လံာ်စီၤပၤအခီၣ်ထံးတဘ့ၣ် 19:10 - Sgaw Karen Common Bible

¹⁰ အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤတ့ၢ်နတၢ်မၤဒီးမၤဒၣ်ထဲတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်ဒီးမၤသံကွံာ်လံနဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤ သံယၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 19:10 Iomraidhean Croise

လံာ်စီၤပၤအခီၣ်ထံးတဘ့ၣ် 18:10

လၢယွၤ, နကစၢ်ယွၤလၢအမူဝဲတဂၤအမံၤအပူၤန့ၣ်, ယဆိၣ်လီၤယသးလၢစီၤပၤကွၢ်ဃုနၤလၢထံကီၢ်ကိးဘ့ၣ်ဒဲးအပူၤ လၢဟီၣ်ခိၣ်ချၢန့ၣ်လီၤ. တဘျီလၢ်လၢ်ဖဲထံကီၢ်တဘ့ၣ်အစီၤပၤပာ်ဖျါဝဲလၢနတအိၣ်ဘၣ်လၢ အဝဲအထံကီၢ်အပူၤန့ၣ်, စီၤပၤအၤဃာ်ကဃ့စီၤပၤအဝဲန့ၣ်လၢကဆိၣ်လီၤအသး, လၢတၢ်တထံၣ်န့ၢ်ဘၣ်နၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:17

ဖဲစီၤအၤဃာ်ထံၣ်ဘၣ်အီၤန့ၣ်အဝဲစံးဝဲ, “အိမ့ၢ်နၤ, ပှၤမၤကိၢ်မၤဂီၤတၢ်အဒိၣ်ကတၢၢ်လၢကီၢ်အံၣ်စရ့လးအပူၤန့ၣ်ဧါ.”

လံာ်စီၤပၤအခီၣ်ထံးတဘ့ၣ် 18:20

လၢတၢ်န့ၣ်အဃိစီၤအၤဃာ်ကိးဖှိၣ်ကယဲၢ်ပှၤအံၣ်စရ့လးဖိ ခဲလၢာ်ဒီးဘဧၤလးအဝံတဖၣ်လၢကဟဲထံၣ်လိာ်အသးဖဲ ကစၢၢ်ကၢ်မ့ၤလးအလိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:22

အန့ၣ်ဒီးစီၤအ့ၤလံယၤစံးဝဲ, “ယမ့ၢ်ယွၤအဝံထဲတဂၤဧိၤလၢ အအိၣ်လီၤတဲာ်န့ၣ်လီၤ. မ့မ့ၢ်ဘဧၤလးအဝံအိၣ်ဝဲလွံၢ်ကယၤယဲၢ်ဆံဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:30

အန့ၣ်ဒီး, စီၤအ့ၤလံယၤစံးဘၣ်ပှၤဂီၢ်မုၢ်, “ဟဲသုးဘူးသုသးဆူယအိၣ်တက့ၢ်.” ဒီးအဝဲသ့ၣ်ဟဲပာ်ဖှိၣ်အသးဝးတရံးအီၤန့ၣ်လီၤ. အဝဲမၤဂ့ၤထီၣ်က့ၤယွၤအတၢ်လုၢ်လီၢ်လၢအဘၣ်တၢ်မၤလီၤပှီၢ်ကွံာ် တ့ၢ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:4

ဒီးဖဲနီၢ်အံၤစ့ဘ့ၤလးမၤသံကွံာ်ယွၤအဝံတဖၣ်အခါန့ၣ်, စီၤဧိၤဘါဒယၤဟံးန့ၢ်အဝဲသ့ၣ်အကျါဝံတကယၤဒီးပာ်ခူသူၣ် အဝဲသ့ၣ်လၢလၢၢ်ကအိတဖၣ်အပူၤခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအဝဲသ့ၣ်လၢတၢ် အီၣ်ဒီးထံန့ၣ်လီၤ.)

