လံာ်စီၤပၤအခီၣ်ထံးတဘ့ၣ် 18:3 - Sgaw Karen Common Bible

³ အဃိ, စီၤအၤဃာ်ကိးန့ၢ်စီၤဧိၤဘါဒယၤလၢအမ့ၢ်ပှၤကွၢ်ထွဲ တၢ်အခိၣ်လၢနီပူၤန့ၣ်လီၤ. (စီၤဧိၤဘါဒယၤမ့ၢ်ပှၤအဲၣ်ထူအဲၣ် ယွၤဒိၣ်မးတဂၤ,

လံာ်စီၤပၤအခီၣ်ထံးတဘ့ၣ် 18:3 Iomraidhean Croise

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်တၢ်ကဲထီၣ်အခီၣ်ထံး 24:10

တၢ်ခ့တၢ်ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤ ဒီးပၢၤစီၤအၤဘြၤဟၣ်အတၢ်စုလီၢ်ခီၣ်ခိၣ်တဂၤအံၤ, ဟံးန့ၢ်အကစၢ်စီၤအၤဘြၤဟၣ်အကီၤလၤအူးအဒုတဆံဒီးလဲၤဝဲဆူ ဝ့ၢ်လၢကီၢ်မ့းစပတၤမံအကလံၤစိးအပူၤဖဲစီၤနၤဃိၢ်အိၣ်ဆိး တ့ၢ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 24:2

စီၤအၤဘြၤဟၣ်စံးဘၣ်အခ့အပှၤလၢအသးပှၢ်ကတၢၢ်, ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤကယဲၢ်တၢ် အိၣ်ဒီးစီၤအၤဘြၤဟၣ်န့ၣ်, “ပာ်နစုလၢယကံၣ်ဒုၣ်အကဆူးဒီးမၤတၢ်ဆိၣ်တမံၤတက့ၢ်.

လံာ်တၢ်ကဲထီၣ်အခီၣ်ထံး 39:9

ယအိၣ်ဒီးတၢ်စိတၢ်ကမီၤထဲသိးဒီးအီၤလၢဟံၣ်အံၤအပူၤန့ၣ် လီၤ. မ့တမ့ၢ်ဘၣ်ထဲလၢနၤတဂၤဧိၤဘၣ်ဒီး, အဝဲတတြီဃာ်တၢ်အဂုၤအဂၤနီတမံၤလၢယကပၢၤအီၤဘၣ်လီၤ. လၢတၢ်န့ၣ်အဃိ, ယကမၤတၢ်အၢတၢ်သီဒ်သိးအံၤတမံၤဒီးမၤတၢ်ဒဲး ဘးထီဒါကစၢ်ယွၤဒ်လဲၣ်.”

လံာ်တၢ်ကဲထီၣ်အခီၣ်ထံး 41:40

ယကပာ်နၤလၢပှၤပၢယထံယကီၢ်အလီၢ်, ဒီးပှၤဂီၢ်မုၢ်ခဲလၢာ်ကစူၢ်တၢ်ကလုၢ်တဖၣ်လၢနဟ့ၣ်လီၤန့ၣ်လီၤ. လၢတၢ်စိတၢ်ကမီၤအလီၢ်န့ၣ်, နကမ့ၢ်ပှၤခံဂၤတဂၤလၢယၤဝံၤအလီၢ် ခံန့ၣ်လီၤ.

လံာ်တၢ်ကဲထီၣ်အခီၣ်ထံး 42:18

လၢသၢသီတသီန့ၣ်စီၤယိၤသးစံးဘၣ်အဝဲသ့ၣ်, “ယမ့ၢ်ပှၤတဂၤလၢအပျံၤကစၢ်ယွၤလီၤ. ဒီးယကပျဲပူၤဖျဲးသုသးသမူတဖၣ်လၢတၢ်အဂ့ၢ်အခၢးတမံၤအဖီ ခိၣ်လီၤ.

