လံာ်စီၤပၤအခီၣ်ထံးတဘ့ၣ် 18:10 - Sgaw Karen Common Bible

¹⁰ လၢယွၤ, နကစၢ်ယွၤလၢအမူဝဲတဂၤအမံၤအပူၤန့ၣ်, ယဆိၣ်လီၤယသးလၢစီၤပၤကွၢ်ဃုနၤလၢထံကီၢ်ကိးဘ့ၣ်ဒဲးအပူၤ လၢဟီၣ်ခိၣ်ချၢန့ၣ်လီၤ. တဘျီလၢ်လၢ်ဖဲထံကီၢ်တဘ့ၣ်အစီၤပၤပာ်ဖျါဝဲလၢနတအိၣ်ဘၣ်လၢ အဝဲအထံကီၢ်အပူၤန့ၣ်, စီၤပၤအၤဃာ်ကဃ့စီၤပၤအဝဲန့ၣ်လၢကဆိၣ်လီၤအသး, လၢတၢ်တထံၣ်န့ၢ်ဘၣ်နၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:10 Iomraidhean Croise

လံာ်စီၤပၤအခီၣ်ထံးတဘ့ၣ် 1:29

အန့ၣ်ဝံၤဒီးအဝဲစံးဘၣ်အီၤ, “ယအၢၣ်လီၤနၤလၢယွၤလၢအမူဝဲ လၢအမၤပူၤဖျဲးတ့ၢ်ယၤလၢကယဲၢ်ယတၢ်ကိၢ်တၢ်ဂီၤခဲလၢာ်တဂၤ အမံၤအပူၤ,

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤပၤအခီၣ်ထံးတဘ့ၣ် 17:12

မုၣ်ကမဲစံးဆၢအီၤ, “ယဆိၣ်လီၤယသးလၢယွၤ, နကစၢ်လၢအမူဝဲတဂၤအမံၤအပူၤလၢယတအိၣ်ဒီးကိၣ်နီတစဲးဘၣ်. တၢ်လၢအအိၣ်ဒီးယၤခဲလၢာ်န့ၣ်မ့ၢ်ဒၣ်ကိၣ်ကမူၣ်တစှီၤလၢလီခီ တဖျၢၣ်အပူၤဒီးသ့ၣ်စၤယံးအသိတစဲးဖိလၢကိတဖျၢၣ်အပူၤန့ၣ် လီၤ. ယဟဲတ့ၢ်ဖဲအံၤဒ်သိးယကထၢဖှိၣ်သ့ၣ်မုၣ်တနီၤလၢယကက့ၤစိာ်ဆူ ဟံၣ်ဒီးကတဲာ်ကတီၤတၢ်လၢအအိၣ်ဒီးယၤတစဲးဖိအံၤလၢယဖိခွါ ဒီးယၤအဂီၢ်န့ၣ်လီၤ. တၢ်န့ၣ်မ့ၢ်ပတၢ်အီၣ်လၢခံကတၢၢ်ဝံၤဒီးပကလီၤဒိသံကွံာ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 17:5

စီၤအ့ၤလံယၤစူၢ်ဝဲယွၤအတၢ်မၤလိာ်ဒီးလဲၤအိၣ်ဝဲဖဲထံကျိ ဖိကရံသးအကပၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 17:9

“ခဲကနံၣ်အံၤ, လဲၤဆူဝ့ၢ်စၤရဖၤသးဘူးဒီးဝ့ၢ်စံဒိၣ်ဒီး အိၣ်ဖဲန့ၣ်တက့ၢ်. ယမၤလိာ်တ့ၢ်လံမုၣ်ကမဲတဂၤလၢအအိၣ်ဖဲန့ၣ်ဒ်သိးကလုၢ်အီၣ်နၤ လီၤ.”

လံာ်စီၤပၤအခီၣ်ထံးတဘ့ၣ် 18:11

ဒီးခဲကနံၣ်အံၤနသးအိၣ်လၢယကလဲၤဒီးတဲအီၤလၢနအိၣ်ဖဲ အံၤန့ၣ်ဧါ.

လံာ်စီၤပၤအခီၣ်ထံးတဘ့ၣ် 18:15

စီၤအ့ၤလံယၤစံးဆၢဝဲ, “လၢယွၤသ့တၢ်လၢာ်ကစၢ်လၢအမူဝဲ ဒီးယမၤအတၢ်တဂၤအမံၤအပူၤန့ၣ်, ယအၢၣ်လီၤယသးလၢယကလဲၤဒုးနဲၣ် ဖျါယသးလၢစီၤပၤတနံၤအံၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 18:9

စီၤဧိၤဘါဒယၤစံးဆၢဝဲ, “မ့ၢ်ယမၤတ့ၢ်တၢ်မနုၤတမံၤလၢ နကအဲၣ်ဒိးဒုးလီၤဘၣ်ယၤလၢတၢ်ကီတၢ်ခဲအပူၤလၢစီၤပၤအၤဃာ် ကမၤသံကွံာ်ယၤန့ၣ်လဲၣ်.

လံာ်စီၤပၤအခီၣ်ထံးတဘ့ၣ် 2:24

ယွၤပာ်လီၤယၤဂၢၢ်ဂၢၢ်ကျၢၤကျၢၤလၢယပၢ်စီၤဒၤဝံးအလီၢ်ပစိာ် အဖီခိၣ်န့ၣ်လီၤ. အဝဲဟံးဃာ်အတၢ်အၢၣ်လီၤ, ဒီးဟ့ၣ်လီၤယၤဒီးယစၢၤယသွဲၣ်တဖၣ်လၢ ဘီမုၢ်န့ၣ်လီၤ. ယဆိၣ်တၢ်လၢယွၤလၢအမူဝဲတဂၤအမံၤအပူၤလၢစီၤအဒိနံၤယၤကသံ ဝဲတနံၤအံၤဒၣ်လဲာ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:14

ဘၣ်ဆၣ်စီၤမံၤကါယၤစံးဆၢဝဲ, “လၢယွၤလၢအမူဝဲတဂၤအမံၤ အပူၤန့ၣ်ယအၢၣ်လီၤလၢယကစံးတၢ်လၢအမၢယတဲန့ၣ်လီၤ.”