လံာ်စီၤပၤအခီၣ်ထံးတဘ့ၣ် 19:14

အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤဒီးမၤဒၣ်တ့ၢ်နတၢ်မၤထဲနၤတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်, ဒီးမၤသံကွံာ်နဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤသံယၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 19:2

နီၢ်အံၤစ့ဘ့ၤလးဆှၢဃီၤတၢ်ကစီၣ်တမံၤဆူစီၤအ့ၤလံယၤအအိၣ် ဒီးစံးဝဲ, “ယမ့ၢ်တမၤဘၣ်တၢ်တမံၤဃီဆူနၤဒ်နမၤတ့ၢ်ဘဧၤလးအဝံတဖၣ်အသိး န့ၣ်ဘၣ်ဒီးခဲမုၢ်ဆ့ၣ်တုၤတၢ်ဆၢကတီၢ်ဒ်အံၤန့ၣ်မ်ကစၢ်တဖၣ်မၤ သံကွံာ်ယၤန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 20:13

အကတီၢ်ဖဲန့ၣ်ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “ယွၤစံးဝဲဒၣ်, ပျံၤသုးမုၢ်ဖးဒိၣ်န့ၣ်တဂ့ၤ. ယကဟ့ၣ်နၤတၢ်မၤနၢၤအီၤလၢမုၢ်မဆါတနံၤအံၤန့ၣ်လီၤ. ဒီးနကသ့ၣ်ညါလၢယမ့ၢ်ယွၤလီၤ.”

လံာ်စီၤပၤအခီၣ်ထံးတဘ့ၣ် 20:22

အန့ၣ်ဝံၤဒီး, ဝံန့ၣ်, လဲၤဆူစီၤပၤအၤဃာ်အအိၣ်ဒီးစံးဝဲ, “က့ၤကဒါက့ၤဒီးဒုးဆူၣ်ထီၣ်နသုးမုၢ်အဂံၢ်အဘါ, ဒီးမၤထီၣ်တၢ်ကူၣ်ကျဲၤအဂ့ၤတဖၣ်တက့ၢ်. အဂ့ၢ်ဒ်အံၤ, တၢ်မဲထီၣ်အကတီၢ်ခဲကိာ်တဘျီန့ၣ်, ကီၢ်စူၤရံအစီၤပၤကဟဲထီၣ်ဒုးကဒီးတၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:35

ဒ်ယွၤဟ့ၣ်လီၤတၢ်ကလုၢ်အသိးန့ၣ်ဝံတဖၣ်အကရၢတကရၢ, အကရၢဖိတဂၤမၢအဝံကဒဲကဒဲဒီးအီၤတဂၤတီၢ်အီၤန့ၣ်လီၤ. ဘၣ်ဆၣ်အဝဲဂ့ၢ်လိာ်ဝဲ,

လံာ်စီၤပၤအခီၣ်ထံးတဘ့ၣ် 22:8

စီၤအၤဃာ်စံးဆၢဝဲ, “ဝံအိၣ်ဒံးဝဲတဂၤ, လၢအမ့ၢ်စီၤယံးမလၤအဖိခွါစီၤမံၤကါယၤန့ၣ်လီၤ. ဘၣ်ဆၣ်ယသးဟ့အီၤ, မ့ၢ်လၢအဝဲတကတိၤတၢ်လၢဝံအကျိာ်အဂ့ၤနီ တမံၤလၢယဂီၢ်ဘၣ်. မ့မ့ၢ်, ထီဘိမ့ၢ်ထဲတၢ်အၢတမံၤမံၤအဃိန့ၣ်လီၤ.” စီၤယဟိၡၤဖးစံးဆၢဝဲ, “နတကြၢးစံးကတိၤတၢ်ဒ်န့ၣ်ဘၣ်.”

