လံာ်စီၤပၤအခီၣ်ထံးတဘ့ၣ် 18:19 - Sgaw Karen Common Bible

¹⁹ ခဲကနံၣ်အံၤဟ့ၣ်လီၤနကလုၢ်လၢကယဲၢ်ကီၢ်အံၣ်စရ့လးအပှၤဂီၢ်မုၢ် ကဟဲထံၣ်ယၤဖဲကစၢၢ်ကၢ်မ့ၤလးအလိၤန့ၣ်တက့ၢ်. ဟဲကိးဃုာ်ဘဧၤလးအဝံလွံၢ်ကယၤယဲၢ်ဆံဂၤဒီးကစၢ်မုၣ်အၡ့ရၤ အဝံလွံၢ်ကယၤဂၤလၢအဘၣ်တၢ်ဆီၣ်ထွဲမၤစၢၤတ့ၢ်အီၤလၢနီၢ်ပၤ မုၣ်အံၤစ့ဘ့ၤလးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 18:19 Iomraidhean Croise

လံာ်စီၤပၤအခီၣ်ထံးတဘ့ၣ် 15:13

အဝဲသုးကွံာ်အဖံနီၢ်မၤကၤလၢနီၢ်ပၤမုၣ်အမိၢ်အလီၢ်အလၤ, မ့ၢ်လၢနီၢ်မၤကၤမၤထီၣ်ဟီၣ်ခိၣ်ညၣ်ထ့ၣ်အကစၢ်မုၣ်နီၢ်အၡ့ရၤ အဂီၤတခါလၢအထိၣ်ဂဲၤထီၣ်တၢ်သးကတၢအဃိန့ၣ်လီၤ. စီၤအၤစါမၤဟးဂီၤကွံာ်တၢ်ဂီၤန့ၣ်ဒီးဒွဲၣ်အူကွံာ်အီၤလၢ ကံဒြိၣ်တၢ်တြီၤအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:33

အဝဲမၤထီၣ်စ့ၢ်ကီးကစၢ်မုၣ်အၡ့ရၤအဂီၤတခါန့ၣ်လီၤ. အဝဲထိၣ်ဂဲၤထီၣ်ယွၤ, ကီၢ်အံၣ်စရ့လးအကစၢ်ယွၤအတၢ်သးဒိၣ်အါ န့ၢ်ဒံးကီၢ်အံၣ်စရ့လးအစီၤပၤတဖၣ်လၢအဝဲအမဲာ်ညါတက့ၢ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 18:20

လၢတၢ်န့ၣ်အဃိစီၤအၤဃာ်ကိးဖှိၣ်ကယဲၢ်ပှၤအံၣ်စရ့လးဖိ ခဲလၢာ်ဒီးဘဧၤလးအဝံတဖၣ်လၢကဟဲထံၣ်လိာ်အသးဖဲ ကစၢၢ်ကၢ်မ့ၤလးအလိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:22

အန့ၣ်ဒီးစီၤအ့ၤလံယၤစံးဝဲ, “ယမ့ၢ်ယွၤအဝံထဲတဂၤဧိၤလၢ အအိၣ်လီၤတဲာ်န့ၣ်လီၤ. မ့မ့ၢ်ဘဧၤလးအဝံအိၣ်ဝဲလွံၢ်ကယၤယဲၢ်ဆံဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:6

လၢတၢ်န့ၣ်အဃိစီၤအၤဃာ်ကိးနုာ်ဝံတဖၣ်ခဲလၢာ်ပှၤအဂၤလွံၢ် ကယၤဃၣ်ဃၣ်ဒီးသံကွၢ်အဝဲသ့ၣ်, “မ့ၢ်ယကဘၣ်လဲၤထီၣ်ဒုးဝ့ၢ်ရၤမိး, မ့တမ့ၢ်ယတဘၣ်လဲၤဘၣ်ဧါ.” အဝဲသ့ၣ်စံးဆၢဝဲ, “လဲၤထီၣ်ဒုးအီၤတက့ၢ်. ယွၤကဟ့ၣ်နၤတၢ်မၤနၢၤလီၤ.”

လံာ်စီၤပၤခံဘ့ၣ်တဘ့ၣ် 10:19

ကိးဖှိၣ်ကယဲၢ်ဘဧၤလးအဝံခဲလၢာ်, ကယဲၢ်ပှၤတဖၣ်လၢဘူၣ်ထီၣ်ဘါ ထီၣ်အီၤ, ဒီးကယဲၢ်အပှၤလုၢ်တၢ်အခိၣ်ခဲလၢာ်တက့ၢ်. ပျဲပှၤအိၣ်တ့ၢ်နီတဂၤတဂ့ၤ. ယကလုၢ်ထီၣ်တၢ်လုၢ်ဖးဒိၣ်တမံၤ ဆူဘဧၤလးအအိၣ်ဒီးပှၤတဂၤလၢ်လၢ်လၢအတဟဲဘၣ်န့ၣ်, ကဘၣ်တၢ်မၤသံကွံာ်အီၤန့ၣ်လီၤ.” (အအံၤမ့ၢ်စီၤယ့ၤဟူအတၢ်ကူၣ်လီတမံၤလၢအဝဲတိာ်ပာ်ဝဲလၢကမၤ သံကယဲၢ်ပှၤဘူၣ်ထီၣ်ဘါထီၣ်ဘဧၤလးခဲလၢာ်န့ၣ်လီၤ.)

