လံာ်စီၤပၤအခီၣ်ထံးတဘ့ၣ် 17:4 - Sgaw Karen Common Bible

⁴ ထံကျိဖိကဟ့ၣ်ထီၣ်နၤလၢထံလၢနကအီအဂီၢ်ဒီးယမၤလိာ်တ့ၢ်စိး ဝၣ်ဃးတဖၣ်လၢကဟဲစိာ်န့ၢ်နၤတၢ်အီၣ်ဖဲန့ၣ်လီၤ.”

လံာ်စီၤပၤအခီၣ်ထံးတဘ့ၣ် 17:4 Iomraidhean Croise

လံာ်စီၤပၤအခီၣ်ထံးတဘ့ၣ် 13:28

ဒီးအဝဲဒိးထီၣ်ကသ့ၣ်ယီၤဒီးဟးထီၣ်, ဒီးထံၣ်ဘၣ်ဝဲဝံအစိၣ် န့ၣ်အိၣ်မံလီၤလၢကျဲအဖီခိၣ်, အိၣ်ဒီးကသ့ၣ်ယီၤဒီးခ့ယုၢ်ဆၢထၢၣ်ဒံးဒၣ်ဖဲအဃၢၤန့ၣ်လီၤ. ခ့ယုၢ်တအီၣ်ကွံာ်ဘၣ်တၢ်စိၣ်မ့ၢ်ဂ့ၤမၤဒၢၣ်ကသ့ၣ်ယီၤမ့ၢ်ဂ့ၤ, န့ၣ်ဘၣ်.

လံာ်စီၤပၤအခီၣ်ထံးတဘ့ၣ် 17:3

“ဟးထီၣ်ကွံာ်လၢတၢ်လီၢ်အံၤဒီးလဲၤဆူမုၢ်ထီၣ်ဒီးပာ်တဒၢ နသးဘူးဒီးထံကျိဖိကရံသးအနံၤလၢထံကျိယၢ်ဒ့ၣ်အမုၢ်ထီၣ် န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 17:5

စီၤအ့ၤလံယၤစူၢ်ဝဲယွၤအတၢ်မၤလိာ်ဒီးလဲၤအိၣ်ဝဲဖဲထံကျိ ဖိကရံသးအကပၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 17:9

“ခဲကနံၣ်အံၤ, လဲၤဆူဝ့ၢ်စၤရဖၤသးဘူးဒီးဝ့ၢ်စံဒိၣ်ဒီး အိၣ်ဖဲန့ၣ်တက့ၢ်. ယမၤလိာ်တ့ၢ်လံမုၣ်ကမဲတဂၤလၢအအိၣ်ဖဲန့ၣ်ဒ်သိးကလုၢ်အီၣ်နၤ လီၤ.”

လံာ်စီၤယိၤဘး 34:29

တုၤမ့ၢ်ကစၢ်ယွၤပာ်လီၤအသးလၢကအိၣ်ဘှ့ၣ်အိၣ်ဘှီၣ်ဒီး မတၤပာ်တၢ်ကမၣ်လၢအလိၤသ့တဂၤလဲၣ်. တုၤအပာ် သဒၢအမဲာ်ဒီးမတၤထံၣ်အီၤကသ့တဂၤလဲၣ်.

လံာ်စီၤယိၤဘး 38:41

မတၤဒုးအီၣ်စိးဝၣ်ဃးတဖၣ်လၢတၢ်အီၣ်ဖဲအဝဲသ့ၣ်ယူၤဝ့ၤဝီၤ လၢတၢ်သူၣ်ဝံၤသၣ်စ့ၤဒီးဖဲအဖိတဖၣ်ကိးထီၣ်ကစၢ်ယွၤ လၢတၢ်အီၣ်အဂီၢ်န့ၣ်လဲၣ်.

စံးထီၣ်ပတြၢၤ 147:9

အဝဲဟ့ၣ်လီၤတၢ်အီၣ်လၢဆၣ်ဖိကီၢ်ဖိအဂီၢ်, ဒီးဘုၣ်အီၣ်စိးဝၣ်ဃးဖိလၢအကိးထီၣ်န့ၣ်လီၤ.

လံာ်ယိၤနါ 2:1

တုၤနုၤတစု, စီၤယိၤနါဃ့ဘါထုကဖၣ်တၢ်ဆူယွၤ, အကစၢ်ယွၤအအိၣ်လၢညၣ်အဟၢဖၢအပူၤ,

လံာ်တၢ်ဂံၢ် 20:8

“ဟံးန့ၢ်နီၣ်ထိးဘိတဘိလၢအအိၣ်လၢတၢ်အၢၣ်လီၤအီလီၤ တလါအမဲာ်ညါဝံၤဒီးနဲဒၣ်ဒီးစီၤအၤဟရိၣ်ကိးဖှိၣ်ပှၤဂီၢ်မုၢ်ဒီ ဖုညါတက့ၢ်. ဖဲန့ၣ်လၢအဝဲသ့ၣ်ခဲလၢာ်အမဲာ်ညါန့ၣ်, ကတိၤတၢ်ဆူလ့လၢအအိၣ်ဖဲန့ၣ်အအိၣ်ဒီးထံကပုာ်ထီၣ်ယွၤလီၤလၢ အပူၤန့ၣ်လီၤ. လၢကျဲဒ်သိးအံၤန့ၣ်နကဒုးဖျိးထီၣ်ထံလၢလ့ အအိပူၤလၢပှၤဂီၢ်မုၢ်အဂီၢ်လၢအဝဲသ့ၣ်ဒီးအဆၣ်ဖိကီၢ်ဖိတဖၣ် ကအိဘၣ်ဝဲအဂီၢ်န့ၣ်လီၤ.”

လံာ်မးသဲ 4:11

အန့ၣ်ဒီးမုၣ်ကီၤလံၢ်ဟးဖးဒီးယ့ၣ်ၡူးဒီးကလူးတဖၣ်ဟဲ ဒီးမၤတၢ်အခ့အပှၤအတၢ်မၤလၢအဂီၢ်လီၤ.

လံာ်မးသဲ 4:4

ဘၣ်ဆၣ်ဒီး ယ့ၣ်ၡူးစံးဆၢအီၤ, “တၢ်ကွဲးအသးစံးဝဲ, ‘ပှၤကညီတမူဝဲထဲလၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢအထီၣ်ဖျဲးလၢကစၢ်ယွၤအထးခိၣ် ကိးထံၣ်ကိးဘီဒဲးလီၤ’ ” (သိၣ်သီ. ၈:၃).