လံာ်စီၤပၤအခီၣ်ထံးတဘ့ၣ် 19:11 - Sgaw Karen Common Bible

¹¹ ယွၤစံးဘၣ်အီၤ, “ဟးထီၣ်ကွံာ်ဒီးဆၢထၢၣ်လၢယမဲာ်ညါလၢကစၢၢ် ဒီခိၣ်န့ၣ်တက့ၢ်.” ဝံၤဒီးယွၤလဲၤခီဂာ်တၢ်ဒီးဆှၢလီၤကလံၤမုၢ်ဆူၣ်တခါလၢအမၤ သ့ၣ်ဖးတၢ်လူၢ်တၢ်တြီၤဒီးမၤလီၤကလဲလၢၢ်တဖၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢကလံၤအူတၢ်အပူၤန့ၣ်ဘၣ်. ကလံၤအူတၢ်ဆိကတီၢ်ကွံာ်အသးဝံၤဟီၣ်ခိၣ်ဟူးဝးဝဲဒၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢဟီၣ်ခိၣ်ဟူးဝးဝဲအပူၤန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 19:11 Iomraidhean Croise

လံာ်စီၤယိၤဘး 38:1

တုၤနုၤတစုယွၤကတိၤတၢ်ဒီးစီၤယိၤဘးလၢကလံၤသဝံး အပူၤလီၤ.

စံးထီၣ်ပတြၢၤ 50:3

ပကစၢ်ယွၤဟဲ, ဘၣ်ဆၣ်တမ့ၢ်လၢတၢ်ဘှ့ၣ်တၢ်ဘှီၣ်အပူၤဘၣ်. မ့ၣ်အူအီၣ်တၢ်လၢအမဲာ်ညါဒီး ကလံၤမုၢ်တွၤဆူၣ်ဆူၣ်ကလဲာ်အိၣ်ဝးတရံးအီၤလီၤ.

စံးထီၣ်ပတြၢၤ 68:8

ဟီၣ်ခိၣ်ဆှဲးဆှိးဝဲဒီး မူခိၣ်ဒုးစူၤလီၤတၢ်, လၢကစၢ်ယွၤ လၢအမ့ၢ်ကစၢၢ်စံၤနါအကစၢ်, အကစၢ်ယွၤလၢအမ့ၢ် အံၣ်စရ့လးအကစၢ်ယွၤအမဲာ်ညါန့ၣ်လီၤ.

စံးထီၣ်ပတြၢၤ 68:9

ကစၢ်ယွၤဧၢ, နမၢတၢ်ဟဲစူၤအါအါကလဲာ်, နမၤကျၢၤနတၢ်န့ၢ်သါဖဲတၢ်ဘှံးအသးအခါန့ၣ်လီၤ.

လံာ်တၢ်ဟးထီၣ်ကွံာ် 19:16

ဒီးလၢသၢသီတသီဂီၤခီန့ၣ်လီသီၣ်လီသဲဒီးလီဝၢ်ဒံး, ဒီးတၢ်အၢၣ်ဖးတီၣ်တလိၣ်အိၣ်ဖျါဝဲလၢကစၢၢ်ဒီခိၣ်န့ၣ်လီၤ. ဒီးကွဲၤသီၣ်ဖးဒိၣ်သတူၢ်ကလာ်ဟူထီၣ်ဝဲလီၤ. ကယဲၢ်ပှၤဂီၢ်မုၢ်ခဲလၢာ်လၢသူၣ်ဒဲအလီၢ်ကနိးကစုာ်ဝဲလၢတၢ် ပျံၤတၢ်ဖုးအဃိန့ၣ်လီၤ.

လံာ်တၢ်ဟးထီၣ်ကွံာ် 19:20

ယွၤဟဲလီၤဝဲလၢကစၢၢ်စံၤနါအဒီခိၣ်ဒီးကိးထီၣ်စီၤမိၤၡ့ ဆူကစၢၢ်ဒီခိၣ်န့ၣ်လီၤ. ဒီးစီၤမိၤၡ့လဲၤထီၣ်ဝဲဒၣ်,

လံာ်တၢ်ဟးထီၣ်ကွံာ် 20:18

တုၤပှၤဂီၢ်မုၢ်နၢ်ဟူဘၣ်လီသီၣ်ဒီးကွဲၤသီၣ်ထီၣ်ဖးဒိၣ်သတူၢ် ကလာ်, ဒီးထံၣ်ဘၣ်လီဝၢ်ဒံး, ဒီးမ့ၣ်အူလုၣ်ထီၣ်လၢကစၢၢ်အလိၤန့ၣ် အဝဲသ့ၣ်ကနိးကစုာ်လၢအတၢ်ပျံၤတၢ်ဖုးအဃိဒီးအိၣ်ဆၢထၢၣ်ဝဲ ဖးယံၤန့ၣ်လီၤ.