လံာ်စီၤပၤအခီၣ်ထံးတဘ့ၣ် 16:9

စီၤစံၣ်ရံၤ, ပှၤကွၢ်ထွဲစီၤပၤအလ့ၣ်ကဟၣ်တဖၣ်ခံပူတပူ, လၢအမ့ၢ်စီၤပၤအသုးခိၣ်တဖၣ်အကျါတဂၤကူၣ်တၢ်အၢထီဒါစီၤပၤ န့ၣ်လီၤ. ဘၣ်မုၢ်တနံၤလၢဝ့ၢ်တံးရစၢ်အပူၤန့ၣ်, စီၤအ့လၤအီမူၤသံးဖဲစီၤအၢ်စၤလၢအမ့ၢ်ပှၤကွၢ်ထွဲနီတဂၤ အဟံၣ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:12

တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ် လၢယဖိသၣ်လံၤလံၤန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 18:2

လၢတၢ်န့ၣ်အဃိစီၤအ့ၤလံယၤစးထီၣ်လဲၤတၢ်န့ၣ်လီၤ. မ့ၢ်တၢ်ဆၢကတီၢ်ဖဲတၢ်သၣ်ဝံၤလီၤဒိလၢကီၢ်ၡၤမရံအပူၤနးက တၢၢ်,

လံာ်စီၤပၤခံဘ့ၣ်တဘ့ၣ် 4:1

ကရၢဖိတဂၤလၢဝံတဖၣ်အကရူၢ်တကရူၢ်အကျါ, အမါမုၣ်ကမဲတဂၤလဲၤဝဲဆူစီၤအလံၤၡါအအိၣ်ဒီးစံးဝဲဒၣ်, “တၢ်ဒိၣ်ဧၢ, ယဝၤသံလံဝဲလံ. ဒ်နသ့ၣ်ညါနဲအသိးအဝဲမ့ၢ်ပှၤ တဂၤလၢအပျံၤကစၢ်ယွၤန့ၣ်လီၤ. ဘၣ်ဆၣ်ခဲကနံၣ်အံၤပှၤတဂၤလၢအလဲၤဟံးန့ၢ်လိၢ်ဝဲအစ့န့ၣ်, ဟဲဝဲဒ်သိးကဟံးထီၣ်ကွံာ်ယဖိခွါခံဂၤ, ဒ်ကုၢ်တဖၣ်အသိးလၢတၢ် လိးက့ၤယဝၤအဒ့ၣ်ကမၢ်အဂီၢ်န့ၣ်လီၤ.”

လံာ်စီၤနဃ့မယၤ 5:15

ကယဲၢ်ပဒိၣ်ဖးဒိၣ်ခဲလၢာ်လၢအမၤတ့ၢ်လံတၢ်လၢယမဲာ်ညါန့ၣ်ကဲ ထီၣ်တၢ်ဝံတၢ်ယိးလၢပှၤဂီၢ်မုၢ်အဂီၢ်ဒီးလၢတနံၤအတီၢ်ပူၤန့ၣ်, လၢတၢ်အီၣ်တၢ်အီဒီးစပံးထံအမဲာ်ညါဃ့ဝဲစ့ညၣ်အဘ့ၣ်လွံၢ်ဆံ န့ၣ်လီၤ. အဝဲသ့ၣ်အခ့အပှၤသ့ၣ်တဖၣ်ဒၣ်လဲာ်မၤနးမၤဖှီၣ်ပှၤဂီၢ်မုၢ်န့ၣ် လီၤ. ဘၣ်ဆၣ်မ့ၢ်လၢယပာ်ကဲကစၢ်ယွၤအဃိ ယတမၤတၢ်ဒ်အဝဲသ့ၣ်အသိးန့ၣ်ဘၣ်.

