ,

လံာ်စီၤပၤခံဘ့ၣ်တဘ့ၣ် 9:25

ဒီးစီၤယ့ၤဟူစံးဘၣ်အပှၤကွၢ်ထွဲမၤစၢၤအီၤစီၤဘံးဒကၢ်, “ဟံးထီၣ်အစိၣ်န့ၣ်ဒီးတ့ၢ်လီၤကွံာ်အီၤလၢစီၤနၤဘိးအပျီ ပူၤတက့ၢ်. သ့ၣ်နီၣ်ထီၣ်က့ၤလၢဖဲနၤဒီးယၤပဒိးကသ့ၣ်လၢ စီၤပၤယဟိရၣ်အပၢ်စီၤအၤဃာ်အလီၢ်ခံအခါန့ၣ်, ယွၤကတိၤတၢ်ကတိၤတဖၣ်အံၤထီဒါစီၤအၤဃာ်န့ၣ်တက့ၢ်.

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယံးရမံယၤ 1:10

မုၢ်မဆါတနံၤအံၤ, ယဟ့ၣ်လီၤနၤတၢ်န့ၢ်စိန့ၢ်ကမီၤလၢပှၤကလုာ်တဖၣ်ဒီးဘီ မုၢ်တဖၣ်အဖီခိၣ်လၢနကထဲးထီၣ်ဒီးဂုၤလီၤပှီၢ်ကွံာ်တၢ်, လၢနကမၤဟးဂီၤဒီးမၤလီၤတဲာ်ကွံာ်တၢ်, ဒီးလၢနကသူၣ်ထီၣ်ဘှီ ထီၣ်တၢ်ဒီးသူၣ်လီၤဖျးလီၤတၢ်အဂီၢ်န့ၣ်လီၤ.”

လံာ်ယံးရမံယၤ 48:44

ပှၤတဂၤဂ့ၤတဂၤဂ့ၤလၢ အကျဲးစၢးဃ့ၢ်ပူၤဖျဲးကွံာ်လၢ တၢ်မၤပျံၤမၤဖုးအံၤန့ၣ်, ကလီၤတဲာ်နုာ်ဆူတၢ်ပူၤတဖၣ်, ဒီးပှၤတဂၤဂ့ၤတဂၤဂ့ၤလၢ အပှာ်ထီၣ်က့ၤလၢ တၢ်ပူၤန့ၣ်, ကဘၣ်တၢ်ဖီၣ်န့ၢ်အီၤလၢ ပျံၤသကွီၤတဖၣ်န့ၣ်လီၤ. အဂ့ၢ်ဒ်အံၤ, ယွၤပာ်လီၤတၢ်ဆၢကတီၢ်လၢ ကီၢ်မိၤအးအတၢ်ဟးဂီၤအဂီၢ်လီၤ.

လံာ်ယဃ့းစက့လး 15:7

ဒီးယကစံၣ်ညီၣ်အဝဲသ့ၣ်န့ၣ်လီၤ. အဝဲသ့ၣ်ထူၣ်ဖျဲးထီၣ်တ့ၢ်လံ လၢမ့ၣ်အူတဘျီ, ဘၣ်ဆၣ်ဒီးခဲအံၤမ့ၣ်အူကအီၣ်ကွံာ်အဝဲသ့ၣ် န့ၣ်လီၤ. ဖဲယစံၣ်ညီၣ်အဝဲသ့ၣ်န့ၣ်, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ဟိၤၡ့ 6:5

လၢတၢ်န့ၣ်အဃိ, ယဘၣ်ဆှၢလီၤတ့ၢ်ယဝံတဖၣ်ဆူသုအိၣ်ဃုာ်ဒီး ယတၢ်ကစီၣ်လၢအမ့ၢ်တၢ်စံၣ်ညီၣ်ဒီးတၢ်မၤဟးဂီၤန့ၣ်လီၤ. တၢ်လၢယလိၣ်ဘၣ်လၢသုအိၣ်န့ၣ်အိၣ်ဖျါၡဲၡဲဒီးဖျါတြၢၤ ကလာ်လီၤ.

လံာ်ဧၤမိၣ် 2:14

ပှၤလၢအဃ့ၢ်တၢ်ချ့တဖၣ်ဒၣ်လဲာ်တပူၤဖျဲးဘၣ်. ပှၤဂံၢ်ဆူၣ်ဘါဆူၣ်တဖၣ်အဂံၢ်အဘါကလၢာ်ကွံာ် ဝဲဒီးပှၤသုးဖိတဖၣ်အုၣ်က့ၤခီၣ်က့ၤအသးသမူတန့ၢ်ဘၣ်.

လံာ်ဧၤမိၣ် 5:19

ကမၤအသးဒ်ပှၤတဂၤဃ့ၢ်ကွံာ်လၢခ့ယုၢ်တဒုအအိၣ်, ဒီးဘၣ်သဂၢၢ်လိာ်အသးဒီးတၤသူတဒုအသိး, မ့တမ့ၢ်ဘၣ်ဒီးဒ်ပှၤတဂၤက့ၤနုာ်လၢဟံၣ်ပူၤ, ဒီးပာ်ထီၣ်အစုလၢတၢ်ဒူၣ် အလိၤအသိးလၢဂုၢ်တဘိကဖျးအီၤအဂီၢ်ဧိၤန့ၣ်လီၤ.

လံာ်လီၣ်ဖျါ 19:21

အဝဲသ့ၣ်အသုးမုၢ်သံၣ်ဘိတဖၣ်ဘၣ်တၢ်မၤသံအီၤလၢနးတဘ့ၣ် လၢအဟဲဖျိးထီၣ်လၢပှၤဒိးကသ့ၣ်တဂၤန့ၣ်အကိာ်ပူၤ, ဒီးထိၣ်ခဲလၢာ်အီၣ်အဝဲသ့ၣ်တဖၣ်အညၣ်လၢအအီၣ်ဝဲကဲခဲလၢာ်လီၤ.