လံာ်စီၤပၤအခီၣ်ထံးတဘ့ၣ် 18:27 - Sgaw Karen Common Bible

²⁷ တုၤလီၤလၢမုၢ်ထူၣ်အကတီၢ်န့ၣ်, စီၤအ့ၤလံယၤစးထီၣ်မၤလီၤ နံၤဘၣ်ဖၣ်လဲအဝဲသ့ၣ်ဒီးစံးဝဲ, “ဘါထုကဖၣ်ဒိၣ်ထီၣ်တက့ၢ်. အဝဲမ့ၢ်ကစၢ်တဂၤလီၤ. ဘၣ်သ့ၣ်သ့ၣ်ကမ့ၢ်အဝဲအိၣ်လၢတၢ်ဆိကမိၣ်ယိာ်ပူၤမ့ၢ်ဂ့ၤ, အတၢ်ဖံးတၢ်မၤအါမ့ၢ်ဂ့ၤလီၤ. မ့တမ့ၢ်ဘၣ်ဒီးဘၣ်သ့ၣ်သ့ၣ်အဝဲ ကအိၣ်ဒီးတၢ်လဲၤတၢ်က့ၤတပူၤပူၤလီၤ. မ့တမ့ၢ်ဘၣ်န့ၣ်ကမ့ၢ်အဝဲမံဘၣ်အသးဒီးသုကဘၣ်ထိၣ်ဂဲၤထီၣ်အီၤ လီၤ.”

လံာ်စီၤပၤအခီၣ်ထံးတဘ့ၣ် 18:27 Iomraidhean Croise

လံာ်စီၤပၤအခီၣ်ထံးတဘ့ၣ် 18:26

အဝဲသ့ၣ်ဟံးန့ၢ်ဃီၤဂီၤဖံးဖါလၢအဘၣ်တၢ်ဟဲစိာ်န့ၢ်အီၤ, ကတဲာ်ကတီၤထီၣ်ဝဲဒီးဘါထုကဖၣ်တၢ်ဆူဘဧၤလးအအိၣ်တုၤမုၢ်ထူၣ် အကတီၢ်န့ၣ်လီၤ. အဝဲသ့ၣ်ကိးသတြီထီၣ်ဝဲ, “ဘဧၤလးဧၢ, စံးဆၢပှၤတက့ၢ်.” ဒီးဂဲၤကလံာ်ဝဲဝးတရံးတၢ်လုၢ်လီၢ်လၢအဘှီထီၣ်ဝဲန့ၣ်လီၤ. ဘၣ်ဆၣ်တၢ်စံးဆၢတဟဲနီတမံၤဘၣ်.

လံာ်စီၤပၤအခီၣ်ထံးတဘ့ၣ် 18:28

လၢတၢ်န့ၣ်အဃိဘဧၤလးအဝံတဖၣ်ဘါထုကဖၣ်ဒိၣ်ထီၣ်, ဒီးဂဲာ်လီၤအသးလၢဃဲာ်တဖၣ်ဒီးဒီတဖၣ်ဒ်အဝဲသ့ၣ်အလုၢ်အလၢ်အိၣ် ဝဲအသိး, တုၤအသွံၣ်ဟဲယွၤလီၤဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:15

ဖဲအဝဲဟဲပာ်ဖျါထီၣ်အသးလၢစီၤပၤအၤဃာ်အမဲာ်ညါန့ၣ်စီၤပၤ သံကွၢ်အီၤ, “စီၤမံၤကါယၤဧၢ, မ့ၢ်စီၤပၤယဟိၡၤဖးဒီးယၤပကြၢးလဲၤ ထီၣ်ဒုးဝ့ၢ်ရၤမိးဧါ. မ့တမ့ၢ်ပတကြၢးလဲၤဘၣ်န့ၣ်လဲၣ်.” စီၤမံၤကါယၤစံးဆၢဝဲ, “လဲၤထီၣ်ဒုးတက့ၢ်. သပှၢ်ကတၢၢ်သုကမၤနၢၤတၢ်လီၤ. ယွၤကဟ့ၣ်သုတၢ်မၤနၢၤန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 25:8

နကဆိကမိၣ်လၢအဝဲသ့ၣ်ကမၤဂံၢ်ဆူၣ်ဘါဆူၣ်အါထီၣ်နၤလၢတၢ်ဒုး အပူၤ, ဘၣ်ဆၣ်ပှၤလၢအအိၣ်ဒီးတၢ်စိတၢ်ကမီၤလၢကဟ့ၣ်တၢ်မၤနၢၤမ့ၢ် ဂ့ၤ, တၢ်ဃၣ်ကွံာ်မ့ၢ်ဂ့ၤန့ၣ်မ့ၢ်ဒၣ်ကစၢ်ယွၤဒီးအဝဲကပျဲနဒုၣ်နဒါ တဖၣ်မၤနၢၤနၤန့ၣ်လီၤ.”

စံးထီၣ်ပတြၢၤ 121:4

ကွၢ်ကွၢ်ပှၤလၢအကွၢ်အံၣ်စရ့လးတဂၤန့ၣ် တမံဘၣ်ဒီးတမံခ့ဘၣ်.

စံးထီၣ်ပတြၢၤ 39:3

မ့ၣ်အူကဲၤကဖးလၢယသးပူၤ, ဒီးဖဲယဆိကမိၣ်ထီၣ်တၢ်ဒီး မ့ၣ်အူကဲၤကပျီၤထီၣ်ဝဲန့ၣ်လီၤ. တုၤနုၤတစုယကတိၤထီၣ်ဖျဲးတၢ်လီၤ.