လံာ်တၢ်ဟးထီၣ်ကွံာ် 24:12

ယွၤစံးဘၣ်တ့ၢ်စီၤမိၤၡ့, “ဟဲထီၣ်ဆူကစၢၢ်လိၤဆူယအိၣ်တ က့ၢ်. ဒီးနအိၣ်ဖဲအံၤအကတီၢ်န့ၣ်ယကဟ့ၣ်နၤလၢၢ်ဘ့ၣ်ဘၣ်ခံဘ့ၣ်လၢ အအိၣ်ဒီးတၢ်သိၣ်တၢ်သီတဖၣ်လၢယကွဲးအီၤလၢတၢ်သိၣ်လိနဲၣ်ယုၤပှၤ ဂီၢ်မုၢ်အဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 24:18

စီၤမိၤၡ့လဲၤထီၣ်ဆူကစၢၢ်အလိၤလၢတၢ်အၢၣ်အကျါန့ၣ်လီၤ. ဒီးအဝဲအိၣ်ဝဲဖဲန့ၣ်အသီလွံၢ်ဆံန့ၣ်လီၤ.

လံာ်တၢ်ဟးထီၣ်ကွံာ် 34:2

ကတဲာ်ကတီၤနသးလၢခဲမုၢ်ဆ့ၣ်ဂီၤခီ, ဒီးဟဲထီၣ်ဆူကစၢၢ်စံၤ နါအဒီခိၣ်လၢနကသဂၢၢ်ယၤဖဲန့ၣ်လၢတၢ်ဒီခိၣ်န့ၣ်တက့ၢ်.

လံာ်တၢ်ဟးထီၣ်ကွံာ် 34:6

အန့ၣ်ဒီးယွၤလဲၤခီဂာ်လၢအမဲာ်ညါဒီးကိးထီၣ်ဝဲ, “ယၤ, ယွၤ, မ့ၢ်ကစၢ်ယွၤလၢအပှဲၤဒီးတၢ်သူၣ်အိၣ်သးအိၣ်ဒီးတၢ်သးကညီၤ, တသးဒိၣ်ထီၣ်တၢ်ညီကဒၣ်ဘၣ်, ဒီးဒုၣ်နဲၣ်တၢ်အဲၣ်တၢ်ကွံ ဒီးသူၣ်တီသးတီလၢအဒိၣ်ဝဲန့ၣ်လီၤ.

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယဃ့းစက့လး 1:4

ယကွၢ်ထီၣ်တၢ်ဒီးထံၣ်ဘၣ်ကလံၤမုၢ်ဟဲထီၣ်လၢကလံၤစိးတခီလီၤ. လီဝၢ်ထီၣ်အဒံးလၢတၢ်အၢၣ်ဖးဒိၣ်တလိၣ်အလိၤဒီးမူကပိာ်လိၤဝး တရံးအီၤန့ၣ်ကပြုၢ်ကပြီၤထီၣ်ဝဲလီၤ. ဖဲလီၢ်ဝၢ်ထီၣ်အဒံးအလီၢ်န့ၣ်, တၢ်ကပီၤထီၣ်ဝဲတမံၤဒ်တိၢ်ဘီအသိးန့ၣ်လီၤ.

လံာ်ယဃ့းစက့လး 37:7

လၢတၢ်န့ၣ်အဃိ, ယကတိၤတၢ်လၢဝံအကျိာ်ဒ်တၢ်တဲဘၣ်တ့ၢ်ယၤ အသိးန့ၣ်လီၤ. ဖဲယကတိၤတၢ်အဖၢမုၢ်န့ၣ်, ယနၢ်ဟူဘၣ်တၢ်အသီၣ်ရဲာ် သီၣ်ရီာ်တမံၤဒီးတၢ်ဃံတၢ်ကွဲတဖၣ်စးထီၣ်စဲဘူးလိာ် အသးန့ၣ်လီၤ.

လံာ်နၤဃူၣ် 1:3

ယွၤအသးထီၣ်ကီ, ဘၣ်ဆၣ်ဒီးအစိအကမီၤဒိၣ်ဝဲ, ဒီးတပျဲဘၣ်တၢ်သရူးကမၣ်လဲၤပူၤကွံာ်တၢ်စံၣ်ညီၣ် နီတစုဘၣ်. ဖဲယွၤလဲၤတၢ်န့ၣ်ကလံၤမုၢ်အိၣ်ထီၣ်ဝဲဒီးတၢ်အၢၣ်တဖၣ်န့ၣ်မ့ၢ် အခီၣ်ထွဲတၢ်အကမူၣ်န့ၣ်လီၤ.

လံာ်စကၤရယၤ 14:5

သုကပူၤဖျဲးထီၣ်ခီဖျိတၢ်တြီၤဖးဒိၣ်အံၤလၢအနီၤဖးကစၢၢ်ခံခီန့ၣ်လီၤ. သုကဃ့ၢ်ထီၣ်ကွံာ်ဒ်သုမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး ဖဲဟီၣ်ခိၣ်ဟူးဝးမၤအသးလၢကီၢ်ယူဒၤအစီၤပၤဧူးစံယါအမုၢ်နံၤန့ၣ်လီၤ. ယွၤ, ကစၢ်ယွၤကဟဲဝဲ, ဒီးကဟဲကိးဃုာ်အကလူးတဖၣ်ခဲလၢာ်ဃုာ် ဒီးအီၤန့ၣ်လီၤ.