လံာ်စီၤပၤခံဘ့ၣ်တဘ့ၣ် 10:16

ဒီးစံးဝဲ, “ဟဲပိာ်ယခံဒီးကွၢ်လၢနကစၢ်ဒၣ်နဲလၢမ့ၢ်ယတီ ဒီးယွၤထဲလဲၣ်န့ၣ်တက့ၢ်.” ဒီးအဝဲသ့ၣ်လဲၤဒိးသကိးလ့ၣ်ကဟၣ်ဆူဝ့ၢ်ၡၤမရံန့ၣ်လီၤ.

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

စံးထီၣ်ပတြၢၤ 119:126

ဆၢကတီၢ်ဘၣ်လံလၢယွၤကမၤတၢ်လီၤ. အဂ့ၢ်ဒ်အံၤ, နတၢ်သိၣ်တၢ်သီတဖၣ် ဘၣ်တၢ်ဘိးကဒါကွံာ်အီၤလံ.

စံးထီၣ်ပတြၢၤ 119:139

ယတၢ်သးဒိၣ်ထီၣ်အီၣ်တၢ်လၢယပူၤဒ်မ့ၣ်အူအသိး မ့ၢ်လၢယဒုၣ်ယဒါတဖၣ်တဒိကနၣ် နတၢ်မၤလိာ်တဖၣ်အဃိန့ၣ်လီၤ.

စံးထီၣ်ပတြၢၤ 119:26

ယအၢၣ်လီၤအီလီၤတ့ၢ်တၢ်လၢ ယမၤအီၤခဲလၢာ် ဒီးနစံးဆၢယၤလီၤ. သိၣ်လိယၤလၢနကျဲတဖၣ်န့ၣ်တက့ၢ်.

စံးထီၣ်ပတြၢၤ 69:9

အဂ့ၢ်ဒ်အံၤ, ယတၢ်သးဆူၣ်လၢနဟံၣ်အဂီၢ်န့ၣ် အီၣ်ကွံာ်ယၤဒ်မ့ၣ်အူအသိး ဒီးပှၤအတၢ်ဒုၣ်ဒွဲၣ်နၤန့ၣ် လီၤဘၣ်လၢယလိၤလီၤ.

စံးထီၣ်ပတြၢၤ 78:37

အဝဲသ့ၣ်အသးတအိၣ်ဂၢၢ်ကျၢၤဘၣ်ဒီးအီၤဘၣ်, ဒီးတတီဒီးအတၢ်အၢၣ်လီၤဒီးယွၤန့ၣ်ဘၣ်.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

လံာ်တၢ်ဟးထီၣ်ကွံာ် 34:14

ဘါထီၣ်ကစၢ်အဂုၤအဂၤနီတဂၤတဂ့ၤ. အဂ့ၢ်ဒ်အံၤ, ယၤ, ယွၤအံၤယဝံသးစူၤပှၤလၢထိၣ်အသးထဲသိးဒီးယၤတဖၣ်တကဲဘၣ်.

လံာ်ယၡါယၤ 49:4

ဒီဲးယစံးတ့ၢ်, “ယမၤတ့ၢ်တၢ်, ဘၣ်ဆၣ်ဒီးတၢ်မုၢ်လၢ်တအိၣ်မးလဲၣ်. ယသူယဂံၢ်ယဘါအလၢာ်လံ. ဘၣ်ဆၣ်တၢ်ကဲထီၣ်လိၣ်ထီၣ်တအိၣ်နီတမံၤဘၣ်.” သနာ်က့, ယနာ်ယွၤ, လၢကဒီဒၣ်ခီၣ်ဆၢ ယတၢ်ဂ့ၢ်န့ၣ်သ့ဝဲလီၤ. အဝဲကဒုးဘၣ်ဘျုးယၤလၢတၢ်လၢ ယမၤအီၤအဃိလီၤ.