လံာ်စီၤပၤခံဘ့ၣ်တဘ့ၣ် 13:6

ဘၣ်ဆၣ်အဝဲသ့ၣ်တညိကွံာ်ဒံးဘၣ်တၢ်ဒဲးဘးတဖၣ်လၢစီၤပၤယၤရၤ ဘၣ်ဒုးမၤတ့ၢ်ကီၢ်အံၣ်စရ့လးန့ၣ်ဘၣ်. မ့မ့ၢ်အဝဲသ့ၣ်မၤဒံးဒၣ်တၢ်ဒဲးဘးတဖၣ်န့ၣ်ဒီးကစၢ်မုၣ်အၡ့ ရၤအဂီၤအိၣ်ဒံးဒၣ်လၢကီၢ်ၡၤမရံအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:25

စီၤအလံၤၡါလဲၤဆူညါဆူကစၢၢ်ကၢ်မ့ၤလးအလိၤ, ဒီးလၢခံဟဲက့ၤကဒါက့ၤဆူၡၤမရံန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:13

စီၤအလံၤၡါစံးဘၣ်ကီၢ်အံၣ်စရ့လးအစီၤပၤ, “ဘၣ်မနုၤလၢယကဘၣ်မၤစၢၤနၤန့ၣ်လဲၣ်. လဲၤဒီးသံကွၢ်တၢ်လၢ ဝံတဖၣ်လၢနပၢ်မ့ၢ်ဂ့ၤ, နမိၢ်မ့ၢ်ဂ့ၤသံကွၢ်တ့ၢ်အီၤတၢ်တက့ၢ်.” စီၤယဟိရၣ်စံးဆၢအီၤ “တမ့ၢ်ဘၣ်, ပှၤလၢအကိးဖှိၣ်ပဝဲ စီၤပၤသၢဂၤဆူကီၢ်မိၤအးအစီၤပၤအတၢ်သူၣ်ကညီၤသးကညီၤအပူၤ န့ၣ်မ့ၢ်ယွၤလီၤ.”

လံာ်စီၤပၤခံဘ့ၣ်တဘ့ၣ် 9:22

စီၤယဟိရၣ်သံကွၢ်အီၤ, “နဟဲလၢတၢ်ဃူတၢ်ဖိးအပူၤဧါ.” စီၤယ့ၤဟူစံးဆၢဝဲ “ဖဲပအိၣ်ဒံးဒၣ်ဒီးတၢ်သမူပယၢ်အတၢ်မၤ ဒီးတၢ်မၤကမၣ်မုၣ်ကမၣ်ခွါလၢနမိၢ်နီၢ်အံၤစ့ဘ့ၤလးစးထီၣ် ဝဲအံၤန့ၣ်တၢ်ဃူတၢ်ဖိးအိၣ်ကသ့ဒ်လဲၣ်.”

လံာ်စီၤနဃ့မယၤ 5:17

လၢယစီၢ်နီၤခိၣ်န့ၣ်ထီဘိယဒုးအီၣ်ပှၤယူဒၤဖိဒီးအခိၣ်အနၢ် တဖၣ်တကယၤယဲၢ်ဆံဂၤအတၢ်အီၣ်ဒီးပှၤလၢအဟဲလၢထံကီၢ်လၢ ယကပိာ်ကပၤသ့ၣ်တဖၣ်ဒၣ်လဲာ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:6

နလီၤအဲၣ်လီၤကွံနးလဲၣ်, နဃံနလၤဒိၣ်မးလဲၣ် နတၢ်အဲၣ်လၢအမၤမုာ်လၤသးခုတၢ်န့ၣ်လၢပှဲၤဝဲဒၣ် ဒိၣ်မးလဲၣ်.

လံာ်ယံးရမံယၤ 23:13

ယထံၣ်ဘၣ်တ့ၢ်ကီၢ်ၡၤမရံအဝံတဖၣ်အတၢ်ဒဲးဘးလံ. အဝဲသ့ၣ်ကတိၤတ့ၢ်တၢ်လၢဘဧၤလးအမံၤအပူၤဒီးဆှၢဟးဖျိးကွံာ် ယပှၤဂီၢ်မုၢ်န့ၣ်လီၤ.

