လံာ်စီၤပၤအခီၣ်ထံးတဘ့ၣ် 18:17 - Sgaw Karen Common Bible

¹⁷ ဖဲစီၤအၤဃာ်ထံၣ်ဘၣ်အီၤန့ၣ်အဝဲစံးဝဲ, “အိမ့ၢ်နၤ, ပှၤမၤကိၢ်မၤဂီၤတၢ်အဒိၣ်ကတၢၢ်လၢကီၢ်အံၣ်စရ့လးအပူၤန့ၣ်ဧါ.”

လံာ်စီၤပၤအခီၣ်ထံးတဘ့ၣ် 18:17 Iomraidhean Croise

လံာ်စီၤပၤအခီၣ်ထံးတဘ့ၣ် 18:16

လၢတၢ်န့ၣ်အဃိစီၤဧိၤဘါဒယၤလဲၤဃီၤဆူစီၤပၤအၤဃာ်အအိၣ် ဒီးတဲအီၤ, ဒီးစီၤအၤဃာ်ဟးထီၣ်လၢကလဲၤထံၣ်စီၤအ့ၤလံယၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:20

တုၤစီၤအၤဃာ်ထံၣ်ဘၣ်စီၤအ့ၤလံယၤန့ၣ်, အဝဲစံးဝဲ, “ယဒုၣ်ယဒါဧၢ, မ့ၢ်နချုးန့ၢ်ယၤလံဧါ.” စီၤအ့ၤလံယၤစံးဆၢဝဲ, “မ့ၢ်ယချုးန့ၢ်နၤလံ. နဟ့ၣ်လီၤတ့ၢ်လံနသးလၢာ်လၢာ်ဆ့ဆ့လၢနကမၤတၢ်လၢအကမၣ်လၢယွၤ အမဲာ်ညါန့ၣ်လီၤ.

လံာ်ယံးရမံယၤ 38:4

အန့ၣ်ဒီး, ပဒိၣ်ပပှၢ်တဖၣ် လဲၤဆူစီၤပၤအအိၣ်ဒီး စံးဝဲ, “ပှၤတဂၤအံၤ ကြၢးဘၣ်တၢ်မၤသံအီၤလီၤ. မ့ၢ်လၢအဝဲဒၣ် ကတိၤတၢ်ဒ်သိးအံၤအဃိန့ၣ်, အဝဲမၤလီၤမၢ်ကွံာ် ပှၤသုးဖိလၢအအိၣ်လၢ ဝ့ၢ်ပူၤတဖၣ် အတၢ်သးဒူန့ၣ်လီၤ. ဒီးအဝဲမၤတၢ်တမံၤအံၤဆူ ပှၤအဂၤခဲလၢာ်လၢ အအိၣ်လီၤ တဲာ်လၢ ဝ့ၢ်အံၤအပူၤန့ၣ်လီၤ. အဝဲတကျဲးစၢးမၤစၢၤပှၤဂီၢ်မုၢ် ဘၣ်. အဝဲအဲၣ်ဒိးမၤဘၣ်ဒိဘၣ်ထံး ထဲအဝဲသ့ၣ်တခီန့ၣ်လီၤ.”

လံာ်ဧၤမိၣ် 7:10

ဒီးစီၤအမၤစယါ, ဝ့ၢ်ဘ့ၤသ့လးအပှၤလုၢ်တၢ်အခိၣ်ဆှၢလီၤတၢ် ကစီၣ်ဆူအံၣ်စရ့လးအစီၤပၤစီၤယၤရၤဘၣ်အအိၣ်ဒီးစံးဝဲဒၣ်, စီၤဧၤမိၣ်ကူၣ်ထီၣ်တၢ်အၢထီဒါနၤလၢအံၣ်စရ့လးဖိအကျါလီၤ. အတၢ်ကတိၤတဖၣ်ကမၤဟးဂီၤကွံာ်ထံကီၢ်န့ၣ်လီၤ.

မၤတၢ် 16:20

အဝဲသ့ၣ်ဆှၢထီၣ်စီၤပီလူးဒီးစီၤစံလၤဆူရိမ့ၤအစံၣ် ညီၣ်ကွီၢ်တဖၣ်အမဲာ်ညါဒီးစံးဝဲ, “ပှၤတဖၣ်အံၤမ့ၢ်ပှၤယူဒၤဖိ, ဒီးမၤတၢထီၣ်တၢလီၤတၢ်လၢပဝ့ၢ်ပူၤလီၤ.

မၤတၢ် 17:6

ဘၣ်ဆၣ်ဒီးဖဲအတထံၣ်အဝဲသ့ၣ်န့ၣ်, တွံၢ်ထီၣ်စီၤယါစီၣ်ဒီးအပျဲၢ်အဘီၣ်အဂၤတနီၤဆူဝ့ၢ်အကီၣ် ကးအမဲာ်ညါဒီးကိးပသူထီၣ်ဝဲ, “ပှၤသ့ၣ်တဖၣ်အံၤမၤတၢထီၣ်တၢလီၤတၢ်သကုၤဆးဒး လီၤ. ခဲကနံၣ်အံၤအဝဲသ့ၣ်ဟဲတုၤပဝ့ၢ်ပူၤလံ.

မၤတၢ် 24:5

ပထံၣ်ဘၣ်ပှၤတဂၤအံၤလၢအမ့ၢ်ပှၤမၤတံာ်တာ်တၢ်လၢ အလီၤပျံၤလီၤဖုးတဂၤန့ၣ်လီၤ. အဝဲဒုးအိၣ်ထီၣ်တၢ်တၢထီၣ်တၢလီၤလၢပှၤယူဒၤဖိတဖၣ် အသိးအကျါသကုၤဟီၣ်ခိၣ်ဒီဘ့ၣ်ညါဒီးမ့ၢ်ဝဲပှၤနစၤရ့းဖိကရၢ အခိၣ်တဂၤလီၤ.

လံာ်စီၤယိၤၡူ 7:25

ဒီးစီၤယိၤၡူစံးဝဲဒၣ်, “ဘၣ်မနုၤအဃိနဟဲစိာ်တၢ်ကီတၢ်ခဲလၢပဂီၢ်န့ၣ်လဲၣ်. အခဲအံၤယွၤကဟဲစိာ်တၢ်ကီတၢ်ခဲလၢနဂီၢ်န့ၣ်လီၤ.” အန့ၣ်ဒီးပှၤအံၣ်စရ့လးဖိခဲလၢာ်ကွံာ်သံအီၤလၢလၢၢ်န့ၣ်လီၤ. အဝဲသ့ၣ်ကွံာ်သံဒီးဒွဲၣ်အူထီၣ်ကွံာ်အဒူၣ်ဖိထၢဖိ ဒီးအတၢ်ဖိတၢ်လံၤခဲလၢာ်ခဲဆ့န့ၣ်လီၤ.