စံးထီၣ်ပတြၢၤ 44:23

ယွၤဧၢ, ဖုသံနီၣ်ထီၣ်တက့ၢ်, ဘၣ်မနုၤလၢနမံန့ၣ်လဲၣ်. ဂဲၤထၢၣ်တက့ၢ်. တဘၣ်စူးကွံာ်ပှၤထီဘိန့ၣ်တဂ့ၤ.

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ယၡါယၤ 41:23

စံးဘၣ်တဲဘၣ်ပှၤတၢ်လၢကဟဲထီၣ်ဆူခံဆူညါတဖၣ်န့ၣ်တက့ၢ်. အန့ၣ်ဒီးပကသ့ၣ်ညါလၢသုမ့ၢ်ကစၢ်တဖၣ်လီၤ. မၤတၢ်အဂ့ၤတမံၤမံၤ, မ့တမ့ၢ်, ဟဲစိာ်တၢ်တတၢးတနါ တနီၤတက့ၢ်. မၤပှဲၤပှၤဒီးတၢ်ပျံၤတၢ်ဖုးဒီးတၢ်ကမၢကမၣ်တက့ၢ်.

လံာ်ယၡါယၤ 51:9

ယွၤဧၢ, ဖုးသံနီၣ်ထီၣ်ဒီးမၤစၢၤပှၤတက့ၢ်. သူနတၢ်စိတၢ်ကမီၤဒီးအုၣ်က့ၤခီၣ်က့ၤပှၤတက့ၢ်, သူအီၤဒ်နသူတ့ၢ်အီၤလၢပျၢၤ လၢကစၢၤအသိးန့ၣ်တက့ၢ်. နမ့ၢ်တ့ၢ်ပှၤလၢအကျီကွံာ်ပီၣ်လဲၣ် အတၢ်မုၢ်ဃၢ်ဖးဒိၣ်ရၤဃးတကူာ်တကူာ်န့ၣ်လီၤ.

လံာ်ယဃ့းစက့လး 20:39

ယွၤပၢဘၣ်တၢ်ခဲလၢာ်ကစၢ်, ကစၢ်စံးဝဲ, “ဒီးခဲကနံၣ်အံၤသုဝဲ ပှၤအံၣ်စရ့လးဖိခဲလၢာ်သ့ၣ်သုဧၢ, မၤဖဲသုသးတက့ၢ်. လဲၤဆၣ်ခီ ဒီးမၤသုတၢ်ဂီၤတၢ်ဖီၣ်တဖၣ်အတၢ်မၤတက့ၢ်. ဘၣ်ဆၣ်ယဟ့ၣ်ပလီၢ်သုလၢ, တၢ်အံၤဝံၤအလီၢ်ခံန့ၣ်သုကဘၣ်စူၢ်ယၤ ဒီးသုတၢ်မၤဘၣ်အၢယမံၤစီဆှံအလၤကပီၤခီဖျိတၢ်လုၢ်ထီၣ်တၢ် ဟ့ၣ်တဖၣ်ဆူသုတၢ်ဂီၤတၢ်ဖီၣ်တဖၣ်အအိၣ်န့ၣ်သုကဘၣ်ဆိ ကတီၢ်အီၤန့ၣ်လီၤ.

လံာ်မးသဲ 26:45

တုၤနုၤတစု, ယ့ၣ်ၡူးဟဲက့ၤကဒါက့ၤဆူအပျဲၢ်အဘီၣ်တဖၣ်အအိၣ်ဒီးစံး, “မ့ၢ်သုမံဒီးအိၣ်ဘှံးဒံးဒၣ်အဖၢမုၢ်ဧါ. ကွၢ်တက့ၢ်. နၣ်ရံၣ်လၢပှၤကညီဖိခွါအံၤ ကဘၣ်တၢ်ဟ့ၣ်လီၤကွံာ်အီၤဆူပှၤ တၢ်ဒဲးဘးဖိတဖၣ်အစိကမီၤအစုပူၤန့ၣ်, တုၤဃီၤဝဲလံ.

လံာ်မၢ်ကူး 14:41

တုၤအဟဲက့ၤသၢဘျီတဘျီဒီး, အဝဲဒၣ်စံးဘၣ်အဝဲသ့ၣ်, “သုမံဘၣ်ဒံးသုသးဒီးအိၣ်ဘှံးအိၣ်သါဒံးဒၣ်အဖၢမုၢ်လီၤ ဧါ. ထဲန့ၣ်ဘၣ်လံ. တၢ်အကတီၢ်နၣ်ရံၣ်တုၤဃီၤဝဲလံ. ကွၢ်ကွၢ်ခဲအံၤပှၤကညီဖိခွါအံၤဘၣ်တၢ် ဟ့ၣ်လီၤအီၤဆူပှၤတၢ်ဒဲးဘးဖိတဖၣ်အစုပူၤလံ.

လံာ်မၢ်ကူး 7:9

ယ့ၣ်ၡူးစံးကဒီးဝဲ, “ဒ်သိးသုကဟံးဃာ်ဘၣ်သုတၢ်သိၣ်လိသီလိလၢ အဟဲလီၤစၢၤလၢမိၢ်ပၢ်ဖံဖုလၢပျၢၤတဖၣ်အအိၣ်အဂီၢ်န့ၣ်, သုဃုထံၣ်န့ၢ်ကျဲလၢသုကညိကွံာ်ကစၢ်ယွၤအတၢ်မၤလိာ်န့ၣ်သ့ဒိၣ်မးလီၤ.