လံာ်ယံးရမံယၤ 46:18

ယၤ, ယွၤသ့တၢ်လၢာ်, ယမ့ၢ်စီၤပၤ, ယမ့ၢ်ကစၢ်ယွၤလၢ အမူဝဲလီၤ. ဒ်ကစၢၢ်တၤဘိၢ်ကစီၤထီၣ်ထီမးလၢကစၢၢ်တဖၣ်အဖီခိၣ်အသိး, ဒီးဒ်ကစၢၢ်ကၢ်မ့ၤလးအိၣ်ထီၣ်ထီဝဲလၢပီၣ်လဲၣ်အဖီခိၣ်အသိးန့ၣ်, ပှၤလၢအဒုးသုတဂၤအဂံၢ်အဘါ ကမ့ၢ်တၢ် ဒ်န့ၣ်အသိးလီၤ.

လံာ်ဧၤမိၣ် 1:2

ဒီးစီၤဧၤမိၣ်စံးဝဲဒၣ်, “ယွၤကိးသတြီထီၣ်လၢကစၢၢ်စံယိၣ်, ထုထီၣ်အကလုၢ်လၢဝ့ၢ်ယရူၤၡလ့ၣ်လီၤ. တၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲ ဒီးတပံၢ်တမါလၢကစၢၢ်ကၢ်မ့ၤလးအဒီခိၣ်ဃ့ထီကွံာ်ဝဲလီၤ.”

လံာ်ဧၤမိၣ် 9:3

အဝဲသ့ၣ်မ့ၢ်ပာ်ခူသူၣ်အသးလၢကစၢၢ်ကၢ်မ့ၤလးအဒီခိၣ်ဒၣ်လဲာ် ယကဃုထံၣ်အီၤဒီးဖီၣ်န့ၢ်အီၤလီၤ. အဝဲသ့ၣ်မ့ၢ်ပာ်တဒၢအသးလၢယမဲာ်ညါလၢပီၣ်လဲၣ်အခံဒးဒၣ်လဲာ် ယကမၤလိာ်ပီၣ်လဲၣ်အပယိၤအ့ၣ်အီၤန့ၣ်လီၤ.

လံာ်စီၤယိၤၡူ 19:26

အလးမ့လ့း, ဧၤမးဒီးမံၤၡ့လးန့ၣ်လီၤ. လၢမုၢ်နုာ်တခီထိးဘၣ်ကၢ်မ့ၤလးဒီးၡံဃိၢ်လံးဘနးလီၤ.

၂ ပ့းတရူး 2:1

လၢအပူၤကွံာ်ဝံအဘျၣ်တဖၣ်အိၣ်ထီၣ်လၢပှၤဂီၢ်မုၢ် အကျါ, ဒီးဒ်န့ၣ်အသိးသရၣ်အဘျၣ်တဖၣ်ကအိၣ်ထီၣ် လၢသုကျါန့ၣ်လီၤ. အဝဲသ့ၣ်ကဟဲစိာ်နုာ်တၢ်စူၢ်ကမၣ်နာ်ကမၣ်တဖၣ်လၢ ကမၤဟးဂီၤတၢ်, ဒီးအဝဲသ့ၣ်ကသမၢကစၢ်လၢအပှ့ၤက့ၤ အီၤ, သတးဒီးအဝဲသ့ၣ်ကဟဲစိာ်အတၢ်ဟးဂီၤဒၣ်ဝဲချ့ သဒံးန့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 2:20

ဘၣ်ဆၣ်ဒီး, ယပာ်တၢ်ကမၣ်လၢနလိၤအလီၢ်အိၣ်ဝဲတမံၤ ဒ်အံၤ, နတူၢ်လိာ်ပိာ်မုၣ်နီၢ်အံၤစ့ဘ့ၤလးလၢအကိးလီၤ အသးလၢကစၢ်ယွၤအကလူးဆှၢတၢ်ကစီၣ်တဂၤန့ၣ်လီၤ. ခီဖျိအဝဲအတၢ်သိၣ်လီၤသီလီၤန့ၣ်, အဝဲဒၣ်ဆှၢကမၣ်ယခ့ယပှၤတဖၣ်ဒ်သိးအကမၤကမၣ်မုၣ် ကမၣ်ခွါ, ဒီးအကအီၣ်တၢ်အီၣ်လၢအဘၣ်တၢ်လုၢ်ထီၣ်ပာ် ထီၣ်တ့ၢ်အီၤဆူတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:12

လၢမုၢ်ဆ့ၣ်ထီၣ်တနံၤဂီၤဂီၤန့ၣ်, အဝဲလဲၤထီၣ်ဒ်သိးကထံၣ်လိာ် စီၤစီလူးန့ၣ်လီၤ. အဝဲနၢ်ဟူဝဲလၢစီၤစီလူးလဲၤဆူဝ့ၢ်ကၢ်မ့ၤလး, ဖဲအတ့ထီၣ်ကစၢ်ဒၣ်ဝဲအဂီၤလၢလၢၢ်ထူၣ်အလီၢ်န့ၣ်, ဝံၤဒီးလဲၤဝဲဆူဝ့ၢ်ကံးလကၤလးန့ၣ်လီၤ.