လံာ်စကၤရယၤ 4:6

ကလူးမၢယတဲဘၣ်စီၤစရူၤဘၤဘ့လးလၢယွၤ အတၢ်ကစီၣ်ဒ်အံၤ, “နကမၤနၢၤတၢ်, ဘၣ်ဆၣ်ဒီးတမ့ၢ်ဘၣ်လၢသုးမုၢ်သံၣ်ဘိအစိ ကမီၤဒီးနဂံၢ်နဘါဒၣ်နဲဘၣ်. မ့မ့ၢ်တခီမ့ၢ်လၢယသးလီၤ.

လံာ်မးသဲ 24:7

ပှၤတကလုာ်ဒီးတကလုာ်ကထီဒါလိာ်အသး, ဘီမုၢ်တဘ့ၣ်ဒီးတဘ့ၣ်ကဒုးလိာ်ယၤလိာ်အသး, တၢ်သၣ်ဝံၤလီၤဒိတဖၣ်ကအိၣ်ထီၣ်, ဒီးဟီၣ်ခိၣ်ကဟူးဝးဝဲသကုၤဆးဒးလီၤ.

လံာ်မးသဲ 28:2

သတူၢ်ကလာ်, ဟီၣ်ခိၣ်ဟူးဝးဝဲဆူၣ်ဆူၣ်ကလဲာ်, အဂ့ၢ်မ့ၢ်လၢကစၢ်အကလူးတဂၤဟဲလီၤလၢမူခိၣ်, တလ့ၣ်ကွံာ်လၢၢ်လၢတၢ်သွၣ်ခိၣ်ပူၤအခိၣ်ထိးဒီးဆ့ၣ်နီၤဝဲလၢ အဖီခိၣ်အဃိလီၤ.

ဧ့ၤဘြံၤ 12:26

အကတီၢ်ဖဲန့ၣ်အဝဲအကလုၢ်မၤဟူးမၤဝးဟီၣ်ခိၣ်လီၤ. ဘၣ်ဆၣ်ဒီးခဲကနံၣ်အံၤစံးပာ်လံဝဲ, “ယကမၤဟူးမၤဝးထီၣ်ကဒီးဟီၣ်ခိၣ်တဘျီတမ့ၢ်ထဲဟီၣ်ခိၣ်ဘၣ်, မ့မ့ၢ်ယကမၤဟူးမူခိၣ်စ့ၢ်ကီးလီၤ.”

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 16:18

လီဝၢ်အဒံး, လီသီၣ်လီသဲဒီးဟီၣ်ခိၣ်ဟူးဝးဆှဲးဆှိးဝဲလီၤပျံၤလီၤ ဖုးဒိၣ်မးလီၤ. စးထီၣ်လၢပှၤကညီဘၣ်တၢ်တ့လီၤအီၤလံၤလံၤန့ၣ်, ဟီၣ်ခိၣ်ဟူးဒ်အံၤအသိးတအိၣ်ဒံးဝဲနီတစု, အဝဲအံၤမ့ၢ်ဟီၣ်ခိၣ်ဟူးအဒိၣ်ကတၢၢ်နးကတၢၢ်တဘျီလီၤ.

လံာ်လီၣ်ဖျါ 20:11

အန့ၣ်ဝံၤဒီးယထံၣ်လီၢ်ပစိာ်ဝါဖးဒိၣ်တဖျၢၣ်ဒီးပှၤ တဂၤလၢအဆ့ၣ်နီၤလၢအလိၤန့ၣ်လီၤ. မူခိၣ်ဒီးဟီၣ်ခိၣ်ဃ့ၢ်ကွံာ်လၢအဝဲဒၣ်အမဲာ်ညါဒီးတဘၣ် တၢ်ထံၣ်န့ၢ်အီၤနီတစုလၢၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 14:15

ကယဲၢ်ပှၤဖလ့ၡသးဖိအိၣ်လၢဝ့ၢ်အဃၢၤန့ၣ်ပျံၤတၢ်ဖုးတၢ်နးနးကလဲာ်လီၤ. ပှၤဂုာ်ဆူၣ်တၢ်တဖၣ်ဒီးပှၤသုးဖိတဖၣ်လၢသူၣ်ဒဲအလီၢ်န့ၣ် ကနိးကစုာ်လၢတၢ်ပျံၤတၢ်ဖုးအပူၤလီၤ. ဟီၣ်ခိၣ်ဟူးဝဲဒီးတၢ်ပျံၤတၢ်ဖုးဖးဒိၣ်အိၣ်ထီၣ်ဝဲလီၤ.