လံာ်စီၤပၤအခီၣ်ထံးတဘ့ၣ် 18:29 - Sgaw Karen Common Bible

²⁹ အဝဲသ့ၣ်ကိးကလူဒိၣ်ထီၣ်ဒံးဒ်ပှၤအပျုၢ်တဖၣ်အသိးတုၤလီၤလၢ မုၢ်ဃ့ၢ်လီၤပှၤလုၢ်တၢ်ပာ်တၢ်အကတီၢ်, ဘၣ်ဆၣ်တၢ်စံးဆၢတဟဲနီတမံၤဘၣ်, တၢ်တနၢ်ဟူဘၣ်တၢ်အသီၣ်နီတမံၤစ့ၢ်ကီးဘၣ်.

လံာ်စီၤပၤအခီၣ်ထံးတဘ့ၣ် 18:29 Iomraidhean Croise

လံာ်စီၤပၤအခီၣ်ထံးတဘ့ၣ် 18:26

အဝဲသ့ၣ်ဟံးန့ၢ်ဃီၤဂီၤဖံးဖါလၢအဘၣ်တၢ်ဟဲစိာ်န့ၢ်အီၤ, ကတဲာ်ကတီၤထီၣ်ဝဲဒီးဘါထုကဖၣ်တၢ်ဆူဘဧၤလးအအိၣ်တုၤမုၢ်ထူၣ် အကတီၢ်န့ၣ်လီၤ. အဝဲသ့ၣ်ကိးသတြီထီၣ်ဝဲ, “ဘဧၤလးဧၢ, စံးဆၢပှၤတက့ၢ်.” ဒီးဂဲၤကလံာ်ဝဲဝးတရံးတၢ်လုၢ်လီၢ်လၢအဘှီထီၣ်ဝဲန့ၣ်လီၤ. ဘၣ်ဆၣ်တၢ်စံးဆၢတဟဲနီတမံၤဘၣ်.

လံာ်စီၤပၤအခီၣ်ထံးတဘ့ၣ် 18:36

တုၤနၣ်ရံၣ်လၢမုၢ်ဃ့ၢ်လီၤတၢ်လုၢ်တၢ်ပာ်အကတီၢ်တုၤဝဲန့ၣ်, ဝံအ့ၤလံယၤသုးဘူးအသးဆူတၢ်လုၢ်လီၢ်ဒီးဘါထုကဖၣ်ဝဲ, “အိယွၤ, စီၤအၤဘြၤဟၣ်, စီၤအံၤစဲး, စီၤယၤကိာ်အကစၢ်ယွၤဧၢ, ဒုးနဲၣ်နသးခဲကနံၣ်အံၤလၢနမ့ၢ်ကီၢ်အံၣ်စရ့လးအကစၢ်ယွၤဒီး ယမ့ၢ်နခ့နပှၤဒီးယမၤတၢ်မၤခဲလၢာ်ဒ်နတၢ်မၤလိာ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:10

စီၤပၤခံဂၤကူသိးဝဲဒီးစီၤပၤအဆ့ကၤဒိၣ်တဖၣ်, ဆ့ၣ်နီၤလၢအ ဝဲသ့ၣ်အလီၢ်ပစိာ်တဖၣ်အဖီခိၣ်, ဖဲပှၤကြဲၢ်တၢ်အလီၢ်လၢအအိၣ်ဝဲ ဖဲဝ့ၢ်ၡၤမရံအတြဲၤဖးဒိၣ်အချၢတစဲး, ဒီးကယဲၢ်ဝံတဖၣ်ကတိၤတၢ်လၢဝံအကျိာ်ဖဲအဝဲသ့ၣ်အမဲာ်ညါန့ၣ် လီၤ.

လံာ်စီၤပၤအခီၣ်ထံးတဘ့ၣ် 22:12

ကယဲၢ်ဝံအဂၤတဖၣ်စံးတၢ်တမံၤဃီန့ၣ်လီၤ. လဲၤထီၣ်ဒုးတၢ်ထီဒါဝ့ၢ်ရၤမိးဒီးနကမၤနၢၤတၢ်န့ၣ်လီၤ. ယွၤကဟ့ၣ်နၤတၢ်မၤနၢၤန့ၣ်လီၤ.

စံးထီၣ်ပတြၢၤ 115:4

အဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ် ဘၣ်တၢ်မၤအီၤလၢစ့ဒီးထူဒီး မ့ၢ်ပှၤကညီအတၢ်မၤလၢအစုတဖၣ်န့ၣ်လီၤ.

စံးထီၣ်ပတြၢၤ 141:2

မ်ယဘါထုကဖၣ်တၢ်အံၤဘၣ်တၢ်ဂံၢ်အီၤဒ် တၢ်ဆိၣ်ကဲၤနၢမူအသိးလၢနမဲာ်ညါ, ဒီးယယူာ်ထီၣ်ယစုအံၤဒ်တၢ်လုၢ်လၢ မုၢ်ဟါအသိးန့ၣ်တက့ၢ်.

လံာ်တၢ်ဟးထီၣ်ကွံာ် 29:39

လုၢ်ထီၣ်ပာ်ထီၣ်သိဖိတဖၣ်အကျါတဒုလၢမုၢ်ဂီၤဒီးအဂၤတဒုလၢမုၢ်ဟါတက့ၢ်.