စံးထီၣ်ပတြၢၤ 10:2

ပှၤတတီတလိၤပာ်ကဖိအသးဒီး မၤနးမၤဖှီၣ်ပှၤဖှီၣ်ဖိယာ်ဖိ, ဒီးဖီၣ်န့ၢ်အီၤလၢအဝဲသ့ၣ်အတၢ်ကူၣ်အၢ အပျံၤသကွီၤအပူၤန့ၣ်လီၤ.

စံးထီၣ်ပတြၢၤ 31:20

နပာ်တဒၢအဝဲသ့ၣ်လၢတၢ်ပူၤဖျဲးအလီၢ်လၢနမဲာ်ညါ, လၢပှၤကညီအတၢ်ကူၣ်တဖၣ်, နပၢၤဃာ်အဝဲသ့ၣ်လၢနဒဲအပူၤ, လၢအဒုၣ်အဒါသ့ၣ်တဖၣ် အတၢ်ကတိၤဒုၣ်ဒွဲၣ်န့ၣ်လီၤ.

စံးထီၣ်ပတြၢၤ 91:1

ပှၤလၢအအိၣ်ဝဲဆိးဝဲလၢ တၢ်ထီကတၢၢ်တဂၤအလီၢ်တဒၢ, ဒီးအိၣ်ဝဲလၢတၢ်သ့တၢ်လၢာ်အကဒုပူၤန့ၣ်,

လံာ်ယံးရမံယၤ 36:19

အန့ၣ်ဒီး အဝဲသ့ၣ်စံးဘၣ်အီၤ, “နၤဒီးစီၤယံးရမံၤယၤ ကဘၣ်လဲၤဒီး အိၣ်ခူသူၣ်လီၤ. သုအိၣ်ဖဲလဲၣ်န့ၣ်, တဘၣ်ဒုးသ့ၣ်ညါပှၤနီတဂၤတဂ့ၤ.”

လံာ်ယံးရမံယၤ 36:26

အန့ၣ်ဝံၤဒီး, စီၤပၤခါလီၤအကလုၢ်ဆူ စီၤပၤဖိခွါစီၤယရၤဃမအ့လး, ဃုာ်ဒီးစီၤဧၤစရံၤအ့လးအဖိခွါစီၤစရါယၤ ဒီၤစီၤဧၤဘံးဒ့လးအဖိခွါ စီၤၡလ့မယၤဒ်သိး ယကဖီၣ်ယၤဒီး အပှၤကွဲးလံာ်စီၤဘၤရူးန့ၣ်လီၤ. ဘၣ်ဆၣ်ယွၤပာ်ခူသူၣ်ပှၤန့ၣ်လီၤ.

လံာ်ယိၤဟၣ် 8:59

ထဲန့ၣ်ဒီး, အဝဲသ့ၣ်ထၢထီၣ်လၢၢ်တဖၣ်လၢကကွံာ်အီၤ အဂီၢ်, ဘၣ်ဆၣ်ယ့ၣ်ၡူးပာ်ခူသူၣ်အသးဒီး ဟးထီၣ်ကွံာ်လၢတၢ်လုၢ်ဟံၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:23

ဃုထံၣ်တၢ်လီၢ်လၢအအိၣ်ခူသူၣ်ဝဲန့ၣ်လီၤတံၢ်လီၤဆဲးဒီးမၤ လီၤတံၢ်လၢသုကဟဲစိာ်က့ၤတၢ်ပာ်ဖျါက့ၤဆူယအိၣ်တဘျီ ဃီန့ၣ်တက့ၢ်. အန့ၣ်တစု, ယကလဲၤဃုာ်ဒီးသုဒီးအဝဲမ့ၢ်အိၣ်ဒံးဖဲန့ၣ် လၢလီၢ်ကဝီၤန့ၣ်ဒီးယကလဲၤဃုန့ၢ်အီၤဒီးယမ့ၢ်ဘၣ်ဃုန့ၢ်အီၤလၢကီၢ်ယူဒၤဒီကီၢ်ညါဒၣ်လဲာ်န့ၣ်ယကဃုထံၣ်န့ၢ်အီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 29:6

စီၤအၤကံၣ်ကိးစီၤဒၤဝံးဒီးစံးဘၣ်အီၤ, “ယဆိၣ်တၢ်ခီဖျိကီၢ်အံၣ်စရ့လးအကစၢ်ယွၤလၢအမူဝဲတဂၤအမံၤ လၢနသူၣ်တီသးလိၤတ့ၢ်ဒီးယၤ ဒီးယဘၣ်သူၣ်ဘၣ်သးလၢနကလဲၤဃုာ်ဒီးယၤဒီးဒုးတၢ်လၢတၢ်ဒုးအံၤအပူၤန့ၣ်လီၤ. စးထီၣ်မုၢ်တနံၤလၢနဟဲဆူယအိၣ်န့ၣ်ယတထံၣ်န့ၣ်တ့ၢ်တၢ်ကမၣ်လၢ နပူၤနီတမံၤဘၣ်. ဘၣ်ဆၣ်ဒီးစီၤပၤအဂၤတဖၣ်န့ၣ်တဘၣ်သူၣ်ဘၣ်သးလၢနၤဘၣ်.