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 36:26

အန့ၣ်ဝံၤဒီး, စီၤပၤခါလီၤအကလုၢ်ဆူ စီၤပၤဖိခွါစီၤယရၤဃမအ့လး, ဃုာ်ဒီးစီၤဧၤစရံၤအ့လးအဖိခွါစီၤစရါယၤ ဒီၤစီၤဧၤဘံးဒ့လးအဖိခွါ စီၤၡလ့မယၤဒ်သိး ယကဖီၣ်ယၤဒီး အပှၤကွဲးလံာ်စီၤဘၤရူးန့ၣ်လီၤ. ဘၣ်ဆၣ်ယွၤပာ်ခူသူၣ်ပှၤန့ၣ်လီၤ.

လံာ်ဟိၤၡ့ 5:11

ကီၢ်အံၣ်စရ့လးတူၢ်ဘၣ်တၢ်မၤနးမၤဖှီၣ်, အဝဲအထံအကီၢ်လၢအမ့ၢ်အတၢ်နီၢ်နီၢ်လီၤမၢ်ကွံာ်ဝဲ, မ့ၢ်လၢအဝဲလဲၤဃု တၢ်မၤစၢၤသပှၢ်ပှၢ်လၢပှၤလၢအဟ့ၣ်အီၤတသ့ဘၣ်အအိၣ်အဃိန့ၣ်လီၤ.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်တၢ်ဂံၢ် 25:11

“မ့ၢ်လၢတၢ်တမံၤလၢစီၤပံၤနဃၣ်မၤတ့ၢ်ဝဲန့ၣ်အဃိဒီး, ယတသးဒိၣ်လၢၤကီၢ်အံၣ်စရ့လးအပှၤဂီၢ်မုၢ်ဘၣ်. အဝဲဝံသးစူၤတၢ်ဘူၣ်တၢ်ဘါထီၣ်ကစၢ်အဂၤတကဲဘၣ်. မ့မ့ၢ်သးအိၣ်ဒၣ်ဝဲထဲယၤတဂၤသတးဒီး, ယတမၤဟးဂီၤလၢၤအဝဲသ့ၣ်လၢယတၢ်သးဒိၣ်အဃိလၢၤဘၣ်.

လံာ်တၢ်ဂံၢ် 25:13

အဝဲဒီးအစၢၤအသွဲၣ်တဖၣ်န့ၣ်ဘၣ်တၢ်ဒုးကဲထီၣ်ဒီးပာ်ဂၢၢ်ပာ် ကျၢၤအီၤဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီလီၤ. အဂ့ၢ်ဒ်အံၤ, အဝဲဝံသးစူၤပှၤလၢအပြၢတၢ်ထီဒါယၤတကဲ နီတဂၤဘၣ်ဒီးဒုးလီၤဘၣ်တၢ်ပျၢ်တၢ်ဒဲးဘးလၢပှၤဂီၢ်မုၢ်အတၢ် ဒဲးဘးအဂီၢ်လီၤ.”

လံာ်ယိၤဟၣ် 2:17

အပျဲၢ်အဘီၣ်တဖၣ်သ့ၣ်နီၣ်ထီၣ်ယွၤအကလုၢ်ကထါ လၢအစံးဝဲ, “ကစၢ်ယွၤဧၢ, ယတၢ်သးဆူၣ်လၢနဟံၣ် အဂီၢ်န့ၣ်, အီၣ်ဂီၤကွံာ်လံယၤလံ” (စံး. ၆၉:၉).

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

ဧ့ၤဘြံၤ 11:37

အဝဲသ့ၣ်ဘၣ်တၢ်ကွံာ်အီၤလၢလၢၢ်, ဘၣ်တၢ်ဘူးတဲာ်အီၤခံကူာ်ဒီးဘၣ်တၢ်မၤသံအီၤလၢနးလီၤ. အဝဲသ့ၣ်ဟးဝ့ၤဝီၤကူသိးဝဲလၢသိဒီးမဲာ်တဲးလဲးအဖံး, ဘၣ်ဖှီၣ်ဘၣ်ယာ်, ဘၣ်တၢ်မၤနးမၤဖှီၣ်အီၤဒီးဘၣ်တၢ်မၤ အၢမၤနးအီၤလီၤ.