လံာ်တၢ်ဟးထီၣ်ကွံာ် 29:41

လုၢ်ထီၣ်ပာ်ထီၣ်သိဖိခံဒုတဒုန့ၣ်လၢမုၢ်ဟါခီဒီးမၤဘူၣ် ဃုာ်ကိၣ်ကမူၣ်, သ့ၣ်စၤယံးအသိဒီးစပံးထံပှဲၤသိးသိးလၢမုၢ်ဂီၤအကတီၢ်န့ၣ် တက့ၢ်. တၢ်အံၤမ့ၢ်တၢ်လုၢ်တၢ်အီၣ်တၢ်အီဆူယၤ, ယွၤအအိၣ်ဒီးတၢ်လုၢ်အတၢ်နၢမူန့ၣ်မၤမုာ်ယသးန့ၣ်လီၤ.

လံာ်တၢ်ဟးထီၣ်ကွံာ် 8:14

ဒီးပှၤအဲၤကူပတူးဖိတဖၣ်ပာ်ဖှိၣ်ဝဲဒၣ်တပူၣ်တပူၣ်တုၤကီၢ်ဒီဘ့ၣ်နၢအုၣ်ဝဲလၢအဃိန့ၣ်လီၤ.

လံာ်ယၡါယၤ 16:12

ပှၤမိၤအးဖိတဖၣ်မၤလီၤဘှံးလီၤတီၤအသးခီဖျိအတၢ်လဲၤ ဆူအတၢ်ဘူၣ်တၢ်ဘါအလီၢ်တဖၣ်လၢကစၢၢ်အလိၤဒီးဆူ အတၢ်လုၢ်ဟံၣ်တဖၣ်လၢကဘါထုကဖၣ်တၢ်အဂီၢ်လီၤ. ဘၣ်ဆၣ်ဒီး, တၢ်သ့ၣ်တဖၣ်အံၤတမၤဂ့ၤအဝဲသ့ၣ်နီတမံၤဘၣ်.

လံာ်ယၡါယၤ 46:7

အဝဲသ့ၣ်ယိးထီၣ်ဝဲလၢအဖံဘၣ်ခိၣ်ဒီးစိာ်အီၤလီၤ. အဝဲသ့ၣ်ပာ်လီၤအီၤလၢအလီၢ်ဒၣ်ဝဲ, ဒီးအိၣ်ဆၢထၢၣ်ဖဲန့ၣ် ဒီးသုးအသးလၢအအိၣ်ဆၢထၢၣ်အလီၢ်န့ၣ် တသ့ဘၣ်ဝဲဘၣ်. ပှၤတဂၤဂၤမ့ၢ်ဃ့ထုကဖၣ်ဆူအအိၣ်ဒီး, စံးဆၢတၢ်တသ့, ဒီးအုၣ်က့ၤခီၣ်က့ၤအီၤလၢ တၢ်တတၢးတနါတသ့ဘၣ်.

လံာ်ဒၤနံးယ့လး 9:21

ဖဲယဘါထုကဖၣ်ဒံးတၢ်အဖၢမုၢ်ဒီး, ကလူးကၤဘြံၤအ့လးလၢယထံၣ်ဘၣ် တ့ၢ်လၢတၢ်ထံၣ်လၢညါခီအခီၣ်ထံးတဘျီအပူၤ န့ၣ်ဟဲယူၤလီၤဆူယအိၣ်တၢ်အလီၢ်န့ၣ်လီၤ. အကတီၢ်န့ၣ်မ့ၢ်ဝဲတၢ်လုၢ်မၤဘူၣ်လၢဟါ ကဘၣ်တၢ်လုၢ်ထီၣ်အီၤအကတီၢ်န့ၣ်လီၤ.

ကလၤတံ 4:8

လၢအပူၤကွံာ်န့ၣ်သုတသ့ၣ်ညါကစၢ်ယွၤဘၣ်. အဃိ, သုကဲကုၢ်လၢတၢ်လၢအတမ့ၢ်ကစၢ်ယွၤတဖၣ်အဖီ လာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:5

အန့ၣ်ဝံၤဒီးနကလဲၤဆူကစၢ်ယွၤအကစၢၢ်အအိၣ်လၢဝ့ၢ်ကံးဘဧးအပူၤ ဖဲပှၤဖလ့ၡသးဖိတဖၣ်သူၣ်ဒဲအလီၢ်အိၣ်ဝဲတတီၤန့ၣ်လီၤ. ဖဲတၢ်လဲၤနုာ်လီၤဆူဝ့ၢ်အကျဲစၢၤန့ၣ်နကထံၣ်လိာ်ဒီးဝံတဖု ဟဲလီၤလၢတၢ်လုၢ်လီၢ်အိၣ်လၢကစၢၢ်လိၤန့ၣ်ဒ့ဒီးသီတူၢ်တဖၣ်, ပှီၢ်ဒၢတဖၣ်, အူပံတဖၣ်ဒီးမၤသီၣ်စှၢၢ်စှံးတဖၣ်န့ၣ်လီၤ. အဝဲသ့ၣ်ကဂဲၤကလံာ်ဒီးကိးပသူဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:10

လၢမုၢ်ဆ့ၣ်ထီၣ်တနံၤန့ၣ်, သးအအၢအသီတဖျၢၣ်လၢအဟဲလၢကစၢ်ယွၤ ဟဲလီၤဒီးပၢၤဃာ်စီၤစီလူးသတူၢ်ကလာ်လီၤ. ဒီးအဝဲဒၣ်ကတိၤကလီကလီတၢ်ဒ်တၢ်ပျုၢ်တဂၤအသိးလၢအဟံၣ်ပူၤ န့ၣ်လီၤ. စီၤဒၤဝံးတခီဒ့တနၢ်ဒ်ညီနုၢ်မၤဝဲကိးမုၢ်နံၤအသိးန့ၣ် လီၤ. စီၤစီလူးဟံးဃးဘီတဘ့ၣ်လၢအစုပူၤ,