လံာ်စီၤပၤအခီၣ်ထံးတဘ့ၣ် 17:20 - Sgaw Karen Common Bible

²⁰ အန့ၣ်ဝံၤဒီးအဝဲဘါထုကဖၣ်တၢ်လၢအကလုၢ်ဖးဒိၣ်, “အိယွၤ, ယကစၢ်ယွၤဧၢ, ဘၣ်မနုၤအဃိလၢနမၤဘၣ်တၢ်နးနးကလဲာ် တမံၤအံၤဆူမုၣ်ကမဲတဂၤအံၤန့ၣ်လဲၣ်. အဝဲသးကညီၤတၢ်တုၤဒၣ်လဲာ်လၢအအံးထွဲကွၢ်ထွဲယၤ, ဒီးခဲအံၤနမၤသံအဖိခွါလီၤဧါ.”

လံာ်စီၤပၤအခီၣ်ထံးတဘ့ၣ် 17:20 Iomraidhean Croise

လံာ်တၢ်ကဲထီၣ်အခီၣ်ထံး 38:10

တၢ်လၢအမၤတ့ၢ်ဝဲန့ၣ်တဘၣ်ယွၤအသးဘၣ်အဃိယွၤမၤသံ ကွံာ်စ့ၢ်ကီးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 38:7

စီၤအ့ၢ်အသကဲးပဝးအၢဝဲသီဝဲဒီးမ့ၢ်တၢ်လၢတဘၣ်ယွၤအသးအဃိ ယွၤမၤသံကွံာ်အီၤလီၤ.

လံာ်စီၤပၤအခီၣ်ထံးတဘ့ၣ် 17:19

စီၤအ့ၤလံယၤစံးဝဲ, “ဟ့ၣ်ဃီၤယၤလၢဖိသၣ်ပိာ်ခွါတ က့ၢ်.” အဝဲဟံးထီၣ်ဖိသၣ်ပိာ်ခွါလၢအမိၢ်အစုတီၤလိၤဒီးလဲၤစိာ်ဝဲဆူ ဒၢးလၢထးခီဖဲအအိၣ်ဝဲအလီၢ်ဒီးပာ်လီၤအီၤလၢလီၢ်မံအဖီ ခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 17:21

အန့ၣ်ဒီး, စီၤအ့ၤလံယၤစူၣ်မံလီၤအသးလၢဖိသၣ်အဖီခိၣ်သၢ ဘျီဒီးဘါထုကဖၣ်ဝဲ, “အိယွၤ, ယကစၢ်ယွၤဧၢ, ဟ့ၣ်ကဒါက့ၤဖိသၣ်အံၤအသးသမူတက့ၢ်.”

လံာ်စီၤပၤခံဘ့ၣ်တဘ့ၣ် 19:15

ဒီးဃ့ဘါထုကဖၣ်ဝဲဒ်အံၤ, “အိယွၤ, ကီၢ်အံၣ်စရ့လးအကစၢ်ယွၤ, လၢအဆ့ၣ်နီၤဝဲလၢလီၢ်ပစိာ်အိၣ်ဝဲလၢခ့ရူၢ်တဖၣ်အလိၤ တဂၤဧၢ, နမ့ၢ်နဲကစၢ်ယွၤထဲတဂၤဧိၤ, လၢကပၢကယဲၢ်ဘီမုၢ်ခဲလၢာ်လၢဟီၣ်ခိၣ်ချၢန့ၣ်လီၤ. နတ့လီၤပာ်လီၤဟီၣ်ခိၣ်ဒီးမူကပိာ်လိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:4

ကီၢ်အၤၡူၢ်အစီၤပၤဖးဒိၣ်ဆှၢလီၤအပှၤသုးခိၣ်ဖးဒိၣ်အဒိၣ် ကတၢၢ်ဒ်သိးကဒုၣ်ဒွဲၣ်ကစၢ်ယွၤလၢအမူဝဲတဂၤန့ၣ်လီၤ. မ်ယွၤ, နကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်ဒီးစံၣ်ညီၣ်ပှၤတဖၣ်လၢ အစံးတ့ၢ်တၢ်န့ၣ်တက့ၢ်. မၤသးဒ်န့ၣ်ဒီး, ဃ့ဘါထုကဖၣ်ဆူယွၤလၢပပှၤဂီၢ်မုၢ်လၢအအိၣ်လီၤတဲာ်ဒံးတဖၣ် အဂီၢ်န့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 20:11

စီၤယၡါယၤဃ့ဘါထုကဖၣ်တၢ်ဆူယွၤ, ဒီးယွၤဒုးက့ၤကဒါက့ၤ တၢ်ကဒုအတီၤတဆံလၢမုၢ်အနၣ်ရံၣ်လၢစီၤပၤအၤဃးမၤထီၣ်တ့ၢ် အီၤအလိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:33

စီၤအလံၤၡါကးတံာ်ပဲတြီဝံၤဘါထုကဖၣ်တၢ်ဆူယွၤအအိၣ်န့ၣ်လီၤ.

စံးထီၣ်ပတြၢၤ 99:6

စီၤမိၤၡ့ဒီး စီၤအၤဟရိၣ်မ့ၢ် အပှၤလုၢ်တၢ်အခိၣ်တဖၣ်, ဒီးစီၤၡမူၤအ့လးမ့ၢ် ပှၤတဂၤလၢ အဘါထုကဖၣ်တၢ်ဆူအီၤလီၤ. အဝဲသ့ၣ်ကိးထီၣ်ယွၤဒီး အဝဲဒၣ်စံးဆၢအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 17:4

ဒီးစီၤမိၤၡ့ဘါထုကဖၣ်တၢ်ဆူယွၤအအိၣ်သပှၢ်ပှၢ်ဒီးစံး, “ယကမၤပှၤဂီၢ်မုၢ်အံၤဒ်လဲၣ်. အဝဲသ့ၣ်အိၣ်ကတဲာ်ကတီၤလံအသးလၢကကွံာ်သံယၤလၢလၢၢ်န့ၣ်လီၤ.”

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်မးသဲ 17:21

(ဘၣ်ဆၣ်ဒီး, ထဲလၢတၢ်ထုကဖၣ်ယွၤဒီးတၢ်ဒုၣ်တၢ်အီၣ်ဧိၤန့ၣ်, ပှၤနီၣ်ထီၣ်တၢ်နါဒ်သိးအံၤသ့ဝဲလီၤ.)”

လံာ်မးသဲ 21:22

သုမ့ၢ်နာ်တၢ်ဒီးတၢ်လၢသုဃ့ယွၤလၢသုတၢ်ထုကဖၣ်အပူၤန့ၣ်, သုကဒိးန့ၢ်ဘၣ်အီၤလီၤ.”