လံာ်စီၤနဃ့မယၤ 7:2

ဒီးယပာ်လီၤပှၤခံဂၤလၢကပၢဆှၢဝ့ၢ်ယရူၤၡလ့ၣ်လၢအမ့ၢ်, ယဒီပုၢ်ဝဲၢ်ခွါစီၤဃနၤနံဒီးတိာ်အပဒိၣ်ဖးဒိၣ်စီၤဃနၤနံ ယၤန့ၣ်လီၤ. စီၤဃနၤနံယၤမ့ၢ်ပှၤလၢပှၤနာ်န့ၢ်အီၤသ့ ဒီးမ့ၢ်ပှၤပျံၤယွၤဒိၣ်န့ၢ်ပှၤအဂၤန့ၣ်လီၤ.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 112:1

စံးထီၣ်ပတြၢၤယွၤတက့ၢ်. ပှၤလၢအပျံၤယွၤ, ပှၤလၢအသးခုဒိၣ်ဒိၣ်ကလဲာ်လၢတၢ်စူၢ် အတၢ်မၤလိာ်အပူၤန့ၣ်ဘၣ်ဆိၣ်ဂ့ၤဝဲလီၤ.

တၢ်ကတိၤဒိ. 14:26

တၢ်ယူးယီၣ်ယွၤန့ၣ်ဟ့ၣ်တၢ်နာ်အဂၢၢ်အကျၢၤဒီးတၢ်အိၣ်ဘံၣ်အိၣ်ဘၢ လၢပှၤတဂၤဒီးအဟံၣ်ဖိဃီဖိအဂီၢ်လီၤ.

လံာ်မၤလကံ 3:16

တုၤနုၤတစု, ပှၤလၢအပျံၤယွၤန့ၣ်စံးလိာ်အသးတဂၤဒီးတဂၤ, ဒီးယွၤဒိကနၣ်, ဒီးနၢ်ဟူတၢ်လၢအဝဲသ့ၣ်စံးဝဲဒၣ်န့ၣ်လီၤ. လၢအဝဲအမဲာ်ညါန့ၣ်, တၢ်ကွဲးနီၣ်အိၣ်ကွဲးလီၤအသးလၢလံာ်တဘ့ၣ် အပူၤဘၣ်ထွဲဒီးပှၤလၢအပျံၤယွၤဒီးယူးယီၣ်ပာ်ကဲအီၤန့ၣ်လီၤ.

လံာ်မးသဲ 10:28

တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.

လံာ်မးသဲ 25:17

ပှၤလၢအဒိးန့ၢ်စ့ခံတၤလၣ်တဂၤန့ၣ်, မၤစ့ၢ်ကီးဝဲဒၣ်ဒ်န့ၣ်ဒီးဒိးန့ၢ်အါထီၣ်စ့ခံတၤလၣ်န့ၣ် လီၤ.

မၤတၢ် 10:2

အဝဲဒၣ်မ့ၢ်ပှၤလၢအအဲၣ်ထူအဲၣ်ယွၤဒီးအပှၤဟံၣ်ဖိ ဃီဖိဒီဒူၣ်ညါမ့ၢ်ပှၤတဖၣ်လၢအယူးယီၣ်ဒီးပျံၤကစၢ်ယွၤန့ၣ်လီၤ. အဝဲဒၣ်မၤစၢၤပှၤယူဒၤဖိအဖှီၣ်အယာ်တဖၣ်အါမးဒီးဃ့ ဘါထုကဖၣ်ယွၤတထံၣ်ဃီလီၤ.

မၤတၢ် 10:35

ပှၤတဂၤလၢ်လၢ်, ကမ့ၢ်ဒၣ်ဝဲပှၤတကလုာ်ဂ့ၤတကလုာ်ဂ့ၤဘၣ်ဆၣ်, မ့ၢ်ပျံၤယွၤဒီးမၤတၢ်လၢအကြၢးဝဲဘၣ်ဝဲန့ၣ်, ဘၣ်တၢ်တူၢ်လိာ်အီၤလီၤ.